قــالت قصيمـــي



قالت قصيمي قلت فخر ومعزة ...

أهل الفخر والعلم والحلم وإلباس ...

قالت قصيمي قصدها بي تهزا ...

ما تدري إني بفتخر وأرفع الراس ...

الحمدلله روسنا دوم رَزة ...

اللي خلقنا بس نحني له الراس ...

صافي نسبنا والحَسب فيه عِزة ...

أصل أصيل وفصل والعرق دساس ...

أهل الوفاء والدْين صافي منزه ...

عن كل ماشاب العقيدة من أدلاس ...

حنا العقـْيلات أنشد رجال غزة ...

حنا هل الدنيا وللدين حراس ...

حنا نسايم نجد في كل حزة ...

لاخانت حلوق الرجاجيل الأنفاس ...

حنا جبال يعجز الريح هزة ...

حنا لنجد حزام وعصابة الراس ...

نَارد حياض المرجلان ونلزة ...

مانمشي دروب الرذيلة والأنجاس ...

من يغلط لسانه علينا نجزة ...

واللي يحَـقر قدر الرجاجيل ينداس ...

منا العدو تكفيه بالعين خزٌة ...

يقضي عليه الخوف مع كل هوجاس ...

من ذكرنا في قلبه تثور لزة ...

من طاري القصمـــــــان يبلاه وسواس ...

يومه كوابيس وروعه وفزٌة ...

دقت نواقيس الخطر له والأجراس ...

منهو لقاله من علينا يوزه ...

هَـون له الصعبات وأبليس خنٌاس ...

مايدري انه للمهالك يدزه ...

عَـجل على مبناه يمحى من الساس ...

يابنت حنٌا من نخانا نعزه ...

يأمن بنا الملهوف وتهابنا الناس ...

مرسولنا للخير دايم نكٌـزه ...

ولصرخة المحتاج نرخي بالأكياس ...

تاريخنا مجد لبسناه بَزة ...

نمشي بوسط السوق ماندحم الساس ...

لك ماتركنا بكاس الأمجاد مزة ...

واجد عليك وأمثالك حثالة الكاس ...

وش جاب حرٌ الطير لفريخ وزة ...

منهو يساوي جوهر الماس بنحاس ...

لاتحسبين انك لنا مستفزه ...

وش ياخذ الباعوض من ريش قرناس ....






عــــذرآ لا اعـــــــرف صـــاحب القصيــــدة (*7)