 |
 |
|
|
|
|
 |
 |
 |
 |
| -------------- | -------------- | -------------- | -------------- |
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
25-06-2005, 03:23 PM
|
#41 |
|
من كبار روائع
::+: v i p :+::   |
الله.. جزء جديد..
وناسة.. بقراه وبرد لك.. برب.. |
|
|
|
25-06-2005, 05:32 PM
|
#42 |
|
من كبار روائع
::+: v i p :+:: |
دلوووووووووعة..  الجزء حلووووووووو..  بس محزن جدا جدا جدا........الخ  بغيتي تصيحيني! ابسألك عن دانه ونهى.. كم اعمارهم؟ والهنوف وعبدالله وينهم بهالجزء؟ ننتظر الجزء الجااي باسرع مايمكن.. بنعرف وش بيصير على ابو الجازي؟  |
|
|
|
|
26-06-2005, 12:55 AM
|
#43 |
|
مــبــدعــة روائـــع
::+: v i p :+::  |
هلاوغلا بأحلى ورده بالمنتدى
هلا بهمووووسه تسلمين ياحلوه على مرورك الحلو دانه في ثاني متوسط ..عاد أحسبيها نهى عمرها 9سنين عبدالله والهنوف والبقيه بيكون لهم حظور في الأجزواء الجديده بس هالمره ماقدرت أكتب شي .. علشان كذا الجزء شوي ومنحصر على فكره وحده فقط عموما ادري اني طولت بالهذره دمت بود خيتوا دلوعة أمها |
|
|
|
30-06-2005, 11:55 PM
|
#44 |
|
مــبــدعــة روائـــع
::+: v i p :+:: |
يؤ يؤ يؤ يؤ
وين الردود ياناس ...متوقعه القى ردود بس ولا رد كنت بنزل جزء اليوم ...بس محد رد على الجزء اللي نزلته ماراح احط الجزء الحين ... ابي اشوف الردود أول |
|
|
|
|
01-07-2005, 10:20 AM
|
#45 |
|
ريــحــانة روائـــع
::+: v i p :+:: |
جزء محزن ومشوق ... ننتظر الجزء الجاي ولكِ مني ارق التحايا واعطرها |
|
|
|
|
01-07-2005, 11:46 PM
|
#46 |
|
مــبــدعــة روائـــع
::+: v i p :+:: |
شادن
شرفتي قصتي المتواضعه حبوبه بمرورك الحلو دمت بود وورد وجوري دلوعة أمها |
|
|
|
|
04-07-2005, 03:58 PM
|
#47 |
|
عضو فعال
|
|
|
|
|
|
05-07-2005, 07:37 AM
|
#48 |
|
من كبار روائع
::+: v i p :+:: |
 ليش كذا ..؟ قلت ابسافر وارجع والقى ان شاء الله اجزاء جديدة او يمكن بعد القى القصة منتهية  << اللي يسمعه يقول غايبة 10 شهور موب 10 ايام  يالله عاد لا تتغلين نزلي لنا هالمرة جزئين طوال موب واحد عقابا لك عشان ما تطولين مرة ثانية يالله تكفين قبل ما اضطر اني ارجع اقرأ القصة من اولها لان من طول الوقت شكلي ابنسى اللي فات  << الله يعينك بتدبل كبدك  انا بالانتظار وهذي علشانك  << ماشاء الله حال عليها الادب وصايرة رومانسية هاليومين  |
|
|
|
|
05-07-2005, 02:41 PM
|
#49 |
|
مــبــدعــة روائـــع
::+: v i p :+:: |
هلا والله بالغلا
المجروحه اسعدني مرورك حبيبتي ... وابد ولا يهمك الحين بنزل جزء جمان هلا والله .. بصراحه فقدتك .. متعوده انك تردين مانزلت جزء لأني شفت مافيه ردود تبرد القلب كنت بخلي الجزء مع انه جاهز الى ماشوف الردود وابشري ولا يهمتس ... الحين بنزل لك جزء حليو دمت بود وورد دلوعة أمها |
|
|
|
|
22-07-2005, 07:11 PM
|
#50 |
|
مــبــدعــة روائـــع
::+: v i p :+:: |
..........
فيه شخص ممكن ماذكر في الجزئين الأخيرين ... .. هالشخص هو عبدالله ... كان زعلان على اللي صار له ويا الجازي .. في البدايه زعل بس ماعترض ..بس من راح بيت عمه تركي لماليزيا .. وهو فاقد شي ....أو بالأحرى يتذكر أشياء .. تذكر الجازي .. حياته تغيرت من الدوام لغرفته ومن غرفته للدوام .. مايطلع ولايروح ..كلش قاعد في الغرفه كل اللي حواليه منتبهين للي قاعد يصير ... امه حالتها حاله ..تشوف ضناها قدام عينها يذبح نفسه ...الأكل ماقام ياكل ....ظعف جسمه بشكل غريب .. تحت عيونه انرسمت هالات سودا كبيره .. ..في عيونه نظره كسيره .. كانت حالته تحزن العنود معورها قلبها على اخوها .. تدري شكثر يحبها .. من يوم صغار كان يسويلها اللي تبيه .. يشتريلها اللي تبيه .. تحبه ويحبها .. تدري وش كثر عبدالله متعلق في بنت عمه .. بس مافي يدها حيله ..تعبت معاه حاولت تراضيه .. ترفه عنه شوي ..تطيب خاطره .. تكلمه ........ بس كان قدامها الرفض من عبدالله .. رافض كل محاولاتها ... مايبي احد يكلمه .. عبدالله الحين في غرفته فاتح الدولاب ومطلع من الدولاب صندوق اسود .. هالصندوق كان روعه .. يجنن .. اسود ومزخرف بزخارف فضيه ... وبالوسط مكتوب قصة حب ومزخرفه بزخارف كثيييره ومره حلوه .. وبعدين على طرف قصة حب مكتوب بحورف انجليزيه صغيره بس بطريقه حلوه A&A الجازي وعبدالله ..الصندوق شكله الخارجي روعه عبدالله قعد يتأمل الصندوق فتره .. بعدين بشويش فتح الصندوق ... نزلت دمعه من عينه هالصندوق عنده من زمان .. بس ماكان بهالطريقه .. كان كأي صندوق ثاني .. بس لما خطب الجازي رسمي .. راح وزين العلبه وخلاها بطريقه حلوه .. علشان يهدي الجازي هالصندوق ليلة عرسهم مسك بحذر عقد الماس .. كان شاريه لها قبل لاتظهر نتيجة الفحص بيوم .. ناوي يعطيه اياها فالملكه ... تأمل شكله ..تخيل هالعقد والجازي لابسته .. نزلت دموعه هالمره بقوه .. ماقدر يتحكم في نفسه ... ضم العقد لصدره وقعد يصيح بقوه .. مو متصور انه في يوم بتكون الجازي لشخص غيره ... بعد فتره هدا شوي .. حط العقد على جنب وشال الدفتر اللي بالصندوق هالدفتر كانت فيه خواطر عبدالله .. خواطر كثيره فيها فتح الدفتر يتصفح بألم .. مايبعــدك عني ولا أي مخلـــــوق وإن غبت يبقى في غيابك خطوره مثل الشجر مهما رافع هامته فوق يبقــــى مصيــــره مرتبط بجــذوره فتح على الصفحه اللي بعدها ياروعة احساسك معي يو م تحكين أسمع من أنغام الحكي عطر ذوقك تتذوقيـــن الحـــرف قبــل تبديـــن.. وعذب الكــلام دوم نغــمة حروفــك يرحل معك قلبــي والعقل والعيـــن وتتجاذبين أطـــراف روحي بصوتـك انتي عطيتي العين والأذن وصفيـن روعة جمالك وروعة أحساس قولك لو هبــت بجنبــك رياح الخماسيـــن تبــرد وتغــدي نسمــة ثم تطوفـــك اهــــل الأدب والشعر والله مجانين دامــك بهـــالأحساس منهو يفوتك سكر عبدالله الدفتر بألم ..عبدالله ياما سهر الليل وهو يكتب بالدفتر هذا...يحرص عليه .. من بين مجموعة دفاتر هو الوحيد اللي شكله حلو ..خطه حلو ومرتب .. التفت للصندوق ..بدى يناظر الموجود بالصندوق كأنه أول مره يشوفه .. ناظر البوم الصور ..فتحه اول صفحه في الألبوم كانت للجازي وعمرها في سنتين.. شعرها مقصوص الى الكتف .. وكان وراها السياكل .. هالصوره تصورت في المزرعه شكل الجازي في هالصوره كان غلط .. كانت مليانه تراب فتح على الصفحه اللي بعدها ..صوره العنود والجازي وهم بروحون للمدرسه .. ..لابسين مراييلهم ويبتسمون ببرائه .. الصور اللي بعدها صور الجازي مع أفراد العائله في اخر الألبوم فيه ثلاث صور للجازي وهي كبيره يعني بعد ماتغطت عنه هالصور لقاهم في غرفة العنود كانت جايبتهم بتحطهم في البومها .. اول صوره .. صوره للجازي وهي تبتسم وفاكه شعرها في غرفة العنود .. الصوره الثانيه .. كانت للجازي يوم عرس بنت خالة الجازي .. الجازي في هالصوره طالعه مثل القمر .. فستانها احمر شكله مره حلو .. ورافعه شعرها على جنب وحاطه فيه ورده حمرا مخليه شكلها جناااااااااااان ..هذا غير الماكياج اللي محليها ... تأمل هالصوره مب عارف وش يسوي .. هالأنسانه اللي حبها ماراح تكون من نصيبه .... فتح الصفحه اللي بعد.. صورة الجازي في حفلة عيد ميلادها أول السنه البنات مسويين للجازي مفاجأه وجايبين لها هدايا روعه .. الصوره كانت الجازي قاعده بالكنب وحوالينها الهدايا وفي حظنها دبدوب ابيض كبير .. الجازي شكلها بالصور جدا عفويه وبريئه .. نزلت دموع عبدالله لما شاف الصفحه الأخيره تدرون ليش ..؟؟؟؟ هالصفحه هذي كان مخليها فاضيه ... ليش كان ناوي يحط صورتها هي وياه في يوم عرسهم .. كان ضامن انه الجازي بتكون له صاح بقوه ومن التعب نام وهو في مكانه بالأرض وضام البوم الصور ......... في غرفة العنود العنود قاعده على النت ..تتكلم بالماسنجر مع وحده متعرفه عليها في منتدى العنود <الجود جودي وانا بنت الأجواد ديرتي نجد وأنا قمرها> والله طفشانه مها ..مدرس شسوي ..البيت ملل .. مها <مكتوب لي أحب واشوف غيي ياخذ أحبابي> امرنا لله .. والله نفس الحاله عندي .. حاسه بملل رهيب ابي اطلع محد فاضي لي ... اااه بسي وينك ياهيفاء(تعني أختها اللي تزوجت في أول الصيفيه هاذي) والله البيت من دونها فاضي .. ماتصدقين كيف مشتاقه لها <الجود جودي وانا بنت الأجواد ديرتي نجد وأنا قمرها> الله يعين ..اممم ماودك نتفق في مكان <مكتوب لي أحب واشوف غيي ياخذ أحبابي> الا والله ودي .. بس وين ؟؟ <الجود جودي وانا بنت الأجواد ديرتي نجد وأنا قمرها> انتي قولي موافقه وبلتقي .. <مكتوب لي أحب واشوف غيي ياخذ أحبابي> موافقه <الجود جودي وانا بنت الأجواد ديرتي نجد وأنا قمرها> خلاص خلينا نروح بكرى لصحارى بعد المغرب ونلتقي عند بوابة رقم ا <مكتوب لي أحب واشوف غيي ياخذ أحبابي> حلو .. بس خليني اخذ موافقة وزارة الداخلية واعطيك خبر..أوكي <الجود جودي وانا بنت الأجواد ديرتي نجد وأنا قمرها> وكي حبيبتي ,, يالله بطلع انا بشوف امي ..بترجاها علشان نروح بيت عمي .. سي يو <مكتوب لي أحب واشوف غيي ياخذ أحبابي> اوكي عنوني .. سي يو سكرت العنود النت وراحت تحت علشان تقول لأمها انه يروحون لبيت عمها خالد((أبو سليمان )) دخلت على أمها لقتها تكلم بالتليفون ام الجيران راحت لعند أمهاوحطت راسها في حضن أمها .. قعدت تناظر التليفيزيون لين تنتهي امها سكرت منيره من التليفون : الحين انتي ليش تحطين راسك في حضني .. ماتدرين انك ثقيله العنود رفعت راسها وناظرت أمها : يعني انا الحين صرت ثقيله .. شكرا ماي مذر ..بروح اشتكي عليك منيره :ياحبتس للهرج الفاضي .. الا ماقلتيلي .. عبدالله طلع من الرفه ولا لا العنود سكتت شوي ونزلت عينها للأرض : لا ماطلع منيره ..حرمه كبيره .. جابت عيالها بعد 6سنين من زواجه لصالح .. كانت فيها امراض ماتقدر انها تحمل .. لآنها تستخدم علاج مايسمح لها انا تحمل الا بتشوهات للجنين جابت عيالها وهي بالثلاثينات .. أول عيالها مشاري .. مشاري انولد وهو يعاني من العبط المنغولي .. هالشي نتج من تأثير الأدويه اللي في جسمها بالرغم من أنه تركت الأدويه .. لامت نفسها أول ماجا مشاري .. تحس انه هي السبب اللي خلى مشاري يصير كذا جابت بعده عبدالله وكانت خايفه مره وهي حامل .. أعصابها تعبت من كثر خوفها انه يكون اللي في بطنها نفس مشاري ..يوم ولدت .. سوت عزيمه كبيره للجيران وزتصدقت علشان ربي يتمم على خير لأنه عبدالله طلع سليم مافيه شي بعدين العنود وهي في نفس الصف مع الجازي ثاني ثانوي ادبي بعد العنود جابت راكان راكان قعدة منيره وصالح هالولد تدلع بشكل عجيب .. كان كل مابغى شي عطوه مانرفض له طلب .. والهشي خربه ...بس كان يخاف من الله .. كان يحرص على الصلاه . .. ويهتم بأمه وأبوه وخوانه .. بس يحب يلعب على البنات .. . يرقم ويغازل ... بس ولا مره تمادى في اللي يسويه نرجع لمنيره لما قالت العنود انه عبدالله ماطلع: انا بيذبحني ذا الولد .. حنا شسوينا له .. نصيبه بهالدنيا كذا .. بس مومعقوله يذبح نفسه ..وقعدت تصيح العنود : يمه .. ماما ..هي فتره وبتعدي .. انتي اتوقع انك تدرين شلون عبدالله يحب الجازي ووش كثر يتمناها تكون زوجته .. ترى هالشي صدم الكل ...كيف عاد الجازي وعبدالله يمه انتي الحين انسي عبدالله هاليومين .. وصدقيني برجع زي أول وأحسن بعد منيره وهي تمسح عيونهاوالله مري يابنيتي .. اشوف هالشي اللي قدامي غلط ... يارب توفق ولدي وتريح خاطره العنود : يمه بطلبك طلب بس لاتقولين لا منيره: وش عندك انتي ياكثر طلباتك العنود :خلينا نروح بيت عمي خالد ... والله مشتاقه للهنوف .. منيره: اجل دقي على ام سليمان قولي لها اننا بنجيكطم بعد شوي العنود قامت وحبت راس أمها : الله يخليك لنا ياأحلى أم بالدنيا وراحت لغرفتها بسرعه علشان تدق للعنوف بتقولها نهم بيجونهم وبتغير ملابسها |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
مواضيع مشابهه
|
||||
| الموضوع | كاتب الموضوع | المنتدى | ردود | آخر مشاركة |
| من عجائب القرآن الكريم الرقمية | جلنار | الاسلام والشريعة | 6 | 15-11-2005 11:46 PM |
| كيف لا أحبك (سناء الايوب) | سناء الأيوب | روائع العامة | 10 | 29-01-2005 06:46 AM |
| أحبك | باقي الحب | الشعر والخواطر المنقولة | 1 | 20-09-2004 12:00 PM |
تبادل نصي مع منتديات روائع
وفي نت |
وجوه تعبيريه |
نغمات |
العاب باربي |
العاب بنات |
ضع نصك |
صور |
ضع نصك |
تحميل صور |
دردشة
ضع نصك |
اغاني |
العاب |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
