 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
26-05-2005, 11:24 AM
|
#11 |
|
عضو نشيط
 |
يعطيك العــافيه دلوعه إندمجتوا فعلاً معها بس حكاية المرض هذه مادانيها بالمرة منتظرين بفارغ الصبر باقي الروايه ألف شكر لك أختي العزيزه تحياتي . |
|
|
|
26-05-2005, 11:50 AM
|
#12 |
|
مــبــدعــة روائـــع
::+: v i p :+::  |
همسات ورده .،. شادن . ،. المجروحه .،.لمسة الورد .،. رائع .،. عدنان
بصراحه فرحتوني بتفاعلكم الحلو .. ومن جد أنا فرحانه همسات ورده .. مافهمت قصدك بالتعليق .. واذا على الخط تراه كبير ولا البسي نظاره << أمزح شادن : اسعدني مرورك وتفاعلك المجروحه :ولايهمك حبوبه القصه راح أكملها واليوم الجزء الجديد لمسة ورد : اسعدني مرورك العطر على روايتي.. وان شاء الله تعجبك النهايه دكتور رائع : فرحت لتفاعلك الحلو معي والقصه بتكمل وان شاء الله على نهاية الأجازه بتكون خالصه عدنان : اسعدني مرورك أخوي .. وإذا على المرض .. ماأتوقع أنه في أحد بالدنيا يحب انه احد يمرض ولا هو بنفسه يمرض الحين بنزل الجزء الجديد دمتم بود ورد وجوري أختكم في الله : دلوعة أمها |
|
|
|
|
26-05-2005, 12:26 PM
|
#13 |
|
عضو نشيط
|
حلوه.. و نكده..!!
حلوه.. لأنه القصه أحداثها و تسلسلها و صياغتها جدا حلوه.. نكده.. لأنك قطعتي فينا الحبل و صار لازم ننتظر لحظه بلحظه التكمله.. موهبتك واضحه يا أخت دلوعه.. و إن شاء الله نقرأ المزيد عن قريب.. كل أمنيات التوفيق و دامت هالأنامل شمعات منوره بمنتدى المميزين.. |
|
|
|
|
26-05-2005, 11:55 PM
|
#14 |
|
مــبــدعــة روائـــع
::+: v i p :+:: |
الجازي : ياربييييييه ... ليش كذا يصير لي ..أنا ماقدرت أنسى هالشي .. يجي اليوم بكل برودة أعصاب .. وبدت تدمع عيونها
اه بس قفلت عليها غرفتها وقعدت تصيح من الخاطر .. اصلا هي هالفتره كلها صياح .. كل شوي تتذكر صدق انه هالشي يزعل ابوها وأخوها .. لأنهم قاعدين يشوفونها تتعذب لأنها تحب وهذا الشي صدق مب زين نروح لعبدالله اللي شاف الجازي وهي تكلم بالتليفون .. كانت لابسه بجامه ورديه ورافعه شعرها الطويل في ربطه .. ولابسه شبشب كله ريش ... الجازي معروف عنها حبها للأناقه حتى بالبيت... كان شكلها .. عادي ويفشل بالنسبه لها .. بس هي بصراحه .. جمالها عادي .. حلوه ..بيضا عيونها عاديات .. بس في وجهها نوع من الغموض... يخلي اللي يشوفها غصب عليه يرجع يناظرها مره ثانيه .. فيه مسحه من الكبرياء .. باختصار .. ماهي حلوه بالمره .. بس جذابه عبدالله .. بدى يسرح .. هو زعل من الخاطر على اللي صار وحتى انه ماقام يروح لشغله بس وش يسوي ..وعسى أن تكرهوا شيئا وهو خير لكم ..ااااه يالجازي .. والله مانستاهل هاللي صار لنا أبو مشاري يوم شاف أنه ولده سرحان ويفكر : عبدالله .. عبدالله : سم يبه ابو مشاري : سم الله عدوك .. دق عل ابراهيم عشان يجي وينه تأخر\؟؟؟ عبدالله : تامر امر بس ثواني ومسك عبدالله جواله وطلع رقمه ودق ..استنى شوي وبعدين رد عليه ابراهيم : هلا وغلا ... مرحبا ملاييين .. صاير فيك شي .. عبدالله وداق علي ماتجي ذي .. لحظه خلني اوزنها عبدالله : هههههههههه عاد مب لهالدرجه أنت ووجهك المهم .. وين أنت فيه الحين ابراهيم : والله حاليا أنا بغرفتي بتسبح وبعدين بطلع عبدالله : لا لاتتسبح .. انزل للصاله .. فيه ضيوف جايينكم ابراهيم وهو مستغرب : وشو .. أنا توني راقي .. وبعدين وش عرفك؟؟؟ عبدالله : أقول يالدبشه .. ترانا تحت لنا شوي ولابه أحد عندنا .. ماودك تجي؟؟ ابراهيم : والله .. اجل صكر بلا خساير ياشيخ عبدالله : الحين يجي يبه ابو مشاري : ياحبم للقرقه .. يعني لو قلت ألو ابراهيم ترانا تحت مايضرك شي مهب لازم هالسواليف كله .. بعدين يكسبون هالإتصالات على سواليف مال أمها داعي عبدالله : ابشر يبه .. ولا يهمك وفي هاللحظه تدخل نهي وهي ماسكه يد ابراهيم نهى صغيره .. عمرها تسع سنين .. ماتت أمها وهي تولدها .. يعني ماشئافت أمها الا بالصور .. وقبلها دانه .. دانه هذي بثاني متوسط .. حبوبه .. وطيبه وبعدين الجازي .. الازي هذي هي البطله وأتوقع انكم عرفتوها ...عي الحين بتروح لثالث ثانوي تخصص أدبي ابراهيم : ياحي الله من جانا .. هلا بعني وحب راسه وسلم على راكان وعبدالله ابراهيم : بشروا عن الحال .. انشاء الله طيبين ابو مشاري : الحمد لله بخير .. شولونك أنت .. وين أبوك ماشوفه ابراهيم : انا الحمدلله بخير دامك بخير .. والله ياعمي ابوي رايح لأبو الجيران ولدهم مات في حادث راح يعزيهم ويجي ابو مشاري : لاحول ولا قوة الا بالله .. ومين يقالهم ذولا ابراهيم : هذولا سليمان ال.... ابو مشاري : قل غيره .. ياحليله والله مايستاهل .. أي واحد من عياله اللي مات ابراهيم :احمد اللي عمره 19 سنه ... انت تعرفهم يا عم ابو مشاري .. ايه أعرفه ..كان يشتغل معي .. .. متى مات ؟؟ اراهيم : امس مات .. الله يرحمه ابو مشاري وعبدالله وراكان : الله يرحمه ابو مشاري : طيب ياوليدي تدري متاه بيجي .. ؟؟ ابراهيم : شوي ويجي .. لأنه مهوب مطول هناك . ابو مشاري : اجل بنروح حنا الحين .. وبنجي بكره بعد المغرب ابراهيم : بدري ياعم .. وين رايح .. أصبرالقهوه الحين بتجي .. وابوي قريب لايجي ابو مشاري : لا مستعجل .. بجيكم بكره ابراهيم : ابشر .. بقوله ..وانا داري اني لو قلتله انكم جيتوا بيزعل علي .. بس يالله ابو مشاري: ههه يالله بالأذن .. تامرون على شي ابراهيم : لا تسلم عمي .. نبي سلامتك ابو مشاري : يالله فمان الله عبدالله : انت يالشايب .. كله هرج مع هالشياب .. وش تبيبهم ابراهيم : والله ان كانك شايب .. تراني شايب .. ولاتنسى تراني اصغر من عبدالله : لا .. دام الموضوع فيها أصغر وأكبر آسف ياعم .. امسحها فذي اللحيه وهو يمسك ذقنه .. ماعنده لحيه ابراهيم : أي لحيه انت ووجهك .. الله العالم منهو الشايب الحين عبدالله :ههههههه المهم ترا اليوم في جمعه باستراحة تركي .. بتجي ولا ابراهيم : خلاص بقول لأبوي ويصير خير عبدالله : يالله فمان الله ابراهيم : فمان الله في بيت ابو سليمان أم سليمان (( جواهر )) : الهنوف يمه ترى الحين بيجون جيرانا روحي سوي قهوه وشاهي .. وحلى والبسي عشان البنات كهم بيجون .. وقولي لخواتك اريج وهنا .. والعنود علشان يلبسون بعد الهنوف : يمه .. متى بيجون ؟ جواهر : قالوا بعد المغرب .. يالله يابنيتي ماباقي شي الهنوف : والله مالي خلق .. الله يعين جواهر: اقول عن الدلع الزايد وروحي بسرعه .. فشله يجون ومحد يستقبلهم الا انا الهنوف : أمري لله .. هو أنا اقدر أقول لا وراحت لغرفة هنا والعنود علشان تخبرهموجت بتفتح الباب الا تلقا الباب مقفل: وجع .. ليش قافلين الباب .. افتحوه تجي العنود تفتح الباب : خير الهنوف : الخير بوجهي .. اقول البسن تراه بيجن حريم الجيران .. والبنات بعد هنا : يوووووووه بتجي اسيل يعني .. أكرهها من جد ذي البنت ترفع الضغط .. تقل ماشافت خير ابد تخيلي ذيك المره قاعده تقول وعدلت من جلستها علشان تقلدها انتم ليش مغرورين كذا .. لازم تجددون اثاث البيت .. ترا عادي اذا ماجددتوه وأنا قاعده أقولها .. حنا اصلا من زمااااان ماجددنا ولا غيرنا الأثاث هذي أول مره من سكنا البيت وتقول هي .. طيب واذا اثاث بيتكم حلو .. ولا تبون تسوون لنا انكم أغنياء يالله من جد تحود الكبد الهنوف : هههههههه ماعليك منها .. اسحبي عليها المهم البسو ترا شوي وبيجون طلعت من عندهم وراحت لغرفتها تدور شي علشان تلبسه حاست بالدولاب وبالنهايه طلعت لها تنوره بيج قصير شوي مزخرفه مع تحت بورود بنيه وطلعت معاها بدي نفس اللون ولبست فوقه بلوزه بنيه .. ولبست شبشب بيت بس مناسب لهاللون .. تحب تطقم كل ملابسها حتى بجايمها تجيب شباشب نفس اللون وحطت شوي كحل وقلوس خفيف .. طلعت روعه بالنسبه للهنوف .. هي الحين توها متخرجه من ثالث تخصص علمي.. ماشاء الله جابت نسبه زينه 94% والى الآن تفكر بتخصص حلو .. الهنوف بنت جميله .. جمالها حلو .. كثيير بنات وياها بالمدرسه يحسدونها على جمالها .. لأنها من جد تحفه .. وجسمها مرره متناسق .. يعني في الأماكن اللي مفروض انها تكون مليانه فيهم مليانه ...هالشي اعطاها جمال زياده جواهر وهي تصارخ : الهنوووووف تعالي بسرعه .. حشى يالبرنسيسه .. كل ذا تلبس . .. والله لو أنتس عروس ماسويتي كذا الهنوف : هذاني نازله يمه الحين بجي وجت بتطلع الا وصوت نغمة الرساله راحت وفتحت الرساله ولقت رقم غريب راسل لها " محظوظ " من ملك وقتك ولو ساعه تبتسم دنياه وتنتهي قصة أوجاعه " معذور " قلبي لو تمناك معذور ماللغلا بيني وبينك نهايه استغربت من الرساله .. بس قالت أكيد غلطان اللي مرسلها وخلتها ونزلت تحت تسوي القهوه وتشوف المجلس اذا كان محتاس ولالا في بيت أبو عبدالعزيز دانه قاعده عند التلفزيون تقلب هالقنوات .. حاسه بملل رهييب تبي تطلع أي شي .. بس يروح هالملل فهاللحظه دخل ابوها وبراهيم مع بعض دانه : هلا والله .. ابو عبدالعزيز : هلا ببنيتي .. شتسوين هنا .. وراه ماتروحين عند الجازي ولا نهى .. دانه : والله يبه ملل .. مدري شسوي .. طفشت .. وفجاه جاتها فكره حلوه ... يبه طلبتك .. قل تم ابو عبدالعزيز : يصير خير .. دانه : يبه .. حنا الحين في اول الأجازه .. وانت تدري انه حنا مانطلع كثيير .. والجازي حالتها ماهيب زينه .. خلنا نسافر .. منها تمشيه .. ومنها تسويعة صدر لنا وللجازي ابو عبدالعزيز وهو يفكر : والله اشوف .. بس وين تبون نروح ابراهيم : باخذ اجازه علشان اذا فيه روحه رحت معكم .. دانه : انا نفسي الصراحه في ماليزيا ..يمدحونها والله ابو عبدالعزيز : وليش ماتبون نروح لأبوضبي عند عبدالعزيز دانه : يبه والله ملينا من هناك .. كل ما سافرنا رحنا هناك .. خل يصير شوية تغيير ابو عبدالعزيز .. خلاص موافق .. بس روحي اسألي خواتك .. وين يبون نروح دانه ماصدق خبر راحت على طول وحبت راس ابوها ومن هنا طيران على فوق علشان تقول للجازي ونهى فتحت الباب بقوه على الجازي الجازي في لحظتها منسدحه بفراشها وتكلم ريما الجازي وهي مرتعبه من دخلت دانه عليها بهالشكل : وجع . طقي الباب .. روعتيني .. دانه : ايدك على البشاره بسرررررعه ... الجا زي : وش القصه .. كلن يطلب بشارات .. وش شايفينن .. قاعده على البنك المركزي وانا مدري دانه : هههههه ياحليلك .. المهم ترا ابوي يقول طلعلوالكم بلد حلو علشان نسافر .. قلت أنا ماليزيا .. قال خلاص بس روحي اسألي خواتك يبون ماليزيا ولالا هنا الجازي فرحت كانت حاطه السماعه على اذنها وصرخت:ماني مصدقه ... يالله بنسافر ومحنب رايحين لأبو ضبي ماصدق ريما : وجع .. قصري صوتس انتي ووجهتس الجازي : بنسافر ياشيخه مانيب مصدقه ريما : ايه ياحظكم .. انتم بتسافرون وحنا بنحرس الرايض علشان ماحد يصرقه الجازي : هههههههههه يالله أكلمتس بعدين ريما : طيب يالله باي الجازي : باي وصكت السماعه والتفتت على دانه .. : يالله قولي وش السالفه من طق طق للسلام عليكم وقالتلها دانه السالفه وبعدين راحت دانه لنهى على شان تقولها بعد نزلت الجازي للتحت وسمعت أبوها وابراهيم يتكلمون ابراهيم : يبه تراى أمس جا عمي صالح يبي يشوفك وقلت له أنك رايح تعزي ابو عبدالعزيز : والله .. طيب ليش ماخبرتني ابراهيم : من بعدها انا طلعت رحت عند الشاباب مواعدنهم ابو عبدالعزيز : خير وش عندهم .. ابراهيم : والله مدري يبه .. بس أضن أنه علشان الجازي وعبدالله هنا الجازي وقفت مكانها .. ماتبي تدخل .. خربت فرحتها بالسفره..رجعت لورا بشويش علشان محد منهم ينتبه الا وتصقع بدانه : ااااي وجع دانه : وجع أنتي .. فتحي عيونتس لما تمشين يالحولا الجازي : مانيب حولا .. بس انا كنت ..... وسكتت دانه : ٌأقول بلا هرج فاضي .. أمشي خلينا ندخل الجازي : يالله دخلوا على ابوهم وحبت الجازي راس أبوها وقالتله انهم يبون ماليزيا وحددوا موعد السفره الأسبوع الجاي في شقه بالرياض .. كان فيه شخصين .. يرتكبون الحرام .. طارق : والله اني احبك .. نوف : حبيبي .. بصراحه اليوم انا مره مستانسه .. أحبك وقالتها بخجل طارق : ياعمري أنتي .,. شوفي .. انتي تشوفين القمر .. قالت نوف وهي تناظر الأرض : ايه طارق : انتي بس حركه مناصبعك الصغير تشاورين له وينزل من مكانه وتروحين أنتي هناك أنتي أحلى وحده بالدنيا نوف : بس عاد .. يكفي .. أنا بروح الحين .. بالأذن ياروحي طارق : اذنك معاك ... بكلمك الليله ياعيوني نوف : أوكي حبيبي وطلعت .. طارق هذا داشر .. كان راعي مخدرات وزنا ياما ضيع بنات عفيفات بفعايله .. له بلاوي كثيييره .. بس ساترها عن أبوه وأهله .. مسوي نفيه عند أبوه أنه طيب وعلى نياته .. وانه البنات مايعرفهم .. بس ابوه شاك فيه راح على طول وطلع الفلم الي سواه مع نوف .. هو مركب كاميرا بالغرفه .. ويبيع الأفلام الأباحيه بأسعار حلوه .. بحيث أنها تكون في أيدين الكل وحطه بالفيديو وقعد يناظره : والله ياإنها خبله .. لولا تبيني أتزوجها بعد ... مسكينه .. مابقى الا ذي اخذها نوف من عايله محترمه .. معطين عيالهم شوي حريات .. بس برضوا في اشياء مايرضون عليها... نوف اذا بغت تروح لطارق تقول اني بروح لصديقتي ولا السوق..وعلى هالمنوال |
|
|
|
|
26-05-2005, 11:58 PM
|
#15 |
|
مــبــدعــة روائـــع
::+: v i p :+:: |
هذا الجزء الجديد ونزلته
ادري اني تأخرت فيه بس والله اليوم صادفت مشكله في تنزيل الجزء وحاولت كذا مره على العموم هذا الجزء اتمنى انه يعجبكم وابي تعليقاتكم وتوقعاتكم للشخصيات ************* mandoos: اسعدني تواجدك الحلو على روايتي هذا الجزء الجديد ونزلته .. أتمنى انه يعجبك دمت بود وورد وجوري أختك في الله : دلوعة أمها |
|
|
|
|
27-05-2005, 04:48 AM
|
#16 |
|
/.... تَِفٍوٍَقٍِ آلوٍصَِفٍ ...\
|
جـزئيه حــليووه واشوى مافيها احزان مثل اللي قبل بس الجزئيه الاخيره احسها خاشه عرض يعني ماعرفنا دورهم بهالروايه  عموما " يعطيك ربي الف عافيه ... وبانتظار الجديد المتسلسل من هالروايه .... يسعد ايامك . |
|
|
|
|
27-05-2005, 11:43 AM
|
#17 |
|
ريــحــانة روائـــع
::+: v i p :+:: |
هالجزء حلووو  وفيه من واقع المجتمع بس هذا طارق قاهرني .... تسلمين اختي ..... |
|
|
|
|
27-05-2005, 11:59 AM
|
#18 |
|
مــبــدعــة روائـــع
::+: v i p :+:: |
شادن . ،. رائعه
اسعدني تواجدكم العطر ومن ناحية الجزء الأخير جاي عرض انا قلت أنه في كل جزء راح تظهر شخصيات جديده طارق هذا ممكن ماتدرون عنه بس اصبروا الجزء الجديد الليوم بتعرفون طارق هذا مين دمتم بود وورد أختكم في الله : دلوعة أمها |
|
|
|
|
27-05-2005, 12:05 PM
|
#19 |
|
مــبــدعــة روائـــع
::+: v i p :+:: |
في بيت أبو سليمان
كان الجو حلو.. البنات اليوم مستانسين ... كانت العزيمه ناجحه في كل المواصفات .. صح انه كان فيه عنصر المفاجأه ..لأنهم ماقالوا انهم بيجون الا بالعصر.. واتفقوا حريم الجيران انه كل وحده تسوي شي للعشا ... علشان مايكلفون ام سليمان ... يدرون فيها .. لو قالولها بنتعشى عندك كان اشتقت المسكينه وطلبت من مطعم وكلفت على عمرها حريم الجيران وهم عددهم سته .. فيهم بساطه غريبه .. ماتهمهم مغريات الدنيا.. يعني مايتكلفون ويتلبسون لما يجون يزورون بعض.. هالشي كان حلو ..لأنه المظاهر تغير معادن الناس ...فكانوا على حقيقتهم ..وكانت اجتماعاتهم من أروع مايكون صحيح انه اذا اجتمعوا البيت يمتلي بنات وحريم .. بس من جد سواليفهم ماتنمل جواهر :اريييج ارييج يمه تعالي ...اريييج اريج وهي تركض وتطل على امها من الدرج :سمي يمه .. جواهر : انتي ليش ماتنزلين وتساعدين خوانك بالترتيب اريج : يايمه .. ليش الشغاله موجوده .. خليها هي تضف جواهر : أقول عن الدلع الزايد .. امشي قدامي يالله .. نعنبو بليسك .. هالخدامه تكرف ليل ونهار تصبح من خمس وشوفي الحين الساعه كم ... ترا بتهج من عندنا وهمن بقلعتكم ... انتم اكرفوا اريج: ياربييييه .. خلاص هذاني نزلت ..تبين شي بعد جواهر : لا الله يوفقتس .. ساعدي خواتس همن نامي فهاللحظه .. وبرا بالحوش كان ابو سليمان قاعد بالدكه بالحوش ..يفكر في ولده طارق..هو اساسا له فتره شاك فيه... مايدري ليش ..يحس انته في مصيبه بتصير من تحت راس طارق...قاع يقول لنفسه.. انا ماقصرت ربيته احسن تربيه..دخلته افظل المدارس ... شريت له سياره اللي يبها لمن تخرج من الثانويه طيب وش المشكله.. الغلط مو مني .. لو الغلط مني كان صاروا اخوانه زيه...اه بس الله يستر وقام اخذ جواله ودق عليه استناه لما يرد ابوسليمان : السلام عليكم طارق: وعليييييكم السلام والرحمه .. هلا يبه .. ابو سليمان : اقول انت وين تسوع به الحين .. تعال للبيت ارقد ابرك لك .. مب لا جا وقت صلاة الفجر عذبتنا .. طارق : سم يبه .. تامر امر شو ي وجايك ابو سليمان : بسرعه تعال .. بقعد أحتريك لمن تجي طارق : ارتاح انت يبه .. الحين انا جاي .. مسافة السكه وجايك ابوسليمان : يالله مع السلامه .. ولا تسرع وأنا ابوك طارق : ان شاء الله ابو سليمان : يالله فمان الله طارق : فمان الله دخل ابو سليمان داخل ولقى جواهر قاعده بالصاله وتضف الأرض أبو سليمان ((خالد)): جواهر ..قومي .. ارتاحي خلي هالبنات يجن يضفن عنتس .. ارتاحي انتي جواهر : تسلم ..بس البنات بالمطبخ الحين يساعدن الشغاله وقلت أنا اضف الصاله خالد :يابعد عمري انتي .. خليها الحين .. تعالي عندي .. ياأم عيالي جواهر استحت : بس عاااااد .. خلني اضف الصاله الحين خالد : خليها الحين وقرب علشان يساعدها تقوم ومسك ايدها ..فهاللحظه تدخل الهنوف وشافت هالمنظر .. :احم احم الرقابه هنا......أدري فيني هادم اللذات .. يضحك ابو سليمان على بنته : يابنيتي بساعد أمتس تقوم .. مب عيب عليتس مخليته ترتب وأنتم قاعدين لا شغل ولا مشغله الهنوف : أفا .. ومين قالك أمي كانت تشتغل .. أنا قايلة لها لا تكرف .. وحتى كانت بتروح للغرفه .. وتوني مخلصه من المطبخ الا اجي واشوف منظر حلو ابو سليمان: هنيييف ووجع .. عييب الهنوف : هههههههههه طيب اسفه يبه مانيب عايدتها توبه ابو سليمان : يالله قومي ساعدي أمك الحين الهنوف :تامر أمر يبه وقامت وحبته على راسه في مكان ثاني كان طارق توه صاك من أبوه طارق : أذانا هالشيبه .. متى تجي وين تروح وليش تأخرت .. ومع من طلعت ... تقل بضيع أنا قام و شال الشريط والنسخ اللي سواهن وحطهن بالدرج وطلع علشان يروح لأبوه بالبيت بعد يومين في بيت أبو عبدالعزيز الجازي قاعده بالصاله هي ودانه وابراهيم ابراهيم : الحين جهزتوا غراضكم تراه يومينوبنمشي .. الرحله الغرب..لاتنسون شي وبعدين تقعدون تغثونا الجازي : برهوم حبيبي ..وأخوي وسندي بهالدنيا من بعد ربي..و قطع كلامها ابراهيم : نعم وش تبين ... عارفك ماتمدحين كذا الجازي : حرااااااام عليك الحين أنا ما أمدح انا مشكور ابراهيم : طيب اسف .. وش تبين الجازي : ودي اروح السوق بشتري لي اغراض للسفر دانه : ايه صدق ابراهيم .. انا بعد .. ابي اغراض .. ونهى بعد الجازي : ايه صدق انا قعدت أرتب شنطة نهى اليوم حقت السفر ...مالقيت بدل لها .. لازم نشتري لها بدل حلوه للسفر ابراهيم : ياحبكم للخساير .. خلاص بعد صلاة العصر على طووول استناكم واللي بتتأخر ترى بمشي عنها ...فهمتوا؟؟ دانه والجازي بصوات واحد : فااااااااهمييييين الجازي : مشكور برهوم .. والله محتاجه لها الطلعه ابراهيم : العفو .... يالله بالإذن بطلع الجازي : في حفظ الكريم ان شاء الله ابراهيم : ان شاء الله وطلع من عندهم ودق على عبدالله ابراهيم :هلا وغلا .. عبدالله تذكر الجازي ماقدر يتكلم : ........... ابراهيم : الووووووووووووو ..رد أنت ووجهك عبدالله : ياخي ليش انت جفس كذا .. كنت اغير ثوبي ورديت عليك وبدلت الثوب ورديت عليك .. فيه مانع ابراهيم : لا مافيه مانع ولا فيه دواس عبدالله : ههههههه .. وعلومك وعلوم الوالد ابراهيم : والله ابوي ولله الحمد طيب .. الا صدق ..مب انتم كنتم بتجونا قبل أمس.. ليش ماجيتوا .. ابوي قعد يستنا عبدالله : الا كنا بنجي بس وحنا بنطلع يجي البنغالي حق المزرعه يقول انه مصطفى المصري بالمستشفى .. صالر له حادث .. والله المسكين حالته صعبه ابراهيم : الله يستر .. مايشوف شر .. والله انه حبيب هالمصطفى مايستاهل عبدالله : ايه مايستاهل .. على العموم .. وينك أنت اسمع صوت سيارات ابراهيم : ايه .. انا برى وداق عليك علشان نطلع مع بعض عبدالله : اهاا .. أوكي انت وين الحين .. انا الحين عند د. كيف اللي عند مخرج 15 عبدالله : اف وش موديك هنااك ابراهيم : مدري اشتهيت د . كيف وجيت لمهم عبدالله : طيب استناني .. مسافة الطريق وأنا جايك ابراهيم : طيب .. فمان الله عبدالله : فمان الكريم سكر ابراهيم منه ورح طلب له موكا بارد وحلى وقعد يستنى عبدالله .. كان سرحان وهو يناظر السيارات اللي رايح واللي جاي وماحس الا وواحد ماد ايده يسلم الرجال : السلام عليكم ابراهيم قام : وعليكم السلام والرحمه الرجال : أنت ابراهيم بن تركي ال ..... اراهيم وهو مستغرب : أي نعم هذا انا ... الرجال : شكلك ماعرفتني ؟؟ ابراهيم : والله ياخوي.. ماعرفك .. الرجال : معك عمر صالح ال... ابراهيم وهو يتذكر : هلا والله ...تصدق ماعرفتك يارجال .. تغيرت من جد .. وين الكرش وين راحت عمر : هههه خبرك عتيق... دخلت نادي ووخرتها ابراهيم : ياحليلك ياعمر ... والله من زمان .. وين أختفيت كنت بالحاره عندنا .. خلصت الثانويه .. ومن هنا لاحس ولاخبر عمر : ايه رحنا للشرقيه هناك سكنا ..قعدنا لنتا ثلاث سنين علشان شغل للوالد ابراهيم : اهاا ... طيب وشلونك الحين .. متغير والله انت عمر : ههههههه تصدق اني هالأسبوع جاي زياره فقط .. وكل من شافني قالي هالشي .. بس بصراحه .. أنت هو أنت ماتغيرت ابد .. عرفتك على طول ابراهيم : ههههههههوالله ولهنا على ايام زماان عمر : أي والله .. مشتاق لأيام الحاره والشباب .. شخبار الشباب ابراهيم : الشباب الحمد لله بخير .. عبدالله ولد عمي هذاه جاي الحين بالطريق عمر : والله .. كويس اسلم عليه .. ابراهيم : أما ثامر و طلال وعبيد وفارس .. ذولا حالتهم حاله مالقولهم وظيفه عمر : ليييش ابراهيم : بلا من زين النسب اللي جايبينها هم ووجيهم كل واحد جايب لي بالستينات ويبون يتوظفون عمر : ههههههههه فهاللحظه يدخل عبدالله ويشوف ابراهيم قاعد مع واحد ويسولف راح لعنده بس ابراهيم مانتبه له جا عبدالله ودفه على ظهره بأسلوب مفاجأه : أنااااا جييييت ابراهيم : وجع يوجعك .. ياخي الناس تسلم وهذا يطق عبدالله : شسويلك دام انك مانتبهت قلت لازم انبهك ابراهيم : نبه بس مب بهالأسلوب .. تدري مين الأخ اللي جالس هنا عبدالله وهو يناظر .. يتذكر احد بهالملامح .. بس مايدري مين : لا والله ماحصلي الشرف عمر : حلوة ماحصلي الشرف هذي .. انا عمر يالطيب عبدالله وهو تذكره : والله .. وقام سلم عليه .. علومك يالطيب لاحس ولاخبر..بعدين وش مسوي انت .. عطنا الوصف .. الكرش راحت عموور عمر : مدري ليش اكرهك لما تناديني عموور .. قلنالك من الأول لا تناديني كذا عبدالله : ههههههه تامر أمر.. ابرهيم ماودك تضيفنا علشان الخ عمر جاي ابراهيم : وأنا قاعد اكد على بقر .. قم أنت ادفع واذا على عمر .. ادفع له مافيه مشكله ام انت لا عبدالله : يالبخل.. هذا وانا ولد عمك حبيبك بابراهيم : ولد عمي ماقلنا شي على عيني وعلى راسي .. بس يالبثره .. اربع مرات وأنا عازمك ورى بعض.. وانت مافكرت تدفع.. وتبني الحين ادفع لك عبدالله وهو مبرطم : ياخي بلا منتك .. شسوي طيب اذا محتاجهم فلوسي ابراهيم : لا صح صح مابقى الا هي عمر وهو يقاطعهم : والله من جد ماتغيرتوا نفس سواليفكم من خمس سنيين هنا عبدالله وابراهيم نتاظروا بعض وضحكو ابراهيم : ههههه يعني اثرييين هااه عمر : واللهع نفس السوالف من يوم المدرسهخ .. يجيك عبدالله يقولكم ادفع الفسحه وانت تقول اصرف عليك انا عبدالله :هههههههه ابراهيم .. شكله يبيلنا نغير تصرفاتنا .. ابراهيم : هههههههه شكلنا من الجنادريه طالعين ..خمس سنين وحركاتنا نفسها ماتغيرت حراام علييك عمر عمر : ههههههه طيب يالله بروح انا الحين ابراهيم .. لاو ين اصبر ..تونا عمر : والله مواعد الأهل بس قلت أمر أخذ لي كبتشينو واروح وفرصه لقيتك وقعدت معك شوي أنت وعبدالله ابراهيم : أجل خلاص لاتقطع .. عطني رقمك ترانا بجتمع الليله عمر : يصير خير وعطاه الرقم وطلع عبدالله وابراهيم طلعوا وراه وكل واحد راكب سيارته وهم يكلمون بعض بالتليفون عبدالله .. وين تبينا نطلع الحين .. ابراهيم : لا ماقدر اطول خلنا نروح لبيتكم ....لأني مواهعد خواتي اطلعهم للسوق عبدالله : اجل يالله نروح لبيتنا يالله نزلت جزء جديد ابيت وقعاتكم لاتبخلون بردودكم ودمتم بود وورد أختكم في الله : دلوعة أمها |
|
|
|
|
28-05-2005, 01:23 AM
|
#20 |
|
من كبار روائع
::+: v i p :+::  |
دلوووووووعة.. جزء حلووووووووو.. الهنوف.. تعجبني.. توقعت يصير اللي ارسل لها طارق.. بس طلع اخوها؟ عبدالله وابراهيم.. ثنائي حلوو.. الجازي..  بيصير لها مواقف بالسفر.. يمكن يسافرون معهم عمهم؟ عمر.. له دور بالقصة.. بس ماادري وشو.. يمكن هذي الشخصيات المهمة.. بصراحة.. القصة كلها رااااااااايقة.. بس لو تطولين الجزء شوي؟ وتتاخرين بالجزء الجاي.. << لاتفهميني غلط.. علشان الامتحانات.. ------- قصدي بتعليقي بالقصة اني تلخبطت.. بوضح لك.. انتي كتبتي.. عبدالله : لا .. دام الموضوع فيها أصغر وأكبر آسف ياعم .. امسحها فذي اللحيه وهو يمسك ذقنه .. ماعنده لحيه ... : تخيلي ذيك المره قاعده تقول وعدلت من جلستها علشان تقلدها انتم ليش مغرورين كذا .. لازم تجددون اثاث البيت .. ترا عادي اذا ماجددتوه لو تكتبين.. عبدالله : لا .. دام الموضوع فيها أصغر وأكبر آسف ياعم .. امسحها فذي اللحيه (وهو يمسك ذقنه .. ماعنده لحيه ) تخيلي ذيك المره قاعده تقول (وعدلت من جلستها علشان تقلدها )انتم ليش مغرورين كذا .. لازم تجددون اثاث البيت .. ترا عادي اذا ماجددتوه او تغيرين اللون.. بيكون اوضح للاغبياء واللي استيعابهم بطيء زيي!!  وتسلمين.. |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
مواضيع مشابهه
|
||||
| الموضوع | كاتب الموضوع | المنتدى | ردود | آخر مشاركة |
| من عجائب القرآن الكريم الرقمية | جلنار | الاسلام والشريعة | 6 | 15-11-2005 11:46 PM |
| كيف لا أحبك (سناء الايوب) | سناء الأيوب | روائع العامة | 10 | 29-01-2005 06:46 AM |
| أحبك | باقي الحب | الشعر والخواطر المنقولة | 1 | 20-09-2004 12:00 PM |
تبادل نصي مع منتديات روائع
وفي نت |
وجوه تعبيريه |
نغمات |
العاب باربي |
العاب بنات |
ضع نصك |
صور |
ضع نصك |
تحميل صور |
دردشة
ضع نصك |
اغاني |
العاب |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
النمط الخطي
