 |
 |
|
|
|
|
 |
 |
 |
 |
| -------------- | -------------- | -------------- | -------------- |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
01-06-2005, 10:32 AM
|
#21 |
|
مــبــدعــة روائـــع
::+: v i p :+::   |
همسات ورده
فرحتيني بصراحه بردك الحلو وان شاء الله اوضح بالأجزاء الجايه بس انا بصراحه مصدومه وين الردود ياناس .. والله زعلت يوم مالقيت الا رد همسات ورده ابيييييييييييييييي ردوووووووووود دمتم بود وورد أختكم في الله : دلوعة أمها |
|
|
|
01-06-2005, 11:06 AM
|
#22 |
|
ريــحــانة روائـــع
::+: v i p :+:: |
مرحبااا دلوعه امها  مشكووورة على الجزء كذا  بالنسبه للردود .. اتوقع اغلب الاعضاء عندهم اختبارت  بس ان شاء الله تشوفين التفاعل والردود واللتي تبين بالاجازة  دمتِ بود |
|
|
|
|
01-06-2005, 11:36 AM
|
#23 |
|
مــبــدعــة روائـــع
::+: v i p :+:: |
مرحبتين حبوبه
استانست لردك على الجزء وأما من ناحية الأختبارات ادري انه اختبارات حتى انا بس ماتوقعت انه يكون رد واحد فقط هذا اللي صدمني على العموم انا ماراح أنزل جزء الفتره هذي علشان الأختبارات دمت بود اختي شادن أختك في الله : دلوعة أمها |
|
|
|
|
01-06-2005, 01:36 PM
|
#24 |
|
المشرف العام
|
ماشاء الله جزء جديد مليان احداث وفعلا احداث كثيره ومثيره وكسرت خاطري الجازي فعلا والمفروض عشان اي اثنين لا يصير معهم كذا يسوون فحص قبل الخطوبه احسن لهم والله مشكوره اختي وفعلا اقدر اقول انها قصه حلوه وجميله واعتبريني احد متابعين القصه هذي |
|
|
|
01-06-2005, 03:51 PM
|
#25 |
|
مــبــدعــة روائـــع
::+: v i p :+:: |
مرحبتين رائع
الحمد لله الجزء عجبك واعتبر هذا شرف لي انك بتكونين من متابعي القصه ومن ناحية الفحص قبل الزواج هذا شي المفروض انه يكون اجباري خصوصا للأقارب لأنه تكثر الوراثه عندهم مشكوره خيتوا على المتابعه دمتي بود وورد وجوري أختك في الله دلوعة أمها |
|
|
|
|
01-06-2005, 04:05 PM
|
#26 |
|
المشرف العام
|
اختي الظاهر التبست عليك الامور انا اسمي دكتور رائع ... واختي دلوعه امها صدقيني الموضوع المتميز يثبت جدارته وفعلا قصتك شي رائع وراح تلاقي اصداء باذن الله كبيره اتمنى لك التوفيق والاستمرار في طرح الاجزاء |
|
|
|
|
01-06-2005, 11:38 PM
|
#27 |
|
مــبــدعــة روائـــع
::+: v i p :+:: |
التبست وبس
توني اعرف انه فيه مس دكتور رائع وفيه دكتور رائع ماكنت انتبه للإسم زين وهذا اللي خلاني اتلخبط مع اختي مس نفس اللخبطه في البدايه عموما اسفه على الخطأ الغير مقصود ****************** انا لما راجعت القصه لقيت انه فيه أخطاء املائيه كثييير وهذا الشي راجع عن الكتابه بسرعه من دون الأنتباه فالسموحه وان شاء الله احاول اكتب شوي شوي علشان الكتابه تكون واضحه ودمتم بود وورد أختكم في الله:دلوعة أمها |
|
|
|
|
02-06-2005, 02:31 PM
|
#28 |
|
عضو نشيط
|
تسلمين دلوووعه امها بصراحة الأجزاء اللاحقة للرواية ماركزت عليها بسبب تداخل الردود معها وكذلك لضيق وقت بقائي بالمنتدى وإنشاغل الفكر مع الإمتحانات .. ولكن لي عوده إن شاء الله بعد الإمتحانات لقرأتها بتمعن ... *** ( مسئلة تداخل الردود التي إطلعت عليها والله هذا شي أسعدني وفرحتو لكي لأنه دليل إن شاء الله على نجاح الروايه ) . عدنـان |
|
|
|
|
02-06-2005, 05:20 PM
|
#29 |
|
مــبــدعــة روائـــع
::+: v i p :+:: |
عدنان
تواجدك رائع ويفرحني يكفيني علما انك تتابع ماأكتب دمت بود وورد أختك في الله : دلوعة أمها |
|
|
|
|
17-06-2005, 02:26 PM
|
#30 |
|
مــبــدعــة روائـــع
::+: v i p :+:: |
اهلين صبايا وشباب ...كيف الحال وكيف الأجازه وياكم
انا الحين معي جزء جديد ممكن يكون شوي بس وعد اني بنزل جزء حلو هاليومين وصح انا شفت القصه مثبته ..... والله فرحت يوم شفتها مثبته مشكوووووررررررررررين على التثبيت وهذا الجزء *************** ..<(خذ وردة العمر من فظلك ...خذها من ايدين مهديها..مازفت لحد قبلك ... يانهر جاري يغذيها )>.. الهنوف مستغربه من هالمسجات اللي تجيها من هالرقم الرقم غريب ...ماتعرف مين صاحب هالرقم يرسلها من اسبوع ثلاث مسجات باليوم ... هي مستغربه ..وقالت لازم اعرف مين اللي يرسل راحت وأرسلت لنفس الرقم : جوال مين هذا ؟!... وقعدت تستنى شوي وتجيها رسالهفتحتها لقت مكتوب تدري اني مووت احبك.. وإن مالي غير حبك .. واللي ينبض في ضلوعي ... ماهو قلبي هذا قلبك.... أحبك الهنوف استغربت وبدت تخاف ... مين هذا يرسل رسايل رومانسيه وأحبك بعد ... شكلها العنود تلعب علي .. لأنه لو رجال كان تكلم مب يرسل ايه العنود هذي ..أصلا هذي حركاتها التبنه تحب تهبل فينا حطت رقم العنود ودقت عليها العنود:هلا ومليون مسهلا الهنوف : هلا والله ...شخبارك ياحلوه وشخبار عمي وخالتي ان شاء الله طيبين؟؟؟ العنود : الحمد لله مايشكون باس طيبين الهنوف : دوم يارب ...الا الحين تعالي(( غيرت صوتها لنبرة جديه)) متى بتخلين عنك هالحركات وتصيرين عاقله هااه العنود وهي راكب براسها مليون استفهاام : وشو؟؟ الهنوف : وشو يالبريئه ماسويتي شي العنود : هنيييف وشو والله روعتيني الهنوف : لاحبيبتي لاترتاعين .. بس علميني الحين مين من صديقاتك اللحين اللي موصيتها علي العنود : أي صديقات .. وش تخربطين انتي الهنوف : لا لالا ماقدر انا ... هنوف مين اللي ترسل مسجات لي وتقول احبك .. تراك سويتيها قبل .. خلاص كشفتكم الحين .. دوروا لكم مقلب ثاني العنود : هنوف .. لحظه شوي شوي خليني أجمع والله مدري شتقولين.. وش رسايله وش خرابيطه انتي ماوصيت أحد عليك ولا شي الهنوف : عنووووود .. لاتنكرين .. اذا مو انتي يعني مين العنود : والله مو انا حلفت لك ..الحين تعالي علميني السالفه من أول وعلمتها الهنوف السالفه .. العنود : شي غريب .. بس والله اني ماقلت لأحد نسوي فيك مقلب هنا الهنوف احتارت .. ماتدري وش تسوي :يالله ... ودي ادري مين صاحبة الرقم العنود : عندي لك حل ... الهنوف : وشو ؟؟ العنود : دقي على الرقم .. واذا صار رجال طنشي ولا تاخذين هم واذا شفتي المسجات كثروا علمي سليمان أخوك وهو راح يتفاهم الهنوف وبنبرة حيره : يعني برايك أسوي كذا العنود : والله هذا رايي ..وانتي بكيفك الهنوف : أجل بسكر الحين وبدق على الرقم العنود : بس علميني وش اللي بصير اوكي حبيبي الهنوف : اوكي ..يالله فمان الله العنود : فمان الكريم سكرت الهنوف من عند العنود ودقت على الرقم في مكان بعييييد وفي ماليزيا تحديدا ابو عبدالعزيز : ابراهيم .. روح ود خواتك خلهم يتمشون ابراهيم : حاضر ..بس انت مانتب رايح يبه ؟؟ ابو عبدالعزيز : بصراحه راسي مصدع ودي انام روح مشهم واذا شفت اني طيب دقيت عليك واجيك ابراهيم : خلاص على أمرك يبه راح ابراهيم من عند قسم أبوه وراح لقسم خواته ابو عبدالعزيز راح استأجر فله لهم في ماليزيا ..كانت الفله روووعه خطيره من جد .. الدور التحتي كان الباب الرئيسي بالوسط اول ماتدخل تلقا قدامك مرايه كبيره وبجنبها صور لمالكين البيت القدام تلتفت يمينك تلقى جلسه كبيره وفخمه .. لونها سكري على عنابي هالجلسه هي أحلى جلسه بالبيت ..لأنه ماكانت فيه جدران .. كانت الجدران شبابيك كبااار مفتوحه على الحديقه الخلفيه .. منظر الطبيعه من جد ياخذ العقل ..بعدين على اليسار غرفه تفتح في باب كانت هذي غرفة الأكل .. مزينه هالغرفه بشكل عجيب .. الطاوله كانت مره فخمه ونظام الألوان في الغرفه كان روماانسيييي بدرجه رهيييبه هالغرفه فيها باب يودي للصاله الثانيه هذي الصاله كانت هااديه مريحه للنظر يغلب عليها اللون الأبيظ والأسود ....هالفرفه هي صالة الجلوس في البيت في نفس الغرفه في مكتبه كبييييره مليانه كتب ... كتب من كل الأنواع تاريخييه.. قصصيه.. دينيه ((طبعا مب الأسلام )) حتى فيها شوي كتب عربيه لكتاب كبار ومن ورى تلقى المطبخ التحظيري ....أما بالنسبه للطابق الثاني الدرج كبييير فيه على نهايته بالجدار صوره لبنت اسيويه باللبس المحلي .. ...الصوره روووعه ومناسبه لألوان هالمكان الصاله اللي فوق اصغر من الصاله التحتانيه ... حلوه ...عباره عن عدة جلسات في كذا زاويه وبالوسط فيه نبته كبيره ...مخصص لها مكان زي الحوض على الأرض تتلفت تلقى غرف كثيييره هالفرف عباره عن أجنحه .. فيه جناح غرفة النوم الرئيسيه .. وفيه 4 اجنحه غير الجناح الرئيسي وكل جناح له ديكور معين ..... باختصار الفله كانت رهييييييييييييييييييبه ابراهيم دخل قسم الجازي دخل لصالة الغرفه ووقف عند بابها :جزو حبيبي .. الجازي كانت تفكر في عبدالله .. صدق ان السفر شتت فكرها عن عبدالله .. بس انه مخلاها تنساه قاعده بالسرير وتصيح على اللي صار تتذكر ضحكه معاها يوم ماكانوا صغار .. كيف كان يدافع عنها لاسوت شي غلط ... حتى أوقات كان يتحمل العقاب علشان ماتتعاقب الجازي ... كان يحبها من الخاطر.. .. سمعت الجازي صوت الطق على الباب مسحت دموعها بمنديل وحاولت انها تخلي شكلها كأنها ماصاحت : مييين ؟؟ ابراهيم : انا برهوم ...ادخل الجازي : دقايق صبر ... ناظرت شكاها بالمرايه عيونها لازالت حمر بس ماتقدر تسوي شي علشان يروح الحمار فتحت الباب : هلا والله ((وهي تحاول تخلي صوتها عادي)) ابراهيم شاف شكلها وعوره قلبه عليها .. ابراهيم يحب الجازمي ومايرضى عليها شي ... : الجازي عمري فيك شي ... الجازي : لا تسلم مافيني شي ... ابراهيم : أجل ليش شكلك كنك توك صايحه ارتبكت الجازي .. ماتحب احد يشوفها تصيح : ماكنت اصيح .. دخل بعيني شي .. ومارضى يطلع ابراهيم عرف انه تكابر .. تكابر حزنها اللي مزعلها :الجازي ممكن أكلمك شوي الجازي: أي تفضل .. دخل وقعد على الكنبه اللي عند الطاوله بجنب السرير : الجازي .. تدري انا وش كثر اغليك .. وماودي اشوف الدمعه على عينك ... صدقيني ... انا زعلت على اللي صار ... لكن هذا قدر ومكتوب .. وهذا نصيبك بالدنيا ... لاتضيقين صدرك انسي اللي صار .. ترى ماراج يفيدك هاللي تسوينه في نفسك شكوفي شكلك .. من متى كانت عندك هالات سوداء تحت عيونك .. شوفي جسمك .. اتنتي مالاحظتي انك نحفتي يالجازي الجازي يوم قالها هالكلا بدت عيونها تغرق بالدموع ماعرفت شتقول ...يبيها تنسى بكل سهوله حبها الأول .. يبيها تنسى عبدالله طلعت منها تنهيده عورت قلبه ... شاف عيونها وهي تحاول ماتصيح .. راح وضم الجازي ..بيحسسها بالحنان : خلاص حبيبي ريحي بالك الجازي من ضمها ابراهيم صاحت ماقدرت تتحمل حست بالحنان .. حست بإنها ودها تفضفض لإبراهيم .. بس ماتقدر .. تصيح وهي تندب حظها واللي صار لها ... الجازي صاحت كثييير على اللي صار .. ولكن لأول مره تنهار كذا تعبت من جد ابراهيم : جزو حبيبي هدي .. انا جايك علشان اقولك مفاجأه جيتي خربتيها علي الجازي حست بتأنيب ضمير .. مسحت دموعها ورفعت راسها بعدت عن ابراهيم راحت للحمام (وانتم بكرامه ) غسلت وجهها ونشفته وطلعت عند ابراهيم : حاولت انها تخلي نفسها عااادي علشان ماتخرب عليه مع انها ماقصرت خربت وانتهت : وش المفاجأه اللي عندك ؟؟!.... ابراهيم : قلت الحين بطلعكم للسوق نشتري وبعدين نروح لحديقة الفراشات .. صديقي مدحها لي .. وقلت بوديكم لها الجازي .. ماكان لها نفس تروح بس شافت شكل ابراهيم قالت حراام اضيق صدره : اوكي اللحين بلبس ابراهيم : بسرعه يالله ..بروح لنهى ودانه علشان يتجهزووون راح وخبر نهى ودانه وطلعوا راحوا لسوق على شكل أهرامات .... السوق كان حلو .. اشترت الجازي ملابس وهدايا لبنات عمانها وعماتها ... استانسوا وتغدوا وطلعوا من السوق علشان يروحون لحديقة الفراشات .. اول ما يدخلون و يقطعون التذاكر و يدفعون فلوس ع الكاميرات .. يدخلون قسم كله محلات .. و فهالقسم .. يكتبون اسماء الاشخاص بلغة الفراشات .. الجازي ودانه ميتين على هالقسم.. و فهالقسم كل الي ينباع يكون عن الفراشات القمصان و الالعاب و الميدالايات و قلوب .. يعني كل الي يخطر ع البال تشرت الجازي والبنات هدايا وتذكارات حلوه وتجنن .. و من عقب دخلو غرفه يحدها من كل صوب تور اخضر و كلها فراشات بطريقه مب طبيعيه .. لدرجة انه تقدرين انك تمسكين الفراشه بايدك .. و عادي الفراشات يوقفن على راسك و الا على كتفك .. فهاللحظه و الجازي نست همومها .. فرحانه بهالفراشات ماقدر ابراهيم انه يمنع نفسه و لا يصورها .. و كان شكلها رهيب و الفراشات من حولها صورهم كلهم ..بس ركز على الجازي وهي بالفراشات .. و ما بغت الجازي تطلع من هالغرفه من زود ما هي فرحانه بهالفراشات .. و من عقب راحو لجهة الغرفه الثانيه و كانت معرض للصور عن الفراشات ..و الشي الحلو صدق .. وجود خريطة العالم بالفراشات ... هالطلعة من جد وسعت صدورهم وبالأخص الجازي ..وابراهيم .. ابراهيم ارتاح انه قدر يطلعها من نفسيتها التعبانه .. وخلاها تنبسط وتستانس ....رجعوا للبيت ومعهم مشتروات كثييره ابراهيم : طفرتونا انتم ومشترياتكم دانه : مالك خص .. أي شي يعجبني بشتريه علشان نرجع للرياض ومامعك ولاقرش ابراهيم : ول .. من وين انتي جاية.. تراني اخوتس منيب واحد ثاني دانه : لا بس بعلمك وش اللي بيجيك ... ابراهيم : كويس علمتيني علشان احط بوكي بالبيت قبل لانطلع .. علشان اذا بغيتي شي وخصوصا انتي مانيب معطيك دانه : بعلم باباتي عليك دخلوا الفله .. كل وحده من البنات شالت اغراضها وراحت لقسمه .. ابراهيم كان شاري له كذا بدله شالهم علشان بيروح لغرفته مر من عند قسم أبوه .. تذكر ان ابوه قاله انه تعبان شوي ...طق باب الجناح بس ابوه مارد عليه .. قال اكيد نايم .. فتح باب القسم .. دخل على الصاله .. لقى الصاله حوسه استغرب ابراهيم .. ابوه عمره ماحاس شي بهالطريقه .. ابوه نظامي بطريقه رهييبه .. مايرضى انه يشوف شي في غير مكانه .. التفت على باب غرفة النوم لقاها مفتوحه راح للغرفه .. مالقى ابوه .. ابراهيم بدى يخاف .. حس انه فيه شي بأبوه .... ابراهيم : يبه ..يبه ماسمع شي .. طلع من الغرفه وراح للصاله علشان يدخل على غرفة تغيير الملابس وقبل لايدخل الغرفه شاف ابوه منسدح بالأرض ابراهيم انصدم .. تروع ماعرف وش يسوي .. ابوه ايح بالأرض وجسمه كله عرق اراهيم ركض لعند ابوه:يباااااه يبااااااه ......... ***************** شرايكم في الجزء ... وش تتوقعون بيصير لأبو عبد العزيز .. ومين اللي يرسل مسجات للهنوف دمتم بود وورد أختكم في الله : دلوعة أمها |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
مواضيع مشابهه
|
||||
| الموضوع | كاتب الموضوع | المنتدى | ردود | آخر مشاركة |
| من عجائب القرآن الكريم الرقمية | جلنار | الاسلام والشريعة | 6 | 15-11-2005 11:46 PM |
| كيف لا أحبك (سناء الايوب) | سناء الأيوب | روائع العامة | 10 | 29-01-2005 06:46 AM |
| أحبك | باقي الحب | الشعر والخواطر المنقولة | 1 | 20-09-2004 12:00 PM |
تبادل نصي مع منتديات روائع
وفي نت |
وجوه تعبيريه |
نغمات |
العاب باربي |
العاب بنات |
ضع نصك |
صور |
ضع نصك |
تحميل صور |
دردشة
ضع نصك |
اغاني |
العاب |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
