ابو ويليام والميكروييف !!

طويـــــل البال · 13-06-2005, 04:41 PM

هاااي شباب وصبايا

اهلن اهلن بكل اللي حب يشقر على الموضوع

صراحة اليوم جايكم معي موضوع خطير

الموضوع هذا مهوب انا اللي كاتبه

لاطشه من منتدى ايرلندي

فقلت ابترجمه وواضبطه الى اللغة العربية الفصحى

<<< افلقني اذا لقيت جملةواحدة مفيدة

السالفه ومافيها هي الميكروييف

الميكروريف هذا صار احسن حل للعجازين اللي مثلي

يعني اي شي في بالك تبي تحميه في ثواني

اصقعه في الميكرويف ثواني الا وهو لهب

السالفه هذي مثل ماحكاها

ابو ويليام بن بعيجان ال سميث بلسانه

لذلك كل واحد يركز معي ويترك اللي حوله

ويلصق دميجته على الشاشه نترك المايك

لابو ويليام يحكي لنا قصته ::

كان يامكان في سالف العصر والاوان

كنت منبطح في المقلط اقرا جريدة الرياض

وولدي ويليام يناقز فوق ظهري

لاخلاني اقرا الجريدة زين ولا خلاني احتسي قدحا

ولو جغمة واحده من القهوه اللي صارت

كنها زيت فرامل من السواد اللي فيها

في هذه اللحظة مسكت مع ولدي ويليام يسوي له قهوة

وطمر للمطبخ وعبى الكاس مويه

وصقعه في الميكرويف

مامداني اقرا كاركاتير الهليل الا وانا اسمع صراخه

واهب مثل القطو اللي لاحقته زبيرية مقاس 48.5 <<< تفصيل

دخلت المطبخ تتوقعون وش شفت ؟؟

شفت خشة ولدي ويليام كنها طار طقاقة مشقوق

ويزاعق ولا ادري وش يقول

الزبدة اني نقزت به لمستشفى الشميسي

في مقاطعة دوار ام سليم

والحمدلله ماصار الا الخير حروق بصيطه بصيطه بصيطه <<< يتذكر رجلين الحمار في طاش ماطاش

الزبدة اني سألت الدكتور

ليش المويه طاشت في خشة ولدي

وش السبب اللي خلها تطيش

قال لي الدكتور ان المويه اذا تسخنت في الميكرويف

المفروض ماتتعدى اكثر من دقيقة

لانك لو حطيت عليها اي شي معدني

راح يمتص الطاقة الحرارية في الموية

اللي اول ماتطلعها من الميكروييف تشوفها كانها باردة

<<<< ياعمري على الفلسفة احس اني مدرس فيزياء

وفي نهاية المقابلة مع ابو ويليام

جتني فكرة قوهنمية

قلت لنفسي من باب اللقافة والتليقف

ليش ماطمر واسوي الحركة اللي سواها ويليام ولد ابو ويليام

وفعلا صار طبع اللقافه مسيطر علي

وسويتها ولازم تشوفونها معي

التحميل من هنا

MISS_Dr.Rae3 · 13-06-2005, 06:13 PM

احلى صفــقه الك مني على هالتجــربه والاستنتاج الرائع

من بعد ماقريت هالموضوع جتني افكار تقرقع بمخي تقرقع

ياترى شنو السبب اللي خلى المويا تطيش وتثور بعد ماتم

وضع كميه من الماده المعدنيه (*36)

هل السبب بالماده ذاتها ام بجزيئات الماء

انا احب المواضيع العلميه وراح اعيد التجربه وانوع بكل مره باضافه

احد المواد لها وراح اوافيكم بالتفاصيل

بس الله يستر لايصير فيني بووووووووووووووووووم

طويـــــل البال · 14-06-2005, 04:11 PM

شوفي يامعليمة اذا سويتيها ترا مالي دخل

مهوب تجيني بكرة تقولين كله منك (*10)

ترا اخلي مسؤليتي امام اعضاء المنتدى (*16)

شوفي اذا سويتي التجربة

خلي الكوب اكثر من ربع ساعه

وعلميني وش بيصير (*16)

جمــان · 15-06-2005, 02:42 PM

معلومة جديدة فعلا

وخصوصا للعجازين اللي مثلي

اللي كل ما شافهم المايكرويف قعد يصيح

من كثر ماهم معذبينه

اشوى اني ما بعد جربت هالشي الى الان

والا كان ما عاد فيه جمان (*15)

على كل شكلي ابجربه بس ابصبر حتى

نشوف نتائج تجارب Miss

<< وحدة نذلة

ايه ما نبي بكره ترفع علينا قضية

تقول سرقوا اختراعي

<< ياعيني على الادب (*23)

____________

على كل مشكور اخوي

طوطو

موضوع حلو وغريب

ربي يعافيك ويسلمك من كل شر

طويـــــل البال · 18-06-2005, 02:29 PM

مشكورة على مرورك اخت جومان

واذا تبين تسوينها سويها انتي بعد

عشان نشوف الفرق بين التجربتين (*16)

أحلى ملاك · 26-06-2005, 01:49 AM

الف الف شكر على الموضوع الحلو

تحيااااتي

طويـــــل البال · 05-07-2005, 03:27 PM

اللي احلى مروركم الله يطولي بعمرك (*40)

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)