طبخـــه من يديني,,,خفيييفه ولذيذه

to0o0ofee · 02-05-2005, 02:10 AM

السلام عليكم بنات...

كيف الحال؟؟بخير ان شالله؟؟

الله يديم عليكم العافيه يارب..

::
::
::
::
::

هالمره جيتكم ومعي شي غير الميك اب

معي أكله مرررره حلوه وعساها تعجبكموسهله مايبيلها شغل كثير..

بس للي يحبون لحم التركي (ديك رومي)

نبدا بالطلبات أول:-

1# شرائح صدر ديك رومي مدخّـن (حلواني..لا تجيبون غير الحلواني) تحصلونه بالهايبر ماركت

2# خضار مجمّده - اللي تكون مكيّسه تلقونها بالسوبر ماركت

3# أعواد أسنان
للصوص:-

كاتشب,مايونيز,ملح

الطريقـــه:-

تجيبين الخضار وتسلقينها طبعا بمويه وشوي ملح لا تكثرين.

وبعد ماتستوي تخلطينها بالصوص..اللي هو شوي كتشب ومايونيز تحطينه بالتدريج

لما تحسن انه توازن وتذرّين الملح حسب رغبتك.

بعدين الله يطوّللي بعمرك تجلسين على كرسي مريح (*10) ومعك صحن كبير

وتاخذين شريحة تركي برفق لانه يتقطع بسهوله وأنتبهي لا تاخذين اللي متقّطع وحالته حاله

نقّي اللي تحسينه شاد

تحطين بملعقه صغيره شوي من الحشوه(الخضار+الصوص) وتحطينه بشكل طولي في النص

بعدين تلفين الجزء اليمين بعدين اليسار وتنغزين العود في النص وتحطينه في الصحن.

وخليه في الثلاجه لين وقت الأكل

وعلى قلبـــــك بالعافيــــــــــه (*8)

شـــادن · 02-05-2005, 01:00 PM

وعليكم السلااااام

ياهلااا بالطباخه توووفي...

شكلها طبخة حلوة (*40)

لكن ما احب الديك الرومي....<< تيب وش تسوي فيك (*33)

مشكورة على الطبخه وننتظرك في اكلات ثانيه << استانست الاخت (*35)

تحيتي لكِ

طويـــــل البال · 02-05-2005, 09:11 PM

الله يعافيك على هالطبخة ياتووفي (*10)

بس ما كنها مسروقة من SUB WAY

(*16)

to0o0ofee · 03-05-2005, 05:29 AM

هلاا بشدوووني (*35)

افا ياذا العلم وراك ياختي ماتحبين التوركي؟!!

عاد انا مره احبه (*8) <<طيب وهي وش دخلها (*16)

تامرين يادلبي انتي بجيب لك طبخات تعجبك ان شالله (*40)

وتشكراااات

to0o0ofee · 03-05-2005, 05:31 AM

طويـــل البال..

هلا بك والله..وينك ياخي من زمان عنك..

يوم شفتك طلع غبااار (*16)

مشكووور على ردك..وحرام عليك ظلمتني

يالشين..هالطبخه اختي قالت لي عليها..وسويتها من كم يوم (*16)

وشكرن (*8)

بدوي روعه · 03-05-2005, 07:19 AM

شكراً توووووفي
على هالوصفة ....
بس عندي معلومه صغيرة لكِ
الديك الرومي أو التوركي
يحتوي على نسبة عاليه جداً من الكليسترول
......
اما الصوص ...كما قال طويل البال مسروق
لان خلطة الكتشب والمايونيز تقدم مع الجمبري البارد كمقبلات

to0o0ofee · 04-05-2005, 08:37 AM

بدوي روعه:

هلا بك اخوي..وشكرا لردك..

وراك عاد فظحتني قدام طويل.. (*16)

لووووووووووووووووووووووول

والله انا مدري عن هالصوص..اشوف كثيير يخلطون الكاتشب والماينييز..

يعني مااحسه غريب..بس مشكور عالمعلومه..

ومن ناحية الكوليسترول!!تدري توني ادري منك

شكرا للمعلوميه المفيده..

لان امي الله يطوللي بعمرها عندها كوليسترول..وتحب التوركي...

مشكوور والله.. (*40)

همسات..وردة.. · 05-05-2005, 03:46 AM

طبخة شكلها حلوة مرة..
توفي.. اثرك طباخة؟
ممكن توصلينها لي؟
وابي رقم اشتراك بعد.. لانها اذا عجبتني كل يوم بطلبها منك..
تسلم يدينك..
ولا تنسين رقم الاشتراك..

to0o0ofee · 05-05-2005, 04:49 AM

همسات

لووووووووووووووووووووووول

تراك مصدقه عووووومرك بقوه

خخخخخخخخخخخخخخخخخخخخ

هذي الطبخه تقول الي يبيني يجيني

وشكرا لردك

MISS_Dr.Rae3 · 05-05-2005, 06:29 AM

يصلموووو يالشيف طــوفي

مبين عليها كتير طيبه هالوصفة

ان شاء الله الليلة بسويها لاهلي

وان اعجبتهم بقدم معروض على ماكد

يشهرون هالوصفه ويسمونها بسمتس (*35)

يمــال العـــافيــة يالذربه ..

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)