مس..
الشكر لك عالرد الحلو.. واتمنى الاجزاء الجاية تعجبك اكثر.. (*8)
دام تواصلك..

شادن..
هلا وغلا فيك..
فاتن كلنا نكرهها.. (*18) الله يستر وش بتسوي بعد..
اشوى ان الجزء عجبك.. لاعدمناك..

دلوعة امها..
حاولت اعدل الجزء..وبنتبه بالاجزاء الجاية ان شالله..

امير الذوق..
هلا فيك اخوي.. وابله مزنة بتملون منها.. فيه شخصيات جديدة بالترم الثاني..
وتسلم على مرورك.. (*37)

جمووووووووونة..
تصدقين ماعرفتك!! ههههههه (*33)
ليش هالصمت؟ ابي رايك؟ (*23)
وتسلمين عالرد..

المجروحة.. (*35)
انتي الاحلى يالخبلة.. << عادي تمون!! (*33)
حلووووة باسرع من الجمل.. ههههههه اول مرة اسمع فيها!!
حصص الفراغ كثيرة لان فيه نقص بالعلمين.. ولاننا ببداية السنة فمافيه دروس..
والترم الاول خلص بسرعة لاني مانويت اطول القصة مرة..
اربع او خمس اجزاء وتنتهي..


مشكورين يالغالين على ردودكم..
ادري تأخرت بالجزء.. آآآآآآآسفة كثيررر.. (*13)
بس لاني رجعت اقرء الجزء وحسيت فعلا ان كل شيء ورى بعض.. ويلخبط شوي..
فرجعت عالجزء وحطيت مسافات وعدلته.. ورحت للاجزاء الجديدة وعدلتها بعد..

اتمنى انكم تعذروني..
وبعوضكم بهالجزء.. اتمنىىىىىى يعجبكم.. (*37)

الجزء الثالث..

الفصل الدراسي الثاني..

يوم السبت..

دخلت نهى المدرسة وابتسمت لما شافت وليد قدامها.. الخبل هذا يضحك..
جاء سلم عليها هو وخالد.. صافحوها بيديهم بس..
زين وصلت لهالحد بس مب زي اللي تشوفه قدامها.. عبدالله كان يسلم على بنت ويقرب خده من خدها وكأنه باسها!! لا.. مستحيل؟ طيب ليش يسوي كذا؟ والمشكلة صريح ومتهور.. قدام الكل؟
بس البنت غريبة ماقد شفتها.. ؟؟

طنشت ورقت للفصل لقت دلال وريان جالسين فيه لحالهم.. سلمت عليهم..
نهى تحط شنطتها : "آسفة قطعت كلامكم.. اخليكم"
ريان يوقف:" لا عادي ماعندنا شيء.. اجلسي.. انابطلع"
جلست نهى وعلى طول قالت لدلال عن المنظر اللي تو شافته..
دلال :" اوه ماي قاد!! نقول لـ مي؟"
نهى بحيرة :" ماأدري.. يمكن ماتصدقنا.. او يمكن نسبب مشاكل بينهم.. نسكت احسن"
دخلو وجدان ومي.. سلمو..
وجدان : "ماجاء ياسر؟"
نهى: "ماشفته.. بس شفت عبدالله"
مي:" ايه.. سلم علي"
نهى :" وشلون سلم عليك؟ اممم.. قصدي باليد بس؟"
مي تروح تحط شنطتها:" ايه.. اجل؟ ( تطلع شيء من الشنطة) بنات.. ماوريتكم رسمتي"

شفنا رسمتها عبارة عن شمعة على شكل قلب احمر.. مشتعلة وتذوب.. ومكتوب تحتها ( حرقت قلبي)
اول ماشافتها نهى رحمتها.. وقررت ماتقول لها شيء..

دخلو الطلاب الفصل ودخل وراهم مصطفى.. ملاحظة.. دلال كانت تعلم ريان شوي انقلش ايام الاختبارات وتعلم شوي..

مصطفى:" ازيكو مع الفصل داه؟"
الشباب:" بداية حلووووة هههه"
مصطفى: "فيه وقوه قديدة مشرفانا.. نتعرف عليها الاول.. مين انتي ياأمر؟"
نجلاء بإبتسامة واثقة :" نجلاء.."
مصطفى:" اهلا بيكي.. وانتي ياوردة؟"
الجوهرة متضايقة :" اسمي الجوهرة.."
مصطفى:" وانت يامحمد.. حتظل نايم لحد امتى؟"

ترتيب الفصل..
فاضي- الجوهرة... دلال- روان
محمد- نايف ... نورة- نهى
وليد- خالد ... طلاب
فاتن- مي ... ريان - ولد
وجدان- نجلاء ... عبدالله- ياسر

بتكلم لكم عن الجوهرة ونجلاء.. هم من الفئة اللي اهلهم رفضو يدرسونهم بداية السنة.. ماحرموهم من التعليم وجابو لهم مدرسات خصوصيات.. لكن تعرفون اسعار المدرسات.. لا وكل المواد بعد..
فشافو ان فيه ناس كثير دخلو بناتهم والوضع صار عادي.. بالاخير وافقو.. بس الله يستر يمكن هالشيء مايكون لا في صالحهم ولا صالحنا..؟

على فكرة.. نورة صبغت شعرها.. وروان قصته.. وعرفو يفرقون بينهم..
طبعا زي بداية السنة مااخذنا دروس..

الفسحة..
كنا جالسين نسولف..
دلال تهمس :" روان ودي اجلس مع ريان.. من زمان عنه"
روان: "هههه الظاهر بترجع الحالة.. يله بقوم اناديه فهمتها.. بس قومي معي"
وراحت روان تنادي ريان ودلال واقفة بعيد شوي..
ريان يقوم :" معليش شباب شوي يبغونني"
خالد بغباء:" وانا ماتبينني؟"
روان بإبتسامة:" لا مانبيك.. اعوذ بالله منك تدخل نفسك في كل شيء؟"
خالد يستهبل :" لا تكفين.. بموووووت.. ناديني.."
ضحكت روان ومشت عنه وهي تشوف ريان ودلال سبقوها..
توها قاعدة الا مي ووجدان يقومون..
مي:" بروح لعبدالله ماادري وينه.. ووجدان بتروح لـ ياسر.."
وراحو للشباب..
ياسر شافهم من بعيد قام لهم مسك وجدان ومشى..
مي:" وين رايحين ومخليني؟ ياسر وين عبدالله؟"
ياسر :" تبينه؟.. دوريه تلقينه.. "
مشو عنها..
ياسر: " وجدان.. مشتاق لك.. ودي اجلس معاك زين"
وجدان: " كيف؟"
ياسر: " وش رايك اقابلك اليوم بمكان؟"
وجدان: " زي ايش مثلا؟.. سوق مااقدر اطلع لحالي"
ياسر: " لا.. نروح لكوفي شوب"
وجدان: " بكرة الاحد بنغيب.. نطلع بكرة.. ننادي مي وعبدالله؟"
ياسر:" لا.. خلينا على راحتنا"
....................
اما مي راحت تدور عبدالله.. لقته جالس بمكان شبه فاضي.. المصيبة..
معاه نجلاء!!
عصبت مي وودها تروح تكفخه.. بس مسكت اعصابها يمكن بينهم شيء؟ زي ايش مثلا؟
رجعت للبنات..
فاتن بلقافة:" مالقيتي عبدالله؟ تبينني ادوره؟ "
مي بإرتباك:" لا لقيته بس هو مشغول.... شوي وبيجي"
نورة: " بنات شفتو البنتين الجديدات؟ خل نروح نتعرف عليهم؟"
مي بسرعة : " لا.. نجلاء لا.. الجوهرة بكيفكم.. ( انتبهت لنفسها) .. اممم.. تو شفتها جالسة مع واحد"


بعد الفسحة..
رقينا فوق ولقينا الجوهرة جالسة لحالها.. قربت منها فاتن وجلست تكلمها.. بس الجوهرة متضايقة وكأنها مغصوبة تتكلم..استغربنا من الجوهرة.. وش فيها؟ يمكن ماتأقلمت عالوضع؟
نهى:" وش عندها فاتن مع الجوهرة؟"
نورة:" يعني ماتعرفين فاتن وطبعها؟ ماتخلي احد في حاله"
روان: " الله يستر لاتأثر عالجوهرة.."
نورة تقاطعها :" لا.. مااتوقع.. الجوهرة شكلها عاقلة"

انتهى كلاما لما دخلت مزنة..
الشباب :" اهلا اهلا استاذة.. كيف حالكي؟"
وليد:" افتقدناك واشتقنا لكي"
ريان : "والله العظيم اشتقنا لك.. وش خبارك وش لون عيالك؟.."
نايف: "منذ مدة لم نراكي؟"
مزنة :" اصمتووو.. ان ازعجتم فسأشرح لكم درس"
الفصل:" لا خلاص بنسكت"

بدينا يالبنات نسولف مع بعض الا مي.. كانت ساكته.. ماندري وش فيها؟
نهى :" مي وري البنات رسمتك ماشافوها"
قامت مي تروح تجيب رسمتها.. وعبدالله يناديها بس ماردت عليه.. استغربنا؟ رجعت لنا وورتنا..
فاتن:" حلوة.. بس النار حقت الشمعة كبيرة"
نورة :" لا تجنن.. بس انتي تدورين فيها عيب"
سكتنا واحنا نشوف عبدالله يجي وينادي مي.. ناظرته مي باستحقار بس لما انتبهت لنا قامت معاه..
عبدالله :" ليش ماتردين علي؟"
مي:" وش تبي فيني؟"
عبدالله : "بكلمك"
مي بعصبية : "روح كلم نجلاء"
عبدالله: "وطي صوتك.. مي لاتفهميني غلط.. نجلاء هذي تقرب لي"
جت مي وجلست معانا وسفهته.. اما هو استحى يلاحقها قدام الفصل فرجع وجلس مكانه..
وجدان: " وش فيك؟"
مي : "ولا شيء بس ودي اقعد معكم"
فاتن وهي تمد لـ مي الرسمة: "طيب خذي رسمتك؟"
مي بعصبية :" ماابغاها.. اللي يبيها ياخذها"
محد رد عليها فخذت الرسمة وشقتها من الوسط اما احنا سكتنا وانا نناظرها بذهول واستغراب..

ياترى..
كيف بيكون حال مي مع عبدالله؟ ازمة وبتعدي؟ والا مشكلة وبتكبر؟ الايام بتبين لنا هالشيء..
...................

يوم الاحد..
قررنا كلنا نغيب.. لان مافيه دراسة.. ووجدان قابلت ياسر.. شيء مهم صار بالطلعة..
ماراح اذكره لكم لان الاحداث كلها بتكون بالمدرسة.. بس بتعرفونه بعدين..

............

وينكمممممم يااعضاء؟؟ (*13)
الجزء صار له يومين نازل ولا احد عبره؟ (*20)
كنت ناوية انزل جزء جديد اليوم..
بس شكلي بأجله كم يوم.. (*23)
لحد مايرضى عليكم الجزء اللي نزل.. (*37)
استنى ردودكم..

(*37)

هلاااااا وغلاااا دلوووووووووعة.. (*35)
اخيرااااااا احد رد..

بالنسبة لــ عبدالله ماراح لحد الان..
بس قال لوجدان.. يبي يروح يراضيها..
واهل مي وش يدريهم؟

لا تستعجلين بالاحداث.. (*37) شوفي الجزء الجديد واحكمي..

الف شكر على مرورك.. (*40)

سعودية فلة..
اسعدني تواجدك.. انبسطت لما دريت انك قريتي القصة.. (*40)
ادري اشغلتك.. اعذريني.. بس والله نسيت!! (*15)
اهم شيء ان القصة عجبتك..
ودام تواصلك.. (*37)