 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
27-03-2005, 12:55 PM
|
#21 |
|
عضو جديد
 |
يعطيك الف عافيه
|
|
|
|
28-03-2005, 02:47 PM
|
#22 |
|
عضو موقوف
|
هلا
مشكورة اخت توفي على القصه والله يخليك للمنتدى وباذن الله نشوف منك قصص حلوه
ونتمنى تكمله القصه اخوك الحلو |
|
|
|
|
29-03-2005, 11:33 AM
|
#23 |
|
عضو رائع
 |
دكتور+أمير+طويييل+مهموم+رهيب+خالد+حلو
 مشكوووووورين على ردودكم ومتابعتكم للقصه.. صراحه رفعتوا معنوياتي اكثر واكثر.. والعذر والسموحه على التأخير بس كنت تعبانه ومريضه وهذا اللي منعني اني انزّل لكم ببس انا جيييت لكم ومعاي جزء ان شالله يعجبكم.. الله لايحرمني منكم يارب.. اخليكم مع الجزء  |
|
|
|
|
29-03-2005, 11:35 AM
|
#24 |
|
عضو رائع
|
كانت منبهره..وتناظر اللي قدامها بدون ماتفهم شي اشتغلت اغنية عبدالمحليم حافظ ياحياة البي وافراحه والبنات يغنون معاه ويصفقون ويزغرطون ياحياة ألبي وأفراحه وهنا في مسا وصباحه دا مفيش فرحان في الدنيا زي الفرحاان بنجااااحه والناجع يرفع ايده هييييي والناجح يرفع ايه هييييي غاده تناظرهم والضحكه على وجهها ودمعة فرح على أطراف عينها الصاله كانت مليانه زينات وبالونات وفي الجدار مكتوب بالبلونات مبروك التخرج ياغاده والشمووع اللي منور الصاله بشكل حلووو ورايق..كل شي كان بسيط ومُبهج..قالوا لغاده تطفي الشموع ووللعوا الأنوار جت ساره بالجاتو ودارت فيه على خالاتها وكل من شافه يضحك يوم شافته غاده ماااااتت من الضحك لدرجة إن عيونها كانت تدمع الجاتو كان زي الإطار وفيه صورة غاده لمّا كانت صغيره مسويه ذيلين بشعرها وبكل افتراس حاطه شوكولاته اكبر منها في فمها ووجها مليان شوكولاته وعيونها مهي باينه ساره وهي ماسكه ضحكتها: وش رايك في الصوره ياغاده؟ غاده بضحكه: من وين طلعتيها من تحت الأنقاض ساره: ههههههههههههههههههههههههههههههههههههههههههههه لو يشوفها نايف بيحقد عليك غاده: يووووه والله فضايح تهقينه مانسى ساره: أي نسى...بسطته كلها قُضي عليها ذاك اليوم غاده: ههههههههههههههههههههههههههههههههههه (من أيام الصبا ومنذو مبطي نايف كانت عنده بسطه وحاطها في غرفته غاده كانت عند ساره وراحوا هالثنتين لبسطة الضعيف وقضوا عليها..فلما كانوا ياكلون الحلويات شافهم نواف وراح علم عليهم نايف اللي جا ولالحق على شي من بسطته الى اشياء بسيطه ومجموعة قراطيس فكان بيضربهم ذالثنتين بس امه حلفت عليه والمسكين لا هو اللي طللّع حرّته ولا هو اللي كسب بسطته.. غاده اللي شكلها كان حلو مابغوا يفوتونه عليهم وصوروها) قطعت غاده الجاتو ووزعوا القطع على كل الموجودين.. وجلسوا يتعشون وياكلون.. هيفا: اقول ياغاده عاد اذا تخرّجنا الله الله بالحفله السنعه بس مو فبيت امي موضي غاده: وين تبينها حضرتك؟ هيفا: الفهد كراون..والا تدرين لا لا صغير مو مكفي معازيمي غاده: احمدي ربك ؟بعدين أي معازيم ترى انا اللي بسوي الحفله؟ هيفا: حفلتي بعد لازم انادي الي ابي ريم: طرار ويتشرط احمدي ربك اذا ذكرك احد بكيك من مخبز بعد لمى: هههههههههههههههههههههههههههههههههههههه حلوه ياريم بس لاتعودينها تراهااختي ريم: هههههههههههههههههه باللهي هيفا: لا تدرون من بيسوي حفلة تخرجي مها حبيبة قلبي(منشنه عالراتب الأخت) مها: ابشري ياهيوف..بس ماادري انا مكلفه فيك؟ منال: ههههههههههههههههههههههههههههههههههههههههههاي طاح وجهك ياهيفا هيفا اللي كانت تلقّط: عاادي مهّو بنت خالتي تمووون مها: ههههههههههههههههههههه ايه امووون ام سلطان: بنات قصروا اصواتكم روسنا عوّرتنا ولا أحد حولها ام سلطان: منال..منال منال: هلا يمه ام سلطان: اقصروا اصواتكم خلونا نتعشى منال: ان شالله وترجع تكمّل سوالف مع البنات اللي اذا اجتمعوا مافي امل تفهم سالفه. خلصوا عشا وقاموا عشان الشغالات بيضفون السفره راحت منال لطاولة الهدايا شالت المفرش وقالوا لغاده تروح تفتح الهدايا الكل جا حتى الشغالات كانوا يطللّون من المشربيّات سحبت اول هديه قدّامها كانت أربع مجللّدات ألف ليله وليله ومربوطه بشريطة وفي النص كرت شكله قدييييم فتحت الكرت اللي كان على كل الجهتين مكتوب عليه جهه عرفت من كاتبها لانها هي اللي كتبتها والجهه الثانيه مكتوب عليها.. مبروووك التخرج عقبال مانشوفك دكتوره.. عسى تعجبك الكتب.. (ذكرتي الكرت) بنت خالتك :لمّووو قفلت الكرت والتفت للمى بنت خالتها وضمّتها بقووه غاده: حركه الكرت الى الحين عايش عندك؟ لمى: غبااار صح ههههههههههه غاده: مشكوووره سحبت الهديه الثانيه اللي كانت في كيس كبير وكان محطوط عليه ستيكر لدبوب معاه هدايا كثيره وأكبر هديه كان مكتوب عليها مبروووك يالغاليه أختك: الهنوووف فتحت الكيس -على تصفيق البنات اللي كل هديه يصفقون ويزغرطون- شافت كرتون اللاب توب كانت هنوف جنبها وبدون شعور لمّت اختها هنوف: ترى خسّرتي ابوي انتي وهديتك اشغلتينا لا عاد تتخرجين غاده: ههههههههههههههههههههههههههههههههههههههههه شكلي بسويها كل يوم اذا كذا شافت الهديه الثالثه وكانت اكياس كثيره واثنين منهم كبار مربوطين بشريطه ومكتوب على طرفها من نويف التفتت على أختها اللي قالت وش رايك بنويف ترى عشانك تخرجتي بس غاده: تسلميين يانويف فتّحت الأكياس وطلعت كل شي واحد واحد وكل ماطلّعت شي البنات يصفقون ويصارخون راحت للهديه الرابعه اللي كانت هديّة ريم والهديه الخامسه كانت ثلاثة اكياس كبيره لنعومي ومكتوب على اول واحد بالخط الكبير مني أنا منال وجنبها ساميل فيس وتحت بالخط الصغير عيب لاتفتحينها عند الناس غاده: هههههههههههههههههههه يوم انها عيب ليش جايبتها منال: وش اسوي هذا اللي ربي قدرني عليه غاده: مشكوووره نردها لك منال: ودي فيها كلام ياختي<<بلهجة مصريه هههههههههههههههههههههههه شافت كيس حق محل ذهب سحبته واخذت الكرت اللي جوا كان مكتوب فيه بالمقلوب عالبركه التخرج وعقبال مانبارك لك في عرسك بنات الجوهره كان في الكيس علبتين فتحت اول علبه كان فيها سلسه ساعه ذهب اصفر ومتدلي منها ثلاث تعليقات صغار اول وحده كانت مفتاح والثانيه قفل على شكل قلب والثالثه مفتاح نهايته على شكل قلب والعلبه الثانيه كان فيها خاتم ذهب ابيض عباره عن حلقتين بيضاويه الشكل مرتبطين في بعض كلها فصوص والحلق نفس الشي غاده: وشوله الكلافه ياهيفا وساره والله هالحفله تكفي ساره: اش دعوا ماسوينا شي عسى تعجبك بس غاده: يكفي انها منكم ام سلطان لبنات خواتها: والله ماقصّرتوا يابنات وشوله الكلافه هيفا: ياخالتي ماسوينا شي ريم: ايه ياخالتي كم عندنا من غاده وموب كل يوم تتخرّج نوره: الله يسلمكم ويكثر خيركم مشكوورين كللكم جت سلطانه ومعها ظرف: اعذرينا عالقصور ياغاده ودّنا باكثر والله غاده: ماتقصرين ياخالتي معذوره والله لو ماتجيبين شي يكفيني دعوتك سلطانه: الله يوفقك ويسعدك وعقبال العرس ان شالله هيفا+ريم: آآآآآآآآآآمين ياااااارب غاده بكل حيا: الله يسلمك ياخالتي وتلتفت للبنات اشوفكم عجلين تبوني اعرس ريم: تصدقين عندي احساس انه موب جاي الصيف الا وانتي عروس هيفا بخبث: ايه وانا بعد بس مو احساس انا حلّمت انك معرسه على واحد اسمه ماادري ياناصر يامنصور شي زي كذا غاده اللي قلبها بدى يدق: ومالقيتي تحلمين الا فيني هذا رجلك اصلا بس صار فيه غلط بمخك وتلخبطت المعلومات وجيت انا بالغلط هيفا: يمكن كل شي جايز وتناظر ريم اللي كانت معصبه على هيفا انها سرّبت معلومات المفروض انها سريه كملوا سهرتهم بضحك وسواليف ريم: اقول هيفا هيفا: هلا ريم: تدرين انه عمي مو هو اللي قرر يتزوج هيفا: والله!! ريم: ايه اهلي هم اللي عرضوا عليه وخالتي نوره مايدرون عن شي هياف: اهاااااااا طيب عمك وش موقفه؟ ريم: والله مدري على الكلام اللي سمعته انه الى الحين مارد هيفا: عروس هو عشان يرد والا لا ريم: ههههههههههه وجع بس هو ماقال ابتزوج هيفا: وانّا معورين روسنا بالسالفه ليش ريم: ايه والله بس انتي فظيحه علىطول خريتي لغاده الاسم هيفا: وش فيها لوصار شي انا ماقلت الاسم اكيد ولو ماصار هذا حلم مو لازم يتحقق ريم: يمه منك انتي هيفا: شي صح دخل عليهم خالهم محمد..سللم عليهم وجلس معهم شوي هذا محمد ساكن مع امه في نفس البيت بس شخصيته غريبه إنطوائي وماله ولا عليه الي يهمه شغله وبيته حتى زواج مايبي يتزوج طللع فلوس من جيبه معطاها غاده كهديه محمد: اعذريني ياغاده ومبرووك غاده: يبارك في حياتك خالي معذوور والله ومايحتاج الله يكثر خيرك محمد: اش دعوا وطلع بكل هدووء لامه وخواته برا في الغرفه. |
|
|
|
|
29-03-2005, 11:40 AM
|
#25 |
|
عضو رائع
|
نروح لمنصور الي كان فبيته والعيال عنده.. بندر ولد اخوه وخويه مشعل وفيصل وخالد اخويا منصور ومعهم واحد اسمه سعود سهرتهم كانت باربكيو اللي كان يشوي هو منصور ومشعل اما بندر وفيصل وخالد وسعود كانوا يلعبون بلوت منصور: ياعيال..بندر بندر من جوا الخيمه: هلاااا منصور منصور: ياشيخ شوفوا لكم صرفه غير اللعب مامليتوا بندر: شوي يامنصور بس هاللعبه منصور: طيب دق على احسان في المطبخ خلله يجي يضف مشعل بنبرة استنكار: استحوا على وجيهكم وضفوا المواعين اللي جوا والله عيب عليكم خالد بتأفف: لا حوووول بدينا بالقلق سعود: ماعليك منه ياشيخ خلله كمل كمل فيصل: خلاص انا ماابي اكمل والله عيب منصور هوومشعل يشوون برا وانا جالسين هنا سعود: مسوي عيب وتفهم قل انك خسران وماتبي تكمل فيصل: موب كذا بس خلاص العشا بيجهز خالد: يافيصل وش هذا كمل اللعبه طيب بندر: انا مع فيصل وقاموا فيصل وبندر سعود رمى الأوراق اللي في يده بقهر وقام عند التلفزيون يغير بهالقنوات خالد طلع برا عند منصور ومشعل الللللللله والله توني احس بالجوع عطني قطعه مشعل مشعل: اصبر للعشا مافيك صبر منصور: عطه خلله يذوق خالد جلس وفتح الحافظه وقطع نص سيخ لحم وقعد ياكل خالد: اححح والله حاار مشعل: هههههههههههههههه احسن خالد : حمار والله انك حمار وترى اللحم لذيذ ويروح عند سعود جوا مشعل: والله هالعيال الواحد مايسوي لهم شي يعني من جيت وانا وياك اللي تبلنا اللحم والدجاج وشبينا الفحم وجهزنا وشوينا وولا واحد فيهم قام منصور: ياشييخ ماعليك ماوراهم رجا جاهم فيصل بالسفره فرشها وراح يضف الخيمه دخل ولقى سعود وخالد مسنترين عند التلفزيون وسعود ماسك جواله ويرسل اس ام اس للقنوات فيصل بنظرات استحقار: والله تفاهه هذا شغلتكم يعني سعود: وسع صدرك وش ماخذ منها خالد وهو متحمّس: دقت دقت ياسعود سعود: رد عليها قام خالد في آخر الخيمه ورد الو صوت ناعم: آلوو خالد اللي سااح : هلا والله الصوت الناعم: معاند الوقت؟ خالد: معاك معاند الوقت الصوت الناعم بكل مياعه: هلااا صوتك حلوو ماتوقعه كذا خالد: انتي الأحلى اخبارك؟ الصوت الناعم: الحمدالله بخير بعد ماسمعت صوتك خالد: تسلمين ياقلبي وفيصل واقف فوق راسه فيصل بهمس: انت ماتستحي تكلم هالأشكال خالد يأشر له رح فيصل: الحمدالله بس وراح عنه برا عند العيال نرجع لبيت الجده موضي الجده وبناتها وعيالها فهد ومحمد جالسين في الغرفه الخارجيه ام سلطان: الاوش اخبار نايف يالجوهره الجوهره: والله ماعليه مشغلنا على هالعرس والى الحين مالقيناله سلطانه: الى الحين..الله يعينكم ام سلطان: والله ياالجوهره انا شفت بنت في عرس بنت عمتنا اهلها اجوااااد وامها تنحط عالجرح يبرى الجوهره: ياكثر الاجواد بس الله يهديه نايف متشرط وعجزنا مالقينا ام سلطان : ايه انا خابره البنت والله على شروطه بس الطول موب ذاك الزود تميل للسمار شوي وشعرها ماشالله نص ظهرها الجوهره باهتمام: وش يقاللهم؟؟ ام سلطان: من حمولة عمتنا.. انتي ياعمتنا هذي تصير بنت اخو رجلها الجوهره: عمتكم منيره ام سلطان: ايه وصلتي الجوهره : خلاص انتي بس عطيني رقمهم وانا اكللمهم نوره: والله امها عسل..والبنت ماشالله الله يخليها لاهلها ملح يقطّر واشباهها سنعه فهد: ماشالله منهي ذاللي اشباهها سنعه الجوهره: وحدة ذاكرينها لسلطان فهد: مالها اخت تخطبونها لي تراني سنع بعد موضي: انت وهالعرس اركد بس مرتك الله يخليها لك سنعه فهد: ايه بس يعني زيادة يمه موضي: لا بعد وش زياده انتم يالرجال مايملى عينكم الا التراب ماتشبعون فهد: افااا وش قلت الحين عشاني بعرس سلطانه: والعرس هين بعد ماجبت عيال تروح تعرس ومرتك مافيها شي فهد: لا خلااص هوّنت مانيب معرس موضي بحسره: خل اخوك يعرس محمد بملامح تدل عالإنزعاج من الموضوع: لا ماابي اعرس موضي وصوتها كله رجا: وراه يوليدي شف الجوهره دامها تدور على ولدها خلها تشوف لك الجوهره: والله ياكثرهم يمه بس هو اللي مايبي محمد: اذا بغيت اعرس بقوللكم موب الحين موضي: متى ياولدي..مايعوقك شي عن العرس متى بتريحني محمد: يمه الله يطوللي بعمرتس تعرفين هالسالفه مااحبها موضي: ايه على هواك الجوهره: اجل يالنوري لا تنسين الرقم نوره: ان شالله بكرى اجيبه لتس رن جوال الجوهره ردت ولا ولدها نواف نواف: هلا يمه كيف الحال؟ الجوهره: هلا الحمدالله نواف: يمه تراني عند الباب اخلصوا الجوهره: ادخل سلم على خالاتك وامي وخوالك فيذا نواف: طيب زين بس يمه ماابي اتأخر مواعد العيال في المخيم الجوهره: زين سكرت عن ولدها البنات كانوا في الصاله يسولفون ساره: ورا مانروح برا عند خالاتي ترى خالي فهد برا ريم: والله متى جا؟ خل نروح نسلم عليه اجل غاده: يالله بروح انا قاموا البنات يسلمون على خالهم راحوا الغرفه الخارجيه سلطانه: ريم ريم: هلا يمه سلطانه: روحي جيبي مويه لامي بس لاتصير بارده ريم: انشالله طلعت ريم تجيب مويه راحت تجيها من المطبخ اللي برا مالقت حار دخلت المخزن ولقت المويه الكراتين فكّت واحد وسحبت كاس وراحت متجهه للغرفه الخارجيه وفجأه شافت انتظروا الجزء الجاي  |
|
|
|
|
29-03-2005, 04:24 PM
|
#26 |
|
من كبار روائع
::+: v i p :+::  |
سلامتك أختي توفي ماتشوفين شر يالغالية كان قلبي قايل لي ان فيه شي لي يومين ادخل ادور جزء جديد وما القى فاستغربت وقلت عسى المانع خير بس الحمد لله اليوم رجعتي لنا وتطمنت انك بخير باذن الله  اما بالنسبة للقصة فاقول لك استمري والله يعطيك العافية بصراحة احس ان حبكتك للقصة كل ماله تصير اقوى والاحداث صارت احلى وفيها تشويق لا تتاخرين علينا ودي اشوف وش يصير لنوافو اللي من لمحة فصفص البنت فصفصة اجل وشلون لو انه مبقق عيونه  ومنصور اللي يتغلى وهيفا تعجبن هالبنت احس ان فيها رجة شوي بس خفيف دمه يالله.. ما اطول عليك عشان تروحين تحبكين لنا جزء جديد الله يسلمك من كل شر تقبل سلامي واعجابي |
|
|
|
|
29-03-2005, 11:13 PM
|
#27 |
|
المشرف العام
|
والله شي جميل القصه بدت تحلو ولكن ياتوفي ترين خشيتي فينا عرض على سوالف الحريم
كلها هدايا وحركات حريم يعني بما اني رجال ماعرف فيها واجد  ولكن الباقي فعلا فعلا شي جميل وانا والله العظيم اني اخش كل يوم احتري الاجزاء الجديده مشكورة الف شكر والى الامام.. |
|
|
|
|
31-03-2005, 01:23 AM
|
#28 |
|
عضو رائع
|
جمووونه الشر مايجيك يالغاليه وابشري بالاجزاء اللي يحبها قلبك.. بس انتي لاتحرميني طلتك الحلوووه ================ دكتور..الشكوى لله لازم سوالف الحريم تدخل بس موب دايم.. والقصه بكم تكمل.. مشكووور اخوي الله لايخلينا منك يارب ================ بكرى ان شالله بينزل جزء جديد الى الحين ماكمّلته بنام الحين عشان اصحى بدري واكمله وانزله لكم بكرى في اقرب وقت لاني بطلع وماراح ارجع البيت الا الجمعه بحاول انزله بكرى باقرب وقت تسلمووووووون لي.. |
|
|
|
|
02-04-2005, 01:48 AM
|
#29 |
|
عضو رائع
|
أهلييييين حبايبي كيفكم؟؟وحشتووني معليش آآآآآآآآآآآســــــــــــفه على التأخير واتمنى تعذروني انا من جد زعلانه من نفسي بس وربي مو بيدي ان شالله ماتعودها توووووووبه ماراح اتأخير بالجزء مره ثانيه  وشكــــــــــــــــــــــراً عالتثبييييييييييييييييييتمن جد فرحت  <<<<<<<<<<<<من الفرحه جلست ترقص وهذا الجزء وصل قصير شوي وحايس لاني كتبته بشكل متقطع بس عسى يعجبكم.. آخر تحرير بواسطة to0o0ofee : 02-04-2005 الساعة 01:51 AM. |
|
|
|
|
02-04-2005, 01:56 AM
|
#30 |
|
عضو رائع
|
= = = = = = = = = = = منصور بعد ماخللصنا عشا وطلعوا العيال من عندي مابقى الا بندر.. العشا كان لذيذ والقعده كانت حلوه بس لو انه هاللي اسمه سعود موب فيه لاتفهموني غلط انا مرحّب فيه والله يحييه ضيفي وعلى عيني وراسي بس ماحبيته ماادري ليش احسه انسان وقح في اسلوبه وماتعجبني طريقة تفكيره لازم اقول للعيال انا مايجي مره ثانيه هنا ماعندي استعداد استقبل هالأشكال في بيتي المهم ماعلي منه الله يستر عليه..وين بندر؟؟ توه كان فيذا غريبه مدري وين راح خل اقوم اغير ملابسي رحت لغرفتي دخلت الحمام(الله يعزكم)غسّلت بشكل سريع عن ريحة ذالشوي ولفيت الروب علي وطلعت لغرفتي اخذت بجاما ثقليه شوي عشان البرد وفيه برا هوا وانا مابي امرض لبست آيس هوت على راسي لان شعري مانشف لبست شراب ثقيل ونزلت تحت ادور بندر رحت الخيمه موب فيها غريبه وين راح؟؟ لا يكون طلع بس هو قاللي بينوم عندي الليله يمكن عند المسبح في الحوش الثاني؟؟ رحت وزي ماخمّنت كان هناك جالس عند المسبح عالأرض ورافع رجوله بشكل تكون فيه ركبه عند صدره ولام يدينه عليهم وشكله يفكر بشي وسرحان مو مع الدنيا رحت عنده وجلست جنبه وهو ولا حركه جلست وكنت ثاني رجلي بشكل تكون ركبتي فوق وماد يدي عليها والثانيه كانت مثنيه تحتي اطالع بحركة موية المسبح الخفيفه..تتحرك بكل هدوووء والحوش كان ظلام مافيه الا نور انوار المسبح الداخليه جلست أتأمل المويه وتخيلتها حياتي الهاديه وحركة المويه البسيطه هي الأحداث القليله الي تمر بحياتي الروتينيه تصدقون مليت من وضعي؟؟ انا خلاص لازم احط حد لهالشي..ولازم اعترف اني محتاج لها او محتاج لوجودها اللي ممكن يقلب كياني وحياتي وكل شي محتاج أحد يشاركني هالبيت الكبير يشاركني هالراتب اللي اجيبه كل شهر يشاركني غرفتي,سريري,اسراري,همومي يشاركني كل شي...انا قررت اتزوج وخلاص بكرى بقول لاخوي خالد والله يسهّل. منصور: بندر بندر:.... منصور بصوت اعلى: بندر بندر وكنه صاحي من حلم: همممم منصور: قررت اتزوج يابندر بندر بصوت جاي من آخر الدنيا: بالتوفيق منصور: بندر وينك ياخوي؟ بندر: هنا معك انا منصور: ماهقيت والله عسى ماشر وشفيك؟؟ بندر: ابد ولاشي منصور: الا اشياء وانت الصادق بندر: آآآه يامنصور وش تبيني اقولك منصور: قل اللي في خاطرك وش مضايقك عالعشا كنت ماعليك خلاف تضحك ومبسوط وش صار؟؟ديما؟؟ سأل منصور بتشكك : ديما هذي خويّة بندر من سنتين ونص : التفت لي بندر وعيونه فيها حيره وشوية الم: ديما يامنصور منصور: وشفيها؟تطاقيتوا؟تزاعلتوا؟ضايقتك؟؟ بندر: بتتزوج منصور: وأنت!! بندر بصوت كله ضيااع وحيره: ماادري يامنصور ماادري بندر: وش الي ماتدري؟؟بتخللي البنت تروح من يدك اذا تحبها وتحبك وش اللي يمنع؟ بندر: موانع كثيييييير يامنصور كثيير واكبر مني ومنها منصور: وظيفه؟؟ومتوظف وراتبك كويس وعندك بيت وين المانع بندر: فوارق في الطبقات منصوريتفاجأ: باللهي!!يعني مافي امل بندر بنظره كللها يأس: لا منصور بقرف: ترسبات وخرابيط وتخللف اجتماعي.. بندر: بس مانقدر نتعدى عليها يامنصور هذا شي فدواخلنا حتى لو أخفيناه .. وماراح يروح منصور: تخللف انا مااسميه الا تخللف والا اثنين زي حالتكم ليش مايرتبطون ويعيشون الحياه اللي هم تمنوها بس عشان تفاهات قبايل وخضاير تنهدم أحلامهم ليييش منصور كان يحكي والكلام كان يكسّر المناعات اللي كانت تصبر بندر ويقنع نفسه فيها كان يقول في خاطره بس يامنصور لا تزووود همي انت بكلامك هذا تحسّرني زود تكفى ياخوي وكأن الرجا وصل لمنصور اللي كان متحمّس بكلامه وفجأه تغيرت ملامحه وحس لبندر الي كان يتألم بهالكلام والمفروض انه ماينقال له.. |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
