علي الحزمي

[poem=font="Simplified Arabic,5,black,bold,normal" bkcolor="transparent" bkimage="backgrounds/6.gif" border="outset,6,indigo" type=1 line=0 align=center use=ex num="0,black"]
القـــــوافل ما تبالي في المسيره بالكــلاب =والّذي فوق المعالي ما يبالي بالحـــسود
ومنهو في ربّه توكّــــــل ما تخوّفــه الذّئـاب = وفي ديار الخير يعلا قدرهـا (آل السّعود)
دامـــــها للخير تبني في عدالــتها نــصاب = ودام رب الكون يعطي في حناياها ويــجود
يا ديار الخير حسبك لو بدينا بالحـــــساب = وش بلاه اللّي توهق واعـــتلا درب الحجود
لو يبي ينشر سمومه أو يفـــكّر بالـــخراب = أو يزوّد بالمكايد لــين ما يصبح لــــــدود
مستحيل الخير يطري لو على صوت الغراب = حسبك الرّحمان ياللّي تمشي في درب الـقرود
كيف تنشر بين ربعك في مرابعها اضطراب =وكيف تسمع للأعادي والعواذل واليــهود
إي وربّ الكون ياللّي ما تفكر بالعــقاب = لو تبالغ بالوسـاوس ما يقاربك الــرّقـــــود
أرضها مــــهد النّبوه دينــها دين الصّـــواب = شرعـها باقي عليــنا في معاليـــها خلود
قالها ربّي وصـــــوّر وصفها بين الكتــاب = وزانها بين الخلايق تعتلي فوق الوجـــــــود
وفي دروب الخير تفتح للملا مليون بــــــاب = وان بدا بالصّوت رعده ما تساويها رعــــود
في رضى الرّحمان حـــنّـا اللّي بغيناها ثــواب = وكلنـا رغم المسافه في حناياها جــــنود
قادها بين المعالي يوم ألبســــــها ثــــياب =وفي أعالي المجد تلقى اسمها فيها يســود
ممـلــكة واللّي عليها ما يذوق الإغـــــــتراب = نجمها بين الأعالي قادها (فــهد ) الفهـود
إي وحـــقّ الله انّـــــه ما يبالي أو يــهاب = دامه في طول اللّيــــالي في ركوعه والسّــجود
ديننا الإسلام يبقى ما رضيـنا بإنســـحاب =وفي دروب الخير نمضي في روابيـها أسـود
نرفض الإرهـاب فينا وكيف نقبل بالشّـواب = وفي رحاب الخير نزرع من محبّــتنا ورود
نفتدي بالرّوح أرضك يالوطن يوم المئــاب =كلّنــا رغم المعالي في ثرى وحيك نجــود
ما تفرّقــنا العواذل والاّ يغــرينا خــــطاب = والاّ تـآخذنا المهانة والا نستهـوي الـوعـود
وش بلاك الحين ياللّي ترتجي حلــم السّــراب = عود وأرجع لا تكــابر ما يفيدك هالصّدود
واسأل الرّحمان يقبل دعـوتك يوم المــــتاب =قبل لى يكــبر غـرورك والاّ تنزل للّـــحود
هذا بيت الله باقي ما دعى داعي وخـــــــاب = وفي ديـار الله حامي من على عرشــه يذود
ونورهـا ما يوم عــيّا والاّ بــــيّن بالغيـاب =وما رضينا بالمعـاصي أو تناسيــنا الحدود
نجتــمع في العام مــره قبل يجمعـنا التّراب = وفي رضى الرّحمن جاءت في مــناسـكها وفود
ما حسبــنا للمسافه والمعاناه والعــــــذاب =والاّ في جمر اللّيــالي ساقــها ربي برود
في ديار الخير تلقى جمعنا غالي وطــــاب =شرعــنا والدّين واحــد ما رضيـنا بالرّدود
واحنا في يمن العروبه للعروبه بإكتـــساب = يمّـــكم اخوان جيــنا لو بغيتوهــا حشـود
نقـسم الفرحــه ونحزن يوم يسري الإكتــئاب = ما تفرّقــنا المسافــــه والاّ تبعدنــا الحدود
ويا ملـيك الخير ياللّي ما على خيرك حـجاب = وياللّي من أصل المعالي أصل أصلك والجدود
لا تبـالي بالعواذل يوم تجـــتاز الصّــعاب = سير في درب الكرامه والشهامه والصّــمود
ويا رجـال الخير ياللّي في روابيها شـباب = حسـبكم انّ الخلايق في محاسنكم شـهود
نورهـا شمس الضّحيّه ما يغطّــيها ضبــاب = والا لــيل الزّيف يطري مستحــيل انّه يسود
والكـــلاب اللّي تنادي ما تبيها الاّ كــلاب = كنّـــها صارت بهيـمه يوم تتـــبعها الهـــنود
والّذي شامخ وعالي في الأعالي والهضاب = ما تخوّفــه العواذل يوم يرسـمها عـــــــقود
وحسـبك الرّحمن ياللّي لو تبي فيها إنقلاب = خـاف وإحذر والاّإرجع عن هوى زيفك وعود
وما تفيــدك هالنّدامــه لو تفــكّر بالجواب = اذكــر الجبـّـار ياللّي في لظى نــاره وقود
وفي ديار الخير تحلم بس تفكّـر بإقــتراب = يـآخذك فيها عذابه ويـآخذك رب الوجـــود
ما أبــد ترضى المهانه والاّ تغويـها الذّئــاب = وسيفــها عالي وشامخ فوق تأريخ الخلود
للملك دانـــــت نواصي بالنّواصي والرّقــاب = وفي دروب الخير قالت: ما عليك اليوم زود
يا ملـــيك الخير تبقى في سمــاها كالشّـهاب = وفي ديار الخير يعلا قــــدرها (آل السعود)

بدوي روعه

علي الحزمي

يسلمو اخخوي بدوي على احساسك الصاااااااادق
وتقبل ارق تحيه
اخوك
علي الحزمي