 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
23-03-2005, 06:44 AM
|
#1 |
|
عضو رائع
  |
>×<دنيـا غريـبــــه>×<مـــاتدوووم×!×..من تأليفي
أول قصه لي.. أسجلها بأسم دنيا غريبه ماتدوووم.. من الواقع..ومن حياة عشتها او عاشها آخرون.. وبها من الخيال.. قد تكون ركيكه وينقصها الترابط.. وقد تجدون بها العيوووب الكثيره.. فهي اول تجربة لي في كتابة القصص.. ستكون على شكل أجزاء.. وأنتم بمتابعتكم من سيحكم عليها.. قد أستمر في كتابتها وقد أتوقف وهذا يرجع لكم.. أتمنى ان تنال رضاكم.. وأتمنى من الجميييع عدم النشر الا بموافقة مسبقة مني.. وأوقعها باسم.. نـبــــض عـــــروق دمتم بودّ تحيتي آخر تحرير بواسطة to0o0ofee : 24-03-2005 الساعة 05:48 AM. |
|
|
|
23-03-2005, 06:52 AM
|
#2 |
|
عضو رائع
|
شخصيات القصه الرئيسيه وفي شخصيات اساسيه في القصه الحكي عنها بيكون لما تطلع:
موضي أم فهد..عندها 3 بنات وولدين.. ..ورجلها متوفي..من سنتين.. بكرها من البنات:نوره,,ماخذها علي عندها 5بنات و3عيال. سلطان: 32..عازب..دكتور..من سنتين متعين. اول بناتها:مها..26مدرّسة حاسب. غاده:23..تطبيق تخصصها رياض أطفال. بدر:20.. منال:19.. الهنوف:16..اولى ثانوي. نوف:13..اولى متوسط..بزر ومسويه مراهقه.حللوها؟!! عبودي:8 سنوات.. فهد(42)..متزوج..وعنده بنتين وولدين. سعود:13. العنود:11 سنه. غيدا:7سنوات. فيصل:3 سنوات ونص. الجوهره..ام نايف..عندها 3بنات..و3 عيال.زوجها ابو نايف..ابراهيم. نايف:28..اعزب مع وقف التنفيذ. نواف:24..يشتغل فشركه..معاه دبلوم ماكمل دراسته الجامعيه. ساره:21.تدرس بالجامعه علم نفس.مستوى خامس سنه ثالث. هيفا:19..فالجامعه..مستوى اول فرنسي. لما:17..ثاني ثانوي. سعود:13..اولى متوسط. سلطانه..زوجها..خالد.عندها بنت واربع عيال. ريم:19..اول سنه جامعه..إدارة اعمال. عبدالعزيز:17..ثاني ثانوي بدر:14.. أحمد:12.. عبدالمحسن:10.. أللوهي:اولى ابتدائي.. الضحى,, الثلاثاء. صالة بيت نوره..ام سلطان. التيليفون يرن,,ويرن.ويرن. ولاأحد حوله. ينقطع..ويتواصل الرنين.. وتجي ام سلطان..مسرعه وعليها جلالها. طالعه من مجلس الحريم. ام سلطان:ألووه ..:نعنبوكم وينكم عن التيلفون,,تقطع قلبه وهو يرن؟؟ ام سلطان:هلا يمه..لا ابد الله يسلمتس كنت اصللي. ام فهد(موضي): بنبره استنكاريه:وش صلاته بعد؟ ام سلطان :هوّ يمه وش صلاته بعد الضحى.. موضي:اييييه..زين وش اخباركم؟عساكم طيبين.. ام سلطان:والله الحمد الله ماعلينا خلاف. بشرينا عنك يمه؟ موضي:الحمد الله ذالصدر بس انتي خابره مع ذالجو ام سلطان: الله يعافيتس انشالله انتبهي انتي من الهوا بس موضي:الله يعين. ام سلطان:الله يرفع عنتس انشالله,,وشلون السكر عسى تاخذين الابر فوقتها؟ موضي:ايه الله يساعدها ستي ماقصّرت هي اللي تعطينيها ام سلطان:الله يعافيها.. وبعد ماتبادلوا السلامات والاخبار.. موضي:والله ولهيين عليكم يابنيتي..متى بتهيتون؟ ام سلطان:والله يميمتي مدري ذالبني امتحانات اللي بدا واللي توه مدري عنهم. موضي:ماسيرتوا علي ولاااش ايييه كل لاهي بدنياه.. ياكافي ماشفت ذالاسبوع احد منكم أبد ام سلطان:والله يمه ابشري بالجيه بس ابشوف بناتي وش عندهم واخاف ابوهم مايطيع امتحانات خابره يمه؟ موضي:اييه اذا اهتويتوا الجيّه بتدبّرونها. ام سلطان: والله يمّه ودّنا بس انتي خابره موضي: ايه ماعليه ماتشوفين شر أجل,أبقوم انسدح شوي قبل الضهر. ام سلطان:خلاص يمه فمان الله.. حطت السماعه وقامت.. مينا تدخل الصاله وفيدها الملاّس وبلهجه مكسره:يماااااه.. ام سلطان:هااه وش عندتس؟ مينا:هدا رووز فيه مويه كتيير.. ام سلطان:يالقفتس ماقلت لتس لا تجين اش خليه ابشوفه. وراحت ام سلطان بعد مافصخت جلالها للمطبخ تشوف امورها. تررررن تررررن.. ومازال التيلفون يرن.. ام سلطان تروح للتيلفون..وانقطع. ام سلطان:وجع قطعه بعد قطعه.. توها بتقوم عن الكنب الا ويرن مره ثانيه. وترد من اول رنه وبانزعاج واضح: الووووه؟! ...صوت رجولي: يسألوووني لييه احبك حب مااحبه بشر وليييه انتي في حياتي شمسها وانتي القمر.. ام سلطان ووجهاا متشقق من الضحك والوناسه:يالبّا قلبك..هلا وليدي.. نايف:هلا بحلوتي.. ام سلطان:الله يحللي ايامك.. هلا بالشيخ ولد الشيخ. نايف: ولد اخو الشيخه هههههههه ام سلطان:لا ااا مروق اليوم.. وش اخبارك؟ نايف:الحمد الله..انتي وش اخبارك؟ انشالله طيبه؟ ام سطان:الله يسلمك ماعلينا خلاف. وشلون الوالده والاهل والاخوان؟ نايف:والله كللهم طيبيين وشلون العيال؟شاخبارهم مع الإمتحانات. ام سلطان:كلِّ لاهي بعمره.. هذا عيني سلطان مناوب من امس حسبي الله عليهم كارفينه كرف. نايف:الله يعينه مسيكين. ام سلطان:مهتوي. سم يالشيخ وش بغيت؟ نايف:ابد والله احوس بالجوال ولقيت اسمك وقلت خل اسلم اشوف وش علومك.. ام سلطان: تسلم والله ماتقصر نايف:الله يسلمك.اذن ياخالتي؟ ام سلطان:هذا هو ماسك اذنه خلاص اجل بروح اغسل عشان الصلاة. ام سلطان: الله معك مع السلامه. تسكر الخط وتروح تقوّم بناتها اللي ماداوموا. بعد صلاة الضهر.. نايف.. توني طالع من المسجد استغفر واسبّح.. والله بررررد..وش ذالبراد الي جانا؟؟ أفتح جوّالي كنت مقفله عشان الصلاه.. يرن جوّالي!! ماأمداني فاتحه! من اللي داق الحين.؟؟. هيفا اختي!! وش عندها.. نايف:ألو هيفا:اهلين نايف.. نايف:هاه يالبثره وش تبين. (أحب ارفع لها ضغطها بهالكلمه) هيفا:انا بثره؟!!طيب يانايف مايخالف.. نايف: أخلصي لقيتي لي عرووس والا (معرس الموسم انا يدورون لي هاليومين) هيفا:الااااا يانايف شق تجنن البنت.. نايف:جد.. والله ماهقيت وراك حلا هيفا:بعدين اقوللك..بس وش عندك الحين؟ نايف:أبد بروح البيت وش تبين؟ هيفا بصوت مترجّي:تكفى نايف طلبتك لا تقول لا نايف:أخلصي هيفا وش عندك؟ مير وش اخبار امتحانك؟ هيفا:والله ماعليه الله يوفق توني طالعه. نايف دامك فاضي مرّني بليييز نايف: تبيني اضرب مشوااار لعليشه لا الله يعافيك بروح البيت بنام وراي شغل العصر. هيفا:انت قلتها العصر..تكفى ابوي مااراح يجيني الا بعد ساعتين. عنده شغل. نايف:والله انك قلق بعد. هيفا :الله يعافيك عاد. نايف:طيب خلاص اذا دقيت عليك اطلعي عند الباب. هيفا:طيب بوابه 2 خلاص؟ نايف: بدق عليك يالله هيفا:شووووووكرن يانيّوفتي.. نايف:ههههههههههه والله انك خبله يالله مع السلامه. هيفا:مع السلامه وترفّق لا تسرع. نايف: انشالله. سكرت من هيفا وشغّلت بروح اجيبها. الجامعه.. الكافيتيريا.. هيفا يووووه وش هالقرف.. وين البنات بعد؟؟ اووو نسيت شي ماقلت لكم انا مين انا هيفا اخت نايف أمحق تعريف صح لوووووووووووووووووول انا هيفا بنت الجوهره مستوى أول فرنسي عطشاانه وجوعانه ومضيعه صاحباتي وين طسّوا؟؟ ابشتري شي اشربه وبعدين ادق عليهم. يووه تذكرت اني ماصلليت بخللص وبصللي. شريت عصير ليمون وطلعت من الكافيتيريا بروح اقرب مبني بصللي. انا متوضيه والا لا؟ الا متوضيه ذكرت ...:هيفااااااااا من الي ينادي؟؟ ياربيييييه وينهي ذي اتلفّت مافي احد كمّلت طريقي.. ويستمر الصوووت ..:هييييف لا تسفهيين احد يحط يدّه على كتفي وااااااااااو ريموووووو هذي ريم بنت خالتي سلطانه هيفا:هلاااا والله ريم:اهليييييين هلا وغلا ليييش تسفهين يالدوّبا؟ هيفا:والله مادري من ينادي بعدين مستعجله بروح اصللي. ريم:أهااا شاطره مأخرتها بعد؟ وش صار على أمتحانك اليوم؟ هيفا:والله انشالله اجيب كويس يعني حلليت وماحللّيت. ريم:الله يعينك اصلا امتحانات الجامعه ماتعرفين لها هيفا:ايه والله الله ينجّحنا يارب. ريم:وش اخباركم؟خالتي واخوانك. هيفا:والله تمام. امي على قدمِ وساق عشان الأخ نايف. ريم:الله يعيينكم..احس حالتها حاله. هيفا:والأخ عليييه شرروط بعد. الا سمرا ومو أي سمار والله تعبنا. يبيها هنديّه ريم:ههههههههههه ياحليله.. طيب ياحلوه انا بخليك الحين بروح للبنات. هيفا:ريم. ريم:لبيييه. هيفا:متى بتخلصيين امتحاناتك. ريم: اسكتي كل الاسبوووووع الجاي فاضيه عندي يوم الاربعاء والاحد وبس. هيفا:يوووووه انا اشوى منك يوم الاثنين عندي والخميس تخيّلي. ريم:والله حاله ياشيخه. وتنطّ فراسي ذيك الفكره.. هيفا:ريم..وش رايك تجين عندي اليوم؟ ريم:لا والله امتحانات. هيفا:امشي بس بروح اصللي وبعدين اتفاهم معاك. ريم :هيي بروح للبنات هيفا:مافيه تعالي معي كللها خمس دقايق امشي.. ريم:ياشينك ياهييف ياحماره هيفا:على قلبي زي العسل ريم:ههههههههههه امشي يالله هيفا:يالله. رحنا وصلليت وحاطتها قدّام عيني عشان ماتطس والله لو تجي عندي وناسه نغير جو عن هالحبسه عشان الاختبارات قرف. خللصت وصفطّت العبايه.. الا والجوال يرن.. يوووه نايف. هيفا:هلا نايف نايف:وينك؟ هيفا:فالجامعه. نايف:طيب ترى شوي وبجيك بوابة 2 هيفا:ايه..اشّرت على ريم بيدّي عشان نطلع نايف:خلاص ترى مانيب داخل عشان الزحمه خلليك برا. هيفا:اوكي خلاص يالله ابروح عند البوابه الحين اذا وصلت عطني كول. نايف:طيب باي. هيفا:باي. هاه ريم وش قلتي. ريم:لا صعبه ياهيفا بعدين نايف بيجيبك. هيفا:تكفييين اليوم بس والله تغيير. ساره ماعندها الا الخميس بكرا فاضين وحقين المدارس لسّا بيبدون السبت ماعندنا احد ريم:والله هي فكره بس اخاف امي هيفا:ماعليك خالتي ميب قايله شي ريم:لا والله ونايف بيودّيك والله فشللله هيف:ريم كوووولي هوا. ريم:ههههههههه هيفا من جد هيفا:خلاص انا بكللم خالتي يالله لا يحمق علينا نايف. ريم:خلاص طيب انتي كلميها هيفا:زين ادق على خالتي سلطانه وماترد على جوالها. ريم:دقي عالبيت تلقينها في المطبخ بترد عليك. هيفا:يارب توااافق ريم :ياااارب دقيت عالبيت وردّت خالتي.. الوو. هلا والله خالتي شلونك؟ هلا بخير الله يسلمك ميين ساره هيفا:لا انا هيفا سلطانه:ايه هلا والله اصواتكم تتشابه ماافرّق بينكم هيفا:ايه والله دايم تصير خالتي..طلبتك تكفيييييين ياغايتي يابهجة الدنيا طلبتك والا مني طلبتك تكفييييين لا تردّيني. سلطانه:ههههههههههه وش هالمقدّمه الطلليّّه وش عندك هيفا:تكفين قولي تم سلطانه:وش عندك هيفا:خللي ريم ترجع معي تكفين لا لا تقولين لا الله يطوللّي بعمرك سلطانه:ههههههه خليتيني احكي انتي هيفا:تكفييين والرجعه تتدّبر ماعندنا امتحانات ولا شي مهيب شاغلتنا سلطانه:لا يابنيتي والله مره ثانيه هيفا:طيب ليييش سلطانه:صعبه عالغدا وش يقول ابوك هيفا:والله ابوي مايقول شي ينبسط اذا شاف احد عندنا سلطانه :واخوانك..والله مهيب زينه..تحرجونهم هيفا:والله محّد حولنا نقعد فالجناح حقي انا وخواتي ومحّد يجينا تكفييين ريم تدخّلت ريم:يممممه الله يعافيك تكفين ماطلعت ابد سلطانه:عطينياها وتاخذ ريم الجوال هلا يمه سلطانه:هلا هاه معزّمه تروحين.. ايه يمه تكفين سلطانه:خلاص طيب الله الله بالعقل. خللي الجلال عليك ريم :انشالله يمه ويدق فهالللحظه نايف انتظار. ريم:طيب يمه خلا ص هذا نايف يدق هو برّا سلطانه:خلا ص سلمي على خالتك. مع السلامه. ويلمّووون بعض من الفرحه هيفا:الللللااااااااااه ونااسه ريم:هههههه يالله لا نتأخر على اخوك. ويروحون بسرعه عشان مايعصّب نايف. وطول الوقت ريم تقول فشيله فشيله. وهيفا تتحمّد عليها. آخر تحرير بواسطة to0o0ofee : 24-03-2005 الساعة 05:53 AM. |
|
|
|
|
23-03-2005, 07:16 AM
|
#3 |
|
عضو رائع
|
في بيت سلطانه.. الصاله.. عبدالعزيز.. = = = = = = = = = ياربييييه ميت من الجوووع..وامي ماشالله عليها مابعد حطّت الغدا اووو معلييش سوري ياعالم ماعرّفتكم فيني احم احم انا عبدالعزيز ولد سلطانه الكبييير من قدي طبعا بعد ريموووه جالس في الصاله اللّوهي يتابع سبيس ستوون وعبدالمحسن واحمد مسوين لي هنا افلام يلعبون ويطاقون حوّموا كبدي من جد وبدر الدب منجطّ فيذا..نايم مسكييين عليه شكل هههههههههههههه واخيرن هذي الشغاله تفرش السفره مابغوا يحطونه احس بجوووع من امس مااكلت شي وفي المدرسه برضو مااكلت يعني الحين آكل أي شي قدّامي.. الجرس يرن؟؟؟ من بيجي ذالحزّه لحوووول احد يجي وقت الغدا يمماااااااااااه: سلطانه:سم..هلا عبدالعزيز:بيجيكم احد سلطانه:لا..يمكن بقاله شف اخوانك اخواني ماطلبوا شي يارببييييييه انا مظطر اقوم افتح الباب طلعت افتح الباب هلاااااااااااا عمي عمي:هلا والله عبد العزيز عبدالعزيز:هلا بك حيّاك تفضّل عمي:ابوك فيه عبدالعزيز:لا موب فيه بيجي الحين هذي حزّته تفضل ادخل.. دخّلته المجلس..ورحت اقول لامي يممه: امي في المطبخ :هاه وش تبي عميّي منصور جا امي باستغراب:الله يحييه ماقاللك وش يبي عبدالعزيز:لا سال عن ابوي بس شكله بيتغدى ولموا القهوه وش غداكم؟ سلطانه:اشوى اني مسويه جريش كثرته شوي ابرسل للجيران بس موب لازم دام عمّك فيه عبدالعزيز:زين الغدا فيه بركه مايحتاج اروح اجيب شي سلطانه:لا بطلب من البقاله اغراض السلطه وخبز بس عبدالعزيز:خلاص بس ولمي القهوه والشاهي الوهي يابابا تعال اللوهي:وش تبي عبدالعزيز: شف اناديك انا تقوللي وش تبي تعال يالله اشوف اللوهي:وش تبي اشوف التلفزيون قول وش تبي عبدالعزيز:تعال سللم على عمي منصور اللوهي:طيب والله الرجال منسجم في التلفزيون سلطانه:عبدالعزيييييييز سمي يمه :اقول خل عمك يجي في الصاله واخزياه في المجلس كنه اجنبي رتبتها بشكل سرييع ورحت لعمي ياحيالله من جانا عمي منصور:الله يحييك وين اخوانك اجل عبدالعزيز:ريم عند خالتي طلعت مع هيفا بنت خالتي من الجامعه وراحت معها ووالعيال يلعبون هناك تفضل في الصاله ياعمي قام عمي ورحنا الصاله ناديت اخواني يجون يسلمون جا ابوي وقعدنا نسولف ونضحك هذا عمي الله يسلمكم اصغر عمّاني.. نص الثلاثينات بس عيّاااار عليه ذبات اليمه القعده معه تبسط من جد ماتزوج..ساكن بلحاله بعد وفاة جدي من ثلاث سنين وجدتي منذو مبطي متوفيه احيانا ارحمه لانه سا كن بلحاله بس ولد عمي الكبير مطيّح هناك ينوم عنده اوقات طلعت امي من المطبخ بجلالها متغطيه سللمت على عمي ونادتني عشان تعطيني القهوه تقهوينا وجبنا الشاهي وانوااااااع السوالف شوي الا امي تناديني عشان تقوللي الغدا جاهز عبدالعزيز:يالله السفره جاهزه تفضلوا قام ابوي وعمي وغسّلوا وانا ماصدّقت ان الغدا انحط لا تلوموني مااكلت من امس واخواني على طوووول طاروا للسفره عبدالعزيز:ماشاللله انت وياااااه غسّلتوا احمد والكذب في جيبه وااالم ايه غسّلت عبدالعزيز:ورني يدك اشوف والله ناشفه يده امداه عبدالعزيز: كذاب قم غسل اشوووف احمد ياربيييه لازم يعني واللوهي ماامداني احكي الا وهو ناط هو وعبدالمحسن غسلوا وجوا وبدر جالس ونصه نووم شكله مانام امس وهذا الانسان عاد اذا كان فيه النوم بعدوا عنه ماينطاق جلسنا كللنا في السفره وامي جالسه بعيييد فطرف السفره بجلالها ابوي استلم عمي يغرف له ويحط له وانا غرفت لامي عشانها بعيده واستلمووني اخواني مغيير اغرّف لهم هذا وقت ريم انااللي فراسي كل شي وذالدب الللي كلله نووم يالله يمسك الملعقه ابوي يحاكي عمي:هاه يامنصور وش اخبار الاسهم عمي:والله مااش نازله السوووق كل ماله وحالته أردى ابوي:والله مالقاها الا كبار المساهمين والا الصغار راحوا في الرجلين عمي:هم اللي يلعبون فحركة الاسهم المشكله ان الصغار معاهم باعوا باعوا معهم وان كانهم شروا شروا معهم ومالهم حيله ابوي:الله يعيين والله فيه ناس خسرت واجد عمي:اييه والله واحد في البنك من كم يوم انهار علينا انخفض سهم الشركه وجاب له خساره مهيب سهله. وانا استمع بكل انصات احب الاسهم وشغلها..شي مثيير احسها مغامرات ابوي:لااا ويقولون لك الحرييم حالتهم حاله عمي:ايييييييه ياهو حكي يجينا عنهم اللي تصرخ واللي تدعي وكللهم لاصقين في الشاشه وحده دخلت المستشفى خسرت مليون الاسبوع الي فات ابوي:عاد الاسبوع اللي فات السوق كان كتشب(أحمر يعني نازل) والله زين يوم عدلوه مؤسسة النقد عمي:ايه حاله الله يعيين خللص عمي عمي:كثر الله خيركم..ماقصّرتي ياام عبدالعزيز امي:الله يحييك يامنصور والله ماسوينا شي من وااجبك اعذرنا عمي :معذوره يااختي والله ماقصرتي الله يعطيك العافيه امي:الله يسلمك لوانك معللمنا والله كان احتسبنا بس انت خابر عمي:لا الله يسلمك ماتقصرين هذا الغدا ماشالله فيه بركه امي:الله يسلمك. قمنا نغسّل ورحنا للصاله وطبعا الدب بدر راح ينام اخواني الصغار تسدّحوا عند التلفزيون واحمد مسكين ياعندنا ياعندالتلفزيون قعدنا في الصاله وابوي وعمي دخلوا بسوالفهم وانا قعدت اقرا جريده جابت امي الشاهي وقعدت على طرف الصاله عمي:ماشالله يابو عبدالعزيز ام عبدالعزيز طباخه تسلمين عالجريش والله امي:الله يسلمك عمي:والله يابو عبدالعزيز لاتعرس عليها مالك حق امي من جابوا طاري العرس شرقت بالشاهي ههههههههههههههههههههههههه عمي:صحه صحه هذا من جبت الطاري اجل لا صار صدق امي:الله يقويه يعرس كانه بيلقى احسن مني عبدالعزيز:ياهووووووووه ياحركاات ياواثق انت ابوي يراقب الاوضاع باستمتاع عمي:ايه ماشالله بنت عبدالرحمن امي:تسلم ماعليك قصور ابوي:عادي مافيها شي نجدد بعدين اجيب لك وحده توسّع صدرك امي:الحمدالله صدري مستاسع بدونها والله حمى الوطيس بين امي وابوي ههههههههههههههههههههههه امي: زوّج اخوك وبعدين اعرس ابوي:اعرس انا وياه فليله وحده والا يامنصور؟؟ عمي منصور حس انه تورّط ناظرني وقعدت اضحك عليه ابلش ياعمي انت اللي فتحت الموضوع عمي: والله انا ابي اعرس بلحالي ماابي احد معي امي: كفوو والله ابشر انا اللي بزوجك ابوي: افا ياخوي خل ناخذ خوات بس امي: والله يامنصور ورا ماتعرس وش وراك؟؟ ايه صدق عمي وش يحتري وظيفه ومتوظف وبيت وفيه بيت وضعه مستقر مدري وش عاجبه في الجلسه عمي: انشالله..الله يسهّل امي: انت اجزم وابشر بالعرووس **أذّن العصر** حسيت عمي ارتاح من الموضوع هذا قمنا نغسل عشان نروح نصللي.. |
|
|
|
|
23-03-2005, 07:19 AM
|
#4 |
|
عضو رائع
|
غرفة هيفا.. العصر.. ريم.. = = = = = = = اهلييين..انا ريم عرفتوني..اللي كنت مع هيفا في الجامعه وجيت معها البيت هيفا تصير بنت خالتي الجوهره.. صديقتي وتوأمي.. جينا من الجامعه تغدينا ورقتني فوق لغرفتها ومدري وين طسّت.. غسلت وصليت وهي توها مابعد جت.. ياربيييه ملليت من لبس الجامعه..بغير.. امممم بفتح دولابها..وبطللع لي قميص.. يووووه وش هالحوسه ملابسها كللها على بعض.. ابي شي مقاسي كل ملابسها طويييله علييي ههههههههههههههههه لاتضحكون تراني مو قصيره كثيير بس شوي هي الطويله مو انا القصيره ماشالله عليها شحطه طولها 168 شكلي منيب ماخذه منها شي برووح اشوف عند ساره.. طلعت برا الغرفه طبعا الجو امان باب القسم مسكر ومافيه الا غرف البنات يؤ الباب مفتوح بروح اسكره لايمر احد من العيال سكرته ورحت لغرفة ساره غريبه غرفتها مفتوحه اكيد تصللي دخلت وانا اغني اغنية مايا نصري انا بحتاجلك اسمع احد يصفّق ههههههههههه ساره تبيني اسكت بس عنااد منيب ساكته آآآآآه من شوئي لعنييك آآآآآآه روحي لئيتها فيك آآآآآىه لو أوللّك حبيبي أدّ إيه محتاجه ليييييييييييييك انا بحتـ والصاعقه الكبرى يمر من قدامي جسم انسان لابس ثوب مطمّن راسه ومتجه وراي انا وجهي لا تعليييق مادريت الا ذاللي تسلم وهي ميييييييييييته من الضحك انا وقتها استوعبت رحت اطقها واخبط على ظهرها وانبطحت على السرير وغطيت راسي توني استوعب ياربيييييييييييه وش هالفشيله ساره منسدحه على سجادتها ووجها احمر من الضحك وعيونها تدمع ريم:كلي تبن ياحماره..ليش ماقلتي لي يادوبا حسبي الله عليك.. لا وانا ياملحي اغني بكل وثووووق وهو في الغرفه عندك الله ياخذك يالشينه ماتعرفين تحكيييين ساره:هههههههههههههههههههه ياربيه ابي اخذ نفس هههههههههههههههه لا ماقدر ههههههههههههههههههههههه ياحبيلك ياريم ههههههههههههههه بس من جد فاتني الموقف هههههههههههه ليتني شايفه وجه نواف بس انتي وجهك لحقت عليه هههههههههههههههههههههههههههههههه الله يرجك ماتسمعيني اصفق ريم:لا والله تصفقين..تقدرين تقرين بصوت عالي..بس تدرين الشرهه على اخوك مايعرف يتنحنح مسوي مستحي بعد مطمن راسه مايبي يشوف ساره:ههههههههههههههههههههههههههههههههههههههههههههه ههههه ياحبيله نواف والله يستحي لا تقولين كذا هو انحرج وش تبينه يسوي ريم: ياربييييه والله فشيله وش بيقول عني الله ياخذ هييفوه الدبا ليش تخلليني ..الاانا الحماره وش يطللعني برا الغرفه ليتني ماخذه جلالي..ياربيييييه والله طيحة وجه بقوووه ساره:هههههه خلاص عااد صار اللي صار..لاتضيقين صدرك ماامداه يشوفك هو سمع صوتك وطلع.. ريم:وانتي وش دراك كنتي تصليين ماتدرين عن شي ساره:هههههههههههههههههههههههههههه ياحبيلك والله انك خبله عادي تصير فكل العائلات ريم:ليش انا ياربيييه لا وبحوستي وبكشتي هالمنتفشه والله بيتعقّد ساره:من ناحية بيتعقد هو بيتعقد اخوي لان كشتك لا تُطاق بس عاادي ثاني مره تكشخي عشان اذا شافك مايتعقد ريم:هي هي هي هي هي دمك مره خفيف ممكن تعطيني أي شي البسه ملليت من هالتنوره والبلوزه ساره:يوووووه معليش سووري نسيت انك بتغيرين طبعا ماحصلتي شي عند هيفا وجيتي عندي كالعاده ريم:أي عاده..ماصارت الا كم مره..العاده انتي اللي تجيني تناديني آخذ شي من عندك ساره:هههههههههههههه طيب هذا الدولاب عندك خذي اللي تبين.. رحت واخذت بجامه عشان بنووم فيها ريم:ساره الله يعافيك قولي للشغاله تغسل تنورتي وبلوزتي عشان اذا صحيت ساره:هوّ منتيب صاحيه ترى عندنا بلايز وتيشيرتات وتنانير وجلابيات بعد انتي امري وش تبين بس ريم:الله يسلمك بس انتي قولي للشغاله وبس ومشكووره ساره:ايه يصير خير اذا صحيتي يحللها حلال.. وقعدنا نسولف ونضحك.. شوي ومرّت دقايق صمت قطعها ضحتي بصوت عالي ساره تناظرني مرتاعه بعدين ضحكت معي وجتنا نوبة ضحك متّصله.. طبعاً سببها الموقف اللي صار تو ريم:هههههههههههههههههههههههههههههههههه والله بيرتاع ولدكم ساره:ههههههههههههههههههههههههه ايه تصدقين عاد بس تدرين شكلك مو مره حايس لا يضيق صدرك ريم:هههههههههههههههههههههههههههههههه ايه مره والله فشيله على كثر ماتصير هالمواقف بس هذا اكبرها يعني من جد موووووووووقف وتمر تتنيحه بسيطه على خشّة ساره وشبح ابتسامه يلوح على شفايفها وشفيها ذي ميب صايحه ريم:سويّر هيييييييه ياللي هينا ساره بابتسامه:هلا ريم:لا والله وين رحتي وش اللي خلّاك تضحكين ساره:ابد بس تخيّلت شي وتضحك ضحكه فيها خبث ريم:قوووولي وشو ساره:لا خلاص ولا شي الا وين هييف ريم:اقووووول قولي خلصيني تعرفيني فضوليه مااقدر يمر علي شي ومااعرفه والله اتنكّد ساره:اممممم بس شي تخيلته ريم:طيب وشوووو ساره:ولاتزعلين ريم:ايه خلصيني يالله ساره:تخيّلت انه نواف بعد مايشوفك تقعدين في باله ويحبّك والله ونااسه ريم ووجها يحمّر تدريجيّا:حمدالله رب العالمين وش هالكلام بس ساره:والله فللّه يصير يفكر فيك وبعدين يحبك ويقول اخطبوها لي الله لو يصير كذا ريم والإحرااج ماخذها: يازينك ساكته انتي متأثره بقوووه بالقصص اللي تقرينها هذيك قصص من خيال الكاتب مو واقع عايشينه ساره: ليش لا كل شي جايز ريم:..... نواف يحبّني؟؟لا موستحيل اصلا من زين شكلي هاللي بيحبني عليه لا ومع الحوسه عاد مافي امل الكحل سايل من عين والعين ثانيه فركتها والكحل انتشر في كل جهه وشعري مع التجعيد كششش والا هالملابس اللي تحوّم كبد اللي ماتحوم تسبده بس ليش لا الرجال يشوفون شي مااشوفه ومايهتمّون بالمكياج يوووووه وانا ليش اشغل بالي بهالأفكار.. ريم: اقول سارونه وين طسّت هيّوف ؟؟ ساره؟؟وين راحت هذي؟؟ انا منسدحه ومااشوفها مااشوف الا السقف يعني لازم اقوم ياقلبي نامت عالسجاده ياعمري ياساره رحت لها أقومها عشان تنوم في السرير حطّيت يدّي على كتفها وهزّيتها بهدووء ساره ساره يالله قومي نومي على سريرك ومافي أي جواب هوّ سويّر يالله قومي شكلي بشيلها ابرك حركتها ورفعتها مع اكتافها الا وتطلع منها همهات بسيطه يعني حسّت كويس ساره يالله وجع والله خلعتي يديني ساره: طيب طيب خلليني بقوم الحين قامت وانبطّت عالسرير.. وجلست عالكرسي ومعي البجامه ياربيه وين هيفا والله أبطت لا تصير نامت وخللتني؟؟ نروووح عند هيفا اللي كانت في الصاله تتابع مسلسل ونست الجميييع منسدحه عالكنبه وماسكه مخدّه صغيره ومنسجمه صالتهم مفتوحه على اركان البيت عباره عن كنب امريكي مصفوف عالجدار بشكل زاويه والجهه الثانيه فراغ يودّي لجلسه ثانيه ويتخلل الصالتين درج دائري والتلفزيون في الصاله الأولى.. ينزل نواف مع الدرج يصفّر ولقى اخته بلحالها راح عندها وطفّى التلفزيون وهي متحمّسه التفتت له بملامحها الهاديه الخاليه من أي انطباع وشوي شوي ترفع حواجبها باستنكار وتنفتح عيونها وتزأر عليه: ليييييييييييش ونواف يبتسم ابتسامه وسيعه تميل للضحكه نواف: كذا جاي على بالي اخرّب عليك هيفا: والله انك احياناً ماادري وش تبي راحت وشغّلت التلفزيون الا ويقوم نواف ويفصل الكبس كلله وياخذه هيفا: خير ان شالله ابي اتفرّج لو سمحت نواف: والله انك غريبه الضيفه عندكم وانتي تاركتها وقاعده عند التلفزيون هيفا: ضيفه؟؟مييين؟ايييييه ريم نواف: ايه ريم مو عيب عليك تخلينها يالله روحي.. هيفا: تصدق والله نسيتها ياحبيلها بس يالله عندها ساره والله فشيله وتوني ابرقى الدرج بروح لريم الا وامي تنادي من فووق هييفاااااااء هيفا: سميييييي امي: عطيتي ريم غيار؟؟ هيفا: برقى لها الحين يمّه امي: ياخزياه من البنت من متى وهي مصككه فلبس الجامعه اذا ماعندك ترى عندي قميص جديد "ياحبيلها امي تشتق:لا يايمه بنلقى عند ساره مشكووره امي: طيب زين واذا احتجتي لفرش ترى فيه في الغرفه اللصغيره هيفا: ان شالله نواف:اقووول هييف ماودّك تتفرجين على المسلسل هيفا:لا ماابي انت تخللي الواحد يتفرج بشوفه في الإعاده ورحت لريم دخلت القسم رحت لغرفتي مافيها احد اكيد عند ساره ريييييييييييييييييم,,ساااااااااااااااره وش تسووون افتح الباب ومقفّل وجلست اطق عليه وجع لا يكونون ناموا خونه طقيت عليه بكل انواع الإزعاج وبكل نغمات الطق ريم من ورا الباب: وجع شوي شوي هذاني جيت هيفا: وليش مقفلينه يالله افتحوا ريم: طيب يالله سمعت قرقعة القفل وانفتح فتحت ريم وراحت دخلت والأنوار مطفيه مافيه الا ابجوره وحده والغرفه هدوووء هيفا: نمتوا؟ ريم: لا استنّاك وين رحتي؟ هيفا: كنت تحت غيرتي؟ ريم:ايه اخذت من ساره يالله ابي انووم مره دايخه هيفا طيب يالله مشينا لغرفتي ورحنا لغرفتي رحت اجيب فراش جيت وفرشته خليت ريم تنوم في السرير وانا عالأرض طبعاً لازم السوالف سولفنا لمّا تعبنا ومرت لحظة صمت واحس النوم فجفوني الا وريم تقول: هيفا تخيلي هيفا: همم ريم: صار لي موقف مع نواف وتضحك ضحكه هاديه هيفا"تحمست شوي":وشو موقفه؟ ريم: كان في غرفة ساره ودخلت عليه وانا اغني واختك كانت تصللي فشيله من قلب هيفا:هههههههههههههههههههههههههههههههههههه ليتني حاضره الموقف ريم: طمّن وطلع من الغرفه هيفا: ايه بعذره جاني يقول ليش مخليه بنت خالتك فوق ريم بشقه: قالك شي؟ هيفا: لا والله ماقال شي ريم: ياربيه والله مستحيل انسى هالموقف هيفا: عادي يابنت الحلال لا تكبرينها وهي صغيره نومي بس ريم: ...... شكلها بتنوم خل انوم انا بعد.. نواف..في الصاله منسدح ومغطي وجهه بالمخده اللي كانت مع هيفا ورافع رجل وحده بس بشكل تكون فيه الركبه فوق مثل 8 يفكر في الموقف الي صار ويضحك..هومن النوع الحياوي انحرج بشكل كبيير ماعرف وش يسوي وهو يسمع صوتها تغني وجايه للغرفه صنّم بمكانه لاهو قادر يتنحنح ولاهو قادر يقول شي قال مافي الا اني اطلع وبس ويوم جا يطلع رفع راسه بحركه عفويه وشافها وعلى طول طمّن هو شافها لمحه بس بس شاف كل ملامح الروعه والإحراج تمر على كل ملمح من وجهها كان وجهها يبتسم بكل عفويه وبساطه وعيونها مرحه وفجأه انقلبت لبحيرة متثلّجه وتوسعت بشكل فظيع واللون الأصفر طغى على وجهها ثواني بعدين حل مكانه اللون الأحمر ونزلت نظراتها للأسفل والإبتسامه اختفت نهائيا ضحك ضحكه بسيطه على شكلها كان مضحك من جد بس هو بعد اكيد شكله كان مضحك ياحليلها ريم والله تغيّرت؟؟ اخر مره شافها من سنوات كان عمرها يمكن 12 13 بهالحدود كانت باديه تتغطّى تغيرت ملامحها كليّا بس عليها كحل شكلها حاكه عينها من قلب كل الكحل الي فيها طلع برا والا ملامحها البريئه.. مهي جميله بس فيها نعومه وبراءه..عيونها بنيه رسمتهاغريبه مو وسيعه ولا ضيقه والا خشمها هالصغير المنتهي بتكوّر بسيط محلليها شفايفها صغيره بس اللي تحت نازله شوي ودقنها صغير ومنحني بشرتها الصافيه بلونها الحنطي وشعرها البني المتموّج منتفش حتى منابتها ناطه..خابره ناعم وش نكّشه كذا؟ هذي ريم ماتغيرت بس ملامحها بانت ووضحت يانعمها.. والله اني بعد مااستحي اتغزّل في البنت وافصفص ملامحها الله يستر عليها تعوّذ من ابليس وانقلب على بطنه بس وجه ريم المرتاع بملامحه الناعمه سكن في باطن عقله..بدون مايحس او يعطي مجال لنفسه. ممكن ريم في وقت تعني لنواف شي؟او ممكن نواف يجي له وقت يعني لريم شي؟ هل ريم اللي أنزرعت في عقل نواف ممكن تظهر وتكسر الحاجز؟ مايندرى وش بيصير واجوبة هالأسئله بتكون في الأجزاء الجايه.. إلى هنا انا اوقف القصه.. اذا شفت تفاعل مع الأعضاء كمّلتها.. اتمنى تعجبكم. |
|
|
|
|
24-03-2005, 08:52 PM
|
#5 |
|
المشرف العام
 |
مع ان القصه ماتكملت ولكن حسستني بشي واحد عايله الجوهره هي العايله المثاليه المتماسكه لان اطراف العايله فعلا احس تعاملهم كويس وجميل فيما بينهم [line] وذا تبين الصراحه اخت توفي القصه ماكنت راح اقراها كلها ولكن من دون مادري كملت القصه الى النهايه وفعلا متحمس اني اشوف الاجزاء الاخرى باذن الله [line] القصه جميله مع انها في بداياتها ولكن بينت لي شي واحد يا توفي وهو بيئتك الي انتي عايشه فيها وكثير من الاشياء ممكن انك مريتي فيها .. يعني القصه ملتمسه من افكارك وواقعك ... ماقصد في اجزائها او ابطالها لا لكن اجزاء بسيطه مثلا الجلال دايما الحرمه لابد تكون لابسته عند الاغراب وايضا لبس الجامعه لريم يوضح انك طالبه جامعيه او مريتي بالمرحله هذي فتحسين ان لبس الجامعه حق ريم ماخذ حيز كبير اتمنى تكونين فهمتي قصدي . [line] فيه نقطه شدتني في قصتك وهي انك خليتي كل شخصيه تعرف بنفسها انا اشوفها زينه وعادي لو يعرف بنفسه الشخص في القصه .. ولكن لما تذكرين التعريف بشكل مندمج في القصه مثلا بنعرف بالجوهره: ويوم رجع الابو للبيت لقا ام عياله الجوهرة الحرمه الثلاثينيه تطبخ الغداء قالها اهم شي حب الوطن ...الخ مثلا زي كذا يكون تعريف مدمج في القصه ... ولكن هذا لا يعني ان بدايات القصه مو حلوه لا ولله جميله وشدتني من جد اني اقراها الى اخرها وخاصه انها اول قصه اقراها تكون من واقع حياتنا ومجتمعنا ... اتمنى اختي توفي ان تواصلي الاجزاء ولا تحريمنا من اننا نسمع قصه نواف الي علقتيه من امس وهو يفكر الضعيف .. (*33) مشكورة الف شكر ودام تواصلك |
|
|
|
|
25-03-2005, 08:10 AM
|
#6 |
|
عضو رائع
|
دكتور رائع.. اولاً أحب أشكرك على ردّك اللي رفع من معنوياتي.. وعطاني حافز إني أكمّل القصه.. ثانياً..القصه في بدايتها..والعوايل لسّا مابعد طلعت بالشكل المطلوب.. وعاية الجوهره..هي العايله اللي طلعت بشكل كبير الى الآن.. لكن شوي شوي ومع تعمّق القصه بتعيش مع كل عايله.. انا لما جيت اكتب القصه كتتبها من مجتمع نجدي بحت.. كتبتها عشان توضّح طريقة المعيشه للمجتمع النجدي..عاداتهم صلاتهم.. كل شي بحياتهم من وجهة نظري طبعا ومن واقعي.. لانه على كثر ماقريت قصص ماقد قريت شي يبين مجتمعنا.. وحبيت اني اتخذ هالخطوه وابدا انا بهالشي.. انا توني فبداياتي..وهذي اول محاوله لي..فيها اغلط كثيره وانا عارفه هالشي.. بس حلو ان الواحد يتعللم.. القصه الى الحين مااكتملت يادكتور..وطريقة تعريف الشخصيات عن نفسها حسيتها حلوه بالنسبه لسرد القصه.. وفيه شخصيات بتنفهم من السياق.. مشكووور يالغالي على ملاحظاتك اللي تهمني بشكل كبير.. انا احاول ارضيكم.. وعشانك بنزل جزء.. |
|
|
|
|
25-03-2005, 08:17 AM
|
#7 |
|
عضو رائع
|
الجزء هذا عشان الكتور رائع بسسسسسس
بعد صلاة المغرب من نفس اليوم.. في بيت سلطانه.. في الدكّه الخارجيه.. جالسه سلطانه وزوجها عبدالمحسن ناثر كتبه ويحل واجباته بمساعدة امه وأللوهي يلعب بالسيكل في الحوش..وكل شوي ينادي محسن يلعب معه ومحسن وده يروح بس بيخللص دروسه وبعدين يلعب خالد: وين العيال ياسلطانه مالهم حس؟ سلطانه: نايمين حتى الصلاة ماقاموا يصللون تعبت وانا اقومهم بدر وعزيز خالد: زين بروح لهم الحين..واحمد وينه؟؟ بصوته الرجولي اللي يهز البيت أحمـــــــــــد احمــــــد وصوت احمد من جوا البيت نعااااااااااااام يبه خالد: نعم وانت جوا تعال يابوي ويجي احمد بخطواته الطفوليه يركض بكل شقاوه هاه سلطانه: قل سم وانا امك؟ احمد: سم وانا امك ههههههههههههههه خالد: وتنكّت بعد حلليت دروسك احمد: ايه يبه حلليتها في المدرسه خالد: كلهت يالله جبها اشوف سلطانه: شفتها ماعنده شي خالد: زين الله يعافيك..طيب رح قوّم اخوانك وطف المكيّفات أحمد: طيب ويرووووح يركض خلصت سلطانه من دروس عبدالمحسن ورااح يركض يكمّل لعب مع اخوه جاب السياره الكهربايئه وركبها وعبد الإله بالسيكل ويلعبون الدكّه تطل على الحوش وعلى احواض زراعيه مليانه ورد.. منظرها يفرّح القلب.. وبكل هدووء يتقهوون ويراقبون بفرح وسعاده وقلب راضي.. وبنفس الوقت قالوا الله يخلليهم وضحكوا مع بعض خالد: الله يخليك لي سلطانه بخجل: ويخلليني لعيالي خالد: ولابوهم بعد؟؟والا شرايك سلطانه: لا ابد مدّ فنجاله وحركه بخفه بمعنى الإكتفاء سلطانه: تبي شاهي؟ خالد: صبّي.. ماكللمتي ريم؟ سلطانه الا كلمتني الضهر خالد: وشلون امتحانها؟ سلطانه: تقول زين؟ومايندرى وش هالزين الا اقول خالد خالد: هلا سلطانه: عاجبك الحين وضع منصور مسكين؟ خالد: وشفيه وضع منصور سلطانه: لا ابد بس يوم جانا اليوم يتغدى فكرت في وضعه انه ماينسكت عنه خالد: وشلون ماينسكت عنه بيت اخوه والله يحييه ان كانك عجزانه عن غداه اللي في السنه مره اخواني ماعجوزا سلطانه الي حز في خاطرها انه زوجها فهمها غلط بس بعد هي ماوضّحت : لا والله موب صيدي بس رجال عدّى الثلاين وعنده بيت ووظيفته ماشالله زينه غير شغله في الأسهم وش عنده مايعرس؟ خالد: والله محّد ردّه هو يشّر بس ووانا واخوانه حاضرين سلطانه: والله انا اليوم فكرت في حالته وهو مااعترض عالعرس وهذي تعتبر موافقه او حركه ايجابيه منه خالد: والله ودّي انه يتزوج ويستقر بس مين؟وهو ماقال شي سلطانه: موب لازم يقول انت شاوره وماعليك والبنت خللها علي خالد: انتي في راسك شي قوليه سلطانه: والله بنت اختي غاده ماعليها خلاف ادب واخلاق وربي معطيها من عنده وعمرها مناسب خالد: غاده بنت علي ونعم وابوها اجودي والله بس تهقين توافق؟ سلطانه: ان شالله منصور مايعيبه شي خالد: ايه يصير خير انتي انشديها وبعدين يحللها حللال بس هي موب قبلها وحده سلطانه: ايه قبلها مها خالد: ومها وشفيها ماتنفع له عيب بعد نخطب الصغيره قبل سلطانه: مها مافيها عيب بس العمر انا افضّل انه يكون فيه فارق كبير وبعدين مافيها شي اللي يجيها نصيبها الله يوفقها الكبيره والا الصغيره خالد: والله الفكره زينه بس خلليني اسأله قبل عشان نشوف وش يبي سلطانه: ماعليك انااقول غاده انسب له عمرها 23 وهو 33 الفرق عشر سنوات وبنفس الوقت مهيب صغيره عاقله ماشالله وانا اشوفها مناسبه له في نواحي كثيره البنت هاديه وصبوره واخوك الله يهديه شوي حار يبي له وحده تصبر عليه موب تشب ناره زياده خالد: ماشالله عليك قللبتيها من كل جهه ماخليتي لي شي سلطانه: انت الاساس والا كان ماشاورتك خالد: يصير خير سلطانه ورا ماتكلمه وتجس نبضه خالد: والله فكره ويسحب جواله ويدق على اخوه سلم عليه وسأله عن اوراق وشغل بينهم خالد: الااقول يامنصور منصور: سم ياخوي خالد: سم الله عدوك ابد وانااخوك بس ان كانك فاضي مريتك اليوم في البيت منصور: الله يحييك البيت بيتك خالد: الله يسلمك..زين بعد العشا؟ منصور: زين بس وش رايك تجي تصليها هنا؟ خالد: خلاص تم يالله فمان الله سلطانه: هو وراك مافاتحته؟ خاالد: الموضوع يبي له قعده ماينفع بالتليفون سلطانه : على هواك ودخلت هي وزوجها جوا عشانه بيلبس وبيطلع = = = = = في صالة بيت الجوهره.. جالسه ام نايف مع لمى بنتها اللي كانت تسولف مع صاحبتها في التليفون وسعود اللي كان يلعب بلاي ستيشن نزلت لهم ساره ووجها متفّخ من النوم كانت تربط شعرها اللي كان مدرج خصل صغيره من الغره الى الأطراف اللي توصل لحد أكتافها ساره وهي تتثاوب: السلااام الجوهره: هلا وعليكم السلام..وش هالنوم يابنيتي ساره: وش اسوي مانمت زين امس الجوهر: وين البنات ماقاموا؟ الا ويصرخ سعود صرخة اعتراض لااااااااااااااااااااااااااا ويرمي باليد عالأرض.. ساره: خيييييير منهبل انت؟ سعود: انتي وش تبين؟ ساره: عيب انا اكلمك احترمني بعدين ترى هذي لعبه تكسر اليد ليش؟ سعود: مالك دخل انا العب وهذا كمبيوتري ساره بلهجه تهديد: طيب ياسعود..انا اعرف شلون احرمك منه..بعدين امتحانات الحين ليش ماتروح تذاكر..ابوي كان رافع الكمبيوتر وش طلعه. الجوهره: غثني وازعجني لمّن طللعته له..يقول بكرى خميس ماوراه مذاكره ساره: ايه نشوف النتيجه لمّن تجي وراحت وأخذت البلاي ستيشن وشالت اليد من الارض وسعود يصارخ عليها : هااااتي البلاي ستيشن يممممه قوليلها تجيبه وشو هذا تبون تذبحوني بالمذاكره وشوي الا يصيح من القهر المفتعل الجوهره: خلاص ياسعود ترى راسي مصدّع بعدين انت غلطان عليها ليش ترفع صوتك سعود: لاااا ماينفع كذا وشو هذا كمبيوتري وانا حر وهي ليش تتدخل وراح بكل عصبيه للحوش ولمى مازالت تسولف وتكركر مع صاحبتها الجوهره: ابي التليفون يالمى خللصي لمى: يمه والله توني ماكملت الساعه الجوهره: ولازم تكملينها يعني يالله خلصيني بكللم خالاتس اشوف وش اخبارهم لمى: طيب طيب وتكمل سوالفها جت ساره وقعدت عالكنب.. : وين البنات مانزلوا الجوهره: ماشفت احد روحي قوميهم يكفي نوم ساره: طيب..لمى..لمىىىى لمى: هاااااه ساره: سكري وروحي قومي هيفا وريم لمى: لا والله امي امرتك ليش تحولين الامر لي بعدين انااكللم اذا خللصت يصير خير ساره: وبعدين يعني اخللص من سعيدان تجين انتي يالله سكري يمه من متى ماسكته الجوهره: والله مدري انا جيت وهي تكللم لمى: ياربييييه انتم من جد ماتخلون الواحد ياخذ راحته اقول بدور اكلمك بعدين اوكي؟؟واللي قلت لك عليه سويه واخسريها يالله باي وسكرت السماعه اوفف ارتحتوا الحين ساره: الحمدالله رب العالمين لمى: يمه شوفيها ترى ماابي اتطاق معها الجوهره: اووووه انتم تجيبون المرض للواحد..وشفيكم اليوم يالله روحي قومي البنات بس لمى: طيب طيب..بروووح وراحت فوق تصحي البنات ساره: وين القهوه يمه؟؟ماسويتوا الجوهره: ماسويت اليوم ابوك ماتقهوى طلع من بدري ومحد عندي اتقوى بلحالي؟؟ ساره: بروح اسويها اجل..فيه حليب مركّز مشتهيه حلى الجوهره: اسألي سوماتي والا اطلبي من البقاله راحت ساره تسوي الحلى وتجهّز القهوه في غرفة هيفا.. ريم صحت وكانت تصللي وهيفا نايمه دخلت لمى: اوووه صحيتي زين والله وتروح لهيفا تهبّل فيها عشان تقوووم هييف يالله قومي.. وهيفا: هممم طيب طيب لمى: يالله قومي بسرعه وتجر اللحاف هيفا: لميو خللي اللحاف وروحي لمى: منيييب يالله قومي ماشبعتي نووم قومي صللي هيفا: طيب بس رووحي خلاص لمى: يالله عشان عندي لك خبر وريم تصفّق لمى: هههههههه كل هذا لقافه عشان الخبر يالقفك بس هيفا: لمى لو سمحتي اطلعي وخلي اخبارك لك لمى: طيب لاتجين وتقولين ليش ماقلتي بس هو مشرووع خطبه بعّدت هيفا اللحاف عن وجهها وفتّحت عيونها بدون ماتهتم للنور وريم تصفّق تصفييق حاااار لمى: الحييييين قمتي هاه هيفا: وش خطبته؟؟شكل ماوراك سالفه لمى: الا والله بس خللي ريم تخللص واقولكم هيفا: مين ساره؟ لمى وكللها اثاره: لا وحده من بنات خالاتي سللمت ريم وبكل لقافه: مييين يالمى ؟ لمى وبكل برود وهي تقوم اذا صحت هالدبه قلت لكم نقزت هيفا من السرير تعااالي انتي خلاص قمت بس قوولي لمى: طيب بس مو تقولون لاحد انا سمعت امي بالصدفه ريم وهي ترمي الجلال وتلفه بالسجاده وهي متحمسه تبي تعرف الخبر هيفا: ايه طيب بس انتي احكي لمى: سمعت امي تكلم خالتي سلطانه في مشروع خطبه ويحكون عن غاده بنت خالتي النوري ريم: غاده بنت خالتي نوره؟ هيفا: ايوه وش سمعتي لمى: من الحكي اللي فهمته انه عمك منصور ياريم يبي يخطب غاده وامي تقول اصبروا لما تخللص لانها اخر ترم وبعدين تقدموا ريم: عمي منصور بيعرس هيفا: ياحليله والله بياخذ غاده لمى : انتوا علطول عرستوهم توهم مابعد شاوروا البنت حتى ريم: طيب شلون عمي هو اللي قال والا امي والا شلون صار الكلام هذا؟ لمى: مادري ماقدرت استشف شي من المكالمه الا هذا هيفا: يعني خالتي سلطانه كانت تشاور امي والا تقولها لمى: لا اكيد يتشاورون لانه ماصار شي اكيد هيفا: وناسه والله نصير قرايب مع عمانكم ياريم ريم: اييه فلله ياحليلها غاده تنفع له والله طيب ليش غاده بالذات؟ لمى: يمكن امك ذاكرتها هيفا: تتوقعون فيه علاقه؟والا قد شافها بالصدفه ريم: حمدالله وش هالحكي؟صاحيه انتي لمى: هيفا احيانا تشطحين بتخيلاتك لدرجة انك ماتثمنين حكيك علاقه مستحيل يكون فيه وشوفه مااتوقع لانو ماقد جت فرصه تجمعهم هيفا اللي تفشلت شوي وحبّت تضيّع الموضوع : شلون شكله عمك؟ حلوو ريم: هههههههههههههههههه ياحليلك معي صورته وكللهم نقزوا لشنطة ريم يدورون محفظتها بيشوفون الصوره ريم: انتبهوا بس لا تنشق لمى: وين حاطتها ريم: دوروا حاسوا البوك لما لقوا الصوره وشافوه وكل وحده تجر من جهه لمى: ماشالله طوييل شكله ورزّه هيفا: يشبه مين ياريم؟ ريم: يشبه جدي الله يرحمه كان منصور طويل وعريض لونه يميل للبياض الحليبي في الصوره كان مربي العوارض ولابس شماغ وجالس على كرسي وحاط يدينه على ركبته هيفا: يدينه كبار هههههههههههههههههههههههههه ريم: ايه هو عريض اذا سلمت عليه تضيع يدي في يده لمى: ماشالله بس احس غاده حجمها صغير عليه هيفا: احسن عشان يحس برجولته ويضحكون البنات قامت هيفا تغسل والبنات نزلوا تحت وريم خذت جلالها للأحتياط الموقف اللي صار اليوم ماتبي تعيده |
|
|
|
|
25-03-2005, 08:19 AM
|
#8 |
|
عضو رائع
|
نكملة الجزء ياحلويين
راحوا للصاله وقعدوا يسولفون ويحكون جتهم ساره بالقهوه وحلاها السريع ريم: كل هذا عشاني ياساره تسلم ايدينك والله ساره: الله يسلمك بس مو لك اشتهيته وسويته لي ريم: شف!!وجع طيب جاملي ياشيخه الجوهره: الله يحييتس ياريم هذي الساعه المباركه والله موب من قدرك هالحلا لو تبين جبنا لك حلا طلبيه لمى: من وين هالطلبيه يمه ههههههههههههههههه ساره: تبين تحرجين امي يعني يمه قولي من لينوتر الجوهره : وشو؟؟وش اسمه لينتور لمى: هههههههههههههههههههه ياحبيلك يايمه قوليه مره ثانيه الجوهره: اها بس ريم: هههههه وجع تتطنزين على امك تسلمين ياخالتي ماتقصرين حلا بيتك يسوى لينوتر وطقّته لمى: بدينا بالنفاااااااااق ساره: كالعاده لازم هالأسطوانه تحصل بين خالاتي وشكل العاده انتقلت لبعض البنات وتناظر ريم ريم: وش نفاقه انا وخالتي نصلح غايرين يعني الجوهره: مايعرفون للسنع لمى: ايه مخلينه لريم الجوهره: كلها سنع الريم ماشالله ريم: ماعليك زود ياخالتي انتي السناعه انتي الاساس ساره: بدىى الموووال اقول يمه الجوهره: سمي ساره: سم الله عدوك يمه نبي نطلع لمى: ايه والله خل نطلع الجوهره: ريم جايتكم وتبون تطلعون ساره: ايه عشانها جايتنا نبي نطلع بس حقين المدراس يقعدون وتناظر لمى لمى: اول وحده بتطلع انا المفروض ترفهوني عندي امتحانات الجوهره: عينوا من الله خير وبعد العِـشا يحلها حلال لمى عطيني التلفون خل اكللم امي لمى:وليش تكلمينها تبينا نروح لبيت اهلي لا يمه مانبي الجوهره: بكل امي اسلم عليها واذا رحت ماعلي منكم بروح لامي انا وانتم بكيفكم وراحت الجوهره تكللم امها وتاخذ اخبارها ساره: ريم وش ودك نطلع والا نروح بيت امي موضي ريم: اناماقدر اقول شي يمكن امي بتروح هناك لازم اروح عشان ارجع معها لمى: يوووه منتيب نايمه عندنا يعني ريم: لا وش ينومني برجع لبيتنا ساره: ايه والله نومي اليوم وش عندك ريم: لاااا صعبه والله ابوي موب راضي تنقز هيفا من الدرج: لييش مايرضى ريم: يمه روعتي الآمنين لمى: هههههههههههههههههههه حلوه امنين ياريم ريم: اعجبك انا هيفا: خونه تقهويتوا كشششخه وحلى بعد اكيد سويره مسويته هذا حلاها مافي غيره ساره: احمدي ربك شي اهون من شي هيفا: دبلتي كبودنا بهالحلى والله طلع من خشمي ماتسوين الا هو ريم: الله يعافيها تدرين ياساره امي خلاص نسبت هالحلا لك حلا ساره وحلا ساره بس ينفع في الأزمات ساره: ايه والله هيفا: من تكللم امي؟ ريم: امي موضي هيفا: ايه يؤؤ امي موضي فيه روحه لبيت اهلي اليوم؟ لمى: شكله كذا سار: والله عيب عليكم جدتكم ترى لمى: ماقلنا شي بس طفش هناك ريم: وشو طفش دامنا مجتمعين خلاص زين واذا خالاتي بيجون شلون طفش لمى: بيجون بلحالهم بدون عيالهم ريم: والله عادي هيفا: الله يعين انا ودي اطلع صراحه لمى: ايه كلنا ودنا نطلع بس اذا امي بتروح لبيت اهلي مافي امل هيفا: يوووه صبي قهوه ياساره اقول سوير مادريتي؟ ساره: وشو هيفا بهمس وهي توطّي راسها لا تسمع امها: عم ريم بيخطب غاده بنت خالتي نوره ساره: قولي والله ريم تقاطعها يوم شافتها بتزغرط: الموضوع سري ساره: اها طيب شلون عرفتوا لمى: انا جبت الخبر خالتي سلطانه كانت تكلم امي اليوم وسمعت طراطيش ساره: ونااسه والله تقدموا طيب؟ هيفا: نقولك سري ماتفهمين ساره: اييييه عرفت..طيب شلون وليش غاده؟ تهقين هو اللي قال والا خالتي سلطانه ذاكرتها؟يمكن عمّتك ياريم ذاكرتها له؟ ريم: بجيب الاخبار من امي مع اني مااتوقع تعطيني كلام بس باتطقّس كود تقول شي ساره: ايه حاولي معها الجوهره بعد ماسكرت السماعه: تسلم عليكم امي.. ريم: الله يسلمها شلونها الجوهره: والله صدرها صايل عليها مسكينه ثلاث مرات خذت البخاراليوم هيفا: الله يشفيها يارب هي لو تخللي عنها قعدة ذالحوش بتطيب ان شالله الجوهره: تقول ان نوره بتجيها اليوم وسلطانه لمى: طيب الجوهره: انتي انثبري بروح اشوف امي وخواتي فرصه والله دامهم بيجون لمى: ياربييييه نبي نطلع يمه الجوهره: هذي طلعه والا تبين تسوعين هيفا: لا بس كان ودنا نروح نتمشى في هايبر بنده الجوهره : ومن بيوديكم؟؟ ساره:نكللّّم السواق ويجي الجوهره: ومن بيروح معكم اخليكم بنات تروحون بلحالكم وذالوحوشو يتخاطفون برا لا هيفا: ايه صح ساره: طيب يمه وش رايك نروح بعد الصلاة مباشره نشرب كوفي وبعدين نروح لامي موضي لمى: ايه والله فكره الجوهره: ماادري يحلها حلال ساره: يعني ايه الجوهره: افكر نرووح لعند منصور الي كان توه اخوه طالع من عنده دخل البيت قال لإحسان يشيل المواعين من الصاله وراح لغرفته أخذ اللاب توب ومفاتيح سيارته وطلع في السياره يفكر بكلام خالد خالد: والله وانا اخوك لو تسمع رايي وتعرس منصور: يابو عبدالعزيز انا مافي فبالي عرس الحين خالد: عاجبك البيت وهو فاضي مافيه الاانت واحسان منصور: المسؤوليه ياخالد انا كذا اموري تمام احسان عندي يخلص اغراضي وشغلي مرتاح فيه والحمدالله خالد: ماقلنا شي بس بعد لو عندك حرمه تراعي امورك بترتاح نفسيا شف كم عمرك منصور: ماادري ياخالد انت فاجئتني انا مافكرت بالموضوع من قبل خالد: والله شف اختك ام عبدالعزيز حاضره تدور لك وتراها لاقية لك وحده ان كانك تبي تتزوج قلنالك عنها وربك بيسهّل منصور: الله يخليها ماتقصّر خالد: انت فكّر بالموضوع زين ورد لي خبر وترى البنت ماعليها قصور منصور: موب على البنت والله بس الموضوع كفكره اماتقبّلته خالد: خلاص عاد وانا اخوك شاور نفسك وتراك رجال وظيفتك مضمونه وبيتك موجود ماعندك مانع ولا مسؤوليه تحدّك عن الزواج منصور: يصير خير سلم خالد على اخوه وطلع منصور يفكر باللي صار..وانا وش اللي رادني..يعني وش ناقصني غير حرمه تراعيني وتشوف راحتي.. بس بعد وش لي بالغثا ومافي احد متزوج ومرتاح عيال وقرف ومسؤوليه الله يعين والله ماادري انا كذا مرتاح بس هل تعتقدون انه صدق منصور مرتاح نفسياً من عدم وجود الحرمه بحياته بعد وفاة ابوه خلا عليه البيت وحياته كلها من المكتب للبيت من البيت للمكتب حتى انه مل من الروتين واشتغل في الأسهم كنوع من التغيير وكسر الروتين بس بعد فيه شي بداخله يدوّر على الإثاره اللي مالقاها في هذا كلله يومه مثل امسه مثل بكرى والله يعلم فيه طبعا بس مايحس بالتجديد وخصوصا انه حياته خاليه من شي اسمه عاطفه ايّا كانت.. اخوانه وخواته ماقصّروا بس كلّ لاهي في دنيته وهو محد عنده.. كل هالأفكار كانت تجي وتروح ضمنيّا في بال منصور.. وكانت تتفجّر بدون مايحس فيها في عقله..اللي كأن فيه حاجز وكسره كلام اخوه خالد.. هل منصور بيوافق عالزواج؟؟ واذا وافق بيكون متحمس له؟؟وبيتخذه كخطوه لتغيير مجرى حياته؟ والا بيقدم عليه مثل ماأقدم على شغل الأسهم شي للتغير وكسر الروتين؟؟ بنعرف هالأشياء في الأجزاء الجايه.. آخر تحرير بواسطة to0o0ofee : 25-03-2005 الساعة 08:22 AM. |
|
|
|
|
25-03-2005, 05:07 PM
|
