دلوعة امها.. (*35)
هلا وغلا فيك.. نورتي يابت..
فرحتيني بردك.. اتمنى الجزء عجبك..

شادن.. (*40)
مشتاقة لك ياذوق.. شكلك تحبين القصص.. وان شالله تعجبك القصة..

مس.. (*37)
هلا فيك والله.. انبسطت على ردك.. تسلمين عليه..

د.رائع.. (*23)
مشكور اخوي عالتعديل.. معليش تعبتك معاي..
بالنسبة لتوقعاتك يمكن تكون صح.. اما التؤام احس احلى شيء بالقصة..
ههههه هذا وانت تقرى تلخبطت كيف لو كانو قدامك؟

المجروحة.. (*33)
هههههههه نهى حالتها صعبة.. الله يستر الضحك لوين بيوديها..
الف شكر على ردك الحلو..

الاسبوع الثاني.. يوم السبت..

مي ووجدان يمشون مع بعض.. جاء عبدالله نادى مي..
مي : وجدان تجين معاي؟
وجدان: ليش؟ اجلسي معاي؟
مي: تعرفين الاربعاء غبت وهو مشتاق لي.. وانا جلست معك فبروح معاه
رقت وجدان للفصل وهي حايمة كبدها.. جلست ورى مي فيه مكان فاضي..

الحصة الاولى علينا انقلش..
دخل مصطفى ويبي يختبر ريان..
مصطفى : تعال ادامي هنا.. مش عاوز غش
جاء ريان بكل ثقة وجلس قدام فيه مكان فاضي.. على يمينه بنت وعلى يساره دلال..
مصطفى عطى ريان الورقة وبدى يشرح الدرس.. دلال كانت عيونها على ورقة ريان.. قرت الاسئلة وشافت اجوبته الغبية رحمته.. طلعت ورقة وكتبت الاجوبة..
روان بهمس: وش تكتبين؟
دلال: الاجوبة لريان.. مسكين الاسئلة صعبة
روان بخبث: اها.. الاسئلة صعبة.. اممم.. طيب انتبهي ترى مصطفى يناظرك
حطت دلال الورقة في قلم ومدته لريان..
ريان: وشو هذا؟
دلال: قلم!
خذ ريان القلم وهو مستغرب.. فتحه ولقى ورقة وفيها كلام.. مافهم شيء منه بس كل اللي فهمه ان دلال بتغششه.. لف عليها وابتسم وهي بادلته الابتسامة لاول مرة..
مصطفى: دلااااال
دلال مرتاعة : يس؟
مصطفى: مالك؟ مابتشاركي ليه؟

خلصت الحصة وجاء ريان شكر دلال باسلوب حلو.. ونهى تضحك عليهم..

الحصة الثانية رياضة..
نزل كل الفصل الا روان تدور كيستها.. وخالد يقرى ورقة.. ومحمد نايم..خلصو بنفس الوقت..
خالد: مانقوم محمد؟ ههه
روان: ماراح يقوم
خالد: زين معك كيس؟ حطي دفتري معك
خذته روان وطلعت نزلت بسرعة.. بتلحق على نايف قبل مايلعب..
خالد: شوي شوي اخاف يطيح الدفتر
روان: لاتخاف ماطاح.. خذه
خالد : المفروض اشكرك.. بس ماودي
روان: مب محتاجة شكر منك
خالد: اكيد.. يكفيك اني معطيك دفتري.. صارت كيستك مبروكة
روان: ياشين الثقة ياناس.. اقول بلحق عالحصة انا

الفسحة..
نبشركم.. اليوم دخلت نورة تشتري لنا.. بس ماصار لها شيء لاتخافون..
مي ووجدان قامو يمشون.. جوهم عبدالله ونايف وياسر..
مي: وجدان بتمشين معاي انا وعبدالله؟
ياسر: لا تخرب عليكم.. خلوها تجلس معنا
وجدان: لا برجع للبنات
ياسر: مو مشكلة.. نوصلك
مشت وجدان وهم يمشون معها وهي حاسة شكلها غلط بينهم.. جت وجلست مع البنات وهم يضحكون عليها..
دقايق الا جانا ( حمد) الولد اللي دايم يلاحق دلال.. هالمرة قامت دلال معاه..
حمد: ابي اكلمك بموضوع من زمان.. بس انتي شكلك ماودك؟
دلال : اممممم.. (دق الجرس هنا يعني خلصت الفسحة.. دلال لقت عذر) بس دايم وقتك غلط.. برقى اللحين
حمد: لا خليك.. انحاشي هالحصة ابي اكلمك
دلال: انا ماانحاش.. بروح للفصل

الحصة الخامسة..
علينا عربي..
نايف: نورة.. خذي هالورقة
نورة تلف عليه وهي متشققة بس تستغبي: وش هذي؟
نايف: وليد يقول وصلوها لنهى
تحطمت نورة وعطتها نهى.. كلنا نناظر نهى متحمسين.. فتحت الورقة
( فيه محشش مسكته الدورية قالو له طلع الرخصة قال أي حشيش واي بطيخ خخخخخ)
ضحكت نهى وكتبت له نكتة وارسلتها له.. نورة ونايف حلقة الوصل.. يعطون بعض وهم يضحكون عليهم..

الطلعة..

جاء خالد ونادى روان.. قامت معاه.. وراها رسالة حب.. مكتوب فيها من آر الى خالد..
خالد: الرسالة هذي منك؟
روان بااحتقار: لاوالله.. ماسواها الا انا؟
خالد: يعني؟
روان: مو مني.. مافيه آر غيري يعني؟
خالد: بس انا شكيت انه انتي؟
روان: خير؟ انا اكتب كذا؟ لا ولك بعد؟
خالد: وليش ماتكتبين لي؟ خليك احسن من هذي اللي ماادري من هي واكتبي لي
روان: لو خلصو الاولاد كلهم ماكتبت لك
خالد: ههههههاي.. اعرف انك تموتين فيني بس تكابرين
روان: نعمممم؟
راح خالد وخلاها واقفة مكانها مصدومة.. الحمار واثق من نفسه.. هذا اللي ناقص اكتب له.. اصلا لو بكتب بكتب لنايف.. مو هالغبي.. حتى ماكلف على نفسه ووصلني لصديقاتي

انتهى اليوم.. وبدت اليوم احلام روان لحب نايف تكبر.. ونورة نفس الشيء..
ياترى..
هل ممكن بيوم يعرفون عن بعض؟ والاهم.. وش بيسوون بعد كذا؟

يوم الاحد..
دخلت روان الفصل.. العادة اول ماتدخل تتاظر نايف وتنبسط.. اما اليوم مافكرت تناظره اصلا.. رفعت راسها شافته يناظرها.. نزلت راسها بارتباك وحيرة.. بهدوء جلست مكانها لان الاستاذ شديد شوي.. تذكرت امس سوالفها مع نورة..



نورة: اما حركة وليد بايخة.. المشكلة نهى معطيته وجه
روان: انا متحمسة على بالي عنده سالفة
نورة: وانا الغبية انبسطت لما عطاني نايف الورقة على بالي لي.. مافلحت الا بعيال اولى اول البزارين.. يمشون ويرقمون..
روان بخوف: ووش معنى نايف؟
نورة: يااختي هالانسان يعجبني.. ماادري ليه؟ بس الكلام لايطلع.. تراني ماقلت الا لك
روان برعب: تحبينه!
نورة: لما يحبني بحبه.. بس اللحين مجرد اعجاب..


انصدمت روان.. على طول قررت تنساه.. مجرد انها تحبه فكرة غلط.. كيف سوتها؟ على طول حبت؟

( رواااان قومي جاوبي عالسؤال)

رفعت روان راسها بخوف المعلم شديد ماعرفت تجاوب لان كل اللي يدور ببالها كلام نورة خلاص.. انا لازم اترك نايف..

الفسحة..

نورة: وحدة تقوم تشتري لنا.. انا امس شاريه
دلال : لاتناظريني.. نو وي
مي: انا بشتري.. روان وش تبين؟
روان: ولاشيء
نهى: خليها شكلها بتسوي رجيم.. انا ابي.....

خذت مي الطلبات وقامت مع وجدان.. شرو لنا ومشو.. جوهم عبدالله وياسر
عبدالله : مي تعالي امشي معي
ياسر: وانا بتخليني لحالي؟
عبدالله : اممم.. فيه وجدان تمشي معك
وجدان طفشت.. مب حالة هذي مع مي.. عناد فيها بمشي مع ياسر.. مشت معه وانبسطت.. سواليفه حلوة

وليد كان جالس مع الشباب وقام عنهم هو وخالد..
وليد: بروح اجلس مع نهى تجي معي؟ البنت مرجووجة
خالد وقف: امممم.. ماينفع.. روح اجلس انت انا برجع للشباب
وليد: بس.. طيب.. بروح اوسع صدري
راح وليد ورجع خالد مع ريان ونايف وهو يفكر في حالة وليد.. معقولة حب نهى؟ والا ليش يحب يجلس معها؟ لا مااتوقع.. كل يوم الصبح اركب مع اخته سمر واحب اسولف معها واتضايق لما تركب مع امها وماتجي معنا..
حتى روان.. انبسط لما اتطاق معها.. ناظر روان المكتئبة.. وش فيها اليوم هادية؟ العادة كل يوم لازم طقاق معها؟ حس بشيء ناقصة..
شاف ياسر يمشي مع وجدان.. ياسر اموره ماشيه مع البنات.. ونايف طايح مع بنات من فصل ثاني.. عبدالله من زمان مخلص مع مي.. اما ريان شكله ماعجبته ولابنت.. الظاهر..
الي مايحب بنت.. ماعنده قلب!!
بالاخير..
قرر يروح يسوي اللي بباله.. بيروح يطلبه من فاتن واذا رفضت.. فيه ولد اسمه مشعل.. داج.. عنده كل المعلومات عن أي بنت.. بطلب منه..

جاء وليد وجلس يسولف مع نهى ويتريقون العالم.. استغربت نورة بس حست انها بتتعود على هالامور فحاولت تتأقلم عالوضع.. روان حزينة في حالها..
جت فاتن بعد ماكلمت خالد..
فاتن: دلال حمد غايب اليوم
دلال : جعله كل يوم مب يوم

بالطلعة..

مي جلست معنا ولامشت مع عبدالله.. وجدان ودها تقهرها وتروح تمشي مع ياسر.. بس شافتة يمشي مع بنت؟.. العبيط.. توه ماشي معي؟

انتهى يوم الاحد.. وبدت احزان روان.. وصداقة وجدان.. وهبال نهى ووليد..
بس دلال.. وش بيصير عليها مع حمد؟

يوم الاثنين..

الحصة الاولى..
كان علينا فراغ فطلعو نهى ودلال ونورة برى.. روان مالها نفس.. جالسة تتذكر امس لما دخلت ماسنجرها ولقت اضافة غريبة.. قبلت.. لقت اللي ضايفها متصل.. كلمته.. حاولت تعرف مين هو.. بس ماعلمها.. شخص غريب.. يبي بس يسولف معاها.. طفشت منه وطلعت..

انقطع تفكيرها لما شافت خالد قدامها..
خالد: العمة راضية علينا؟ وش الطاري؟
ماردت روان فكمل : ليش ماتطلعين معاهم؟ تعبانة؟
روان : مالك دخل
خالد: اوووه.. شكلك معصبة!
روان قامت : طيب بطلع معهم.. ارتاح..

طلعت روان معهم ولقتهم جالسين بزاوية.. توها جالسة الا جاء (حمد) ونادى دلال..

حمد: وتقولين ما انحاش من الحصص؟ تعالي بكلمك
دلال: علينا فراغ وطلعت.. مايمدي تكلمني بتجينا تيتشر مزنة اللحين
حمد بجرءة يمسك يدها : دلال.. انتظرتك كثير.. قومي معاي
نورة : نعممم؟ ويننا فيه؟ وخر عنها
حمد: وانتي وش دخلك؟
نورة : دلال انتي دخلتني.. صح دلال؟ ( دلال تهز راسها يعني ايه)
سحبت دلال يدها بس هو ماسكها.. نورة وقفت تتفاهم معه.. نهى خايفة.. روان مسكت نهى ودخلتها للفصل
نهى: روان؟ تبيننا نخليهم كذا؟
روان سفهتها وقربت من ريان ونادته..
ريان: وش السالفة؟
روان: دلال.. والا اقول لك تعال بسرعة..
طلع ريان معها وشاف حمد يحاول يقوم دلال.. ودلال ماتبي.. تركها فطاحت او اختل توازنها.. ونورة تصرخ..
جاه ريان مسكه من رقبته وجلس يهزء..
ريان : وش تبي منها؟
حمد: انت لاتتدخل!
دلال: ريان وخر عنه بليز.. هذا كريزي!
ريان: تضرب بنت يالغبي؟ اسسممععع.. ( نظرات تحدي) لو مرة ثانية شفت زي هالموقف ماتلوم الا نفسك.. فاهم؟
حمد يحاول يبعده عنه : وخر عني! ( وضرب ريان برجله)
بدت اصواتهم ترتفع.. البنات ماتو من الخوف..طلعو الشباب..نايف وياسريتضاربون معهم.. وخالد ووليد يفكونهم.. ونورة تهزء.. فجأة.. طلعو المدرسين.. حمد انحاش بصعوبة.. والبنات دخلو.. الشباب سوو نفسهم عادي..

مرت الحصص الاولى ببطء وكآبة.. محد يشارك ولااحد يشاغب ولاشيء.. الكل ضايق صدره وخايف من اللي صار..

بالفسحة..
كالعادة.. مي مع عبدالله ووجدان مع ياسر اللي غصب وجدان انها تغني لانه سمع ان صوتها حلو..
وجدان: فقدتك.. يااعز النااااااس.. فقدت الحب والطيبة.. وانا من لي.. بهالدنيا.. سواك ان طالت الغيبة.. رحلت ومن بقــ......
ياسر فجأة يقاطعها: مالي خلق امشي.. اجلسي
وجدان وهي تجلس: وش فيكم اليوم؟ محد له خلق؟
ياسر: ذكرتيني فيها.. مااقدر اتخيل شكل الساحة بدونها
وجدان: مين؟
ياسر: آآآآه.. ماراح تفهميني.. وجدان.. انا حبيت وحدة.. عشقتها.. متت فيها.. داومت اول اسبوع.. وبعدين هالاسبوع منعوها اهلها من الدراسة.. لما شافو الوضع كذا
وجدان: خلاص ماراح تداوم؟ ليش تعذب نفسك معها؟ خلاص.. ماتقدر تشوفها.. ولا تكلمها ولاشيء.. لازم تنساها..
ياسر: وجدان.. ماراح تفهميني.. انا احبها.. وانتي ماجربتي الحب..
جلست وجدان تكلمه وتهديه.. وباين عليه اقتنع من كلامها
..............
روان: يله بسرعة روحي له اللحين
دلال: فشيلة مع اصدقاءه؟
نهى: يله بس.. خلصينا
راحت دلال نادته.. جاء وهو مستغرب..
دلال : ثانكس ريان عاللي سويته لي اليوم.. فري فري ثانك يو..
ريان: اوووووف وبعدين معك؟ ليش تحبين تحرجيني؟ تكلمي زين مافهمت
دلال: ههههههههه اقول لك شكرااااااااا مرررررررررة
ريان: العفو.. ماسويت شيء.. الصراحة انا ماكنت استلطفك.. بس انتي طلعتي احسن مني وساعدتيني بالاختبار.. حسيتك طيبة.. وحسيت بتأنيب الضمير.. ولازم ارد لك جميلك.. بس بطلب منك طلب
دلال: وشو؟
ريان: اممم.. انتي بنت حلوة.. ( احمر وجه دلال) ولازم بتتعرضين لمثل هالمواقف بطلب منك تعلميني بأي شيء يصير لك
دلال: لا وين؟ استحي.. باليالله جيت شكرتك.. فاتن غصبتني.. وروان ونهى يسحبوني..
ريان: ليش تستحين عادي.. اعتبريني اخوك
دلال: اوكي.. بس صعبة اناديك قدام اصدقاءك؟؟
ريان: اممم.. وش رايك تاخذين رقمي؟.. لاتقولين صعبة والا استحي؟
دلال بتردد: لا بس.....طيب.. مو مشكلة..
ريان: عارفك بتاخذينه وماراح تدقين؟ دقي..
خذت دلال الرقم وراحت عنه وهي تفكر فيه.. ريان طيب وواضح.. اجل ليش كان يعاملني كذا؟
كالعادة.. انتهى اليوم بسرعة..
وبدت معاه.. علاقة دلال مع ريان.. ووجدان مع ياسر.. والشخص المجهول لروان..
وش بيصير بعد كل هذا.. بيستمرون على حالهم؟

يوم الثلاثاء..
ماصار شيء مهم بس بالفسحة..
طول الفسحة وجدان جالسة مع ياسر تحاول تخفف عنه وتنسيه.. ومي وعبدالله يمشون.. قربو منهم..
عبدالله: وش تسوون؟
وجدان: ولا شيء
مي: وش تقولون؟
ياسر يبتسم: زي اللي تقولونه انتم
مي بغرور: لا مااتوقع..
وجدان: قاعده اقنع هذا العنيد انه ينساها.. بس هو مو راضي..
ياسر: مااقدر انساها لما القى وحدة بدالها
عبدالله بذكاء: ولقيت؟
ياسر يناظر وجدان بغرابة: ايه.. لقيت.. وحدة تسواها وتسوى اهلها بعد.. بس انا الغبي توني انتبه لها
مي بخبث: مين؟
وجدان خافت يصدمها بحب جديد: ومخليني ساعة اقنعك؟ كش عليك وعليها.. الشرهة علي اللي معطيتك وجه
عبدالله: وش فيك وجدان؟ تغارين عليه؟
وجدان: لا.. مو كذا.. بس انا متحمسة واقنعه وهو ناسيها؟ ويخليني احاول اقنعه واتعب واتكلم؟
ياسر: توني انساها.. اللحين.. لما انتبهت لوجودك بحياتي
مااستوعبت وجدان.. ضحكت مي ومسكتها ومشت معها تفهمها..
.........
ريان نادى دلال يسألها ليش مادقت امس.. وليد جلس مع نهى و نورة اللي بدت تستلطفه.. يستهبلون.. اما روان ماكان لها نفس له.. جالسة معهم بس عيونها عالرايح والجاي.. طاحت عينها بعين خالد.. ابتسم لها بثقة ومشى..
اوووف.. اللحين يحسبني ميتة عليه وجالسة اناظره.. تذكرت الشخص المجهول امس.. فتحت ايميلها لقت منه:
( اذا تبين تعرفين مين انا ادخلي اليوم المغرب) طبعا من العصر لليل وهي تستناه يدخل بس مادخل..

الحصة الرابعة..
كانت فراغ..
حست روان بضيقة فظيعة.. وطلعت برى.. غمضت عيونها و جلست تفكر في.. مكابرتها ومحاولاتها في نسيان نايف.. وموقف دلال امس طول اليومين قدام عيونها.. الايميل الغريب والشخص المجهول.. صديقاتها وانشغالهم عنها.. خالد وثقته بنفسه وهو متصور انها تحبه.. كل شيء تجمع عليها.. بدون شعور دمعت عيونها..
فتحتهم ولقت خالد جالس جنبها ويمد لها منديل.. ارتبكت وارتاعت..
روان وهي تمسح دموعها: من متى وانت هنا؟ وليش ماحسيت فيك؟
خالد: لانك مشغولة وجالسة تفكرين فيني
تنهدت روان وقامت.. بس خالد جلّسها
خالد: روان.. زعلانة مني؟ انا مضايقك في شيء؟ ( روان تهز راسها يعني.. لا)
خالد بجدية: طيب.. بقول لك.. لو جاء يوم.. و.. (سكت)
روان: ايه
خالد: ضايقتك في شيء.. اتمنى انك... (وسكت)
روان وهي متوقعة كلمة ( سامحيني) : ايه
خالد: تضربين راسك بالجدار ههههههه
روان قامت وهي تقول : بايخ.. سخيف.. ماتضّحك
خالد يجلسها : لا والله من جد.. انا آسف.. غلطت عليك
روان: في ايش؟ انت غلطت علي في اشياء كثيرة
خالد: بقول لك.. بس اوعديني ماتزعلين مني ولا تقومين وتخليني
روان: اممم.. على اني مو مجبورة بس اوعدك
خالد: شفتك هذي اليومين ضايق صدرك.. وماتعطيني وجه.. فأخذت ايميلك من فاتن واضفتك..
روان: يعني انت اللي تكلمني عالايميل؟ ( بعصبية) ماقلت لك انك بااااااااايخ! (وقامت)
خالد: لحظة.. انتي وعدتيني.. اسمعيني للآخر طيب.. ( جلست روان).. الصراحة روان.. انا حاولت اتقرب منك بكم طريقة.. بس انتي ماعطيتيني وجه.. مالقيت الا هالحل.. ماابي منك شيء.. بس انك تكلميني عالايميل
روان بتررد : ولو ان طريقتك غبية.. ومادوي.. بس يله.. معليش..هههههه
خالد: انتي الغبية مو انا؟ ( ورجعو يتطاقون خخخ)
.................
انتهى الفصل الدراسي الاول.. طبعا.. الغالبية رسوووب.. لان الشباب يغششون البنات وكل اجاباتهم غلط..
نهى ووليد.. مازالو على حالهم ضحك وهبال..
مي وعبدالله.. ماشين مع بعض
وجدان وياسر.. بدت تتحول صداقتهم الى حب
دلال وريان.. كل امورهم واخبارهم عند بعض..
روان وخالد.. طقاق في طقاق.. بس بالماسنجر.. فيه شوي تفاهم
نورة.. حبت نايف بس بصمت..
محمد.. مازال على حالة النوم الغريبةّ!!
تتوقعون هالحال يستمر لحد متى؟ انتظروننا بالفصل الدراسي الثاني.. مع احداث جديدة..

...............

راااااااااااااااااااااااااايكم ؟!! (*37)

هذا الجزء الثاني..
اذا شفت تفاعل بنزل لكم جزء جديد بعد كم يوم..
هدية للناااااااجحين..

واتمنى يعجبكم الجزء.. ( بعد التعديل)
انتظر رايكم وتوقعاتكم...