 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
02-04-2005, 02:59 AM
|
#31 |
|
عضو رائع
  |
ونظر للموضوع من جهه ثانيه وانه السالفه مهي سهله الواحد يقدر يغير فيها شي وهي فرض انفرض على الناس هذي كلها.. قانون لازم يتبعونه وبدى يفكر فيه بعلانيه بحدود هالقانون اللي هو مومقتنع فيه ووده لو يغيره بس مايقدر!! منصور: بس تدري يابندر حلاة الثوب رقعته منه وفيه وانت صادق عادات تأصّلت فينا واشياء كبرت معنا ولو عاندناها بتعاندنا وبنخسر كل شي وماتدري ياولد اخوي يمكنها خيره من ربي واللي اساسه غلط يبقى غلط واعرف وانا اخوك انه ربي ماخذا منك الا وهو بيعطيك ان شالله الأفضل وانت ماتدري عن بكرى لو تزوجتها وش ممكن تكون حياتكم.. الدنيا اخذ وعطا ولاتضيق صدرك عشان موضوع ويدينك مافيها لا حل ولا ربط بندر رفع راسه لمنصور وكان مقتنع مليون في الميه انه منصور جالس يخفف عنه بس هذا مايمنع انه كلامه صح بس بعد مايقدر يخفي حسرته وضيقة صدره كان يحس بالعجز بالضعف وقللة الحيله يحس كأنه محبوس في قفص وهالقفص هو حياته ان طلع منه مايدري وش يواجه,ومايقدر يكيف نفسه عليه مثل العصفور الصغير مايرتاح بالقفص وان طلع ممكن يموت ولا يتحمل قساوة الكون!! ريم منسدحه على سريرها تبي تنوم بس النوم معاندها مللت وهي تتقلب يمين يسار نامت على بطنها على جنبها مافي امل تنوم.. عقلها مشتغل بالتفكير وبكذا ماتقدر تنوم.. صورة نواف براسها وهو لابس جينز لونه زيتي باهت مع جاكيت زيتي بياقه صينيه كان مسكرها بس الجاكيت مفتوح ولابس جوا بلوزه زيتي فاااتح مع بيج والشوز كان رياضي الارضيه لونها بيج غامق وفيها زيتي بالجلد وتتخللها خطوط بالبني.. كان شكله يجنن هذا الوصف اللي تقدر تقوله كل ماتتذكر وجهه اللي كان متفاجئ فيها يجيها احساس غريب.. ليش تحس هالاحساس مو اعجاب لا..احساس انه هالشخص له تأثير على حياتها ماتدري ليش تحسه.. ليش أحس هالأحساس من لما شفته الى الحين؟؟يعني بحبه؟؟لااا اصلا هو مايهمني بس ليش احس انه بيكون مهم بحياتي مو بالنسبه لي لا لا لا تفهمون كذا. قصدي ليش احس انه تأثيره بيكون قوي على مجرى حياتي غريب هالإنسان..بس والله احلوو شكله كان مرره كشخه وحسّت بالنووم يزحف من أطراف جسمها لعيونها ويجذب اجفانها عشان تتسكّر.. ونااامت بعمق كلها دقايق مرت وصحت مو مرعوبه بس فجأه,صحت وفتحت عيونها بنفس اللحظه.. انا كنت احلم والا اتخيّل كم الساعه؟؟كانت الساعه ثلاث ونص قبل ماتنوم كانت ثلاث وربع ليش حست انه مر وقت طويل..ياربيه وشو هذا اللي حلمت فيه(كانت تفكر)..تعوّذت من ابليس وانقلبت على جهه ثانيه وسمت بالرحمن ونامت.. كان حلمها او اللي انبثق في افكارها من شوي هو : كانت في مكااان فسيح وكبير وكان فيه اصوات حوالينها وفيه ناس اطفال وكبار كانت تمشي ومشاعرها كانت محايده مو منزعجه ولا مبسوطه مروا من عند بحير ضحله وبالنص صافييه كانوا يتفرجون عليها وكان نواف معها او وراها ماتدري بس كان موجود فمكانها وكان فيه ناس في الحلم تعرفهم بس ماتذكر وجيهم او بالأصح عقلها الباطني ماركّز عليهم دفّها نواف في البحيره بقصد وكانت بتغرق حاولت تطلع من المويه وماقدر مرت عليها لحظات حست انها خلاص مافيها جهد تناضل هالمويه الطينيه اكثر حسن انها تبلعها وتجرها ببطئ جوا كانت تصارخ تنادي..هيفا كانت فيه نادتها بس هيفا مانتبهت لها نادت امها بس ماردت عليها كانت بنت جيرانهم واقفه(بنت جيرانهم كانت صديقتها لما كانو صغاربس نقلوا وماتعرف عنها شي) نادت عليها ابتسمت لها وقالت نواف بيجيك وفعلا نواف طب لها وساعدها وطلعها من البحيره هي كانت مبسوطه انه انقذها وكانت متمسكه فيه بقوه وحتى لما طلعوا من البحيره مافكّته. ياترى وش هالحلم؟؟هل هو ينبّئ ريم بشي في الستقبل؟والا مجرد اضغاث احلام؟؟ ومن وين طلعت بنت جيرانهم هاللي ماتعرف عنها شي الا انها كانت تدرس معها في الابتدائي؟؟ بندر وش بيصير عليه؟؟منصور وقراره؟؟ تابعوا دنيا غريبه ماتدوووم وانتوا تعرفون = = = = = = = = = = |
|
|
|
02-04-2005, 07:08 AM
|
#32 |
|
المشرف العام
 |
يالبخيله حمستيني واخر شي جزء قصير والله فيها قبايل هذي ولكن كان الجزء مركز فعلا وفيه نقطه حبيت اثيرها واناقشها باذن الله في موضوع منفصل باذن الله وراح تكون بشكل مفصل ... والموضوع تم تثبيته لانه يستاهل (*40) وفعلا قصه احس انها راح تكون طويله وفيها اشياء واحداث كثيره .. موفقه اختي توفي والى الامام سر |
|
|
|
|
03-04-2005, 11:21 AM
|
#33 | |||||||||||||||||||||||
|
من كبار روائع
::+: v i p :+:: |
تووووفييي وش ذا  ..؟؟كل هالانتظار وبالأخير بس هذا  أنا احتج  وأعلن الاضراب والمقاطعة  وما راح أرضى الا بجزء جديد وطويل بعد << = موب طويل البال ------------------------ توفي تراي امزح  ادري ان الكتابة تاخذ وقت عشان كذا اقول خذي راحتك ما ودنا نستعجلك فيخرب مزاجك وتخرب القصة وعلى فكرة القصة تستاهل التثبيت وكنت ناويه اطلب هالشي والله يوفقك |
|||||||||||||||||||||||
|
|
|
|
03-04-2005, 07:53 PM
|
#34 |
|
عضو رائع
|
دكتور رائع..
من جد مشكووور عالتثبيت شرف لي والله.. بالرغم من اني مبتدئه..بس تحفيز جميل.. والجزء انا عارفه انه قصير بس ان شالله اوعدكم بالافضل.. والنقطه اللي اثرتها مجتمعنا يعاني منها.. ووبادره طيبه انك تناقشها.. |
|
|
|
|
03-04-2005, 07:58 PM
|
#35 |
|
عضو رائع
|
جماااان وش ذا؟؟؟ (*32) روعتيني يالدبا عاد القصه بدونك ولا شي (*20) ياحوبيلص والله (*10) ايه والله ياختي الكتابه من جد يبيلها مادريت انه تسذا شكلي بهون بس (*15) امزح علييس لا تصدقينّ تدرين اني الى الأن كتبت الجزء ثلاث مرات وفي كل مره امسحه ابي اكتب شي ثقييل ودسم بس انتوا اصبروا علي شوي وانا بعوضكم ان شالله.. ومشكوووره |
|
|
|
|
03-04-2005, 08:15 PM
|
#36 |
|
المشرف العام
|
الله يخليك اختي توفي
خذي وقتك وان شاء الله نشوف الجزء الجديد وثقلي العيار شوي .. مشكوره مقدما |
|
|
|
|
04-04-2005, 06:19 AM
|
#37 |
|
عضو رائع
|
دكتووور..مشكووور
عساني ارضيكم اخوي وهذا الجزء جااااااا يالله قولوا لي وش رايكم فيني؟ (*16) عسى يعجبكم بس |
|
|
|
|
04-04-2005, 06:21 AM
|
#38 |
|
عضو رائع
|
الخميس العصر.. الاستراحه.. في الخيمه منصور جالس جنب اخوه الكبير محمد والكل كان موجود في الخيمه..مجموعه تلعب بلوت والي يسولف واللي منسدح ياخذ له غطّه واللي يلعب بالنار وياللي كان عنده كلام يبي يقوله مثل منصور واللي كان مبتسم لخبر سمعه اليوم مثل خالد.. منصور: اقول يابو بندر محمد: سم منصور: سم الله عدوك..ترى ان شالله نويت اعرس محمد: ماشالله زيييين زين وانا اخوك الله يوفقك ان شالله منصور: اللهم امين محمد: خلاص اجل قل لـ لولوه عشان تدور لك (لولوه تصير اخت منصور الوحيده..ترتيبها بين الاخوان الثانيه..وهي اللي بتكون مسؤوله عن امور زي كذا) منصور: ان شالله وانتشر الخبر بين الموجودين اللي باركوا لمنصور خطوته ودعموه بدعواتهم منصور ارتاح من ردّة فعل اخوانه ماكان متوقع المعارضه بس بعد ماتوقع الموافقه من الجميع.. وقرر انه يروح لاخته بكرى ويفاتحها في الموضوع عشان يبدى مسلسل البحث وقال لخالد يقول لسلطانه تكلم لولوه ويتناقشون في الموضوع لانه مايبي يبين لاخته انه تعداها واهمل دورها ووصّى مرة اخوه تدور له. نروح عند ريم اللي كانت في بيتهم في الصاله بالتحديد ومنسدحه رجلين وتلعب بموبايلها وامها كانت تكلم ومن كلام امها فهمت انه في سالفه صايره امها كانت تحكي عن موقف قد صار وبمعنى اصح كانوا يحكون عن وحده.. خللت موبايلها على جنب وحاولت تستشف من كلام امها شي سلطانه: رييييييم وخري عن رجلي عورتيني ترى ريم تلحّن: يمه شوي شوي بس بانزعاج تكمّل مكالمتها مع اختها نوره سلطانه: ريم الله يهديها راقده على رجولي..اييه الله يصلحهم اقولك يانوره والله هي ميب هينه ترى كل ذا موب من جهل والا قل دبره الا من ذهانه بس الحمدالله ماجاها منّا الا الحشيمه ..........(تسكت سلطانه عشان نوره تحكي) وريم تتمنى تعرف وش تقول خالتها نوره امها تقاطع وتتحمّس لا والله يالنوري انا كنت فيه وشفت تصرفها شلون اجل تُعقل انها تدري عن العزيمه وماتجي عزيمه لها ليش ماتجي وفهد يوم كلمته يقول ماعلي من شي تقول تعبانه وش معنى كلامه الا انه سمع منها شي حزّتها (تسكت عشان نوره تحكي) ريم هنا عرفت انه اللي يحكون فيها مرة خالها فهد منى..ومو شي غريب بس هي تبي تعرف وش اللي جدّ في الموضوع هي دايم كذا لها مواقف غريبه مع موضي وبناتها مواقف شينه بالأصح يعني دايم تطنّش ولا تحترم احد ومسبّله عيالها في الاجتماعات طبعا بدونها.. رجعت ريم لموبايلها تحوس في الرسايل وتنقل وتحط فولدر جديد يعني الفضاوه وماتسوي سكرت امها من التيلفون ريم: يمه.. سلطانه: خير ريم بابتسامه عبطيه: في وجهي الخير وش عندها النوري سلطانه بابتسامه حازمه: خالتك النوري ريم: خالتي النوري وش عندها سلطانه: ابد بتروح تسلم على عمي وبروح معها ريم: اولا ابي ارووح ثانيا مو بس هذا اللي عند خالتي نوره سلطانه: وانتي ليش تتدخلين في شي مايخصك سالفه صارت وبس ريم: ايه بس منى وش سوت سلطانه: ابد كالعاده ريم: ايه وشو بالظبط سلطانه اللي تعبت من بنتها دزتها بخفه عشان تقوم من على رجولها ريم باحتجاج: لييش يمه سلطانه: وخري بس بروح البس قبل لايجي السواق ريم: ترى برووح لبيت خالتي نوره سلطانه: وش يروحك؟واخوانك من اخليهم عنده؟ ريم: يمممممه تكفين..حرام عليك اجازه وماطلعنا والمدارس مابقى عليها شي وشو هذا سلطانه: قلت لا يعني لا..اخوانك من بيقعد منهم وان امنيب مطوله ساعتين وبجي.. ريم: يمممممممممه سلطانه:ريم خلاص لاتناقشين الطلعه لاحقين عليها بكرى ان ماكان عندنا شي نروح السوق انا ابي اغراض ريم: واخواني من بتخيلنهم عنده؟ سلطانه: تجادلين بعد..نشوف بكرى من بيروح معي؟ ريم: خلاص خلاص آسفه نروح بكرى سلطانه: اشوف بعد وراحت سلطانه تتجهّز عشان سواق اختها بيمرها. ريم كانت تفكر بينها وبين نفسها "ياربييه والله طفش..الله يهديها امي بس..وراحت عند التلفزيون تقلّب في القنوات..اللي كانوا غصب واحد وغصب اثنين وقنوات المجد..(سلطانه فيها التزام شوي وماتبي الدش في البيت) أوووووف طفش..خل اقوم اشوف هالبزارين اللي قاعده عشان حضراتهم راحت لغرفة الألعاب كان احمد وعبدالمحسن يلعبون بلاي ستيشن واللّوهي يتابعهم احمد: بدري علييييييك تغلبني هذا البرازيل وخر عنه بس عبدالمحسن: غشاش ماالعب معك مره ثانيه ريم: وش عندكم؟ حسّون: ريم شوفي احمد مايخلليني افوز عليه وهو غشاش (ويناظر احمد بنظرات متمرده) احمد: غشاش انا؟؟طيب ياحسّون شف من ببيلعب معك مره ثانيه..ويرمي اليد احمد: اللوهي تلعب معي كوره؟ اللوهي:طيب بس ماابي اصير حارس احمد: احسن لك تصير حارس عشان تصير قوي اللوهي: ماابي تطقني بالكوره احمد بنظرات خبيثه:تبي اقراص ليزر؟ اللوهي: ايه عندك؟ عبودي ولد خالتي نوره عنده اكثر مني احمد: العب معي ويصير عندك اكثر منه ريم: احمد..وين تلعب معك هالبزر وكوره حرام عليك احمد: انتي لاتدخلين ريم ترفع صوتها شوي: احمد بلاقلة ادب..تستغل هالصغير عشان تستانس وتمزعه بالكوره حرام عليك مايتحمل ترى احمد بوقاحه: محد قاله يلعب معي..هو الي يبي انا ماجبرته ريم: اللوهي حبيبي تعال نلعب كراش وخل احمد بيعورك يابابا بالكوره اللوهي: ماابي بعدين مايعطيني اقراص ليزر ريم: انا اشتري كيس شيبس واعطيك كل الاقراص اللي فيه؟وش رايك؟ اللوهي: كللها ريم: ايه احمد حس انه اللوهي بيوافق ويخسره كاحد يلعب معه وقاله بتهديد: اللوهي ترى مااخليك تشوف الفيديو ريم اللي عصبت من احمد ومن اسلوبه: انت وبعدين معاك؟؟رح العب مع اصدقائك مو مع هالبزر |
|
|
|
|
04-04-2005, 06:28 AM
|
#39 |
|
عضو رائع
|
وتجي سلطانه على هالصراخ سلطانه: خير خير وش فيكم؟ احمد: يمه شوفي ريم تمنع اللوهي انه يلعب معي ريم: لا تحرف الكلام..يمه تراه يحطه حارس هالمسيكين ويمزعه بالكوره صح يااللوهي؟ اللوهي وهو مايبي ينحرم من الفيديو واقراص الليزر: لا موب صح اصلا انا ابي العب كوره مع احمد سلطانه: انتي بس تحطين عقلك مع العيال..ماعليك منهم ماعندك شغله الا هم خلليهم بس ريم: يمه والله العظيم تو عبدالاله يقول لاحمد مابيك تطقني سلطانه: يصلحون مع بعض انتي لاتتدخلين تسببين مشاكل وبس وراحت عنهم احمد يمد لسانه لريم بكل وقاحه: احسن تستاهلين عشان ماتتدخلين مره ثانيه ريم: قليل ادب وماتستحي ماراح ارد عليك بس لاتحسب نفسك صح (وتلتفت لأللوهي) أللوهي حبيبي ترى اللي يكذب ربي يحطه في النار اللوهي بكل مكابره: ماكذبت ريم: ورني لسانك اشوف اللوهي يحط يدّه على فمه مو اسود مو اسود ريم: ليش ماتخليني اشوفه يابابا ربي يعرف اذا انت صادق او كذاب اللوهي يطمّن راسه: اسف ماكنت ابي اكذب ريم بنبره حنونه: قول استغفر الله عشان ربي يشيل كذبتك اللوهي: استغفر الله بس انا ابي اقراص ليزر ريم: انا اجيب لك اقراص ليزر بس ماتكذب؟ اللوهي بابتسامه طفوليه : طيب وعد وراح بينزل وقبل لاينزل التفتف لريم اللوهي: ريم ريم: هاه اللوهي طبع بوســـــــه كبييييييره على يده ورماها على ريم ريم تلقّفت البوسه من الهوا وحطتها على خدها ورمت له بوسه واخذها وضمها بيده وحطها على صدره وطلع حسّت ريم ان الدمعه بتنزل مو اول مره تصير هالحركه دايم هي واللوهي كذا كل واحد يرمي بوسه للثاني بس لما ضمها لصدره حسّت باحساس حلووو يمكن حنان؟؟ماتعرف كل اللي تعرفه انه هالاحساس بكّاها والتفتت لحسّون اللي كان يلون في دفتر وراحت تلون معه.. مسكينه هالإنسانه ضايعه في هالبيت..بنت وحيده وكل اللي حوالينها اولاد.. وابو تحبه وحنون عليها ومايقصر بس مايتواجد في البيت دائما وهو ماقصر عنها عشان كذا ماحتاجته او حست بالنقص من ناحيته تبي غير الاب تبي وجود الصديقه في هالبيت اللي هي امها ام متشدده شوي ممكن متفهمه بس مو من كل النواحي...متفاهمه هي وامها بس علاقتهم مو علاقة صداقه هالام مالها الا بنتها والبنت مالها الا امها في البيت بس علاقتهم فيها شوائب كثيير ريم تحكي مع امها تسولف معاها..تتسوق معاها يتبادلون في الشنط الاكسسوار الاغراض دايم يدخلون المطبخ سوا ويضحكون ويلعبون بس في فجوه في العلاقه وفيه خيط منقطع اللي هو علاقة الصداقه ريم ماتقدر تحكي لامها كل شي..ماتقدر تقول لها غلط قد سوته ريم لانها عارفه انها بتتعاقب من امها فيه مواضيع ماتقدر تستشير امها فيها لان امها ماراح تفهمها هي عارفه هالشي وقد اختبرت امها وامها انهت الموضوع وسكرته وفرضت رايها فرض على ريم وريم كانت تبي تتناقش مع امها؟؟ ريم مالقت الي يسمعها متى مابغت بتقولون هيفا وين؟ هيفا موجوده وهي مراية ريم..ريم لهيفا كتاب مفتوح بس ريم ماتحصل هيفا متى مابغت ماتلقاها بكل وقت ريم تبي اكثر من هيفا مايكفيها وجود هيفا وبس خلصت تلوين وحسّت بالملل عبدالمحسن: تلعبين كراش معي؟ ناظرته ريم وكانت تبي تقول لا بس حسّته طفشان مثلها..وش بيضرها لو لعبت مع اخوها؟؟ ريم: يالله بس بفووز عليك عبدالمحسن: اتحداك ريم: شكلك بتفوز علي وش رايك نصير فريق ونحاول نختم الشريط عبدالمحسن يضحك: خوااااافه خفتي مني عشان مافوز عليك ريم بمرح: ذكي شلون عرفت يالله حط الشريط وجلست تلعب وتلعب الى مااّذن العشا ريم: يالله رووح لاحمد وصلوا وانا بروح اصلي وقولوا لأللوهي يصلي معكم حسون: بحط بوز عشان نكمل بعد اللعب ريم: طيب بس لعبه وحده لاني تعبت ياحسون حسون: طيب وراحت تغسل عشان بتصلي مرت على جوالها ولقت ثلاث مسيد كولات من هيفا ومسجين واحد من رقم غريب والثاني من صاحبتها سلمى هيفا بدق عليها بعد الصلاة بس غريبه هالمسج ورقم مااعرفه؟؟يمكن غلطانين بس حلوو المسج علميني لاصارت الدنيا تعاندني لمين ابوح؟!علميني لاصاروا اصحابي اغراب وين اروح؟! فهميني اذا احتجت لك في ليلة ظلما ومالقيتك كيف اعيش؟فهميني لو ضاع الوقت مني ورحتي انتي عني ليه اعيش؟؟!!! call me ~@~ وش هالرمز..ولاا دقي علي غريبه؟؟لو احد من البنات كان وضحوا في المسج مو رمز.. اكيد غلطانين.. وراحت على سريرها انسدحت على ضهرها..فكّت ربطة شعرها وخلته ينتثر كانت تمر بلحظه هاديه حتى من التفكير قامت من السرير وأخذت دفتر من الكمودينه وقلم.. وكتبت: أحس بالوحدة ياقلمي وبي عبرات تشنقني فيني آهات فيني حكايات أمسك بك لتـُنشدها أتحس ايها الجماد النازف؟؟ اتحس عندما اتعصّر حبرك لتـُدمع مآقي كلماتي.. أتحس ايها الصامت الأبدي صمتك يدميني ويرحمني ويحميني يحمي حروفٌ متناثره فصمتك المشبّع بأحزاني يخفي الكثيير يُخفيني سكّرت الدفتر حطته تحت المخده وطلعت عند اخوانها.. = = = = = = = = = = = = |
|
|
|
|
04-04-2005, 06:30 AM
|
#40 |
|
عضو رائع
|
9.14 بيت الجوهره الصاله لمى تكلم في التيلفون هيفا في المطبخ تسوي الشاهي سعود يلعب جيم بوي الجوهره وساره يحكون ساره: طيب يمه انتي شفتيها؟ الجوهره: لا بس خالتس النوري شافتها وتمدحها تقول على طلب نايف وانا كلمت امها اجوديه ساره: طيب يمه انتي واعدي الام في مكان عام صعبه تروحون تحرجونهم تشوفون البنت الجوهره: والله مدري بس امها ماخالفت قالت انكانم بتجون تشوفون البنت الله يحييكم هيفا مقبله بصينيه الشاهي والشغاله وراها بصحن فيه كلوب ساندوتش هيفا: يمه والله لو تروحون تشوفون البنت يكون افضل مافيها شي ساره: احراج على البنت تشوفونها واذا ماجازت لكم والله شينه يمه الجوهره: والله مافيها شي الام قالت تبون تجون الله يحييكم وانكانها جت على ماتبون الله يوفق هيفا: والله عادي كلميها وواعديها بعدين خالت ينوره شايفتها وترى ذوقها موب شين خالتي ساره: حتى لو اقول تشوفونها في مكان عام يكون افضل الجوهره: لااا وشوله فالبيت اريح انفتح الباب الداخلي ودخل ابو نايف..رجال في الخمسينات من عمره..له لحيه بسيطه وجهه يحمل ملامح الوقار والهيبه..والطيبه من عيونه ابونايف: السلام الجوهره: وعليكم السلام راحت هيفا تسلم على ابوها ولمى قفلت بشكل سريع من التيلفون وراحت تسلم ابو نايف: من ذا اللي تكلم لمى؟ لمى: السلام يبه ابو نايف: هلا هلا وعليكم السلام انتي ابسميتس لمى تلفون يابنيتي ماتعورتس اذنتس من التيلفون الجوهره: ابد مايطيح من اذنها ان ماكلمتهم هم اللي كلموها لمى: لي شعبيه يمه ابو نايف: اي شعبيه وانا ابوتس ذبحتيني بالفواتير لمى: يبه هم اللي يدقون علي الخساره مو عليك بعدين بتبخل علي ابو نايف: يعني الفواتير عليهم..زييين اجل كلمي براحتس ويابنيتي انا ماابخل عليكم بس ادفع فلوس للأتصالات عشان كلام فاضي بعد يابنيتي مايجوز لمى: هههههههههههههههههههههههههههههههههه ياحليلك يبه ساره: ماتستحين تقولين لابوي ياحليلك لمى: امووون يبه صح ابو نايف: ايه وين العشا.. الجوهره: الحين بحطه شوي بس ابو نايف: ابنوم انكانه بيتاخر الجوهره: هوّ اصبر شوي بس وراحت للمطبخ هي وساره يجهزون العشا دخل عليهم نايف سلم على ابوه وجلس يسولف معه عن الشغل ومالشغل سوالف رجال رجال يعني جت الجوهره وساره حطوا السفره والعشا وجلسوت يتعشون نايف: الا يمه وش صار على موضوعي مالقيتوا الى الحين؟ الجوهره: والله خالتك ذاكرة لنا بنت من حمولة عمتهم نايف: الله ياخال ابوي حك ضهري مشوار والله ههههههه طيب وش صار عليها هيفا: خالتي تقول انها على شروطك بس دراستها مايدرون عنها وامي نست تسال امها يوم كلمتهم المهم انّا محتارين في الشوفه لاننا ماشفناها نايف: وشوله تشوفونها مايحتاج الجوهره: لايوليدي لازم نشوفها نشوف امها نايف: موب خالتي النوري هي اللي ذاكرتهم وتعرفهم خلاص مايحتاج الجوهره: والله على كلام عمتهم الاهل ماعليهم خلاف اجواد وسنعين وحموله ماشالله ابو نايف: وطيب وشوله الحوسه انا اعرف ابوها معاي في الشغل نايف: طيب يبه وشلون شفته ابو نايف: والله رجال ساره: كل من ذكرهم يشكر فيهم خلاص يمه اصملوا عليهم بس نايف: خلاص صملت انا كلميهم وعطيهم المعلومات واذا وافقوا بروح اشوفها انا لمى: لا لازم نشوف هيفا: ملقوفه نطت على طول..لازم نشوفها يانايف نعرف شكلها ذوقها طبيعتها شخصيتها انت خابر نايف: من بيعرس انا والا انتم؟خلاص انا بروح اشوفها وانتم بعدين الجوهره: ياولدي اذكر ربك نايف: لا اله الا الله يمه بس انا قررت اذا البنت مواصفاتها زي ماابي انتي كلمي امها وشوفيلي دراستها بالظبط ماابي تدرس انا ياموقفه يامتخرجه كلميهم واتفقي معهم وبعدين يصير خير. وقام من عالعشا وراح غرفته هيفا: وراه معنّد ابو نايف: انتم بعد وشوله تحكون مابعد شفتوا البنت وتقولون له الجوهره: وانا شيدريني انه بيصر ساره: خلاص يمه خالتي تعرفهم وعمتهم ماذمتهم اذا فيهم عيب اقلها يسكتون مايمدحونهم وهذا امها كلمتيها وابوها ابوي يعرفه هيفا: الله يستر بس الجوهره: ماابي اطيح في ناس مااعرف عنهم شي لمى: ايه صح زي مرت خالي فهد هيفا ناظرت لمى بنظره: انتي ماتحكين الا في مواضيع تافهه مثلك ولا تعرفين متى بعد الجوهره: خلاص خلاص اذكروا الله لاتتطاقون عندي ابونايف: كلمي الام بكرى واتفقي انتي وياها الجوهره: الله يعين..اللي مريحني زود انهم ناس عارفينهم وعارفين طبايعهم ناس مثلنا..وهذا اللي ابيه وانتهى النقاش على كذا والجزء انتهى على كذا بعد.. بس القصه مانتهت تابعوها |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
النمط الخطي
