[°ˆ~*¤®§(*§ ذكـــــراك §*)§®¤*~ˆ°

روح وخليني على بــال ذكــراك
بين الأمل واليأس يكــبر شقـايــه

لأني بسأل عنك ولاقـادرة أنســاك
ولاقـادرة أنـسى ضحـكتك والبدايــه

مات الأمل في داخلي من يوم فرقاك
وأصبح عدوي اليوم يسـمع بكـايــه

كلن نشدني وقال اليوم وش جــاك
قـلت الــقدر يا ناس زود شــقـايــه

الله حكم يا شوق علـيً بفـرقـــاك
وأنا أحـــسب إنك دوم دايم معايــه

منيتي ثواني بها ألـــقاك
يا ضــحكتي يا بسمتـي يا هنـايـــه

لاتحسبني من غياب ذكرك أبـنساك
ذكـراك والله خـــالده فــي حشـايــه

~¤®§][ لا تـعـــانـدنـي ][§®¤~


لا تعانــدني ترى طبعـي عنــيد
من يعاند يغرق في بحر العـناد

أعترف لك في الهوى إنت الوحيد
وإنت وحدك من سلب عيني الرقاد

وأعتـرف حبـك ذبحنـي للوريــد
وإنت حبك يا نظر عيني وكـــاد

وأعرف إني من فؤادك له يريــد
وأعرف إني غايتك وأقصى المراد

رغم هذا ببتعد عنــك بعـيــد
خلي كثر العند ينهيه البعـــاد

خلي عندك ينفعك لو هو يفيــــد
إحترق كل الهوى وأصبح رمـــاد

بتركك وأحيا حياتي من جديــد
لو نهاري ينقلب بعــدك ســواد

عيش بأحزانك وأنا حزني يـزيـد
وإترك الشكوى على رب الـعـباد