فارس الخليج

[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
عفى الله عن خطى غدر الخناجر والظلوع ابطال
ابسامح واتركك تحت الظلام الحالك.. لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبر ي في غربالك
انا عيب علي انقض كلامي والرجال افعال
واذا قلت اقطع حبالك تراني بقطع حبالك
عشان اكسب هدب عينك تجرعت العذاب اشكال
وليتك ترأف بحالي علشان أرأف بحالك
مسوي في حياتي شي ما يذكر ولا ينقال
حشا حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فناجينك وتقصر عني دلالك
تحملت التعب لجلك وانا حملي يهد جبال
رحلت من العذاب وما وقفت الا على جالك
علامك كل ما جيتك متواضع جيتني تختال
معاك اليامتى بصبر وصبري معك يحلالك
مثل ما اقبلت لعيونك لزوم تردلي بقبال
ومثل ما حشمتك حس واحشم قلبي اشوالك
انا محد بجابرني اساير معك هالمنوال
تراني لا ني تبعٍ لك ولا ني بصغر عيالك
انا جيت اعشقك نبض ومشاعر معشقك تمثال
انا جيت اسكنك واحياك وابقى فيك وابقالك
انا جيت بظمى عاشق تعب يطرد سراب اللال
انا جيت استفز رضاك من فرقاك والجالك
انا ما هنتبك عاقل انا كنت اعشقك بخبال
انا ما كنت احبك حي انا كنت اعشقك هالك
تخيل من كثر ما اخاف تلقى للزعل مدخال
اخاف اخطي على طيفك وادوس برجلي اظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كان اللي خلق حسنك خلقني مع جسدك اظلال
وصرت اقرب جسد يمشي معك باقفاك واقبالك
ابي قلبك يحس انه فقد بمحبته رجال
ملكته من هدب عين وخسرت ارضاه بهمالك
صحيح انه الفراق اقسى ولكن الوصال محال
وانا صعب علي ارضي غرورك واضعف اقبالك
بعد ما حققت عيني في بعدك لفراق آمال
اعود للسهر ياخوي فال الله ولا فالك
ببدل نظرتك فيني واجيك كل يوم بحال
بكون اقرب من ثيابك عليك ولا تهيابك
بلمك وانثرك واجمعك وارجع وانثرك بهمال
بخونك وازعلك وارضيك وازعل منك وارضالك
ابرسم بالثرى وجهك وابدفن صورتك برمال
ابشكي للعرب فرقاك وابضحك عند عذالك
ابهديك الوصال فراق واهديك الفراق وصال
بسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال الك عندي هبال اطفال
ولا وابشر بعد بهبال بحب ماهو بهبالك
واذا قصدك تهين اسمي عشان تشمت العذال
حشا لأنت ولا غيرك ولا عشره من اشكالك

نـــدى الــورد

المبرقعـــه

شكراا فارس الخليج على هالذوق الراقي .. (*40)

الصور المرفقة

mis18.jpg (15.0 كيلوبايت, 14 مشاهدات)

فارس الخليج

اختى ندى الورد
شكرا على مرورك الكريم
وجزيتي كل خير
فارس الخليج

فارس الخليج

شكرا اختي المبرقعه
مرورك الكريم اسعدني كثيرا
ولك مني الف تحيه
فارس الخليج