 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
25-03-2005, 11:17 PM
|
#11 |
|
من مؤسسين روائع
  |
يعطيك ربي الصحة والعافية عمه تووفي مجهود رائع وجبار تشكرين عليه بصراحه شدتني القصة كثيراً رغم اني ما قريتها كامله ...الجزء الاول بس واكثر ما اعجبني موقف ريم مع نواف ههههههههههههههههههههههههه راح اكمل القصة ...وفي انتظار بقية الاجزاء لكي مني كل الشكر عمه تووفي آخر تحرير بواسطة أمير الذوق : 25-03-2005 الساعة 11:25 PM. السبب: ما عرفت اوضح اعجابي بالقصة |
|
|
|
26-03-2005, 08:04 AM
|
#12 |
|
عضو رائع
 |
(*40) (*40) شكـــــــرا دكتــور الله لايحرمنا منك ومن ردودك = = = = = = = = جموووونه مشكوووره عسل على متابعتك ولا تخافين إن شالله ماراح اقطع بنزّل الأجزاء بشكل دوري بس انتم لاتقطعونا من ردودكم لانها تهمني واذا على المواقف الاليمه هذي لازم لانها بهارات القصه والا آخر جزء كتبته مافي شي يبتسي وانا اختس ومشكووووره على المتابعه اهم شي تعجبك ورضاكم يهمني يالغلا = = = = = = = = = = = أمير الذوووق مشكووووور اخوي المهم يالغالي رضاكم.. ترى ماعندي غيركم لاتحرمنا من وجودك ترى القصه بكم تكمل تسلم عالرد = = = = = = = = = = = |
|
|
|
|
26-03-2005, 08:18 AM
|
#13 |
|
عضو رائع
|
عشانـــكم حبايبي
هذا الجزء واتمنى يعجبكم.. بعد ثلاث اسابيع.. مرت الفتره اللي راحت بكل هدووء يتخللها قلق وشد أعصاب عشان الإمتحانات اللي الجميع يتعب منها..سواء اهل والا طلاّب..الكل يتأزّم مع الإمتحانات.. بس الحمدالله عدّت على خير..والجمييع نجح..اللي جاب درجات تشرّف واللي عدّا مرحله كان يعتبرها صعبه بس المهم انه عدّاها.. طلاب المدارس انتقلوا للتيرم الثاني..وطلاب الجامعات انتقلوا لمستويات أعلى.. واللي خلاص تخرّج مثل غاده..واللي وضعه مستقر في وظيفته ولا جديد مثل منصور.. وش اللي ينتظر هالإثنين في المستقبل القريب..وهل بيتقبلونه وبترضخ قلوبهم والا بيوقفون للأقدار..الله اعلم.. = = = = منصور من بعد ماكللم اخوه في الموضوع مافتحه معاه من جديد وإن كان يتهرّب من خالد..سلطانه كل يوم تسأل خالد وخالد يقولها اصبري..خالد كان في راسه شي وهو عارف الزوبعه اللي يمر فيها اخوه.. هو يدر يانه اخوه مافكر في وبكلامه فتح عليه باب انه يلاحظ حياته كيف ماشيه.. وكيف بتكون بوجود حرمه تشاركه الصغيره قبل الكبيره فكان يهدّي الوضع ومخللي اخوه يطبخ رايه على نار هاديه لأنه شبه متأكد إنه منصور بيجيه وبيقوله انا قررت اعرس.. حياته ماتنطاق صراحه.. حياة العزابيه العاطلين يمكن تكون مليانه اكثر منه.. منصور كان يعيش في صراع مع نفسه نقدر نقول.. صار يتخيل حرمه ف يالبيت وكيف بتكون حياته ووشلون تقلب البيت.. يتذكر على حياة امه..الله يرحمها كيف للبيت حس مع انه ماكان فيه الا هو واخوه محمد اللي اكبر منه وزوجته وابوه الله يرحمه محمد طلع بعد ماكثروا عياله وامه توفت وابوه لحقها وفضى البيت.. يقارن بين البيت على حياة امه ووجود لولوه مرت محمد كيف البيت له حس فيه حياة فيه احد يتابع اموره..وحالة البيت الآن..مجالس في البيت ماانفتحت من شهور..الا للتنظيف.. غرف واثاث يبيله تغيير..البيت يعيش حالة احتضار..البيت وسيع..ومايسكنه الا شخصين.. واحد في الملحق الي هو احسان ومنصور الي له جناح فوق وبسسس حس انه قدر يحط رجله في ارض ثابته بالنسبه للموضوع..ويمكن ثبّتها بعد.. على هاالكلام..طلع من البيت..وراح بيمر ولد اخوه بندر بيطلع هو واياه كان نفسيّا مرتاح.. بس يتجاهل سبب هالراحه..ويعزيها لنومته بدري..مع انه نومته ماتغير فيها شي.. بيت سلطانه.. الدكه الخارجيه.. كانت فيه ريم تجهّز الجلسه هناك وطبعا جو اخوانها يلعبون في الحوش راحت للمطبخ بتجيب الشاهي والقهوه مشتهيه تجلس برا اليوم الجو حلووو وفيه براد لذيذ يميل الدفا اكثر راحت المطبخ تجهّز الصياني..ويرن جوّالها بصوتها هي وبنات خالاتها يطقون ويغنون جماعي اصواتهم مو واضحه كلها صراخ هي حاطه النغمه هذي لبنات خالاتها وابتسمت لمّا سمعت النغمه طلعته من جيبها رفيقة دربي تتصل بك وابتسمت زوووود هذي هيّووف بنت خالتها ريم: هلا وغلا هيفا: هلاوين بدري وينك ماتردين؟ ريم: مبسوطه على اصواتنا بالطق ههههههههه هيفا: يووووه انتي الى الحين والله إزعاج مااقدر اسمعها احس نشاز والله ريم: بس ونااسه اخبارك؟ هيفا: الحمدلله مبسوطه انتي كيفك؟ ريم: اززقح وش اخبار الاخوان وخالتي والاهل جميعا؟ هيفا: كوووووولهم طيبين بس مسكين نوّاف مفلوز ريم: سم الله عليه سلامته هيفا: احسن يلوفح في الهوا ومايلبس ريم: وجع انتي اخوك ياربي مفترسه هيفا: هههههههههههههه ماعلينا..وش عندكم وش ماعندكم؟ ريم: اببببد عطله وسهر ونوم مافي جديد الا خالاتي موب ناويين يجتمعون ترى والله مللينا؟ هيفا: هوّ..مادريتي اليوم فيه اجتماع فبيت اهلي ريم: والله حلووو من بيجي هيفا: كل خالاتي باستثناء خالي فهد معزومين ريم: اهااا كويس هيفا: اقول ريّووم وش اخبار عمك منصور ريم: هههههههههههههههههههه تصدقين من عقب هذاك اليوم لمّا سألت امي وماعطتني وجه ماعاد فتحت الموضوع..تهقينه جد؟ هيفا: ماادري بس اليوم سمعت امي تكللم امك..وشكل الموضوع فيه عرقله ريم: تهقين ريم ماوافقت؟؟والا عمي؟ هيفا: لا مااتوقع عمك شكله هو اللي يبي والا هو رجال محد غاصبه عالعرس هو اذا يبي بيفتح الموضوع ريم: طيب اذا بيعرس ليش غاده بالذات يغيرون يمكن نصيبها مو معه هيفا: يمكنه يبيها هي انتي وش يدريك ريم: لااا مااتوقع يمكن ماحاكوهم الى الحين هيفا: لحظه ريمي هاااااااه وش تبيين طيب طيب جيييت ريمو بسكّر الحين ساره تناديني نشوفكم اليوم لا تتأخرون ريم: اوكيك بايات قفلت وحطت موبايلها في جيبها وكملت تجهيز الصياني وشالت القهوه ونادت عبدالمحسن يجيب صينية الشاهي راحت للدكه ولقت امها وابوها جالسين ابتسمت لهم ناداها عبدالمحسن شايل الصينيه بترامسها وثقلت عليه راحت له وخذتها منها ريم: صاحي انت ليش شلتها كذا غلط حسّون محسن: وش اسوي طيب ريم: خلاص لاتسوي شي رح كمل لعب وراحت للدكه وسمعت اهلها يحكون في موضوع تمنت تعرف اسراره خالد: يابنت الحلال اصبري الرجال بيرد علينا بس عيني من الله خير سلطانه: كلمه وشف اخاف البنت تنخطب خلاص تخرّجت وعمرها مطلوب ميب قاعده تنتظر اخوك خالد: خلاص اذا ماقال شي بكرا في الاستراحه بحاكيه انا سلطانه: نشوف ودخلت بهدووء ولا كنها سمعت شي جلست مع اهلها تسولف وتتقهوى والموضوع اتضح في بالها..شكل اهلي هم اللي عارضين العرس على عمي وعمي مارد عليهم..وامي ماكلمت خالتي نوره هذي كل السالفه.. رن جوالها.. رفيقة دربي يتصل بك ريم: ماتستغنين عني عااااارفه هيفا: هههههههه والله الثقه اسمعي ماعندي وقت اطول معك ريم: هلا وش تبين اخلصي هيفا: اسلوووب والله ريم: سمي يانظر عيني امريني هيفا: ههههههههههه ترى اخق اقول ريم ريم: هلا هيفا: ترى اليوم في بيت امي موضي بيسوون حفله سعنونه لغاده ريم: ليش عشان الي خابره هيفا: ههههههههههههههههههههههههههه ايه خلاص بنجيب الشبكه ريم: ههههههههههههههه على الطاري عرفت السالفه ترى هيفا: طيب بعدين قوليها لاني مستعجله ريم: طيب وش عندك الحفله ليش؟ هيفا: عشان تخرجها كل يوم بتتخرج هي؟ ريم: اهاا فكره حلوه طيب وش بتحطون هيفا: ساره الخاينه مخططه من قبل امس تصدقين؟ولا قالت ريم: افااا امحق خوات هيفا: مسويه جاتو طلبيه عند ملك الحلويات وحاطه عليها صوره لغاده لما كانت صغيره كانت بتوديها لبيت خالتي بس لما عرفت انو فيه اجتماع جت فكرة الحفله في بالها ريم : طيب حلوو الجاتو وخلصنا منه وش بقى هيفا: اشياء بسيطه انا بطلع الحين برح اجيب لها هديه ريم: ايه صح ذكريتيني وش بتجيبين لها انتي هيفا: مدري والله بس انا وساره بتكون الهديه مننا بشوف اذا لقيت ساعه حلوه والا خاتم وحلق ذهب طبعا ريم: اييه زين خلاص اجل خللي الزينات علي وانتي روحي عارفه انك محيوسه في السياره الحين هيفا: ياحبيلك ياناس فاهمتني تعرفين نايف بيوديني وبيعصب علي اذا قلت له ابي امر مكانين ريم: ماعيلك انا بدبرها يعني ماتبون الا الزينات؟ هيفا: ايه خلاص بس بقى المشروبات بكللم بنات خالتي نوره يتكفلون فيها بدون ماتدري غاده طبعا ريم: اوكيك كتير حلوو هيفا: يالله انا بقفل الحين بايو ريم: بايو سلطانه: وش عندكم بعد؟ ريم: ابد بس بنسوي حفله صغيره مفاجئه لغاده عشان تخرجها سلطانه: وتوكم تخططون ريم: كل شي جا فجأه ريم: يبه خالد: نعم ريم: تكفىىىىى يبه ابي اطلب طلب خالد: قولي وش عندك ريم: ابي ارووح السوق بشتري هديه لغاده فشيله تخرجت ولا جبنا لها شي سلطانه: ايه ياخالد والله عيب خالد: لحووول ياكثر طلباتكم ريم: وش طلباته يبه هذا واجب خالد: خلاص على طريقنا اذا بغيت اوديكم لبيت امك موضي ريم: يبه مايمدي نبي نروح بدري خالد: خلاص طيب يالله قومي ريم: شكرا يبه وراحت بسرعه تتجهّز عشان بتروح السوق راحت السوق وهي محتاره وش تجيب لها.. لفّت محلات الذهب ومالقت شي تبي تجيب حاجه بسيطه وبنفس الوقت حلوه وتبي الغريب والفخم احتارت ولا لقت شي يشدها كلمت على هيفا وسألتها وقالت انها شرت حلق مع خاتم..وشرت سلسلة ساعه تناسب مع الحلق والخاتم.. طبعا الهديه من ثنتين هي ماتبي تتكلّف مثلهم بس ماتبي تكون اقل جا على بالها تشتري ساعه وراحت تدور ولقت ساعه حلووه ومناسبه لغاده شرتها وحطّتها بوسط صندوق مخمل كحلي وفيه نقش بالذهبي ومرت على محل شوكولا وشرت شوكولا مغلف بذهبي وكحلي وحطته بالصندوق صاير شكله مره رايق وفخم الساعه بكرتونها بوسط الشوكولا في الصندوق اقتعنت بالهديه وهم راجعين قالت لابوها تبي السيفوي عشان تشتري الزينات والبالونات شرت اللي تبي وراحت للبيت تجهّزت ولبست عشان بيروحون لبيت امها موضي لبست تنوره لونها سكري نعومه مع بلوزه ورديه هاديه فيها ورود بنفس القماش حطت كحل اسود وثقلته شوي رسمته من برا وجوا وكمّلت لبسها باكسسوار وردي الحلق كان هديّه من امها لما تخرجت من الثانوي على شكل قلب مجوّف ومعاه خاتمه.. ساعه ورديه وبس.. شعرها لفّته بالبنس عشان لما تفكه يكون متماوج تماوج طبيعي اخر لمساتها بلشر وردي قلوس بقلاتر وردي خذت شنطتها الي كان لونها خليط من درجات الوردي مع الأبيض السكري لبست شبشب سحت لونه وردي وخذت بلوفر وردي تحسّبا للبرد كان شكلها بالهاله اللي تحيطها من اللون الوردي يمثّل البراءه طقّت عليها امها سلطانه: يالله ياريم ابوك عجل ريم: يالله جيت يمه باخذ عباتي بس خذت عبايتها طفت المكيف وطلعت وشعرها كان ملفوف بالبنس.. بتفكه في السياره.. |
|
|
|
|
26-03-2005, 08:22 AM
|
#14 |
|
عضو رائع
|
في بيت نوره.. غرفة مها.. مها.. أنا مها بنت النوري..توني جديده عليكم بس مع الوقت بتعرفوني.. ماابي اطول عليكم لان التجهيزات واللخبطه عشان الاخت غاده واصله الحد فيعني مامعي وقت اقوللكم عن نفسي منال والهنوف عندي نتشاور ونتباحث في الحدث الفجائي اللي هو حفلة غاده انا ماشلت هم لانه يوم تخرجها عطيتها هديتها اللي كانت مصحف مغلف بغلاف المصحف بس بصفيح مطلي بموية الذهب.. مع تجديد غرفتها على حسابي وعلى ذوقها طبعاً.. خواتي بهذاك اليوم جابوا لها جاتو مع بوكيهات ورد ملت الصاله ونقلناها لغرفتها بعدين بس مااهدوها هدية تخرجها ومنحاسين وقالبين الدنيا عندي الهنوف: والله بعد بنات خالتي الجوهره يخططون بدون مايقولون منال: لا تظلمينهم ماخططوا كل شي صارفجأه هنوف: حتى لو الحين وش بنسوي وش نعطيها يعني مامعنا وقت منال: والله ماادري مها: انا مرتاحه الحمدالله هنوف: طيب ساعدينا مها: اممم عندي فكره حلوه ياهنوف هنوف: وشو قولي مها: روحي واشتري لها مجموعة ملابس انتي تعرفين ذوقها ومقاسها مو من الصعوبه هنوف: حمدالله صاحيه انتي اهديها ملابس ليش هي ناقصه منال: لا بس ياهنوف الهديه بمعناها مو بقيمتها هنوف: حتى لو ماابي انتي عطيها كذا منال: تصدقين انا جت في بالي فكره مها: وش فكرته منال: لا تضحكووون هي حلوه هنوف: اخلصي يالله منال: بشتري لها أطقم أندر وير مع بجايم وروب بيت هي من فتره قد قالت انها ودها تشتري روب بيت مها: اممم حلو والله ولو تزودين عليها عطر مع مجموعته بتكمل هديتك منال: ايه والله خلاص شكلي بسوي كذا هنوف: ياربييييييييه وشو هذا مابقى الا انا مها: ياهنيفه انتي عوبه مايعجبك شي وش نسوي لك هنوف: طيب ساعدوني عطوني آراء وينفتح الباب وتدخل عليهم غاده غاده : وش تسووون قاعدين هنا ومخليني هنوف تضايقت لانها تبي تطلع لها فكره بدون ماتحس غاده مها: ابد جالسين يحوسون ازعجوني يالله اطلعوا غاده: افا عشاني جيت يعني منال: لا مو كذا بس هي من اول تقول اطلعوا غاده: اها والله مايندرى عنكم احس عندكم شي ماادري ليش خواتي واعرفكم هنوف: بدت تتفلسف ماعندنا شي غاده: هههههههههههههههههههه ماادري احساسي يقول الا متى بنروح لبيت امي موضي منال: بعد العشا مباشره غاده طيب يالله بطلع انا مها: خذيهم معك وتطللعهم بالرغم من احتجاج هنووف الي واصله حدها كل وحده راحت لغرفتها وهنوف راحت متضايقه وتفكر تبي شي وماتدري وشو دخلت غرفتها ولقت نوف جالسه تستشور شعرها هنوف: وش عندك تستشورين ارفقي على شعرك نوف: ياربييه من الغيره استشوره حرام هنوف: وش اغار عليه شعري اصلحه بكل الأحوال مايحتاج احرقه نوف: ماعيلك مني اسوي الي ابي هنوف: توك عليه اذا كبرتي وش بتسوين فيه والله بينحرق ارحميه شوي نوف: ياربيييييه وشو حرام اسويه من زمان ماجتمعنا مع خالاتي وابي اكشخ هنوف: مو جديد عليك طفيه والله راسي مصدّع نوف: شوي مابقى شي هنوف تفتح دولابها تطللع ملابسها وهي بالها يدور على هديه لغاده رن جوالها وجت في بالها فكرة انها تهديها جوال ليش لا؟ ردت بسرعه على منال الي قالت لها تعالي غرفتي ابيك هنوف: ابشرك عرفت وش اعطيها جوال والا شرايك؟ بهالوقت طفى السشوار ونوف انصتت بكل استماع هنوف: طيب بجيك الحين نوف: من تعطين وش عندكم؟ هنوف: ياربيييه من اللقافه تسوين نفسك ماتدرين هديه لغاده نوف: هديه لغاده؟وليش هنوف: تعالي معي لغرفة منال وبلا ازعاج راحوا كللهم لمنال هنوف: وش تبين منول منال: خلاص قررتي علىالجوال هنوف: ايه هذا الي في بالي منال: طيب أي واحد بتعطينها هنوف: الفارس أجد شي وسعره غالي ينفع هديه منال: اشتري بنفس السعر لاب توب احسن نوف: هيييييه فهموني وش الموضوع منال: يووه انتي ماتدرين؟ نوف: وشو هنوف: بنسوي حفله لغاده فبيت امي موضي صغيره يعني وكل وحده بتعطيها هديه نوف: ياسلاااام وانا ماتعلموني ليش منيب اختها والا بنت البطه السودا منال: لاهذي ولا هذيك بس الموضوع فجأه وتونا ندري نوف: اهاااااا وانتي يامنال وش بتعطينها منال: أندر ويرات وبجايم مع عطر شانس شانيل ومجموعته نوف: حلووووو كشخه وحركه هنوف: قررتي على شانس مو جيرلان احسن منال: لا احس غاده بيعجبها شانس هنوف: مدري بس احس بارادايس بيناسبها منال: بس هو له مجموعة جسم؟ابي اعطيها شي بمجموعته؟ هنوف: مو شرط عطيها بارادايس مع أي مجموعه لاي عطر ثاني منال: نشووف بس خل نخللص من نويف ذي تبين تعطينها انتي نوف: لا والله موب لازم اكيييد ابي اعطيها بس وشو هنوف تناظر منال بخبث: عطيها ملابس نوف وعيونها طايره: وشو منال ابتسمت بتفهّم لهنوف اللي تعرف شلون تأثر على الواحد بقرارها وتعرف شلون تقنعه بطريقة تفكيره نوف اختي تفكيرها مراهق ويميل للأشياء الغريبه واالي فيها نوع من البساطه بنفس الوقت تكون شي محد يتوقعه هنوف: ايه ملابس اشتري لها شنطتين مع كم بلوزه غريبه يعني ملابس واكسسوار حركه حلوه ومفيده بعدين بتستفيد صدقيني ومحد بتجي على باله فكرتك كل الي بيجيبون بيفكرون في ورد مع شوكولا والا ذهب تعليقه حلق والا ساعه بس من بيفكر بملابس وانا اعرف ذوق غاده وكلنا بنروح السوق الحين نوف باقتناع: تهقين منال: ايه انا أأيّد هنوف نوف: خلا ص اجل هنوف: شكلي بجيب لاب توب احسن نوف بحسره: ياسلام انااقل وحده منال: من قال ماراح تلبس الملابس ماراح تستخدم الأكسسوار والشنط؟؟ انتي بتعطينها مجموعه ملابس فكرتك بسيطه بس حلووووه نوف: اييه خلاص اجل وانتهوا على كذا وراحوا يقولون لمها عن افكارهم بس شلون يطلعون بدون ماتحس عليهم غاده نوف: مافيه الاامي نقنعها تروح هي وغاده وانّا نلحقهم بعدين منال: ايه مالنا الا كذا مها: خلاص اجل بروح اقول لامي وانتم جهزوا ملابسكم اللي بتروحون فيها لاننا اذا رحنا السوق بنروح من هناك لبيت امي موضي البنات: خلاص طيب راحت مها وقالت لامها اللي اقتنعت بحكم الظروف نوره: خلاص زين بس انتي نادي لي غاده مها: ان شاالله راحت مها لغاده وقالت لها غاده راحت لامها دخلت عليها لقتها تصللي المغرب خللصت امها من الصلاة غاده: حرما ان شالله نوره: ان شالله يابنيتي غاده: سمي قالت لي مها تبيني نوره: ابد بس قبل لانروح بيت امي ابي امر السوق بشتري لامي خرقه واغراض تبيها وفيه كم غرض لي وبعدين نروح لبيت اهلي غاده: طيب مايخالف نوره: وابيك تجين معي خواتس ذالبثرين ماادري متى بيخلصون بس انتي اجهزي عشان نروح الحين امي بترسل سواقها والبنات بيقعد عندهم السواق غاده: زين خلاص بس شوي يمه بجهز ملابسي عشان اذا رحت غيرت هناك ماابيها تتعفّل في السوق نوره: خلا ص بس لاتبطين ماابي اتأخر غاده: سمي راحت غاده تتجهّز..خفيفه هالبنت في كل شي بالرغم من هدووءها الا انها تتميز بالخفه لبست بسرعه وحطّت لبسها في شنطه واغراضها الي ممكن تحتاجها خذت عبايتها ونزلت في الصاله تتفرج عالتلفزيون تحتري امها تجهز |
|
|
|
|
26-03-2005, 08:26 AM
|
#15 |
|
عضو رائع
|
في بيت الجده موضي.. سلطانه توها داخله من شوي سلمت على امها..وبعدهم بدقايق جت الجوهره مع بناتها اللي كانوا منحاسين عشان الحفله اللي كانت بدون تجهيز بيت الجده كان كبير وفيه صاله بنص البيت جدارها كان عباره عن مشربيات مفتوحه طبعا قرروا يحطون الحفله في الصاله بحكم موقعها ولانهم مايجلسون فيها.. يجلسون في غرفه خارجيه تفضلها امهم موضي راحوا بكل حماس يتفخون البالونات واللي تعللق الزينات على الجدران حالة استنفار تعم الكل حتى الشغالات استغلوهم جتهم سلطانه وساعدتهم والجوهره كانت تساعد شوي وتروح للجده شوي مبسوطين ويضحكون يلعبون هذي تطيح من عالمركه لانها بتعللق زينه على الثريات وهذي تنفقع البالونه في وجهها هيفا: اقول من جاب المسجل؟؟ ريم: موب انا ساره: محد قاللي لمى: ولا انا محد قاللي.. ريم: يعني مافيه مسجل اليوم يوووه وشلون نسيناه هيفا: لموو ياحبيلك كلمي هنوف بسرعه وقولي لها يجيبون معهم لمى: طيب تدق على هنوف اللي كانت تلبس عبايتها بيطلعون للسوق هنوف: هلا والله لمى: اهلين هنوفه في البيت هنوف: أيه بنطلع الحين ليش؟ لمى: لا بس جيبوا معكم استيريو نسيناه هنوف: خلاص تبون شي ثاني؟ لمى: لا الله يعافيكم بس لاتتأخرون؟ هنوف: ان شالله قفلت وراحت بسرعة البرق اخذت الأستيريو ونزلته معها وراحت للسياره وراحوا متجهين للسوق..يخللصون اغراضهم.. مها: هنوف وش صار علىالاب توب من بيجيبه؟ هنوف: كللمت بدر وقالي بيشوف منال: كلميه تأكدي والا تصرفنا ترى مافيه وقت هنوف: طيب كللمت بدر اخوها اللي قالها لقى لاب توب توشيبا بخمسه مواصفاته حلوه وعلى كلامه سعره يُعتبر ممتاز لانهم مسوين تخفيض عليه ارتاحت هنوف جزئيا لان هديتها خلاص قضت منها بس بدر عيا يوديها لبيت امها موضي قالت له يخلليها بالمحل باسمها وهي تروح وتاخذها من هناك وانتهوا على كذا راحوا السوق وتفرقوا بحكم ضيق الوقت مها مع منال وهنوف مع نوف راحت منال لنعومي وشرت من عندهم كم طقم وبجاما ستان بحريه ساده شرتها مع روبها وشبشب وراحت لماركس وسبنسر وشرت من عندهم كم بجاما واندر ويرات مرت على لاسينزا ولقت اللي تبيه وخللصت بقى لها العطر والمجموعه شرت بارادايس وخذت براي هنوف وخذت مجموعة الجسم من جيرلان كريم جسم وبودره طبعا كسرت ميزانيتها بهذاك اليوم بس هذي اختها وماعندها اغلى منها كلموا هنوف ونوف اللي لسا باقي لهم النص أذّن العشا وسكرت المحلات صلوا وريحوا شوي وكملوا مسيرتهم الشرائيه شرت نوف خمس بلايز وثلاث بديات وصندل حاولت انه يكون على مقاس اختها مع انها كانت متخوفه شرت لها شنطه من ليز كليبورن ومعها محفظه كبيره وبوك لقت عند ميك اب فور ايفيز قلوسات شرت لها بينك وشفاف وتذكرت انه غاده تحب روج من ايست لودر درجة الموف عالوردي بس دايم ماتلقاه يكون مخللص دورته وشرته واخذت شنطة مكياج وحطت القلوسات والروج فيها واخيرن رضت عن هديتها اذّن العشا وامهم دقت عليهم مرتين والبنات كل شوي داقين غاده دقت تهزأهم تحسبهم في البيت ماتدري انه يدوجون من محل لمحل عشانها راحوا للحمامات غيروا ملابسهم وطلعوا متوجهين لبيت امهم موضي وصلوا البيت صللحوا انفسهم..ونوف الي كانت منقهره لان السشوار ماظبط شعرها انحاس سلموا على جدتهم وكل شوي يتناوبون على الصاله اللي مسوين عندها حظر نسوا المشروبات كتبوها في ورقه وعطوها السواق يروح يشتريها من السوبر ماكرت اعصابهم كانت تلفانه غاده حاسه انه في شي بس بتشوف اخرتها خللصوا من كل شي.. جابو عشا من برّا وصفوا الهدايا على طاوله وغطوها بمفرش الصاله كانت جاهزه مزينه بالزينات والبالونات والشموع في كل مكااان مخلين الصاله على نور الشموع الجووو كان حلووو واللي محليه البساطه وجو المفاجأه راحوا يتقهوون وكل شوي وحده تلهّي غاده عشان ماتروح وتشوف الصاله بعد ماتقههوا وخللصوا قالوا لجدتهم تقوم للصاله مع خالاتهم نادوا غاده وراحوا للصاله بدون مايحسسونها بشي وهي كانت مستغربه من قومتهم للصاله دخلوا البيت واتجهوا للصاله اقبلوا عليها كانت تتقدمهم غاده وعند مدخل الصاله الجده موضي ونوره والجوهره وسلطانه نوره كانت تمسّح دموعها الكل كان متأثر بالجو وغاده غاده؟؟ وشفيها غاده؟؟ ردة فعلها ايش كانت يانبض ؟؟ تبون تعرفون استنوا الجزء الجاي.. |
|
|
|
|
26-03-2005, 03:49 PM
|
#16 | |||||||||||||||||||
|
المشرف العام
|
توفي ذابحتك الموضه حتى في القصه (*40) الحين بدينا نشوف عايله نوره وبناتها الخمس وفعلا انا تحمست لقصه ولو تنقطع القصه راح اسوي تظاهره في المنتدى يالله احبكي القصه وخلينا نقرا .. بدون مجامله انا احس اني عايش بينهم مشكورة الف شكر توفي على القصه الروعه |
|||||||||||||||||||
|
|
|
|
26-03-2005, 06:33 PM
|
#17 |
|
من مؤسسين روائع
|
رغم نفسي القصير في القراءة ....كملت القصة كامله وفي انتظار البقيه ... السبكة الحوارية بين اشخاص القصة جعلني اكثر شغفاً لباقي القصة .. تمنيت انه انا الى تخرجت مو غاده (*33) عمه توفي لكي مني كل الشكر على مجهودك الرائع الى الامام .. |
|
|
|
|
26-03-2005, 07:26 PM
|
#18 |
|
من مؤسسين روائع
|
 يانـــاس يلومونني في اجاتا كريستي نجــد ياشيخ وخر انت وياه فيذاك <<< متحمس  لا لا لا لا لا من جـــــد  حسيت اني اطالع مسلسل مكسيكي مسعودينه  بس من جد حسينا بحركات حلوة صراحة وكأننا نشوف القصة قدام عيوننا بحئ وحئيئة  والله بدت تطلع المواهب على بعض الناس << احسسسسن احسسسن  والله لو اشرب عصير طبقات مافيه امل اكتب قصة زيها <<<< لاتصدقين بس عشان يرفع معنوياتس  بس بيني وبينتس فيه حركات خطيرة الصراحه  هذي تخلي الشاب السعودي  يتخيل لبنانية تسبح قدامه  <<<< يؤيؤيؤيؤ عيب مثل اللي اقتبسها الاخ المدعو دكتور رائع |
|
|
|
|
27-03-2005, 10:11 AM
|
#19 |
|
عضو فعال
|
شكرا على القصص الجميله
طبعاً مهموم |
|
|
|
|
27-03-2005, 11:46 AM
|
#20 |
|
عضو جديد
|
شكرا لقصتك
|
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
النمط الخطي
