.....::::::::: الجزء الثامن ::::::....


.......::::::: يوم الثلاثاء :::::::......


بعد غياب طويل.. وبكل شوق ولهفة ووله.. تحط اول خطوة للمدرسة.. تلبس نظارتها الكبيرة .. وتحاول ترتب شعرها.. تساوي الروج.. تتعطر.. ترفع شنطتها وتكمل خطواتها..
متوجهة للفصل اللي اشتاقة له كثير..

ابتسمت وهي تتذكر نورة ورجلها.. وانهم نزلو الفصل تحت.. راحت له..
وتفاجأة لما شافت نورة او روان عند باب الفصل..
غريبة؟؟
العادة هم آخر من يجي..
انتبهت.. هذي شعرها اسود قصير.. ورجلها طبيعية..
نورة شعرها طويل مصبوغ.. ورجلها ملفوفة..
يعني هذي روان..

" رواااااااااااان "


::::::::: قبل دقايق بالفصل ::::::::::

نهى :" الحمد لله انكم جيتو بدري.. لان دلال تأخرت"
نورة :" الله يعافي روان.. هي خابتنا"
روان :" ليش الفصل فاضي؟ مافيه الا احنا؟.. حتى محمد طالع؟ والجوهرة ماجت؟"
نهى :" ماادري عنهم"
قامت روان وطلعت عند باب الفصل.. تستنى دلال تجي..
لكن.. سمعت صوت احد يناديها؟
لفت وشافت..
وجدان...؟؟؟؟؟؟!!!!!!
وجدان :" روااااااااااان"
روان تروح لها :" هلااااااااا "
تجي وجدان بسرعة وتضم روان.. وخمس مية علامة استفهام فوق راس روان؟؟؟؟
روان :" وش فيك؟"
وجدان :" مااتصور اني كنت ماراح اشوفكم.. اشتقت لكم"
روان :" وشو؟.. لحظة.. انتي ليش غايبة وجوالك مقفل؟"
وجدان تطل جوى الفصل :" مين بالفصل؟"
روان :" نورة ونهى بس"
توخر وجدان وتدخل الفصل تصارخ وتسلم عالبنات..!!
اما روان ظلت موقفة عند الباب تستنى دلال وهي تسمع صراخ وجدان وتتحمد عليهم وعلى خبالهم..
دقايق الا تجي الجوهرة بحجابها وبابتسامتها لـ روان..
الجوهرة :" السلام عليكم"
روان :" هلا.. ماشفتي دلال؟"
الجوهرة مستغربة وتتكلم وهي حاطه يدينها على خصرها :" اولا.. انا سلمت وانتي مارديتي.. ثانيا.. لا ماشفت دلال.. ثالثا.. وش عندك جايه مبكر اليوم؟ رابعا.. ليش واقفة عند الباب؟"
روان :" هههه وعليكم السلام والرحمة.. ابد ماعندي شيء جايه مبكر وواقفة عند الباب استنى دلال تأخرت"
الجوهرة :" تبيننا نتكلم عند الباب؟ ادخلي"
روان :" لا.. بستنى دلال"
الجوهرة تناظر المكان:" امممم.. طيب انا بدخل.. هنا مليان شباب"
روان توخر عن طريق الباب وتدخل الجوهرة..
ومازالت روان عند الباب.. لحد ماجاها واحد لابس ثوب ومتلثم بالشماغ..
محمد :" هلا روان"
روان مستغربة :" محمد؟ شعندك متلثم؟"
محمد :" احم احم.. عيوني حلوة وخشتي تروع.. فقلت اطلع عيوني النعسانة واغطي هالخشة"
روان :" ههههههه"
ويدخل محمد وتظل روان واقفة عند الباب..
روان :" اووووووووف.. ماصارت.. شكلي غلط هنا.. الله يهديك يادلال.. ليش تأخرتي؟"
وتشوف خالد وهو جاي مسرع من بعيد ووليد وراه..
خالد :" مين اللي تو يكلمك؟"
روان مستغربة:" محمد.. ليش؟"
خالد :" ايه... اشوى.. علبالي جايه مبكر ومواعدة واحد بعد"
روان معصبة :" خير ان شالله.. وش تبي انت؟"
خالد ووليد واقف جنبه :" ماابي شيء.. طيب ليش واقفة عند الباب كنك حارس؟"
روان :" اوووووف.. استنى دلال.. مو حالة كل ماجاء احد اقول له"
وليد:" اكتبي لوحة وعلقيها على جبهتك..( استنى دلال)... علشان محد يسألك خخخخ"
خالد :"امممممم.. ليش جايه مبكر؟ غريبة؟"
روان :" تحقيق هو؟"
وليد :" لانها مااستشورت شعرها اليوم ههههههههه"
خالد:" طيب ادخلي.. مو حلوة توقفين عند الشباب"
وليد :" تنفعين موظفة استقبال ههههه"
روان :" اووف منيب داخلة"
خالد معصب :" ليش تتأففين علي؟... بتدخلين؟"
روان متنرفزة :" منيب داخلة"
خالد يمثل دور المعصب :" ادخلي"
روان :" ادخل انت"
خالد يصارخ :" بتدخلين يعني بتدخلين"
روان تلف على وليد :" اوووف.. وليدوووه عقل صديقك"
خالد يمسكهامع شوشتها ويدينها.. يدفها ويدخلها جوى الفصل وهي تتأفف.. دخل وسكر الباب..
اللي جوى الفصل ارتاعو..
نورة ونهى:" وش فيك ياروان؟"
روان تفك يده :" اووووووووووووووووف... هذا المجنون .........."
يقاطعها خالد :" انتم.. عقلوها.. ناوية تفضحنا"
روان :" افضحك؟ انت وش دخلك؟"
خالد :" يقولون بنات هالفصل قليلات ادب"
روان :" هاءءءءء.... ( تشهق) انا قليلة ادب؟؟؟؟ سمعتو وش يقول؟"
ناظرت الفصل تستنى احد يدافع عنها..
لكن انصدمت لما وقفو ضدها..
وجدان :" انتم لين اللحين على هبالكم؟ اعقلو"
نورة :" ايواا خالد.. عليك بها.. عقلها"
نهى ووليد :" هههههههههه"
روان منقهرة :" الجوهرة.. محمد.. تكلمو.. قولو شيء!!"
محمد يوقف :" والله عيب عليكم.. ماتخلون الواحد ينوم بهالفصل؟؟؟"
وطلع..
خالد :" ههههههه اللحين مين لك؟"
روان واصلة معها.. سكتت ورجعت مكانها وحطت راسها عالطاولة.. وسفهتهم..


::::::: الحصة الاولى :::::::

كان علينا مصطفى.. دخل وعلى طول بدى يشرح.. والكل مركز بالشرح.. والكل مو فاهم..
دلال غايبة..
فجأة..
ينفتح الباب.. وتدخل دلال بهدوءها.. تسلم بصوت مو مسموع.. وتجلس مكانها جنب روان اللي تهمس لها..
روان :" وينك؟.. اول مرة تجين بعدي.. على بالنا غبتي"
دلال وهي تطلع اغراضها :" اممممم.. كنت عند الادارة تحت"
روان بصوت عالي :" الإدارة؟؟؟؟؟"
مصطفى :" ايه ايه.. مالكو؟"
روان :" هاه.. ولا شيء"
مصطفى :" ازا تكلمتي تاني حرقعك ورى.. اوكي؟"
روان :" اوكي"

كمل مصطفى شرح.. والكل فهم السالفة..
ان دلال كانت عند الادارة.. بس محد يدري ليش..
لحد ماانتهت الحصة..
طلع مصطفى من هنا ودخل سالم من هنا.. مدرس الرياضيات..
روان :" دلال تكلمي بسرعة وش السالفة"
دلال :" كيف اتكلم..؟ وسالم؟"
نورة :" اكتبي بورقة وارسلي لنا"
مسكت دلال ورقة وكتبت فيها.. عطتها روان.. قرتها.. مافهمت شيء.. ارسلتها لـ نورة.. مافهمت.. ونهى مافهمت بعد..
نهى :" هيه انتي.. يالاجنبية.. اكتبي بالعربي"
كانت دلال كاتبة بالانقلش.. خخخخ
سكتت دلال وخذت ورقة ثانية وكتبت..

( كنت عند الإدارة اسحب ملفي.. بنقل.. بروح لمدرسة ثانية)

::::::::: بالفسحة :::::::

طلعت مزنة من عندنا وطلع الفصل وراها..
نورة ونهى جو قدام عند دلال وروان ..
الجوهرة بمكانها بس تسمعهم..
محمد طالع من الصبح مارجع..
وجدان جت عندهم..
وجدان :" وش فيكم؟ خل نطلع؟"
نهى ونورة وروان :" قولي السالفة.. ليش بتنقلين؟"
دلال تحاول تخفي حزنها:" انا ماابغى اجلس بهالمدرسة بعد اللي صار.. قلت لـ ماما وهي جت معي اليوم سحبت ملفي.. وبكرة بداوم بالمدرسة الجديدة"
نورة ونهى :" طيب ليش؟.. واحنا؟"
دلال :" خلاص بنات بليز.. لا تناقشوني بالموضوع"
وجدان :" وش السالفة؟"
نورة :" بالرحلة اختلفت دلال مع ريان.. وامس ماادري شصار بينهم.."
وجدان :" وبتنقلين علشان كذا؟"
سكتت دلال بألم..
وجدان واقفة ومنفعلة.. منقهرة من حركة دلال :" دلال.. انا ومي طحنا بمشاكل اكبر من مشكلتك.. وماسوينا اللي سويتيه... صح انا قررت ابطل دراسة.. بس اهلي رفضو.. وقلت خلاص.. بصير اجي كم يوم بالاسبوع بس.."
الكل بخوف :" وانتي بعد؟ ليشششش؟"
وجدان تنزل راسها بألم والكل يناظرها مستغرب :" انا تعبت.. ماادري ارضي مين والا مين.. مي بنت خالتي.. وكل شيء بالنسبة لي.. قاعدة تتدمر قدامي.."
( تآخذ نفس)
وجدان تكمل:" والا اهلي وشكهم فيني.. والا حبي لـ ياسر.. والا الدراسة والشهادة... والا والا والا.. ماادري وش اسوي.. "
رفعت راسها وناظرتنا بحزن ودمعة بعينها.. مسحت دمعتها..
وكملت..
وجدان :" ااااه.. قررت اجلس بالبيت واتخلى عن صديقاتي.. واترك حبي.. واريح اهلي.. واصير زي بنت خالتي.. وانسى دراستي وحلمي اني آخذ الشهادة.."
دلال وهي مفكرة تسوي زيها :" ووش موقف اهلك؟"
وجدان بضحكة سخرية :" أهلي؟.. ههه.. بالعكس.. شكو فيني زيادة.. وقالو انتي كنتي على علاقات ولما قربنا نعرف قررتي تقطعينها.. آآآآآه.."
تجي وجدان وتجلس جنب دلال وتمسك يدها :" دلال.. محد راح ينفعك.. كملي دراستك.. وماعليك منه.."
دلال بضيق :" اوووه.. انتو ليش ماتفهمون؟.. انا بكمل دراستي.. بس بمدرسة ثانية.. مااتحمل اشوفه كل يوم"
وجدان :" طيب انا.. كل يوم اشوف عبدالله.. سوي زيي.. طنشي"
حالة صمت مخيفة مرة عالكل.. محد قادر يقنع الثاني.. ومحد راضي يقتنع.. والكل خايف من قرار دلال..
الجوهرة قامت وجت عندنا.. :" وجدان.. وش بتسوين اللحين؟"
وجدان :" بصير اجي يوم او يومين بالاسبوع.. اسكت اهلي بس"
الجوهرة :" لا.. ماينفع كذا.. بتدرسين نص دراسة.. وماراح يتعدل شيء.. طيب ليش مدامك جايه جايه.. تجين على سنع.. وتحطين ببالك انك تكملين دراستك.. وبإمتياز.. وتدخلين الجامعة.. وبعدها تتوظفين.."
نورة :" حلو.. ومي؟"
الجوهرة :" بنت خالتك بتحاولين تحسنين نفسيتها.. واهلك مع الوقت بيوثقون فيك؟.. اما حبك.. ممممم.. اعذريني.. ماراح يعجبك رايي.. لاني بقول لك انسيه.."
وجدان تقاطعها :" انساه؟.. ومي احسن نفسيتها؟.. وادرس وادخل الجامعة واتوظف بعد؟.. واهلي ماراح يشكون فيني؟.. مستحيل.."
نورة :" ليش؟.."
نهى بقهر :" اوووف"
الجوهرة تبتسم..:" كنت متوقعة ان رايي مايعجبك.. بس انا سويت اللي علي"
حالة الصمت رجعت..
روان :" مافيه شيء مستحيل.. انتي بتداومين وبتجلسين معنا.. وبتنجحين.. وياسر احنا بنبعده عنك.. واهلك.. ماادري.. بس مع الوقت بيرجع كل شيء زي ماكان.. ومي.. لما تشوفك كذا.. راح تتشجع هي بعد"
وجدان :" ااااه.. خليكم مني.. اهلي مالي دخل فيهم.. متى ماتحسنو تحسنو.. ومي مااقدر اسوي لها شيء.. واذا داومت.. بستمر مع ياسر.. تبوني اشوفه وانساه ومااجلس معه؟"
نورة :" اوووووه.. انتي عنيدة"
الجوهرة :" لانك حاطة هالشيء ببالك بتسوينه.. طيب وانتي يادلال؟"
دلال :" ههه.. وانا بعد بنقل.. وافتك من المشاكل.... ( تقوم ) يله.. خل نطلع.. انا جوعانة"
قمنا كلنا الا الجوهرة جلست..

طبعا.. دلال مو جوعانة.. ولا لها نفس تآكل.. بس طفشت من كلامنا اللي ببالها ماله فايدة لانها قررت وخلاص..
وقومتنا..
قمنا كلنا وكل وحدة تفكر باللي بيصير..
يمكن تتغير الاوضاع..؟
الله اعلم..‍‍‍‍

::::::::::::: وجدان تمشي مع فاتن ::::::::::::

فاتن :" وش اخبار ياسر؟"
وجدان :" تو ناداني وقال انه مشغول شوي.. ومشتاق لي.. ويبي يجلس معي بالطلعة"
فاتن :" اها.. طيب ومي وعبدالله؟"
وجدان طفشانة منها :" اوووف.. على حالهم.. انتي مناديتني تحققين معي؟"
فاتن :" لا.. بس كنت بقول لك عن عبدالله.. تراه حب وحده"
وجدان بخوف:" نجلاء....؟"
فاتن :" لا.. وحدة مااعرفها"
وجدان بملل :" بسلامته.. اصلا انا ومي ماعاد يهمنا شيء"
فاتن :" قولي لـ مي.. يمكن يهمها الموضوع؟"
وجدان :" اقول لها حب وحدة وبس..؟ عالاقل اعرف مين"
فاتن :"انا اقدر اجيب لك مين.. مممممممم.....تجين معي؟"
وجدان :" وين؟"
مسكتها فاتن ودخلتها لـ فصل ماتعرفه.. بس كان فيه شلة شباب وبنات كبيرة..
وكان وضعهم مقرف.. بنت حاطه راسها على كتف واحد.. وواحد ماسك وحدة من خصرها وجالسين..
وجدان تهمس :" وين وديتيني انتي؟.. شوفي كيف يطالعون؟"
فاتن مو مهتمة بكلامها..
تقرب من الشلة الجالسة وتكلم واحد..
فاتن :" مشعل.. ابكلمك بموضوع.. تعال شوي"
مشعل بغرور :" نعم؟.... اقوم لك؟.. وش تبين؟"
فاتن :" شيء بيفيدك.. تعال"
مشعل :" معلومات؟"
فاتن :" ايه"
مشعل يبتسم بخبث :" اها.. طيب"
يقوم من عندهم ويروح طاولته.. ويطلع من الدرج لاب توب واوراق..
مشعل يناظر وجدان بمكر :" انتي وجدان؟"
وجدان بخوف :" ايه.. كيف عرفتني؟"
مشعل :" امممم.. قالو لي صوتك حلو.. ممكن قبل مانبدء تغردين علينا؟"
وحدة من الجالسات :" سمعينا صوتك"
واحد جالس عالطاولة يقوم ويجلس جنب وحدة بكرسي ولازق فيها :" طلعي مواهبك"
واحد من الشباب الجالسين وهو يلعب بشعر وحدة جنبه :" ياليت.. اطربينا شوي"
البنت اللي كان يلعب بشعرها :" ياسلام..؟ انا مو مالية عينك؟"
الولد :" انتي رافضة تغنين"
البنت :" اللحين لا.. بس اليوم بالاستراحة.."
الولد :" وعد؟"
البنت :" وعد"
ويضحكون.. وتحط راسها على كتفه وتغمض عيونها وهو يلعب بشعرها وماسك يدها بحنان..

كان منظرهم.. رومانسي.... بس وقااااااااحة..
نسو انهم جالسين بفصل..؟

دار هالكلام ببال وجدان.. وخافت.. الوضع مايطمن..

فاتن :" مشعل.. يله خلصنا"
مشعل وهو يفتح لاب توبه:" بنت والا ولد؟"
فاتن :" بنت.. شعرها بوي اشقر.. تلبس نظارات كبيرة سوداء.. طويلة مرة وعصلا.."
مشعل :" اممم... اسمها الاول.. او فصلها؟"
فاتن :" ماادري.. "
مشعل :" تمشي مع مين؟"
فاتن :" هالايام مع عبدالله اللي بفصلي"
مشعل :" اها... عرفتها.. ثواني بس"
كتب شيء بعدها قال..
مشعل :" اسمها نادية فلان الفلاني.. بصف ثاني ثاني علمي.. ساكنه بشارع ..... جنب........ جيران...... متفوقة.. من الاوائل.. لها علاقة مع عامر الفلان.. بس انقطعت قبل اسبوع.... بسبب امه.. هههه لان امه هزأت نادية.. وصارت تجلس مع هنادي.. وهالاسبوع تعرفت على عبدالله وهم اللحين يعيشون قصة حب.."
وجدان وعيونها طايرة من الصدمة :" اها......؟؟؟؟!!!"
فاتن :" بس؟... هذا اللي عندك؟"
مشعل :" اممممم.. فيه اشياء اجيبها لك بكرة اذا تبين.. بس بيزيد الثمن..؟"
فاتن :" مو مشكلة.. قول لوجدان زي ايش؟"
مشعل : " تبغين شيء عن حبيبها الاول او الثاني.. او صديقاتها؟"
وجدان :" لا.. غيره"
مشعل :" طبيعتها..؟ يعني تحب تآكل كذا وتلبس كذا وتحب لون كذا؟ او تحب المعلمة او المادة كذا..؟"
وجدان :" لا.. شيء ثاني؟"
مشعل :" اممممم.. اهلها؟ يعني اسماء اخوانها وخواتها واعمارهم او أي شيء عنهم.. او ظروف بيتهم وعلاقاتهم بالناس؟"
وجدان :" لا"
مشعل :" رقمها او ايميلها اواذا قدرت صورتها..... بس راح يتضاعف الثمن"
وجدان :" لا.."
مشعل :" طيب انتي قولي وش تبين وانا اجيبه"
وجدان :" ههههههههه كل هذا عندك...؟؟؟ لا خلاص ماابي شيء"
مشعل مستغرب :" طيب ليش معطلتني؟.."
وجدان بخوف وقف ضحك :" آسفة.. يله نطلع فاتن"
مشعل :" لحظة.. والحساب؟"
وجدان :" ايه صح.. كم تبي؟"
مشعل :" انا عطيتك معلومات عادية.. فأي شيء منك حلو"
وجدان تعطيه مبلغ :" ايه.. طيب لو قلت لي اشياء ثانية كم تآخذ مني؟"
مشعل :" آخذ منك مبلغ محترم.. او طلعة محترمة... او تجيبين لك اخبار.. "
وجدان :" زي ايش؟"
مشعل :" هذا حب هذي.. او هذي فارقت هذا.. او أي شيء تعرفينه شخصي.. واذا ماعندك اطلب منك وانتي تجيبين لي بطريقتك الخاصة"
وجدان بصدمة ضحكت وطلعت قبل لا تسمع شيء زيادة..

الصراحة..
الوضع يخووووووووف..


::::::::::: عند البنات :::::::::

الوضع جدا هادي..

:::...نهى...:::
كانت تدور شيء تضحك عليه.. على انها متضايقة مرة.. وتشوف حزن الباقين.. تحس ضحكها غلط.. بس.. لازم اوسع صدورهم واعلق.. والا بنصيح كلنا مع بعض..

:::... نورة...:::
كانت خايفة.. ماتدري وش تسوي.. احساسها يقول انها لازم تسوي أي شيء..
تلوم دلال على تصرفاتها.. وتلوم ريان.. وماتدري من الغلطان..
ماتحب تشوف أي بنت ضعيفة كذا.. زي دلال..
بس..
ممكن يانورة نشوفك ضعيفة بيوم..؟

:::... روان...:::
كان ببالها فكرة وحدة بس..
كيف نرجع دلال وريان.........؟

مسكينة ياروان.. انتي متفائلة جدا..


::::...دلال...::::

مااقدر اوصف حالتها.. الا بكمة وحدة...
..حــزيــنــة..

لا تسألون ليش..؟


:::::...مرت الحصص الباقية طبيعية..:::::

وجدان بس تفكر بنادية.. حبيبة عبدالله... و انها تقول لـ مي.. ودلال.. والجوهرة وكلامهم.. وانها بتمشي مع ياسر بالطلعة..
وتفكر باللي سمعته من الداهية مشعل وكيف الولد غريب.. يمكن عنده معلومات عني؟.. لا.. مااتوقع..
وتفكر بالفصل القرف والوضع هناك..

والجوهرة.. الانسانة الغامضة.. اللي محد يدري وش تفكر فيه.. لكن.. كل تفكيرها يقتصر على وجدان ودلال.. وكأنها مهتمة لهم.. او تعرفهم من زمان.. بين فترة والثانية تسأل روان عنهم.. وروان لاحظت اهتمامها..
نورة وروان ونهى .... طول تفكيرهم في دلال وقرارها.. حتى انهم فكرو ينقلون معها..
دلال تفكر في ريان.. والبنات.. وفراقها لهم..
ريان.. مايدري عن قرار دلال.. بس كان حاس انها بتسوي شيء..
ياسر.. في وجدان..
عبدالله.. في نادية..
خالد.. يفكر في اللي صار له مع روان الصباح.. وشكلها زعلت منه لانه ماسمع صوتها بعد حركته..
وليد... يعلق ويضحك..
نايف.. ونجلاء.. وفاتن..
مركزين مع الدروس..
محمد.. نااااااااايم..

:::::: بالطلعة :::::

مشت وجدان مع ياسر.. وعبدالله مع نادية..
نايف وخالد ووليد جالسين..

نورة ونهى وروان.. قامو يودعون دلال.. لانها بتطلع..

نورة :" يله ياحمارة.. سلمي علي بسرعة.. تعبت وانا واقفة"
دلال وعيونها تدمع تضم نورة..:" مع السلامة.. نشوفك على خير"
توخر عن نورة وتسلم على نهى..
دلال :" باي.."
نهى اللي ماتحب هاللحظات :" باي"
دلال تسلم على روان :" لاتقاطعين اوكي؟"
روان اللي ضايق صدرها:" الا.. بقاطعك.. يالخايسة"
دلال تمسح دموعها وتبتسم :" يله عاد.. ارضي"
روان تلف وجهها :" لا.. "
دلال :" كان يو؟"
روان تلف عليها:" وشو؟"
دلال :" تقدرين تخليني اطلع وانا اصيح وانتي زعلانة؟"
روان :" ايه"
دلال بثقة :" لا.. ماتقدرين"
روان بإصرار :" الا اقدر"
دلال :" ريلي؟"
روان هنا ماتحملت.. حظنت دلال وصاااااحت..
نهى بألم تلهي نفسها لا تصيح:" ههههههه"
نورة :" رووووين.. لازم تفشليننا يعني؟.. الدنيا كلها تناظرك.. اسكتي لا تصيح دلال بعد"
لكن دلال صاحت بعد لما سمعت روان تقول..
روان :" ليششش.... ليش كلكم تروحون وتخلوني..؟؟ دلال.."
دلال تمسح دموعها ولا ردت..
روان :" دلال..؟ ردي علي.. حرام عليك"
نورة بجدية :" روان خلاص"
مسكت دلال شنطتها..
روان :" بتطلعين؟... خلاص؟..يعني... ماراح نشوفك بالمدرسة مرة ثانية..؟"
دلال تغمض عيونها :" رووووووان..!!"
روان :" دلال.. ( تشهق).. طيب.. ليش بتروحين..؟ يمكن مع الوقت ترجعين مع ريان زي ماكنتو؟"
نورة بألم :" روان.. خلي البنت تروح.. دلال.. بنفقدك"
دلال تمسح دموعها :" وانا بعد.. بفقدكم.."
نهى :" يالدبااا.. تعودنا عليك.. حتى القراء بيفقدوك"
نورة :" اللحين مافيه احد يخرب علينا رجتنا مع روان.. واللحين مافيه احد بيتكلم معنا انقلش.. ( دمعة منها نزلت بس مسحتها بسرعة) ومافيه احد شكله كيوت غيري......"
دلال تمسح دموعها للمرة العاشرة :" ههه.. دايما خبلة.. انا بطلع.. يله...."
روان :" بتطلعين...؟؟؟!! طيب.. وريان؟!!"
انتفضت دلال لما سمعت اسمه..
دلال :" وش فيه؟"
نورة مستغربة :" روان؟؟؟"
روان هدت :" بتطلعين.. وماراح ترجعين مرة ثانية... وماراح تودعينه؟.... طيب.. لا تودعينه.. بس عالاقل سلمي عليه.. مو حلوة تظلون زعلانين من بعض طول عمركم؟"
نورة :" الا يادلال"

تحاول دلال تدور أي عذر علشان ماتسلم عليه.. بس مالقت..؟ صح ودها تسلم عليه.. وتشوفه.. وتجلس معه.. بس.. ماتودعه..!!
مااستوعبت ان هذا آخر لقاء يجمعهم ببعض..

دلال :" ماابي.. لو يبي هو كان جاء"
نورة :" وش يدريه انك بتنقلين؟"
دلال :" ولو.."
روان بجدية :" دلال.. انا اول مرة مااسمع كلامك.. واسوي لك شيء انتي ماتبينه.. بس لمصلحتك.. صدقيني"

قالت روان هالكلام اللي صدم دلال..
وش ناوية تسوي؟؟؟؟

راحت روان عنهم بعد ماقالت لنورة :" لاتخلين دلال تطلع لحد ما أجي"
دلال بخوف :" وين راحت؟"
نورة اللي فهمت :" ماادري.. بس تراها بتزعل صدق لو رجعت ومالقتك.. انتظريها"


:::::: روان واقفة عند الشباب :::::

احتارت.. تنادي مين.. خافت تنادي ريان ويرفض يجي..

روان :" خاااااالد.. تعال شوي"
خالد وهو يقوم :" يعني مازعلتي..؟ احم حم.. ادري انك ماتقدرين تستغنين عني.. مردك لي"
روان :" مو وقتك.. تعال"
خالد جاء وهو ساكت بعد مالاحظ آثار دموعها وجديتها..
روان :" اسمعني زين.. دلال بتنقل من المدرسة.. هذا آخر يوم لها.. ومو حلوة تروح وهي كذا مع ريان.. رافضة تودعه..
شرايك تقول لـ ريان يجي يسلم عليها.. ادري انه بيرفض.. بس حاول تقنعه.. خل يتفرقون على خير"
خذت نفس بعد هالكلام الطويل اللي ماتدري وش قالت..
اما خالد..
واقف وهو يحاول يستوعب كلام روان.. كلامها مو مفهوم..
خالد بغباء :" انتي كذا.. لما تصيحين ماتعرفين تتكلمين.. وانا انقهر لانك صحتي.. احاول افهم وش تقولين مااقدر؟"
روان تصرخ:" ياااااااااربيه.. خااااالد.. ركز معي"
خالد انتبه بعد صرخت روان :" ايه ايه.. فهمت.. طيب بقول له.."

رجعت روان لهم وهي متفائلة ان هالخلاف ممكن ينحل..

ودلال ارتاحت لما شافت روان راجعة لحالها.. بس ولو.. ليته جاي.. ودي اودعه.. اخاف رفض..؟

توها روان واقفة معهم.. الا دلال تشوف ريان جاي مسرع ومعصب من بعيد..


كان ريان يدور بين البنات على دلال.. لايكون طلعت..؟
يلف يمين ويسار... و...
شافها تطالعه.. وتجمد مكانه..

شافته.. وناظرته وهو واقف يطالعها..
كانت خايفة.. ماتدري وش تسوي.. ماتدري اللي تسويه صح والا غلط..

مرت ثواني وهم يناظرون بعض..

والكل مستغرب ويستناهم يتحركون..
وش فيهم كذا..؟
ماكانو يدرون انهم يودعون بعض..
كانو يتكلمون بلغة العيون..
وفيه لغة مفهومه بين الحبايب اكثر من لغة العيون؟...

::..ريان..::
دلال.. اخيرا لقيتك.. وين رايحة.....؟

::..ودعته دلال..::
خلاص ياريان.. انا بروح.. وبخلي لك المدرسة كلها..


::..ريان..::
لا يادلال.. استني شوي.. ابكلمك.. تكفين يادلال..

::..دلال..::
ريان انا آسفة.. يكفي آلام بحياتي وحياتك.. مااقدر اتحمل اكثر..

::..ريان..::
ليش يادلال.. بتروحين وبتخليني؟.. المرة الثانية؟..
مااقدر اتخيل او استوعب يادلال..
طلبتك يادلال.. لا تخليني..
بس اسمعيني..
شوي..

::..دلال..::
كفاية ياريان.. مااقدر اسمع كلام زيادة.. انا آآآآآآآآآسفة.. كنت غبية.. وسببت لك ولي آلام كثيرة.. بس صدقني ماكان قصدي..
ماادري ليش سويت كذا..
خلاص ياريان..
انا بروح.. وبفكك من العذاب..

::.. ريان..::
انتي ماسببتي لي شيء.. دلال.. ريان بطوله وعرضه..
الرجال اللي واقف قدامك..
انا الزعيم اللي الكل يبي يصير زيه.. وزي قوته وهيبته واحترامه..
لايغرك هاللقب وهالجسم.. ترى انا ولا شيء بدونك..

::..دلال..::
ادري.. والله ادري انك تحبني.. وماتستغني عني.. وانا بعد.. بس ماينفع اللحين ياريان.. بليز.. لاتضغط علي..

::.. ريان ..::
انا محتاج لك.. آآآآآآآآآآه.. بس.. ماابي اضغط عليك..
طيب يادلال.. سوي اللي يريحك..

::..دلال..::
ريان انا آسفة.. بطلع اللحين..انتبه على نفسك..

::..ريان..::
وانتي بعد.. انتبهي على نفسك..
اتمنى لك التوفيق..
واشوفك على خير..

::..دلال..::
مع السلامة..


::::::::..وطلعت..::::::::

::..ريان..::
دلال.... دلال.... دلال..


لكنها طلعت..
ماردت عليه..
ماتبغى تعذبه وتتعذب معاه اكثر..

وهو رجع مكانه مصدوم.. ومعصب..
انا الغبي.. خليتها تروح من يديني..


.........

وقبل لاتنوي الفرقا.. امانه لاتخليني..
انا من وين ماودك..معاك وامري بكيفك
غلاة الزاد والعشرة..واللي بينك وبيني..
عهد مني لأخون الكل لاجل لحظه مع طيفك

عليك الله امان الله..تكفى لاتخليني..
انا ماعدت اميز من..طعنني الوقت او طيفك
وصوفك ااااه ياوصوفك..هي اللي لعبت فيني..
يفوق الوصف كل الوصف..من روعة تصانيفك

:::::::::::::::::

اقسى كلامي لك رجا.. وأعذب كلامك لك جروح
مافيني شئ يكفي اللي جا..وانت تخليني وتروح

ناديتك بقلبي قبل صوتي ولارديت
نادتك صوره اجمعتنا للأسف صديت

ماكان ضني يومها ترد البال
تتركني وحدي احتضر وشلون ماحنا احباب
هدمت حولي دنيتي تركتني مذهول
بعضي مصدق واغلبي يصرخ ولا معقول
منك تجيني طعنتي وانت الوفا ياحول


:::::::::::::

بيسامحك الله.. بيسامحك الله.. بيسامحك الله..

لو كنت غلطان بعتاب.. بيسامحك الله..
لاتحاسبي بطول الغياب.. بيسامحك الله..
اختاري شو بدك عذاب.. الا الهجر الا..
الا الهجر الا..



خلاص..

ريان ودلال..

بعد هالوداع الصامت..

انتهووووو..

:::::::::::::::..... وانتهى الجزء الثامن ...::::::::::::


:::::::...دلال وريان..::::::

نهاية مؤلمة.. ..
تتوقعون..

باقي ضحايا مننا بعد نتيجة هالقرار..؟

نهى.. الحساسة من الداخل.. بس من برى كتلة من الضحك.. يمكن يأثر عليها اللي صار..؟
او يمكن يأثر على نورة..؟
او على روان..؟

ريان.. اللي طلعت العاطفة فيه.. وش بيكون وضعه..؟

وخالد ووليد ونايف.. بإيش ممكن يساعدونه..؟ او يساعدون انفسهم..؟

عبدالله.. حب من جديد..؟ والا مجرد اعجاب..؟

الداهية مشعل... وشلته.. ممكن يكون لهم تأثير عالقصة..؟

الجوهرة.. بهالجزء بدت تطلع شخصيتها الحقيقية.. وبدت تنطلق معنا...بتوقف لهالحد..؟


:::::....انتظروني بالجزء التاسع.....:::

.
.
.

راااااااااااااااااااااايــكــم....؟! (*37)

مس..

هلا وغلا فيك..

اممممممممم.. بالنسبة للمبالغة..
انا كنت ناوية احط موقف قوووووي.. وشلة مقرررررفة..
بس شكلي ماتوفقت.. (*13)
يله.. مو مشكلة.. خيرها بغيرها.. (*10)

احب اشكرك على هالملاحظة.. (*40)

بالنسبة لإحساسك..
يمكن يصير الباقي مشاكل..
او يمكن تتعدل الامور..

الله اعلم..

امااااااا الاغاني..

احترررررررررررررررررت كثيررررررررر فيها.. (*7)
ابحط شعر او اغنية تناسب الموقف..
بس مالقيت الا هالثلاث اغاني.. (*15)

ومن زود الحيرة.. حطيتها كلها.. (*10)


اشكرك مرة ثانية عالرد الحلووووو..

دمتي.. ودام تواصلك..


شدووووووووووووونة..

مرحبا..

((ايه والله.. الله يهديني..)) (*23)

اما مشعل داااااااااااااااهية..
الله يستر وش بيسوي..
>> بتخوفك زيادة.. (*33)

تسلمين شدونة عالرد .. (*37)
ودمتي..