" اللهم افتح على قلبها بالاسلام.."
" يالله انك تبدلها بأبرك منها.."
دايما كنت اسمع دعوات امي وهي تدعي الله انه يبدل شغالتنا "ميري" بوحده مسلمه مبروكه..
بس اني ماكنت اهتم من هالناحيه.. ومع مرور الوقت ومع حادثة التسونامي انهارت ميري..
وتعجبت من ردة فعل امي لما اخذت تكلمها عن الاسلام؟؟
ولكني زي عادتي مااهتميت..
بعد فترة صارت امي توديها لمكتب الجاريات..
ويوم الاثنين اللي راح قبل اسبوع تقريبا رجعت من المكتب وهي مسلمه.. نطقت الشهاده..
رجعت للبيت وصلت المغرب.. وغيروا اسمها من ميري الى نور..
الله..
شعووووور لايوصف..
امي مبسوطه وفرحانه.. وميري.. اقصد نور وجهها منور.. امي تشرح لها وتعلمها امور بسيطه.. جدتي تبارك لامي.. اخواني الصغار ينادونها يبون يتعودون على اسمها الجديد..
الا انا..
مااستوعبت الموضوع.. صحيح اني انبسطت.. وفرحت..
بس مااستوعبت..
مر يومين..
قالت امي ان اليوم فيه بمدرسه .... بيكون العصر فيه محاظرة وبعدها طبق خيري وتكريم لــ نور
وان امي والصغار بيروحون معاها وانا اذا ابي اجي معهم يمكن انبسط..
الصراحه وعلى اخر لحظه قررت اني اروح..
>> وش يدريني.. يمكن يكرموني؟
المهم.. رحت هناك وخلتني امي اودي الصغار للركن حق الصغار << حاولو تفهمون..
وكان ودي احضر المحاظرة اللي ببالي بتكون بلغتهم..
ووديت الصغار ورجعت اركض وقعدة جنب امي.. الا وذيك الحرمه اللي تنادي البنات وتقول لهم ان فيه محاظره خاصه للبنات وتبيهم يروحون لها.. انا ماابي افوت على نفسي تكريم ومحاظرة نور
فبسرعه تحجبت وقعدة.. >> على بالي حرمه علشان محد يقول لي شيء..
وبعدين بدت المحاظرة وكانت بالعربي..
كانت عن حادثة الإفك..
وكان اسلوب المحاظره حلو فدخلت جو مع المحاظرة ورحت لعالم ثاني..
نصيحه.. اقرو عن هالقصه لانها مررررررررره مؤثرة..
نرجع لمحور حديثنا..
المهم خلصت المحاظرة ونادو اسم نور..
انا من كثر ماتحمست مع المحاظرة نسيت ان اسم شغالتنا نور.. وتفاجأة لما شفتها
راقيه فوق المسرح!! هذي وش رقاها؟
بس تذكرت السالفه لما شفتها بموقف!!
كانت ماسكه المايك ويدينها ترتجف.. وعيونها تدمع.. والداعية تنطق الشهاده ونور تنطق وراها..
الصراحه تأثرت مرررررررره.. وهنا حسيت صدق انها اسلمت..
كان ودي لو سجلت صوتها علشان تعيشون الموقف صدق...
ولما خلصت قامت الداعيه تضمها وتسلم عليها..
وقالت " لاتلومونها لما بكت.. ترى موسهل لما الواحد يغير دينه.. احمدو ربكم انكم تقدرون تنطقون الشهاده بسهولة.."
قامت وحدة وكبرت..
الله اكبر.. الله اكبر.. والحريم يكبرون وراها..
شوي الا طلبو كافلتها.. وقامت امي عالمسرح..
ماتحسون شعوري بهذاك الموقف.. حسيت بفخر كبيررررررر..
سألو امي عن سبب هدايتها واشياء زي كذا..
قالت امي.." كان يضايقني ان في بيتي وحدة كافرة.. وودي انها تسلم.. وماكان قدامي الا الدعاء لها بعدها جبتها عندكم هنا وانتو قمتو بالواجب.. .."
ونزلت امي.. وبدو الناس يقومون.. الا ووحدة جستهم.. وبعد ماتكلمت مع الداعيه قالت الدعيه ان فيه وحده امها.. مسلمه.. وكان ودها تسلم بس ماتدري كيف.. ولما شافت الموقف اللي تو قررت تسلم..
سبحان الله..
صارت فرحتي فرحتين
اخذت اجرها..
..
وبالاخير.. ادعو ان الله يثبتهم.. والله يجازي مكتب الجاريات كل خير..
فعلا احنا محتاجين لمثل هالمكاتب..
للعلم.. سمعت ان مكاتب الجاريات بالمملكة بلغ عددها حوالي 120 مكتب..
اللهم زد وبارك..


.............

:
جزاك الله خير
وبارك لك وعليك وبك
الله يجزاكم الخير
ويوفقكم ربي لكل عمل صالح
:
تحيتي الطيبة لكم
: