 |
 |
|
|
|
|
 |
 |
 |
 |
| -------------- | -------------- | -------------- | -------------- |
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
20-05-2005, 11:41 AM
|
#1 |
|
مــبــدعــة روائـــع
::+: v i p :+::   |
بقول لك كلمة .،. أحبك .،.
السلام عليكم ورحمة الله
انا اليوم جايتكم ومعي روايه لي انا روايه بعنوان .. بقول لك كلمة أحبك هالروايه الوحيده لي الي انشرها .. والوحيده من بين العديد من القصص حبيتها هي الى الآن مب كامله هالشي يعتمد عليكم ... انتم بايديكم تحكمون عليها وبايديكم اني أكملها ولالا اذا ماشفت تفاعل ماراح أكملها واذا شفت تفاعل حلو .. ابشروا راح أكملها أخليكم مع الروايه *********************************** بيت أبو عبد العزيز جالسه في غرفتها .. دموعها تغالبها .. ماتقدر تمسك دموعها .... تفكر ليش هالدنيا وئدت أحلى أمانيها... حرمتها من أمها في البداية... وتجي الحين تحرمها من اغلى ماعندها .. تحرمها من حبيبها ومن وروحها ومن تنفست هواه من يوم هي صغيره .. تجي تحرمها من ولد عمها ... ولد عمها .. عبدالله.. اااااه طلعت تنهيده من قلبها .. تتمنى انه هالشيئ يصير حلم .. من بداية ذاك اليوم وهي تحس بإحساس غريب... تحس انه في شي بيصير .. قلبها ناغزها .. بس كل دقيقه تهدي نفسها وتقولا اهدي يابنت .. لا اله إلا الله .. بس حصل الشي اللي ماتوقعه أحد .. تتذكر هالموقف زين .. كيف تنسى حكم إعدامها.. كانت في غرفتها منسدحه تفكر في خطيبها عبد الله .. تفكر في حياتها معاه .. خلاص مابقى شي وأكون حرم الأستاذ عبدالله يالله .. متى تعدي بس هاليومين أحسها شهرين .. ويقطع أحلامها الوردية صوت أحد على الباب .. الجازي : تفضل ... ابراهيم وهو يفتح الباب وشكله غريب ..كنه شايل هموم بدت لحظتها الجازي تخاف : برهوم فيك شي ..شصاير .. أمي فيها شي دانه ونهى .. خالد وتركي صار لهم شي .. ابراهيم .. مافيهم الا العافيه .. وش هالخوف كله الجازي : أجل ليش وجهك كذا .. برهوم لايكون عبدالله صاير له شي ابراهيم : جزو حبيبتي .. ونظرته تتحول لجديه .. جلس على سرير الجازي وقالها تجي تجلس جنبه هنا الجازي بدت تخاف بدت لمحات القلق تطلع على وجهها ابراهيم .. اليوم انا وعبدالله رحنا نجيب نتيجة الفحص قبل الزواج ..النتيجه ماكانت في صالحكم انتي حامله لمرض بيتا ثلاسيميا وهذا مرض وراثي .. والمشكله أنه عبدالله بعد حامل للمرض ((يعني ماتقدرون تتزوجون))... ((يعني ماتقدرون تتزوجون)) ((يعني ماتقدرون تتزوجون)) ((يعني ماتقدرون تتزوجون)) ((يعني ماتقدرون تتزوجون)) ((يعني ماتقدرون تتزوجون)) بدت هالكلمه تصارخ في مخها .. ماتقدرون تتزوجون شلون كيف تتنبه على ايد ابراهيم وهو يمسك كتفها .. اراهيم : حبيبتي جزو .. انتي بعدك صغيره .. ان شاء الله تتزوجين وتجيبين عيال كثار لايضيق صدرك .. وعسى أن تكرهوا شيئا وهو خير لكم صدقيني .. راح تضحكين بعدين على هاللي صار .. وعبد الله صدقيني يبي الزين لك .. قصة حب الجازي وعبد الله من زماااااااان معروفه من يوم ماكانت الجازي في أولى متوسط وكان عبدالله في ثالث متوسط ... سمو لبعض .. وهم صغار مايفهمون معنى الزواج .. كان معروف انه هالثنين يحبون بعض .. ولا أحد اعترض أو أنكر هاللي يصير .. كان هالشي مستغرب من قبل الجماعه لآنه حنا وبطبيعة الحال مجتمع شرقي محافظ عندنا انه الحب شي تافه اذا حبت المره هذا عيب... واذا حب الرجال فهذا نقص لرجولته هالشي مستغرب .. بس صار اللي صار .. لو انه منعوهم عن بعض .. ماخلوهم يشوفون بعض .. مع انه مقابلاتهم دائما تكون عفيفه .. عمرها ما أغضبت الله ..كانوا دوم حاطين قدام عيونهم الله كان ماتعلقوا في بعض هالقد .. بس الحين وش بينفع له الندم الجازي صحت من أفكارها على صوت ابراهيم وهو يقول لها: حتى عبدالله رضى بهالشي انتبهت انه عبدالله رضى بهالشي .. يعني شلون اهون عليه مايبيني يعني كان يلعب فيني قالت أفكارها بصوت عالي .. هنا قال أبراهيم : لا يالجازي .. ماتهونين عليه .. بس تدرين انتي فكري فيها زين انتي وفرضا تزوجتيه راح تستانسون وتعيشون حياتكم .. بس وش ذنب أطفالكم أنهم يحون بهالدنيا مرضى مايقدرون يلعبون زي الأطفال .. ولا يستانسون ادري بتقولين راح اعتني فيهم بس ياجزو.. ليش يصير هالشي.. خلاص خلي الماضي وابدي صفحه جديده الجازي : ....... اكتفت بالصمت ماتدري وش تقول ابراهيم : يالله بالإذن ..بروح لأبوي بقوله عن هالشي تراه خلاص .. اليوم انتي ارتاحي .. بكره راح تحيسن وتفهمين بإيش قاعد أقول انا بعد يومين في بيت ابو مشاري ابو مشاري ((صالح )) ينادي ولده عبدالله علشان يروحون لبيت أخوه تركي ((أبو عبد العزيز)) علشان يتفاهمون على اللي صار لأنه مب شي سهل .. البنت كانت بتتزوج .. ملكتها بعد اسبوع بس : عبدالله .. بالله بسرعه .. ماودنا نتأخر ..يالله وأنا أبوك عجل عبدالله وهو يطلع راسه من باب غرفته : دقايق يبه بلبس ثوبي وبجي ابو عبدالله : يلله عجل وناد أخوك راكان يجي معنا عبد الله : يبه .. راكان ليش يروح ؟؟؟ ابو عبدالله : لازم يروح خله يغدي رجال مهوب مبحلق عيونه على هالكمبيوتر اربع وعشرين ساعه عبدالله : خلاص يبه أبشر الحين أناديه فهالوقت كان راكان بغرفته يتكلم بالمسن مع وحده متعرف عليها .. كانت القائمه حقته بالمسن مليانه إيميلات بنات أمير الرياض : والله ياعمري أحبك .. ليش منتي مصدقتني الدلوعة الحلوه : كيف تبيني أصدق وأنت حاطلي بلوك الك أسبوعين أمير الرياض : ماحطيت بلوك .. صدقيني .. قلتلك أنه جهازي كان خربان الدلوعة الحلوه : لا ياحبيبي .. مو أنا ينلعب علي بهالكلام .. الجهاز ممكن يزين في مدة يوم أو يومين راكان فخاطره ....يوووووه وش هالنشبه ذي من زينها عاد أمير الرياض : ياعمري ...انتي بصراحه صدمتيني .. كيف تقولين أنه الجهاز ممكن يزين في يومين.. ادري انه ممكن يضبط بسرعه بس كلامك ياحلوه يدل على الشك .. انتي تشكين فيني على العموم انا بقولك حاجه وحده .. انا جهازي فعلا كان خربان ووديته للمحل يضبطه .. وسكر المحل مدري وش قصته .. أمير الرياض: على العموم خلي شكوكك في بالك .. وقبل لاتفكرين تشكين مره ثانيه بقولك باااي انتي ماعاد لك .. أي مكانه بقلبي أمير الرياض : باااااي تم تسجيل خروج أمير الرياض فهاللحظه دخل عليه أخوه عبدالله وهو مسرع راكان : ياخي فيه شي اسمه دق الباب قبل لاتدخل يعني ممكن أكون ألبس عبدالله : حاضر يامستر نت .. انا جاي أقولك .. عجل وغير ملابسك.. البابا بده اياك راكان : وش يبي ؟؟ عبدالله : بتروح معنا بيت عمي تركي راكان : وأنا وش دخلني في الموضوع عبدالله : لام انك غيرت ملابسك وركبت السياره رح واسأله .. مالي شغل أنا راكان : طيب أمري لله الحين بجي عبدالله : عاد لاتصير زي العنود.. بسرعه البس راكان : اقول كنك قاعد تتطنز؟؟ عبدالله : افا .. انا اتطنز .. ومين هاللي يقدر يتطنز على أخوي وحبيب قلبي راكان راكان : ايه أحسب عبدالله : لا لاتحسب يالله ترانا نستناك تحت راكان : طيب الحين بجي علاقة عبدالله بإخوانه مره مره حلوه .. كان هو شمعة البيت .. مايحب يشوف نظرة الحزن على عيون خوانه دانه وهي تصارخ بالبيت : الجازي يالله بسرعه ريما تبيك على التليفون الجازي : طيب بنزل الجازي : الو .. هلا ريما ريما : خوذي نفس الحين .. لاتموتين علينا الجازي : والله مابغيت أخرك على التليفون ..و لا تعرفيي انتي ... ممكن أأخرك ماعندي مشكله ريما : أقول عاد .. لاتخليني اصك السماعه .. مشكله اللي يحبون يسوون أنفسهم مهمين الجازي : ايه غصب عليك مهمه ... انا الجازي بنت تركي ال .... والنعم فيني ريما : أقول عاد مداح نفسه يبيله رفسه الجازي : هههههههههههه ريما: ايه وشخبارك ؟؟ وشلونك الجازي : عم ندفش .. والله ملل ريما : ايييه صح ... عندي لك خبر حلو..كم البشاره الجازي : وليش ان شاء الله أعطي بشاره ريما : لأنه خبر يسوى بصراحه ... الجازي : يعني فيني فيني ريما : ايه الجازي : والله انتس بثره ...خليني افكر مممممممممممممممممممممم ممممممممم ريما : اقول بلا مصاله عاد .. يالله بسرعه الجازي :ههههههههههه خلاص فكرت وقررت اذا كانت بشارتك حلوه راح أعطيك وجبة ماك رويال من ماكدونالدز واذا صارت بايخه بعطيتس خمسة ريالات تروحين تشترين بريالين فول وبريال تميس ويرجع الباقي ريما : لا احلفي بس .. عسا ماكلفتي عمرتس وأنا خويتس الجازي : وش يضمن لي.. اخاف تلعبين علي ريما : لا مانيب لاعبة عليك الجازي : يالله بتقولين ولالا؟؟؟ ريما : بقول....اسمعي تتذكرين يوم أيام المراجعه قلتلك انه صديقات أمي بيجون لبيتنا وانا سويت مناحه ماودي ادخل الجازي : ايه اذكر ريما : اييه عاد في ذاك اليوم في وحده من صديقات أمي شافتني .. وهي اساسا بتزوج ولدها .. ويدورون بنت ومير شافتني وشكلي عجبتها الجازي : اها وبعدين ريما : ابد ياطويلة العمر .. امس دقوا على أمي .. وقالولها نبي بنتس ريما لولدنا نواف وقالت أمي نكلم البنت وأبوها ويصير خير وعاد ياطويلة العمر ان شاء الله بيكون زواجي قريب ..لني وافقت الجازي سكتت .. حست بنغزه في قلبها .. تذكرت عبدالله وأنه مابقى شي على ملكتهم ريما : جزوووووووو الوووو معي انتي الجازي : ايه معك ريما : ايه باين .. اللي ماخذ عقلك يتهنا به الجازي حست أنه لازم تخبر ريما باللي صار .. الجازي : ريما ريما : نعم الجازي : الله ينعم عليتس .. بغيت أقولتس شي ...تغير صوتها لنبرة جديه ريما : خير عسا ماشر ؟؟ الجازي : تذكرين عبدالله .. اللي كنت أقولتس عنه ريما : ايه أكيد .. ملكتكم هالأسبوع صح الجازي : هذا الشي اللي بغيت أقولتس اياه..انا وعبدالله ماراح نتزوج ...ودمعت عينها ريما حست انه في شي كبيرصاير .. لأنه الجازي تحبه بقوه وكل شوي تتكلم عن زواجهم وعن أمنياتها وعن أول طفل بيجيها .. الجازي .. خير ليش ماراح تتزوجون .. عب الله في شي؟؟ الجازي : الا خير...... وعلمتها السالفه من أولها ريما : ياعمري انتي.. اسفه والله ماكنت أدري الجازي : ومن وين كنت بتدرين .. على العموم خلاص اللي صار صار .. انتهى الموضوع وفي هاللحضه رن جرس الباب .. كالعاده الجازي تجاهلت ..ونهى راحت تفتح الباب الجازي : عاد والله مدري شلون .. الصراحه هم دافعين المهر ريما : اقول الله يعينتس بس وفجأه تشوف الجازي عمها صالح ومعاه عبدالله وراكان هي من الفشله لأنه ما معها جلال قامت على طول وخلت ريما بالسماعه وركضت على فوق الجازي : ياربييييييه ... ليش كذا يصير لي ..أنا ماقدرت أنسى هالشي .. يجي اليوم بكل برودة أعصاب .. وبدت تدمع عيونها اه بس قفلت عليها غرفتها وقعدت تصيح من الخاطر .. اصلا هي هالفتره كلها صياح .. كل شوي تتذكر صدق انه هالشي يزعل ابوها وأخوها .. لأنهم قاعدين يشوفونها تتعذب لأنها تحب وهذا الشي صدق مب زين لها **************************** انتهى اليوم اول جزء ادري انه الشخصيات جدا قليله .. بس بعدين بيطلعون شخصيات يعني كل واحد في وقته ممكن الجزء اللي اليوم مايوضح القصه .. بس اتمنى انه يعطي فكره ولو بسيطه عنها ابي اشوف ردودكم دمتم بود وورد وجوري أختكم في الله: دلوعةأمها |
|
|
|
20-05-2005, 12:27 PM
|
#2 |
|
/.... تَِفٍوٍَقٍِ آلوٍصَِفٍ ...\
|
 حـزنت كـثير على اللي صار للجـازي وعبـدالله من جد شي مو سهـل اللي صار لهم ....طيب هالمرض لشنو راح يأدي  : عموما يعطيك العــافيه خيتـو من جد انسجمت مع الروايه وحسيت اني دايره بدائرة الحدث اتمنى انك تتابعين وتنزلين لنا باقي الاجزاء انتظر بفارغ الصبر ...دمتي بكل خـير..... آخر تحرير بواسطة MISS_Dr.Rae3 : 20-05-2005 الساعة 12:32 PM. |
|
|
|
20-05-2005, 01:47 PM
|
#3 |
|
مــبــدعــة روائـــع
::+: v i p :+:: |
هلا أخوي رائع
تسلم أخوي على مرورك للقصه ... أما بالنسبه للي صار للجازي وعبداله شي موس هل والمرض هذا .. انا ماني متأكده منه .. أضن انه يسبب تشوهات هذا اللي فهمت لأني انا يوم بديت بالقصه قعدت ادور على اسم مرض وراثي علشان أحطه وهذا اللي لقيت على العموم مشكور اخوي وان شاء الله اذا شفت ردود حلوه راح أكمل القصه دمت بود وورد أختك في الله : دلوعة أمها |
|
|
|
|
20-05-2005, 02:32 PM
|
#4 |
|
/.... تَِفٍوٍَقٍِ آلوٍصَِفٍ ...\
|
اختي دلـوعه انـا مسـز يعني بنـوته مش ولـد  ومشكوره على القـصه وراح ننتظر باقي الاجـزاء |
|
|
|
|
20-05-2005, 09:23 PM
|
#5 |
|
مــبــدعــة روائـــع
::+: v i p :+:: |
سوري حبيبتي والله مانتبهت
حسيت انه النك حقك نك ولد فعلشان كذا .. طالبتك السموحه سوري مره ثانيه دمتي بود وورد وجوري أختك في الله : مرهفة الأحساس |
|
|
|
|
20-05-2005, 10:12 PM
|
#6 |
|
من كبار روائع
::+: v i p :+::  |
دلووووووووووعة.. هلا وغلا فيك وفي قصتك الراااااااااااايقة..  بدايةحلوووووة.. بس ان شالله ماتكون النهاية حزينة زي البداية؟ دلوعة.. بقول لك نقطة بس.. اتلخبطت وانا اقرى الكلام.. اتمنى تحطين التعليق بين قوسين.. وتكبرين الخط شوي.. وتنزلين الجزء الجاي بسرعة.. لاني تحمست..  وبداااااااية موفقة.. |
|
|
|
|
21-05-2005, 07:44 AM
|
#7 |
|
ريــحــانة روائـــع
::+: v i p :+:: |
بدااايه حلوووة ومشووقه مع ان فيها حزن لكن ان شاء الله تختمين الرواية بفرح ... ننتظر الجزء الثاااني ... لك كل شكري وتحيتي اختك / شــــــــادن |
|
|
|
|
21-05-2005, 11:26 PM
|
#8 |
|
عضو فعال
|
00cc99مشكووورة اختي دلوعة امها على هذه الرواية
واتمني منك انك تكملينها بسرعة لاني اكره الانتظار ومحتاجين فعلا لمثل هذه الروايات خصوصا ان العطلة الصيفية قربت |
|
|
|
|
22-05-2005, 08:45 PM
|
#9 |
|
عضو فعال
|
هلا وغلا بختي دلوعة الماما  قصه حلوه ومشوقه بس تحزن عموما انا بنتظار البقيه لاندري ماقد تخبئه الايام للجازي مشكوره اختي ولاتتاخرين الانتظار ممل |
|
|
|
|
25-05-2005, 06:05 PM
|
#10 |
|
المشرف العام
|
روايه جميله ماشاء الله ومحزنه وتحمل بين طياتها احداث جميله تروي لنا قسوة الحب .. ومدى هيام المحبين اشكرك اختي على الروايه ونتمنى ان تلحق بها الاجزاء القادمه في اقرب فرصه ... شكرا لك ودام تواصلك |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
مواضيع مشابهه
|
||||
| الموضوع | كاتب الموضوع | المنتدى | ردود | آخر مشاركة |
| من عجائب القرآن الكريم الرقمية | جلنار | الاسلام والشريعة | 6 | 15-11-2005 11:46 PM |
| كيف لا أحبك (سناء الايوب) | سناء الأيوب | روائع العامة | 10 | 29-01-2005 06:46 AM |
| أحبك | باقي الحب | الشعر والخواطر المنقولة | 1 | 20-09-2004 12:00 PM |
تبادل نصي مع منتديات روائع
وفي نت |
وجوه تعبيريه |
نغمات |
العاب باربي |
العاب بنات |
ضع نصك |
صور |
ضع نصك |
تحميل صور |
دردشة
ضع نصك |
اغاني |
العاب |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
