 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
04-04-2005, 07:53 AM
|
#41 | ||||||||||||||||||||||||||||||||||||||||||||||||||||||||||||||||||||||||||||
|
المشرف العام
  |
ريم مستقعده لمها تبي تروح بالغصب ولا تنكد روحه امها مشكورة توفي انك صلحتي لنا جزء سفري... وفعلا فيه جزء حزني وخلاني اخش جو كل كلمه انقالت هذا هو
والي حزني اني قريت الكلمات الي فوق بعد الشرح هذا
توفي اتوقع ان نهايه القصه فيها دموع والله العالم اذا من اولها كذا اجل وش نقول في النهايه فعلا ابدعتي في القصه ونا متابع القصه من اولها وصدقيني كل يوم اول ماحط عيني على ساحة القصص والروايات يعني الله لا يهينك لا تتاخرين علينا كثير مشكورة الف شكر والى الامام |
||||||||||||||||||||||||||||||||||||||||||||||||||||||||||||||||||||||||||||
|
|
|
04-04-2005, 08:37 PM
|
#42 |
|
عضو رائع
 |
دكتووور مشكوور والله..وانا حبيت انزل هالجزء عشانكم والى الحين مافيه بوادر جزء جديد بحاول اكتبه الليله او بكرى بس يمكن اتأخر فيه شوي لاني ابي اكثفه واخليه مليان يمكن يكون اكثر من جزء الله اعلم.. والنهايه انا ماحددت وش بتكون يعني بتجي من نفسها وارفقوا على دموعكم اتوقع انه فيه مواقف تستاهلها اكثر (*10) |
|
|
|
|
05-04-2005, 08:34 AM
|
#43 |
|
المشرف العام
|
بصراحه فرحت حسبته جزء جديد .. ولكن اختي توفي شكلنا تعبناك بالحنه لذالك خذي وقتك وكل ماطولتي كل ماخذت القصه حقها (ولكن مو مره) وشوفي دبره لنواف تراك مارجعتي له من زمان الرجال مل وهو يفكر (*33) مشكورة مرة ثانيه والله يوفقك |
|
|
|
|
08-04-2005, 02:44 PM
|
#44 |
|
من كبار روائع
::+: v i p :+:: |
توووووووووووووووووووووفي..
وش هالقصة!! جناااااااااااااااااااااااااااااااااااااااااااااااا اااان.. كل موقف احلى من الثاني!! الصراحة ماتوقعتها كذا؟؟؟ لا ماشالله عليك اسلووووووووووب وذووووووووق.. انا عجبتني غادة.. والا ريم.. خطيررررررررررررة.. لحظة لاتصدقين.. تراني ماقريتها!! بقراها بعد الامتحانات انشالله!! هههههههههههه ادري انك بتكفخيني بس يله.. وش اسوي؟؟ اخاف ابدى وانشغل فيها.. او ماتكملينها.. خليها بعد فترة وبروق عليها.. انتظري تحليلي بعد فترة.. ومبروك التثبيت.. مين قدك؟؟ وتسلمين.. |
|
|
|
|
10-04-2005, 07:07 AM
|
#45 |
|
من كبار روائع
::+: v i p :+:: |
توووفي
وينك...  ؟؟يالله عاد يكفي ..؟؟ الظاهر انك بديتي تستلذين بتعذيبنا  !!نسينا الأول والجزء الجديد ما نزل حاولت أكتب لك ديباجة هندية عشان ترحمينا بس ما قدرت قلت يكفن دميعاتي  يالله حنا بالانتظار وترى المرة سويت لتس فلم هندي  المرة الجاية أبسوي لتس فلم أكشن امريكي  |
|
|
|
|
11-04-2005, 12:28 AM
|
#46 |
|
عضو جديد
|
السلام عليكم مرحبتين توفي والله انك رهيبه مررررررررررره تدرين ما اقدر اقول قصتك ممتازه عشان ما اصير بالغت بس فوق فوق فوق الرائعه من جد اول قصة احسها تمثل واقعنا السعودي بالذات النجدي بالذات اهل الرياض بعداتهم وتفاصيل حياتهم بافكارهم بكلامهم صح قريت قصص سعوديه ما قدرت اكملها لاني اشوفها تخرب الهجه النجديه اتعب منها ويضيق صدري اللي ما يعرف للهجه السعوديه اتركها احسن لا يخربها لهجة البلد شي من وجودها لازم تتمسك فيه ولا تخربه لانه إذا خربت الهجه يصير الانسان من غير هويه وهذي القصة احلا مافيه الهجه السعوديه فيها صح صح صح (*40) تسليمن توفي والله يعطيك العافيه والله يجعل دربك ابيض بدايه وافقه حببتي اسمتري الله لا يحرمنا منك يارب توفي انتي كــــــــــــ (*40) ـــــــذا |
|
|
|
|
11-04-2005, 01:37 AM
|
#47 |
|
عضو رائع
|
دكتور.. هههههههههههههه ياحليلك والله..ابشر بالجزء.. بس اصبروا علي شويتين..لاني عيني التهبت والله.. ونواف بتشوف دبرته..شكله بيطيح ولااحد بيسمي عليه (*16) ================= همسات الشينه (*32) والله اني فرحت وطرت من الفرحه بعد واثاريس ترقصين فيني بس هين خلصي امتحاناتك واقري القصه.. ترى رايك موهمممممممم ================= جموووووونه فديتك ياشيخه انتي ودميعاتك اللي تبطبط بس يابعد تسبدي والله اني مابديت اكتب الجزء الا امس علي قل صح ياوخيتي عيني تعورني والدختور قال لي كله من الكمبيوتر والإجهاد.. وان شالله الجزء هاليومين نازل... وبدون ديباجات الله يعافيك (*10) وابشري ياللي يسر ان شالله بس صبر شوي =============== سعوديه فللللللله ياحبيلك والله (*40) انتي الرهيبه..وتسلميييييييين يالغاليه والله وكبّرتي راسي (*19) وتصدقين اني مثلك كنت اقرى قصص سعوديه وتحوم كبدي عليهم لغه انواااااع الحواق (*15) وهذا دافع من الدوافع اللي خلتني اكتب قصه.. وحتى بنات خالاتي كانوا معي وكنّا بنكتب قصه جماعيه..قطّه يعني بس فشلت تدرين قدر الشراكه مايفوووح (*37) وشكرا مره ثانيه..لا تحرميني من هالطله ==================== الجـــزء ان شالله بينزل..بس الصبر ياناس.. عارفه اني بغثكم شوي بس والله كنت تعبانه.. وتوني امس بديت في الجزء..وبكمله اليوم ان شالله وبكرى اللمسات الأخيره..بإذن الله وبيجيكم... شكــــــــــرا للجميع أختــــــكم تووووووفي (*35) |
|
|
|
|
11-04-2005, 11:39 AM
|
#48 |
|
المشرف العام
|
توفي سلامات والله ماتشوفين شر ... خذي راحتك وعلى اقل من مهلك ماراح نستعجل اهم شي لا يجي فيك شي وتقولين دكتور رائع وشلته هم الي سوو وفعلو ... اكتبي الجزء على راحتك والقصه مثبته ماهي طايره ولكن اول ماتنزلين الجزء سمي بالله ... اشكرك لهتمامك في الموضوع وايضا اهتمامك في اراء الاعضاء ... مشكورة الف مليون مره |
|
|
|
|
13-04-2005, 03:45 AM
|
#49 |
|
عضو رائع
|
أهليييين يالغاليييييييين انا جييييييييت ومعاي جزئيين (*35) وش رايكم فيني؟؟؟ (*8) أعجبكم انا يالله عاد اقروها هالجزئيين وإن شالله تعجبكم.. جزئين مره وحده من قدكم بس بعد استنيتوني وعساني اكون أرضيت انتظاركم يالله اقرووووه وعيشوا أجواء القصه (*37) محبتكم عــــــ نبض ـــــروق |
|
|
|
|
13-04-2005, 03:55 AM
|
#50 |
|
عضو رائع
|
الفصل الأول.. - - - - - - - - بعد كم يوم صار كم حدث بسيط..بحكيها لكم بدون تفصيل.. نايف..أهل خطيبته وافقوا انه يجي يشوفها هو وامه بس مابعد حددوا اليوم بيسألون عنه اول لولوه اخت منصور كلمت سلطانه واتفقوا على ان سلطانه تنادي اختها وبناتها عندها في البيت وتجي لولوه وتشوف غاده..عشان اذا جازت لها خطبوها لمنصور.منصور راضي بأي شي بس الي يهمه انه يشوفها قبل..من حقه طبعا. موضي وبناتها قرروا انهم يطلعون لأستراحة اخوان علي زوج نوره وبينامون فيها يومين قبل الاجازه ماتخلص.. - - - - - - - - - - - بيت سلطانه.. الظهر.. المطبخ.. ريم أخيرا..خللصت الحلا وحطيته في الثلاجه..اووو معليش اعذروني والله حايسه..تعرفون انه عندنا طلعه للإستراحه اليوم وسويت حلا عشان بناخذه معنا..والفطاير عجنتها وعطيتها الشغاله تلفّها..لاني مااحب لف الفطاير.. لحظه بس بقول لامي اني خلصت ريم: يمااااااااااه يمه سلطانه تسمعون؟اسمع صوت امي من بعيد؟؟بس وينها خل نروح نشوف وينها فيه..امممم نطلع للحوش اول؟يمكنها هناك..انا بناديها وانتم توحّوا لها شوفوا هي وين يمــــــــــه..يممممه يمه يمه يمه وييييييييييييييييينك فيه سلطانه: في المخزن وش تبييييين "اخيرا حصلتها يالله مشينا المخزن ريم: وينك انبح حلقي سلطانه: خير وش تبين لي ساعه اصرّخ ريم: طيب وش تسوين سلطانه: اجهّز اغراض باخذها معي خلصتي الحلا؟ ريم: ايه خلاص حطيته في الثلاجه والفطاير عطيتها الشغاله تلفها سلطانه: طيب الله يعافيك زين..روحي اجل جهزي ملابس اخوانك تراني ماجهّزتها "يوووه اكره شي عندي ترتيب ملابس اخواني..الله يعين" ريم: طيب سلطانه: البدل لاتحطين الا اربع بس البجايم حطي ثلاث..وحطي ثنتين امّ رقبه لألوهي وحده بيضا ووحده سودا..وام حرف ثنتين ولا تنسين ملابس ريم: ان شالله..يمه ترى اعرف احط لهم ملابس سلطانه: كثري لهم غيارات ياريم ماابي اذا رحنا تخلص علي..يومين هناك وانتي تعرفين اخوانك يستهلكون ريم بملل من هالتوصيات: ان شااااااااااااالله بس انا جيت اقولك اني بروح البس سلطانه: جهزتي اغراضك وشنطتك؟ ريم: ايه من امس بس بتروش وبلبس سلطانه: اخلصي بسرعه عشان تجهزين معاميل القهوه والشاهي ريم بملامح مستنكره: يمه شكل كل شي ماجهز وكله على راسي سلطانه: روحي اخلصي بس وبلا كثر حكي ريم بدون نفس: طيب "شفتوا شلون امي..احيانا احس انها مستبده ترى مااسبها بس هذا وصف .." راحت ريم تتروّش وبعدين بتجهّز شنطة أخوانها.. نروح نشوف بيت نوره وش يسوون؟؟ ابو سلطان في الحوش..يركّب العفش في السياره..ويتجه للفله أبو سلطان:ام سلطان..يالنووووري نوره: سمّ انا في المطبخ ابو سلطان يدخل على زوجته اللي كانت تحرك المحلّى وغاده تحط لها الطحين ابوسلطان: ماخلصتي اغرضكم..مانبي نتأخر ترى ابي اروح بدري واشوف العمال كانهم سووا اللي قلت لهم عليه نوره: ان شالله بس هالبني ماقاموا غثوني مافيهم نفع الا غاده ابوسلطان بتعجب واستنكار: ماقاموا الى هالحين؟اها متى بنروح تبونا نوصل المغرب.. نوره: انفضهم خلهم يقومون وراح ابو سلطان لغرف بناته يطق عليهم وحده وحده يقومّهم مر على مها اللي كانت صاحيه وتجهّز شنطتها ابو سلطان بحنان واضح فعيونه: يالله يابنتي لا تتأخرون مها: ان شالله يبه ابو سلطان: كفووو والله ويروح لغرفة هنوف ونوف ابوسلطان يطق على الباب يابنات يابنااات قوموا يالله بنروح ويفتح الباب ويدخل الغرفه :أعووووذ بالله وش هالنووم لا صلاة ولاعباده يجر اللحاف بشويش عن هنووف : هنوووفه هنوف قومي يابنتي قومي الله يهديتس هنوف صحت: خلاص يبه قمت.. وترجع تحط راسها عالمخده ابو سلطان: هنييفه قمتي وانتي راقده"يجر يدها يبي يحثها هالقومه" يالله وانا ابوتس لا تعبيني قومي يابنتي مانبي نتأخر قوموا شوفوا وش عند امكم ساعدوها هنوف: ان شالله خلاااص يبه طيب ويتجه لنوف اللي كان نومها ثقييل بس بيقدر عليها ابوسلطان: نووفه..نوف يالله قومي عشان نروح الاستراحه نوف: همممم(وتنقلب للجنب الثاني وينقلب معها اللحاف) ابوسلطان يهزها مع كتفها ويطلع يدها ويجرها عشان تقوم وتجلس نوف عالسرير وهي نايمه ماتحس بشي ابوسلطان:عجيب..نوف نوفه تنومين وانتي جالسه وش هالنوم يابنيتي ويحاول يدغدغها بلطف ونوف تتبسّم وترمي راسها عالجهه الثانيه تبي تنووم ابوسلطان: يالله عاد قومي..تبين تروحين معي البقاله؟؟ ترى ابروح انا وعبودي الحين نوف اللي فتّحت عيونها: متى بتروحون؟ ابوسلطان:يالجنيه الحين قمتي هاه..ويلاعب بنته اللي لو تكبر عشرين سنه قدام بتكون طفلته المدله نوف بدلع: يببببه خلاص ابو سلطان بصوت حنون وهادي: يالله وانا ابوتس قومي معي..ويمسك يدها عشان تقوم ويوصلها عند باب الحمّام ابوسلطان: هاه قمتي خلاص وتلتفت له نوف بابتسامه شقيه: لا توني ويضحك ابوسلطان على بنته وراح يطق على غرفة منال عشان تصحى منال من ورى الباب: قايمه يبه وراح لغرفة بندر الي كان خاايس نوووم دخل عليه بدون مقدمات وراح يخبّط على رجوله ابوسلطان بصوت حازم: بندر بندر..يالله وانا ابوك قم ويخبطه بشده شوي: قم صل يابندر..يالله ياولدي.. بندر بصوت ثقييل:ان شاالله يبه ابوسلطان: يالله منتب رايح للاستراحه.. بندر: الا بس موب الحين ابوسلطان: قم بس عشان تركب خواتك انا سيارتي فيها العفش وماتكفي بندر:يووووووه يبه خل السواق يماشيك ابوسلطان: اركب خواتك مع السواق في طريق سفر!!منتب صاحي بندر: ان شالله زين بس ساعه وبقوم ابوسلطان هز راسه بأسف على حال ولده وطلع من الغرفه ونزل تحت نرجع لريم.. توها داخله غرفتها..ومعاها كيس النوم حطته عند شنطتها..فكت الفوطه عن شعرها..وقعدت تناظر شكلها في المرايه وهي تفكر..تذكّرت انها نست تقول لهيفا تجيب اغراض قد نستها عندها..راحت عند المخدّه وسحبت موبايلها شافته ولاه كان فيه مسد كول طالعت الرقم وقالت في نفسها"ياربيييييه وش سالفة هالرقم..كل مايدق مااكون موجوده..غريب والله..مو اول مره يدق هذي رابع مره..مين مزعج؟والا غلطان؟اذا دق مره ثانيه لازم ارد عليه اقل شي اعرف مين..ارسلت مسج لهيفا وقالت لها تجيب اغراضها وراحت تتجهّز لبست بلوزه هاي نيك سودا بأكمام طويله..فوقها بلوزه بيضا قطنيه ساده بس فتحتها وسيعه ونازله من عند الأكتاف واكمامها طويله وماسكه عاليد..لبست ساعتها السودا وحطّت حلقات نعومه (عندها فتحتيتن في كل اذن للحلق) واحد كان فص كريستالي..والثاني دائره صغيره سودا تتدلى من اذنها..ربطّت شعرها بشكل ذيل حصان..حطّت كحل اسود خفيف وقلوس وردي..وخذت شنطتها اللي كانت كبيره نوعا ما..جينز غامق..تأكدت انه كل اغراضها موجوده..ولقت انها نست الموبايل..أخذت شنطتها الكبيره وكيس النوم..وشنطتهااليدويه معللقه على كتفها وطلعت من غرفتها بتنزل تحت الا اخوها عبدالعزيز يناديها عبدالعزيز: ريم..ريمو تعالي شوي ريم: هاه وش تبي عبدالعزيز: وش رايك وش انسب البلوزه الكحليه والا البيج؟مع البنطلون الكحلي ريم: كللهم ياعبدالعزيز..البس البلوزه الكحليه وفوقها البلوزه البيج تمشي سحابها كحلي شوف(قالت كذا يوم شافته بيعترض على اختيارها) عبدالعزيز: طيب شكرا ريم: عفوا والكوتش البيج يمشي عبدالعزيز: عارف بس ابي شراب ريم: امك انا.. رح غرفتي وافتح كرتون الشرابات اذا حصّلت شي خذه ريم وهي ماشيه عن اخوها:البس ترى والله بيصير برد عبدالعزيز: باخذ بشتي ويوصلهم صوت سلطانه من تحت تنادي ريم ريم: الله يعينّي كلله منك أخرتني :هذااااااني جييييييييت وراحت عن اخوها لامها تشوف وش عندها |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
النمط الخطي
