انت قبيلي وانتي خضيريه او العكس اسباب تافهه..

Dr.Rae3 · 02-04-2005, 06:59 PM

انا بتكلم في موضوعي هذا باللغه العاميه ..

وابي اشوف نقاش في الموضوع لاني اضع الفين علامه استفهم

ولان الموضوع يهمنا في وقتنا الحاضر وبصراحه موضوع

اعد انها سخافه فعلا وربي انه سخافه من البعض

الموضوع الله يسلمكم هو القبايل والخضاير

والموضوع هذا موضوع كبير ولكن الي يحيرني انا ..

اذا جا ولد القبايل يتزوج وحده خضيريه على قولتهم يعيون اهله

يعني يقلون له لا ماتتزوج خضيريه تزوج وحده من بنات عمك

والبنت القبيليه اذا تقدم لها رجال خضيري على مايقلون يرفضونه

اصلا ولي امرها ينهي الموضوع ..

ليه التخلف الرسول قال زوجو من ترضون دينه وخلقه

واحنا مازلنا متخلفين للدرجه هذي وربي اكبر تخلف

انا ناقشت ناس كبار سن وافحمتهم في الموضوع هذا

ولكن مايدرون يهزون الراس ويطبقون شي تعارف عليه الناس

لدرجة انهم قالو لي ماندري ياولدي من زمان وحنا نعرف الشي هذا ..

كلنا بشر وكلنا انسانيه الخضيري مايفرق عن القبيلي بشي ابدا

نفس الديزاين وكل شي وبعض الاحيان احسن والله ولكن المجتمع يرفضه...

يقلون يختلط النسب وذا جا احد وسئل عن خواله وش نقوله ..!!

ياخي خواله بشر مايكفي ؟؟

انا بصراحه منقهر اعذروني اني متحمس لكن والله العظيم امور تافهة

انا لو يجيني عيال ويتقدم لبنتي رجال اعرف خلقه والله لزوجه ولكن

مسئلة قبايل وخضاير ماينفع الكلام هذا كلام سخيف ...

اسف اني ماعرفت اطرح الموضوع بنقاط محددة وايضا بترتيب احسن

ولكن الموضوع هذا يقرقع في مخي ويوم قريت قصه توفي قررت اني اكتب عنه

شباب وبنات نبي ارائكم في الموضوع هذا وخلونا نتناقش

ونبي نعرف وش ارائكم

لمسة ورد · 03-04-2005, 04:21 AM

[[[font=Arial]align=center]color=0000FF]عزيزي الدكتور رائــــــع:
ان قلمك الرائع سبقني في الكتابه عن هذا الموضوع فقد كنت قد عزمت الكتابه عنه ولكن :
قلمك المبدع قد اثار تلك القضيه اللتي لها من الاهميه الكثير..........
ان ماجعلني افكر في الكتابه عنه ان احدى الصديقات عانت منه .........
فقد حدث لها قصه من هذا النوع وها انا اروي لك القصه بختصار.:
وهي ان واحده من الحضور قامت بسؤالها من اي القبائل ترجعون:
فقالت انا من فوق الارض وتحت السماء ولي من كل قبيله عرق..........
فجلسو يسخرون منها فقالت لهم الان اخبروني:
عتيبه وقحطان وغيره وغيره من من خلقو اليس من ادم :فقالو بلى فقالت ادم اليسى كل البشر منهم فقالو نعم فقلت اذا صدق رسو الله اذ قال(لا فرق بين اعجمي ولا اعربي الابا التقوى)صلى الله عليه وسلم .
واخــــــــــــيرا اشكرك دكتور رائع على هذا الموضوع المهم ودمت ودام قلمك الرساااام ......[/align][/color][/font]

Dr.Rae3 · 03-04-2005, 04:38 AM

لمسة ورد قصه فعلا مؤثرة وتشكي الحال

في مجتمعنا والله عادات تعودنا عليها ولا ندري ليه

والله انا اجزم لو نتباحث الاشياء هذي بصوت عالي مع

الكل راح نعلمهم انهم على غلط انا مافرق بين هذا وبين هذاك

كلهم عندي سواء ... بالعكس والله فيه من الخضاير ناس رجال واطلق من

الف قبيلي والكل عنده امثله ويعرف اصدقاه ويعرف منهم ناس كثير ..

اشكرك والله يالمسه وانا والله طرحت الموضوع هذا من الي شفته في المجتمع

وفعلا قمت بمناقشه عينات من الطرفين ولقيت ان كل طرف معترف بالشي هذا

ولكن مايدرون ليه يتطبق ذاتيا بدون مايدرون ولكن يعرفون انه شي ارتسم في حياتهم

اشكرك جزيل الشكر ودام تواصلك

بقايا أمس · 03-04-2005, 11:31 AM

:
اولا
حياك ربي دكتورنا الغالي
وانا معك قلبا وقالبا بما تفضلت به
:
الكل منا يعلم ان هذه الكلمات التي امتزجت من فعلنا كانت منذ القدم وليست قريبة عهد
وقد سار عليها الاباء والاجداد وهي انك (( خضيري وهي قبيليه ) او خضيريه وانت قبيلي )
وانا بصراحة(( لا اوؤمن بهذا الفهم )) مهما كانت الحجه والبرهان لكني اتفهم الحال
فمثلا لو ان احدهم رفض تزويج ابنته لخضيري بحجه انه خضيري سالتزم الصمت ليس لأنه على صواب او خطأ
ولكن احتراما لرغبته مهما كانت
لكن بواقع الحال والذي عرفناه:
انه لا فرق ابدا بين الانسان واخيه
ولم يخطر ببالي ان اكون في مو قف كهذا ابدا
لأن الناس امامي في درب واحد وعلى صورة واحدة ما دامت الاخلاق حميدة وطيبة
ولكن قبل ختام كلامي اريد ان اسأل سؤالا :
عندما تريد تزويج ابنتك لقبيلي وتترك الخضيري ما الذي سيختلف عمليا ؟
:

Dr.Rae3 · 03-04-2005, 11:35 AM

مشكور والله يابو فهد ردك اثلج صدري والله

فعلا حسيت ان فيه ناس تكره الشي هذا

سؤالك راح اجاوبك عليه

مافيه فرق لو زوجت القبيلي وخليت الخضيري

وايضا مافيه فرق لو زوجت الخضيري وخليت القبيلي على جنب

ابدا مافيه فرق كلهم رجال وكل واحد عقله في راسه وكل واحد يعرف خلاصه

اما مسئله اني راح احط فوارق اسف ماقدر احط الفوارق هذي

اشكرك يابو فهد ردك جميل والاجمل انت والله يخليك لعين ترجيك

to0o0ofee · 03-04-2005, 08:35 PM

دكتور رائع..

موضوع جميل قد طرحته للنقاش..

احترم حماسك..وكلامك باندفاع..

انا كثيير اناقش هالمسأله مع ناس من الطرفين..

وتكون ردة الفعل مختلفه..

اغلبها انهم يرفضون هالشي ويعتبرونه تخلف

بس لمّا نجي للجد تلقى كلمتهم تتغير..

ليش؟؟

هذا شي ربى فيهم..وتأصّل..

القبيلي والخضيري مايتفارقون بشي

بس الفرق الوحيد انه القبيلي له قبيله في آخر شجرة العائله..

وفخذ وبطن وحوسه مالها آخر..

والخضيري اسمه ماينتهي باسم قبيله معينه

هل هذا نقص؟؟

أبدا مااشوفه نقص

النقص برايي لما يجي الشخص ويتفاخر باسم قبيلته

اعرف سالفه صارت لوحده اعرفها..

اللي اعرفها وارمز لها برمز-ن-

من الطبقه الغنيه وغنييه حييييل

بس خضيريه

صار بينها وبين وحده قبييله نقاش واحتد شوي

القبيليه تقول ل-ن- انتي خضيريه وانا ارفع منك وماتعرفين اصلك وماادري ايش

كلام غبي وتافه

-ن- ردت عليها رد افحمها وسكتها

قالت لها :انا خضيريه بس عندي فلوس وفلوسي تسوي لي اللي ابي

حتى لو بغيت اشتري اسم قلبيلتك واضيفه لنهاية اسمي

بس قوليلي اسم قبيلتك وش يجيب لك؟؟

يدرسك؟؟يسفرك؟؟يعيشك برفاهيه؟؟

مع العلم انه القبيليه كانت حالتها متوسطه ويمكن اقل

--------------------

الموقف صراحه قوي..ويمكن الثنتين غلطوا بس البادي اظلم..

ونرجع لكلامنا..

السالفه هذي موجوده ولا راح تنمحي من المجتمع..

لانه متأصله وهذي قوانين تنولد مع كل مولولد..

يعني اذا القبايل بيزوجون عيالهم يبحثون عن اللي في مستواهم

وحتى القبايل ترى يتفاخرون باسماءهم فيما بينهم

ويحقرون بعض القبايل اللي اقل منهم..ومايزوجونهم

وكثير من هالامثله تمر علي..

القبايل يشوفون انه الخضاير اقل منهم

وانه الخضاير مالهم اصل..وانه وانه وانه

واعرف ناس كذا فكرتهم..

الخضاير ناس..ومن قبايل كبيره

بس الاسم ضاع يابقضية قتل..او قضية شرف..

او ثأر بين العوائل..

والخضاير فيه منهم حمايل معروفه..

وعوائل كبيره بس خضاير..

وهذا مو نقص لهم..

انا بالنسبه لي الناس كلهم سوى

ومايفرقون عن بعض الا بالسمعه الطيبه والاخلاق الحميده

يفرقون عن بعض بالدين..والتقوى..

وهنا المفاضله تكون..

بس هالشي موجود..وانا كبنت لو جاني زوج يختلف عني

صدقوني راح ارفض لانه حلاة الثوب رقعته منه وفيه..

واذا كان قبيلي وانا العكس وحتى لو هو رضى واهله راضين بس عمانه وخواله

ماراح يرضون وراح ينظرون لي نظره دونيه ولاولادي وانا كاارح اتحمل هالحياة..

وممكن هو فيوم من الايام فلحظة غضب يرمي في وجهي كلام يحسسني انه هو احسن مني

واني خضيريه وهو متفضل علي بهالزواج والحياة هذي محد يتحملها ولا يتقبلها

واذا كنت انا قبييله وهو العكس برضو هو بيحس بالنقص..

وماراح يرتاح وبيضل دائما على ادنى مشكله يذكرني بالنقطه هذي وعشانك قبييله

بتسوين وعشانك تشوفين نفسك افضل..

---------------------------

الموضوع هذا توابعه كثييير..

وله جذووور..

وانا ابدا مااقبل فيه..واحسه كلام فاضي..واللي يفكر هالتفكير

انسان تافه..

بس يكون مهم عند الزواج..لانه اذا ماهتميت فيه انا فيه غيييري كثير بيهتم..

وانا مااقدر اغير فكرة الناس..

طويـــــل البال · 03-04-2005, 09:36 PM

اشكرك اخوي دكتور رائع على طرحك مثل هالموضوع

يمكن الموضوع هذا لو اخذناه بالعقل

نلقاه اتفه من الشي التافه

لكن مثل ماقالت الاخت توووفي هذا صار شي متوارث في مجتمعنا

ويمكن هالشي نلقاه في دول الخليج

ونلقاه يوصل للبعض الدول العربية

يعني مثلا زواج ولي عهد دبي من اخت ملك الاردن

عارضوه ناس من الادرن

بحجة ان الاميرة من قبيلة الاشراف وهذا واحد ماينعرف اصله !!!!

وحتى فيه ناس يقال لك ملتزمين بالدين

وحاطين الرسول عليه الصلاة وسلم قدوتهم فيها الدين

لو تكلمهم فيها الامور مارد عليك فيها

لو انك انت ياخضيري تروح تخطب بنت واحد شيخ قبيلي

والله ان يكرشك انت وبشتك

بتقوله قول الرسول - صلى الله عليه وسلم - من جاءكم ترضون دينه وخلقه فزوجوه

بيقول لك اقلب وجهك مانزوج عبيـــد !!

صراحه اترك التعليق لذوي العقول ؟؟؟ (*10)

جمــان · 03-04-2005, 09:49 PM

أبسأل سؤال بس لا تضحكون

أنا من كم سنة ويوم كنت ادرس بالكلية
اكتشفت ان الناس انواع وانا اللي كنت احسبهم واحد
اذكر سألتن وحدة قالت وش خطك؟؟ >> طبعا الأخت ما فهمت وش تقصد

فقالت يعني خط 110 او 220 ..؟؟ >> قلت وش قالوله تحسبن فيش كهرب لايصير تتشبك علي لمبة وانا ماادري (*15)
قالت يعني عبيد والا احرار >> اخبر كل الناس احرار والعبودية انتهت من زمان
>>باي عصر عايشة ؟؟

طبعا بعد اخذ ورد قلت ما ادري ابسأل وأشوف

يوم رجعت من الكلية رحت لخالتي على طول وسألته >>الله يقطع ابليسه اغشى عليه من الضحك (*5)
المهم فهمتن ان الناس فيهم البدو والحضر والصلب
وفيهم بعد الاحرار والعبيد
وفهمتن انا من اي نوع >> من وساعة الوجه رحت اعلم اللي سألتن

الزبدة
قبيلي وكأني فهمتها لكن وش معنى خضيري..؟؟

قلت لكم لا تضحكون

وش اسوي كل يوم طالعين لي بتصنيف جديد

فهمون الله يرحم والديكم
لاني احس نفسي مثل الاطرش في الزفة

to0o0ofee · 04-04-2005, 06:42 AM

خخخخخخخخخخخخخخخخخخخخخخخخ

لووووووووووووووووووووووووووووووووول

جمان والله انك تحفه مزركشه

شكلك على وجهك بقوووووه

ياحبيلك بس

الله يسلمك الخضيري هذا هو الـ 110

طبعا غير العبيد والصلب بس فيه بعض القبايل

يطلقون لقب العبيد عالكل والي موب قبيلي هذا عبد

مع انه غلط

الخضاير يفرقون عن العبيد وكلنا عبيد لله ويفرقون عن الصلب

وفيه معلومه

انه بعض القبايل يسمون الخضاير صفافير واللي يسميهم صنّاع

الفاظ غريبه تدل على التحقير..

وآآآآآسفه للأطاله

كانت مداخله لاأكثر.

Dr.Rae3 · 04-04-2005, 06:57 AM

توفي مشكوره على ردك ولكن ايضا انا اقصد بكل الموضوع هذا

هو عند الزواج ... انا اقولها وبالفم المليان بنت راح ازوجها لخضيري عناد فيهم

ولو جاني خوال البنت ولا عمامها ماسكتهم الباب مدام البنت راضيه ونا راضي

مالي دخل في الكل اهم شي اني مافرق بين قبيلي وخضيري ...

كلهم ناس وكلهم من ادم وربي مافيه فرق ولكن وش نقول الكل يبي

يقول انا زوج بنتي قبيلي ولا انا زوجت ولدي على بنت الشيخ فلان

<<< يتذكر مسلسله بدويه (*33)

توفي القصه الي صارت مع خوياتك تعجبني -ن- في ردها والله بردت ستبدي (*32)

اخت توفي انتي مانتي مقتنعه في مسئله الزواج يعني مازلنا في المشكله نفسها

وهي انك ماترضين تتزوجين بخضيري وانتي قبيليه ولا بقبيلي وانتي خضيريه ...

طيب تخيلي ان اثنين حبو بعض زي قصتك اختي توفي حبو بعض حب قوي جدا جدا

الشي الي فعلا يحز في النفس ان الي يوقفهم مسئله الخضاير والقبايل

كل هذا الحب واخر شي توقفهم مسئله تافهه هذا شي فعلا يحزن (*20)

مشكورة اخت توفي على ردك الكافي والوافي مع اني اعارضك في الشي الي تقولينه

ولكن اختلاف الراي لا يفسد للود قضيه ...

اشكرك مره اخرى ودام تواصلك

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)