مس...

ياحبي لك والله.. وياحبي لردودك.. (*35)

وانتي كمان واحشتني قوووووي قووووووي..
>> صعيدية نمبر تو.. (*15)

الله يسلمك من كل شر..
اما بالنسبة للمدرسة..
ايه والله شفتي شلون.. مصائب قوم عند قوم فوائد.. (*20)
الله يعين بس..

ههههههههههههههههههههه
والله انك مصرقعة... (*33)

ولايهمك.. ونشفي سعابيلك..
الجزء قريبا جدا بينزل.. (*37)

انتظريني..

::::.... الجزء التاسع ....::::

::::...... يوم الاربعاء....:::::


دخلت الجوهرة المدرسة بإبتسامتها المعهودة.. رغم الالم اللي جواتها..
شافت نهى.. ترددت تروح لها والا لا..
بس راحت..
نهى تحط شنطتها عالارض بقرف وهي تفكر في دلال واللي صار..
" اووووف.. لازم كل يوم هالكتب والدفاتر..؟"
الجوهرة توقف جنبها وتحط شنطتها" اجل وش تبين تحطين بشنطتك؟"
نهى تلف عليها وتوقف تسولف وهي تطلع كحلها وتحط:" يعني.. شنطة صغيرة للمكياج.. ومحفظة للفلوس.. واكل ومشروبات وعلوك.. وكتاب ودفتر وقلم"
الجوهرة تعدل حجابها:" هههه صارت شنطة فسحة"
نهى وهي ترتب شعرها :" هههههههههه تصدقين امس اختي الصغيرة تصيح لان شنطتها الفسحة انسرقت..؟"
الجوهرة :" هههه عيال الحرام.. مايخلون احد في حاله.. اما اولاد الابتدائي جن مب عيال"
نهى وهي تتعطر :" الا قولي ............"
تقاطعها الجوهرة :" نهى.. لحظة لاتتعطرين؟"
نهى توخر العطر مستغربة :" ليش..؟"
الجوهرة :" مايجوز يشمون ريحة عطرك الرجال"
نهى مرتاعة :" والله..؟"
الجوهرة :" شفيك؟.. ماتدرين..؟ تعتبرين زانية"
نهى ببراءة:" لا والله ماادري.. ( تسكر العطر وتدخله الشنطه).. خلاص.. ماراح اتعطر.. عاد انا كل يوم اتعطر.. استغفر الله"
الجوهرة بإبتسامة :" ندخل الفصل..؟"
نهى تشيل شنطتها :" يله.. "
الجوهرة ونهى يدخلون الفصل وينصدمون..

نورة وروان فيه.. ؟؟!!

روان جالسة مكانها وحاطه شنطتها بمكان دلال وتطلع منها كتاب..
اما نورة بمكانها بس منزلة راسها عالطاولة ومادة رجولها على كرسي نهى...

الجوهرة :" السلام عليكم"
نورة ترفع راسها وروان تترك الكتاب :" وعليكم السلام والرحمة"
نهى:" وش اخباركم؟.. شكلكم طفشانات.. من زمان جايين؟"
روان :" لا.. من شوي.. بس طفش.. محد جاء"
نهى :" نوووووير.. وخري رجولك.. بجلس.. يالعجوووووز"
نورة توخر رجولها وتنزلها :" تحصلين رجولي انتي"
نهى :" من زينها.. كأنها رجول ناقة"

الجوهرة تناظرهم وتضحك على هبالهم..
وروان تتحمد عليهم ورجعت للكتاب..
راحت الجوهرة مكانها..

روان تناظر الجوهرة:" الجوهرة.. وين رايحة؟"
الجوهرة مستغربة :" مكاني..؟"
نهى :" انتي وهالرجووووول.... استغفر الله"
نورة :" حصليها انتي بعدين تكلمي"
روان تصرخ :" بسسسس.. بسمع البنت.. اسكتوووو شوي"
سكتو..
روان :" الجوهرة.. مكان دلال فاضي.. والا ماتبين تجلسين جنبي..؟"

الجوهرة حست براحة غريبة..!!!
اخيرا..
بيكون لها صديقات..

وروان دخلت كتابها بشنطتها ووخرت الشنطة عن الجوهرة..
الجوهرة جلست جنب روان.. وابتسمت كالعادة.. بس هالمرة من قلب.. لانها حاسة ان عندها صديقات..
بالرغم من ان صديقاتها مش ولابد في الدين والدراسة.. وهي خايفة يأثرون عليها..
بس مهما كان..

::::: ترتيب الفصل :::::

فاضي- فاضي... الجوهرة - روان
محمد- فاضي... نورة- نهى
وليد- خالد ... طلاب
فاتن- وجدان... ريان- نايف
فاضي- نجلاء ... عبدالله- ياسر


نورة :" واللحين ممكن نتكلم يا آنسة روان..؟"
نهى :" هههههههههه حلووووووة آنسة"
روان بتريقه:" تفضلي.. تكلمي"
نهى:" انتم بتصيرون تجون كل يوم بدري صح؟"
نورة :" والله ماادري.. اليوم جينا لان امي عندها موعد بالمستشفى بدري"
نهى :" وانا شكلي كل يوم بجلس مع وحدة الصبح.."
الجوهرة :" بس انا اجي بدري"
نهى :" خلاص اجل نتواعد برى وندخل مع بعض.. كل يوم.. اوكي؟"
الجوهرة بضيق :" اووو.. انا مااحب اجلس برى.. كله شباب"
نهى :" خلاص اجل القاك بالفصل.. الله يهديها دلال.. راحت وخلتني مشتته"
الجوهرة :" ايه والله الله يهديها.. ماادري ليش سوت كذا...؟"
نورة منفعلة:" الصراحة تقهر.. ماتوقعتها ضيعفة لهالدرجة"
الجوهرة تفكر :" مو ضعف... اممممم.. دلال مو ضعيفة..... كيف اشرح لكم..؟"
روان تناظر الطاولة بحزن :" يمكن دلال من النوع اللي يهرب من المشاكل...... او... لما تسبب مشكلة.. ماتحاول تعالجها او تصلح غلطها.. فتهرب.. وماتواجه احد..... ( تناظر الجوهرة ) صح....؟"
الجوهرة :" ايووووه.. هذا قصدي.. فيه ناس كذا.."
نهى ببراءة :" اها.. تصدقون ولد عمي كذا... ابوه طلق امه.. قام سافر.. وعرفو اهله ان اخته تكلم واحد... سافر.. حتى لما اخوه مرض وترقد بالمستشفى.. اختفى.. كان يكلمهم قليل يسأل عنه.... غريب..؟؟ يمكن دلال زيه....؟"
روان :" هالعائلة كلها مشاكل.. الله يعينهم"
الجوهرة :" آمين"
نورة :" صح.. فيه ناس كثير كذا... يحسون انهم لو جلسون ويواجهون المشكلة.. بتكبر... فيهربون... اذكر مرة كنت اكلم دلال وكان عندها صرااااخ... سألتها وش عندكم قالت ان اخوانها يتضاربون.. وانها رقت غرفتها وقفلت الباب.. وكلمتني تلهي نفسها.. لانها ماتبي تفكر فيهم"
الجوهرة :" وريان؟"
نورة :" امممممم ريان عاطفي... لا تستغربون.. فيه رجال عاطفيين"
روان :" واذا كان عاطفي؟ حتى دلال عاطفية مرة.. بعدين العاطفة القوية جزء من تكوين المرأة.. لانك ماتلقين مرأة بدون عاطفة..؟"
نورة :" الا فيه.. (( تلف على نهى)) نهى.... هههههههههه"
نهى :" حرام عليكم.. والله اني حساسة.. ههههه تصدقون امس لما رجعت البيت على طول رقيت لغرفتي وصحت!!"
نورة بتريقه:" ماشالله.. لا فيك خير والله.."
روان :" طيب.. انا ماالوم دلال اذا كانت عاطفيه.. وتصرفت بتهور.. لان العاطفة مآخذه عقلها.. والحب عامي عيونها"
الجوهرة بإعتراض :" لا.. نلومها.. هي مو طفلة.. ولا مراهقة.."
نورة :" الا مراهقة"
الجوهرة :" بس كبيرة.. ولها عقل.. مو مجنونة.. مهما كانت الوحدة عاطفية.. ومها كانت العاطفة قوية عندها.. يظل عندها عقل.. والا العقل يروح مع الحب؟"
نهى تفكر:" الا.. احيانا يروح"

سكتو كلهم.. محد قدر يجاوب على هالتسؤلات..؟؟

ينفتح الباب.. ويدخلون خالد ووليد..

خالد :" السلاااااام عليـ...... روااااااان؟؟؟ بعد اليوم جايه بدري..؟ ليش ماقلتي لي؟"
الجوهرة :" وعليكم السلام... طيب كمل سلامك"
روان :" ليش اقول لك....؟"
وليد :" خخخخخ ليش بتمرها؟.. والا بتجيبها انت"
خالد يجلس على طاولة روان :" ياليت.. بس هي تعيي"
روان :" ياسلام.. هذا اللي ناقص!!"
نهى :" ههههه تخيلو اشكال خالد وروان داخلين مع بعض.... ههههههه"
روان :" وععععع.. مو حلوة طبعا.."
خالد يتريق :" وشو مو حلوة طبعا..؟"
روان :" اشكالنا.. ماقد دخلت لمكان معك"
خالد بثقة :" احم احم.. ان شالله قريب ندخل انا واياك قاعة زواجنا"
وليد :" ياااااااااااااهوووووووووووه"
روان :"(( وجهها حمر من العصبية او من الاحراج )) لا ان شالله.. مستحيل.. تحلم انت؟"
نهى :" ليش لا...؟ ههههههههههههه"
خالد :" بآخذك.. وغصبن عنك بعد ( يطلع لسانه ) اممممممم"
نورة:" عاد روان مغصوبة وتعيي تنزف.. وتطلعني بدالها"
روان :" ايه... بسوي فيك هالحركة.... وش بيدريك انها نورة؟"
خالد يآخذ شنطته ويقوم :" مالت عليك.. الشرهه عاللي بيخطبك... وععععععع"
روان معصبة :" انت اللي وععععع..... بااااااايخ.."
((يطيح قلم من شنطة خالد على طاولة روان...))
وليد :" من العجلة.. سكر شنطتك.. بتسوي زي نايف؟"
نهى :" حتى نوير ماتسكر شنطتها"
روان ترفعه له :" خذ"
خالد :" مشكورة.. اخدمك بعرسك"
روان :" منيب عازمتك على زواجي انا"
نورة :" وحدة شرانية.... انا بعزمه ههههه"
خالد :" اصلا انا بكون اول المعزومين... لاني المعرس"
وليد ونهى :" هههههههههههههههههههه خخخخخخخ"
روان :" سخيييييييييييف"

يقوم خالد ويرجع ورى مكانه.... ونهى ميته ضحك على روان اللي صدق معصبة وتصارخ شوي وبتقوم من مكانها..

الجوهرة... متضايقة من الوضع...!!

وليد :" مو كأن ريان تأخر؟"
خالد :" لايكون بيغيب؟؟ ماقال لك شيء؟"
وليد :" لا.."
ويروح وليد يوقف عند الباب..

نورة :" وليدوووووه... احد غايب من المدرسين؟"
وليد :" كلهم"
نهى :" الله يسمع منك.. ههههههه"
نورة :" انا ماصرت اوثق بكلامك"
نهى :" احسن لك"
نورة :" ترى فيه اختبار انقلش اليوم"
وليد :" والله؟؟؟؟؟؟"
نورة بضحكة:" ايه.. ماتدري؟"
نهى :" مين قالك لك؟"
روان :" لا مافيه؟"
نورة :" اووووووووه... كنت بردها له.. اخليه يذاكر ومافيه امتحان.... بس انتم خربتو علي!!"
وليد :" شدعوه انا بذاكر عاد..؟"

::: دخلو ريان ونايف ::::

وليد يطبل عالباب :" هلاااااا هلاااا ارحبووووو"
خالد يجي عند وليد :" ايواااااااااا"

طالعهم نايف بغرور.. مايحب هالخرابيط..
اما ريان ابتسم بألم... ماكان في حالهم....

::::::: الحصة الاولى ::::::


استاذ ثامر...
واقف يشرح درس التوحيد..
الكل يحب شرحه الخفيف والحلو..

فاتن ونجلاء..
حتى محمد يقوم بحصته..
خالد ونايف..
وليد نهى.. مركزين مع بعض الضحكات الخفيفة...
الجوهرة.. تموووووت على حصته..


اما روان..
كانت بعيد.. هناك.. عند دلال..
وش تتوقعونها تسوي اللحين؟
وكيف مدرستها الجديدة..؟
ياترى.. تعرفت على صديقات.. وبتنسانا..؟
والا بتجلس لحالها وتتحمل تعليقات الشباب..؟

نورة..
ماتدري ليش.. من امس نايف ببالها..
تفكر..
لوكنت مكان دلال.. وبنقل..
ماراح يجي نايف يسلم علي.. او يودعني..
ليش..؟
انا احبه وهو ولا يحس ولا يهتم..
ولايدري اصلا..
وش هالتعذيب..؟

..ياسر..
كل تفكيره عند عبدالله..

تذكرون نادية..؟
حبيبة عبدالله.. حبت ياسر..
وهو عطاها وجه.. بدون مايدري عبدالله طبعا..
بس اليوم.. جلس ياسر معها الصباح..
وشكل عبدالله سمع كلامهم..
ماجاء لهم.. وجلس طول اليوم لحاله.. حاول ياسر يناديه.. بس عبدالله يتهرب..
واللحين هو تحت لحاله..
ومعصب من اللي صار..



...:::: الحصة الثالثة :::::....

مزنة :" والى اين تود الذهاب؟"
ياسر :" الى الوكيلة"

>> حلوة الوكيلة صح؟ هههههه<<

مزنة :" حسنا ولكن لا تتأخر"
قام ياسر من مكانه بيطلع.. بيشوف عبدالله وينه..؟
وليد :" كذاااااااااب... بينحااااااااااش"
فاتن :" استاذة... انا بروح للمراقب ضروري"
مزنة :" اذا عاد ياسر"
وليد :" يعني مافيه امل تطلعين.. لان ياسر مب راجع الا بعد الفسحة"
مزنة :" وليد.. ماذا بك...؟ اهدء"
وليد يبتسم :" حسنا.. حسنا"
مزنة :" نعود للدرس.. من يقرأ الامثلة"
:::: يدق الباب ويدخل المراقب :::
المراقب :" معليش مزنة.. فيه غياب اليوم؟"
فاتن تصرخ :" ايييييه.. وجدان الفلاني"
المراقب يكتب:" بس؟"
فاتن :" ودلال الفلاني"

انتفض ريان لما سمع اسمها... غايبة؟؟
يعني يمكن تداوم؟؟

المراقب :" دلال نقلت... غيرها؟"

تحطم ريان..

ونورة وروان ونهى والجوهرة وخالد ووووووو...
وكل اللي يدون بسالفته طالعوه بحزن..

فاتن :" بسسسس.. محد غير وجدان"
المراقب بيطلع :" اجل عن اذنكم"
مزنة :" اذنوكا معك.."
وليد :" وخشمك بعد هههههههههههههه"
مزنة :" وليد..؟"
الفصل :" هههههههه"

::::::..... انتهت الحصة ....::::

فاتن مستغربة.. ليش دلال نقلت؟؟
ومادريت؟؟....

:::: فعلا.. جت الفسحة وعبدالله وياسر مارجعو::::

طلعو الشباب كلهم الا محمد.. نام..
اما البنات ماطلع الا نجلاء وفاتن..

نورة :" الله يالدنيا.. كنا سبع الحين اربع"
روان :" ايه والله صرنا شويين"
الجوهرة :" بس خير وبركة"
نهى :" عن مية بنت هههه"
نورة :" ماادري ليش.. احس اليوم بايخ؟"
روان :" الا والله طفش"
نورة :" خل نسوي شيء"
نهى :" زي ايش مثلا؟"
نورة :" حركة.. نستهبل.. نرقص"
روان :" هههههههه اما ترقصين انتي ورجلك هههههههه"
نهى :" مااتخيل شكلك... خخخخخخ"
نورة :" اوووووف منكم.."


:::: عند الشباب ::::

كانو الشباب جالسين...
نايف يشرب عصيره وعيونه عالرايح والجاي..
وليد حاط يده على كتف خالد و يسولفون..
ريان كان يلعب ويقلب بقرطاسة الحلاو اللي مااشتهاه.. وعيونه بالارض..

خالد :" ريااان"
وليد :" هيه.. ريااااانوه"
خالد: "ههههه .. لا الاخ شكله بعيد عنا .. اقول الحبيب وصلت المريخ والا توك في الطريق ؟؟؟"
ريان :" ......... (( ناظرهم بقرف.. ورجع يناظر الارض))......"
وليد لف على وليد اللي كان حاط يده على كتفه :" ههههه .. كأنه ما عطاك وجه"
خالد باستهبال :" لا يتهيأ لك"
نايف يقاطعهم :" تدرون عبدالله وياسر وين؟"
وليد :" اكيد مع نجلاء... او فتون"
خالد :" لا.. هالايام عبدالله حاب له وحدة.. ومطيح عندها.. المشكلة اكبر منه"
وليد :" خخخخخخخ"
ريان يرفع راسه يناظر خالد:" حب؟... مو هو يحب مي؟"
خالد :" اتوقع نساها"
ريان :" نساها؟... كيف؟"
خالد :" امممم.. اتوقع انه ماحب مي.. بس اللي كان بينهم مجرد اعجاب"
وليد :" وش سالفتكم مع الاعجاب؟.. ليش فيه فرق بين الاعجاب والحب؟"
خالد :" اكيد.. فرق كبير..
عبدالله اول مادخل هالمدرسة وشاف البنات حب يثبت وجوده.. فتعرف على مي.. بإسم الحب.. لكن لما حب صدق.. نسى مي"
ريان :" يعني الولد يمكن يظن انه يحب.. بس هو ماحب صدق؟"
خالد وهو يطالع ريان بشفقة :" ايه.."
نايف:" وش هالفلسفة؟... من وين جايب هالكلام؟"
خالد :" روان قالت لي"
وليد :" روان؟ غريبة؟ مااعرفها فيلسوفة"
خالد :" روان كانت منقهرة من عبدالله لما درت.. وناقشت الجوهرة بالموضوع.. وطلعو بهالنتيجة.. امس قالت لي"
وليد :" تكلمك؟"
خالد :" لا.. نادر اكلمهما.. بس عالنت"
:::: لحظة صمت :::
ريان :" اااه... كيف نعرف ان احنا نحب او مجرد اعجاب؟.. وكيف ننسىىىى؟"

الكل رحمه.. وغيرو الموضوع كالعادة..
لانهم ببساطة.. مايعرفون..
او ماقد جربو..


:::::::::::: ياسر وعبدالله :::::::::::

ياسر :" اوهووو.. روح اسألها.. مابيننا شيء..؟ شفيك انت؟"
عبدالله :" بس انا شاك.. مو متأكد.. عالعموم حصل خير..."
ياسر:" يعني خلاص؟.. طاح الحطب؟"
عبدالله معصب :" طاح.. بس ياسر صدقني.. اذا فيه شيء بينك وبين نادية.. ودريت بعدين.. ماتلوم الا نفسك"
ياسر :" افا.. انا صديقك ياسر تهددني..؟ وعلشان نادية..؟ يعني ماطاح الحطب؟"
عبدالله :" الا طاح.. بس انا كنت خايف.. خلاص.. انسى"
ياسر:" ليش شكيت فيني..؟ تبيننا نخسر بعض علشان بنت..؟"
عبدالله :" انت اقرب واحد لي.. وياما تركت لك بنات.. وتقاسمنا بنات.. بس نادية غير.."

سكت ياسر وهو حاس انه يخدع عبدالله..
بس وش يسوي..؟
بنت تجي له..
يتركها علشان صديقه يحبها..؟


....:::::: الحصة الرابعة.. فرااااااغ ::::...

ياسر جالس جنب نجلاء وفاتن وعبدالله لافين عليهم يسولفون..
ياسر يحاول يطمن عبدالله وينسيه اللي صار..

وليد وخالد يدورون بالفصل..
نايف يطالع الفصل..
وريان منزل راسه عالطاولة..
محمد.. من بعد الفسحة مارجع..

الجوهرة وروان لافين على نورة ونهى ويسولفون..

وليد وخالد عند السبورة يشخبطون فيها..
وخالد راسم بنت عالسبورة ويكتب..
(( انا روان))

وليد :" روين.. شوفي السبورة"
روان تلف :" تجنن حلوووووة... ولا رسمة مي"
خالد يمسح اسمها..
خالد :" طيب كذا؟"
روان :" وعععععععععععع"
وترجع للبنات..
وخالد ووليد يرجعون وراها ويجلسون عالطاولات..
وليد :" شفتو امس المبارات؟"
نورة :" ايووووااا... رفعو راسنا الهلال.... ياحبي لهم"
روان :" يجننووووون"
نهى :" هههههههه والله كانت المباراة حلووووة"

الكل كان فرحان بفوز الهلال..
الا الجوهرة اللي ماتحب هالامور..

روان :" اشوى كلكم هلاليين"
خالد بااعتراض :" انا نصراوي.. شعندك؟"
روان بقرف :" نصراوي؟... وعععععععع"
وليد مستغرب :" خالد؟... اعرفك هلالي؟"
خالد يضحك :" ايه بس دام روان هلالية انا نصراوي... (( يتهزى)) يكفيك حارسهم"
نهى :" ياربيه.. لاتذوب... يابابا يكفيك الشلهوب والقحطاني"
نورة تضحك :" تصدقون خلفية كمبيوتر روان ياسر القحطاني؟"
خالد :" تحبينه؟"
روان بتهبل فيه :" ايه.. شعندك؟"
خالد بجدية :" تغيرين الخلفية اليوم فاهمة؟ وتحذفين كل صورهم"
روان بضحكة :" لا.. ماابي"
خالد :" رووووين.. منيب مكلمك عالماسنجر لما ترسلين لي صورة خلفيتك مغيرة"
روان بإستهزاء :" لا تكفىىى.. كلمني.... ابركها من ساعة"
خالد بعصبية :" روانووووه.... اعقلي"
روان خافت :" وش سويت انا؟... اصلا نورة حاطه هالخلفية"
خالد :" ايه اشوى.. خلك عاقلة"
روان :" بس احبه"
نهى ووليد ونورة :" ههههههههه"

:::::...هنا يقوم ريان ويجلس قدام بالمكان الفاضي.. وباين عليه تعبان..::::

خالد :" ريان وين ؟"
ريان يشرب موية ويمسك راسه :" مصدع.. ابي بندول"
نجلاء اللي كانت اذنها عندنا :" انااااااا معي"

وتقوم وتعطي وليد..
الكل يناظر الوضع مستغرب.. وش فيه ريان؟...
ونجلاء وش سالفتها؟..
وعطته نجلاءالعلبه كامله..

ريان:" لالا بس باخذ لي حبه "
نجلاء:" لا عاادي خل العلبه عندك انا ما احتاجها"
ريان :" تسلمين"
خذها ريان واكل حبتين وحط الباقي بالدرج..

الكل كان يراقب ريان ونجلاء والفلم المصري اللي صاير بينهم..
ريان ياحليله على نياته..
بس نجلاء كانت تحاول انها تبين اهتمامها له باي وسيله ..

نهى بخبث :" وليد"
وليد :" هههههه هلا... آمري"
نهى تمثل انها تعبانة :" راسي مصدع.. آآآه ممكن تعطيني بندول؟"
وليد يآخذ العلبة من الدرج ويعطيها نهى وهو يضحك..
نهى تكمل تمثيل وضابطه الدور :" لا لا انا ابى حبه بس .."
وليد بإصرار :" لا لا ما يصير لازم تاخذين العلبه كامله يمكن تحتاجينها"
تآخذها نهى :" تسلم"

رجع وليد جنب خالد بهدوء... والكل يراقب الوضع مستغرب..
ثواني..
ووليد ونهى ميتين ضحك....

هههههههههههههههههههههههههههههههههههههههههههههههههه ههههههههههه

نجلاء تدخن من العصبية...
وريان رجع مكانه بقرف..

ونورة وروان والجوهرة ماعجبتهم الحركة..


ريان :" بروح للوكيلة.... احس اني تعبان"
نايف يقوم :" بجي معك"
يقومون نايف وريان يطلعون من الفصل..
وخالد ووليد واقفين عند الباب..
تقوم نهى تعتذر من نجلاء لان البنات هاوشوها على تصرفها البايخ..
خذت علبة البندول وعطتها وتأسفت بصت مو مسموع..
وبترجع مكانها..
الا تشوف ورقة على طاولة ريان..

ليه ترحل وتتركني...ما انت خابرني اضيق...؟؟
والا انا عندك رخيص... ياخي وش هذي الطبوع..؟؟!!
لايغرك كبر جسمي...بداخلي طفلٍ رقيق..
كل ماشافك يهلي...كل ماشافك يموع...

رحمته..
بتهور..
سحبت الورقة ودخلتها جيبها ورجعت مكانها..!!


::::::...... انتهى اليوم.... وانتهى الاسبوع.......:::::


بس الجزء توه..

ماانتهى.....