الجزء صار له اكثر من اسبوع نازل..
ولا شفت الا ردين؟ (*13) .. ابفهم..
الجزء ماعجبكم؟ او القصة ماعجبتكم؟
اوقفها؟ (*7)
انتم قولو وقفي.. مانبيك تكملين.. ماعجبتنا.. وانا اوقف..
مو تعلقوني كذا؟ (*14)
ماودي اتأخر بالجزء اكثر.. اتمنى القى حل..

واوعدكم.. ماراح اسوي الا اللي يرضيكم.. (*37)

دلوعة امها..
ياحبي لتس بس والله.. (*35)
ولا يهمتس ابكملها علشانتس..
بس ابعرف راي الاعضاء الباقين؟ (*7)

الف شكر لتس على مرورتس.. (*37)

انا عاذرتكم وربي..
يمكن قسيت عليكم شوي.. بس انتم افهموني.. (*8)
تعبت بكتابة جزء كامل.. ونزلته لكم.. ابعرف.. فيه انتقادات؟ فيه ايجابيات؟
علشان انتبه المرة الجايه..
بعدين انا اكتب قصة من اجزاء.. لا تبخلون علي بردود.. من سطرين او ثلاثة.. (*35)
المدة طالت.. وقهرتوني.. (*32)

بس بالاخير.. اشوى.. بيضتوها..
خليكم كذا .. (*40) علشان لا يتأخر الجزء..
بعدين كلها تقريبا ست اجزاء.. مابقى الا ثلاثة بس..
اتحملوني شوي.. (*23)

الصراحة.. انبسطت بردودكم.. (*37) علشان كذا بنزل لكم هالجزء...
اتمنى يعجبكم.. (*10)

برب..

الجزء الرابع..


يوم الاربعاء..

دخلت وجدان وهي معصبة وودها تذبح اللي قدامها.. تمنت تلقى ياسر قدامها بس اكيد جالس مع اصدقاءه.. دخلت الفصل ولقت نهى ودلال قربت سلمت عليهم
وجدان: " ليش غايبة امس؟"
نهى: " تعبانة شوي.. انتي وش فيك؟ وجهك اصفر؟"
وجدان:" مافيني شيء"
دلال: "وجدان؟ اوه ماي قاد؟ واتز هابند؟"
وجدان تناظرها بقرف: "ولا شيء"
راحت لمكانها وانصدمت لما لقت نجلاء جالسة جنبها.. هي دايما جنبها لكن بعد اللي صار.. كرهتها.. حطت شنطتها وجلست بدون ماتسلم
نجلاء:" كيف الحال وجدان؟"
وجدان:" زفت.. ولو سمحتي ماابغى اسمع صوتك"
!! وش السالفة !! وش صاير؟
ارتاعو نهى ودلال اكيد صاير شيء قوي..
دخلت مزنة ودخلو وراها الطلاب.. اول مادخل ياسر ناظر وجدان اللي كانت تناظره باستحقار وارتاع؟ لف جنبه ولقاها تناظر عبدالله.. بعدين نزلت راسها.. شاف قدامها لقى مي غايبة!

دخلت روان بس نورة غابت بعد..
بدو الشباب يستهبلون على مزنة لحد ماطفشت وطلعت..
جت روان عند وجدان بتسألها عن مي..
لما قربت من خالد قال..
خالد:" ادري جاية تسلمين علي بس لا تتعبين نفسك .. انا زعلان"
روان وقفت وتحط يدينها على خصرها: "على اني ماجيت اسلم عليك.. وزعلك مايهمني.. بس ليش زعلان؟"
خالد:" امس مادخلتي ماسنجر.. وبالفسحة ارسلت لك وليد يناديك ولاجيتي.. وبالطلعة ناسيتني"
روان: "بالفسحة صديقك هذا (تأشر على وليد)
جالس يستعبط علي وعلى بالي يستهبل.. وبالطلعة انشغلت مع نورة.. وامس كله منشغلة مع نورة بالمستشفى.. اصلا انا زعلانة انت اللي ماسألت عني بعد امس واللي صار"


روان راحت لوجدان:" وجدان.. ارفعي راسك"
وجدان ترفع راسها :" نعم"
روان:" بسم الله عليك.. وش فيك؟"
وجدان: "ماينفع اقول لك اللحين.. ( تناظر نجلاء) موضوع خاص"
روان: "نجلاء ممكن تجلسين مكاني شوي.. ابجلس جنب وجدان.. والا اقول لك.. قومي مكان نورة.."
راحت وجدان جلست مكان نورة..
نهى: "وش فيكم؟"
وجدان : "مي بتترك الدراسة"
روان ونهى ودلال بخوف : " ليش؟"
وجدان: " تعرفون اللي صاير بين مي وعبدالله صح؟"
روان: " اللي فهمته انهم متخاصمين بسبب نجلاء"
وجدان: "عبدالله يدق عليها بس هي ماترد.. يحاول يراضيها بس هي رافضة.. امس غابت وعلى باله الاخ مسوي سنع....."
روان:" ليش سكتتي؟ كملي؟"
وجدان:" ارسل لها هدية.. ورسالة يراضيها.. "
نهى: " كيف؟"
وجدان :" قال لي خلها بصلاة المغرب توقف عند الباب وانا بجي اعطيها شيء.. انا قلت لها وراحت وقفت عند الباب.. جاء وناداها.. ماردت عليه بس قالت له معك شيء حطه عند الباب.. قال لها ابشوفك.... "
نهى :" طلعت له؟"
وجدان :" لا.. خافت ان اخوها يشوفها وهي تكلمه وطالعة له.. ورفضت.. حط الكيس عند الباب وراح.."
دلال:" المهم.. وش كتب لها؟"
وجدان : "خذت الكيس ودخلت بالوقت اللي اخوها بيطلع.. شاف معاها الكيس.. خذه منها بيشوف وش فيه.."
روان : " ليش؟"
وجدان: " لانه شاف من الشباك عبدالله واقف عند الباب.. لقى هدية ورسالة.. قرى الرسالة ومي حاولت تمنعه بس ماقدرت! "
نهى : "يوء؟ وش مكتوب؟"
وجدان :" ماندري.. بس اخوها هزأها وهاوشها وعلم امها....حرموها من الدراسة.. ووقفو كلهم ضدها.."
دلال :" وعبدالله؟ ماكلمته؟"
وجدان : " دقت علي وشبكتها معه.. وانهو كل شيء بينهم.. انا مرة خايفة على مي.. نفسيتها زفت.. وتعاملهم معها زفت"
روان :" لاحول ولاقوة الا بالله.. المفروض عبدالله سوى شيء.. طيب ماقال وش كتب؟"
وجدان : "ماسألته.. بعدين خلاص مو مهم وش كتب.. حتى لو عرفنا مانقدر نغير اللي كتبه"
روان بيأس : " يعني ماتقدر تكمل دراستها؟"
وجدان : " مو مهم الدراسة.. المهم انها فقدت حبها.. واهلها.. وانا خايفة عليها.. المشكلة ان امها قالت لأمي.."
نهى برعب : " لا عاد! لايكون مسكت عليك شيء بعد؟"
وجدان : " لا الحمدلله.. بس صارت تشك فيني مرة.."
سكتنا واحنا حاسين اننا مانقدر نسوي لهم شيء مابيدنا حيلة.. بس حاولنا نخفف عن وجدان اللي دايما تخفف عننا..
وجدان ماتحملت تجلس جنب نجلاء بعد اللي صار فقامت جلست مكان مي..
محد كان يتوقع ان مي تترك الدراسة.. بهالطريقة.. ولهالسبب..؟ مو معقولة؟ يمكن هي غلطت صح.... او يمكن عبدالله غلط.. لا.. كلهم غلطو...
واللحين بيتحملون نتيجة فعلتهم.. بس.. كلنا كذا؟
مي الرومنسية.. الرسامة.. المغرورة.. حبت عبدالله.. وعبدالله بعد يحبها..
ليش ينتهي اللي بينهم كذا؟

............

الحصة الثالثة..
علينا رياضيات.. دخل علينا سالم..
سالم: " يوم السبت بيكون درسنا عالكتاب.. كل واحد يجيب كتابه.."
وجدان بقرف : " تبغانا نجيب شنطتين! الكتاب يبي له شنطة لحاله.."
نايف:" انت وش سالفتك مع الدفاتر والكتب؟"
سالم:" اللي مب جايب كتابه لايحضر حصتي"
ريان : " احلىىى طردة.. خلاص شباب لحد يجيب كتابه.."
نهى: " بننطرد كلنا يوم السبت"
نجلاء : " لا انا بجيب كتابي"
وليد: "علشان ترجعين للبيت وكتفك مايل"
الجوهرة : "استاذ مو لازم كتاب"
سالم :" شكلكم ماراح تجيبون.. خلاص مو لازم!"
الجوهرة استغربت منه.. معقولة فيه ناس متخلفة كذا؟!! كلمة توديه وكلمة تجيبة؟ اصلا المدرسة كلها متخلفة!!
سالم : "قالو لكم عن الرحلة؟"
الفصل : "وش رحلته؟"
سالم :" الاسبوع الجاي بيطلعونكم رحلة.. ماادري وين.."
عبدالله :" خل يودوننا نادي"
روان:" لا والله؟ احنا نبغى سوق..؟"
دلال : " نو.. سوق قرف.. نبي... كوفي"
خالد:" واحنا نبي نادي.."
نهى :" بس سوق احلى.. تخيلو اشكالنا نتسوق مع بعض؟"
ريان: "اللي يسمعكم يقول ماقد رحتو مع بعض.. الا كل يوم مطيحين هناك.. نبي نادي بس"
سالم :" اممم.. انا في صف البنات.. سوق احسن"
وليد:" انت من زمان في صفهم"
روان : "خلاص.. سوق"
خالد: "لا.. نادي"
روان:" سوق يعني سوق.."
خالد يقلدها : "نادي يعني نادي"
روان :" اوووف.. لازم تعارضني بكل شيء؟ وش رايكم يابنات؟"
فاتن ونجلاء :" سوق"
نهى :" خلاص.. سوق"
ريان: "على كيفكم انتم؟ احنا نبي نادي.. او ملاهي"
واستمر نقاشنا بدون مااحد يقتنع براي الثاني.. وروان وخالد كانو متحمسين في طقاقهم..
وانتهت القضية بهزيمة الطرفين لان سالم قال :
سالم :" على بالكم بيآخذون رايكم؟ اصلا تلقونهم حددو وخلاص"
سكتنا كلنا.. وكل وحدة تفكر بهالرحلة..
ماندري.. هي صدق او اشاعة.. لوكانت صدق.. وش بيصير فيها؟


بالطلعة..
وجدان تمشي مع ياسر.. نهى ودلال وروان يسولفون.. جاهم وليد..
وليد يجلس :" روان وش اخبار نورة؟"
روان : " الحمدلله احسن.. طلع عندها تمزق بالرجل بس"
وليد: " اشوى يانهى انك جاية ماغبتي مثل امس.. والا كان جلست لحالي"
نهى:" ليش خالد والشباب وين؟"
وليد:" الشباب كل واحد بمكان وخالد منيب قايل.. استنى بعض الناس يحسون ويسألون عنه"
روان تضحك : " ههه واذا ماحسو ولااسألو عنه؟"
وليد:" يروحون يدورونه.. منيب قايل" (يطلع لسانه)
روان استغربت ليش مايقول : "امممم.. دلال قومي نمشي.."
وليد : "ههههه اول مرة تصدقينني بحياتك"
روان :" لا والله انا بروح لوجدان.. ابكلمها"
وليد :" ضايق صدرها علشان مي و عبدالله صح؟ الله يهديه عبدالله متهور"
البنات:" انت تدري بعد؟"
وليد:" مابقى احد مادرى"
قامو روان ودلال يمشون ولاول مرة نهى تجلس لحالها مع وليد.. طول الوقت يضحكون..
بس بتكون آخر مرة؟ والا بيكون الوضع عادي! وبيتعودون عليه؟


دورت روان خالد لقته جالس مع نايف وريان..
اما وجدان تمشي مع ياسر.. مرت من جنب الجوهرة فنادتها الجوهرة وراحت لها روان..
روان:" هلا الجوهرة.. ليش قاعدة لحالك؟ تعالي معنا"
الجوهرة :" لا عادي.. ماابي اشغلك بس بسألك عن نورة وش اخبارها؟"
روان:" تمام.. وديناها امس وطلع عندها تمزق.. جبسوها لها"
الجوهرة : "سلميني عليها"
جلست روان جنبها وبدت تسولف معها.. الجوهرة سواليفها حلوة.. بس مشكلتها مو اجتماعية..
وش مخبية لك الايام ياروان مع الجوهرة؟


....................
هالفترة قربت روان من الجوهرة..
ووليد.. مع نورة ونهى.. ووجدان... ونفسيتها..
وش بييصير عليهم؟
..............

يوم السبت..
داومت اليوم نورة ولان رجلها مجبسة وماتقدر ترقى الدرج نزلو الفصل تحت.. نفس ترتيبهم الا وجدان بمكان مي..
اول ماجت الكل سلم عليها وتحمد لها عالسلامة ..
الا نايف..!!
انقهرت منه.. وش بيضره لو سلم عليها؟ مطنشها ولاكأنها تعبانة..


اول حصة علينا انقلش..
مصطفى : " سلاملات سلامات يانورة.. ماتشوفيش شر"
نورة : " الشر مايجيك"
مصطفى : "شكلكم كذا مرتب.. مش زي الفصل اللي فوء"
ريان: " أي مرتب؟ حاطيننا جنب غرفة المدرسين؟"
وليد: " لو قلنا أأ سمعونا"
مصطفى:" مافيش مشكلة.. ايه رأيكو بمناسبة خروق نورة بالسلامة مافيش درس"
الفصل :" ايووووواااا"
نهى: " رب ضارة نافعة"
نايف: " نورة كل يوم طيحي"
وليد: " لا.. كل يوم بنت تطيح.. ماينفع كل يوم نورة.."
انبسطت نورة من وليد بس مب قد ماانقهرت من نايف.. وبعدين معاه هذا؟
لازم اشوف لي حل معاه.. اكرهه؟
وشلون؟ اتغلى عليه؟ مايحس..
من زمان ماشافني وماتغير.. ولا حتى سلم.. مع اني مشتاقة له..



الفسحة..
نورة : " اطلعو انتم.. انا تعبانة شوي.. مااقدر اطلع معكم"
دلال :" نو وي"
نهى : " مانخليك لحالك.."
الجوهرة تقرب مننا : " انا اجلس معها.. اذا تبون اطلعو.."
روان : " نروح نسأل عن الرحلة.. وبعدين نرجع....."
نهى :" لازم كلنا نروح؟"
الجوهرة : " ايه.. لازم.. ابله مزنة قالت لي تعالي انتي والبنات بالفسحة"
نهى : " نورة تجلسين لحالك عادي؟"
نورة : " ايه.. عادي"
روان : " بنادي وجدان وفاتن ونجلاء واجيكم بمكتب مزنة"
طلعنا كلنا وخلينا نورة لحالها..

طفشت نورة وهي تناظر بالفراغ اللي قدامها.. من زمان ماهبلت بأحد.. ناظرت مكان محمد.. اووووف.. حتى النوام طالع.. الفصل فاضي.. شافت المكان اللي جنبه..
دفاتر نايف مفتوحة ومحيوسة عالطاولة.. راحت لمكانه.. رتبتها.. جت ببالها فكرة..
فتحت دفاتره على آخر صفحة..
اوووووف..
فاضية.. العادة الدفاتر من ورى تصير كشكول..
سمعت صوت احد جاي.. رجعت بسرعة مكانها وطلعت المراية تتزين.. ماتدري ليش حست انه نايف..
انفتح الباب ودخل ريان.. ريان عربجي ومشيته مسموعة..
ريان : " نورة لحالك؟ وين دلال؟.. ( ينتبه).. اقصد البنات؟"
نورة متحطمة : " هاه.. راحو لمزنة وبيجون اللحين"
راح لمكانه اخذ شيء من شنطته وطلع..

اوووف.. ليش طلع؟
كان جلس معاي؟ هّو؟ منيب صاحية.. وش علي منه..
ماتدري ليش ودها تفتش شنطة وليد؟ يمكن تلقى شيء.. قامت.. وصلت لطاولة وليد.. شافت طاولة خالد عليها بطاقة نت.. ههههه الظاهر روان عادته..
رجعت تشوف دفتر وليد.. توها تمسكه الا تسمع صوت الباب ينفتح.. لفت بسرعة بترجع لمكانها الا تشوف نايف واقف عالباب يناظرها..
( وش تسوي هذي!!)
من الخوف والربكة طاح منها الدفتر.. وطاحت هي بعد.. قرب منها نايف وهو خايف..
نايف :" نوورة.. وش فيك؟"
نورة تقوم : " هاه.. ولاشيء.. بس شوي رجلي.."
يمسك نايف يدها وهي مستانسة.. جلسها بمكانه لانه اقرب مكان..
نايف : " وش تسوين لحالك؟"
نورة تصرف : " آآآه.. رجلي.. ( تمسك رجلها) .. تعورني"
نايف ارتاع : " بسم الله عليك.. انادي لك الطبيب؟"
نورة تمثل كأنها تتألم : " لاا.. لاتروح.. آآآآآآي.."
<< انبسطت لما حس واهتم..
نايف بخوف: " وش اسوي اللحين؟"
نورة ماسكة ضحكتها : " ولا شيء.."
نايف : " نورة.. خليني انادي الطبيب.. اخاف يصير لك شيء؟"
نورة تصرخ : " اااااااااااااااااه.. "

دخلنا هنا واحنا نشوف نورة جالسة على كرسي نايف تصاااااارخ.. ونايف جنبها وماسك يدها..
نهى طبعا ضحكت.. لانها عارفة هبال نورة.. اما روان ودلال قربو منها يشوفون وش فيها..
الجوهرة ماعجبتها حركة نورة ونايف لحالهم فرجعت مكانها..

طلع نايف وخلى نورة سرحانة تفكر فيه.. تحب تهبل فيه.. بس.. هو ليش مايحس فيني؟
والا ينتظرني اجي اقول له انا احبك؟
مستحيل يانايف.. انا نورة القوية.. ماراح ابين لك حتى..
لكني.. بستناك..

.................

بعد الفسحة..
جاء ريان نادى دلال..
ريان : " وين كنتي بالفسحة؟ مو بالساحة.. ولا بالفصل"
دلال: " كنت عند تيتشر مزنة.. نسألها عن الرحلة.. قالت انا بجيكم وبعلمكم"
ريان : " ايه اشوى.. بتطلعين للرحلة؟"
دلال : " اف كورس"
ريان يستوعب: " هاه.. يعني ايه.. طيب.. انا يمكن مااطلع"
دلال بخوف : " واي؟"
ريان بجدية : " لان عندي موعد اسنان.. بس اذا ماطلعت لاتطلعين.. لاني ماابيك تجلسين مع الشباب وانا مو موجود"
دلال مستغربة : " ماعندك ثقة فيني او فيهم؟"
ريان : " مو عالثقة.. بس انا اغار عليك....."

راح وخلاها سرحانة تفكر باللي قاله.. ريان عصبي.. لازم اسمع كلامه.. الزعيم.. اللي الكل يطيعه.. بس لهالدرجة هو حساس؟
يغار علي منهم؟ غريب هالانسان.. بس حنون وطيب.!!



الحصة الخامسة..
كان علينا عربي..
الفصل: " استاذة مانبي درس علشان نورة جت"
مزنة: " لا.. هناك درس.. ولكن اريد ان اخبركم أمر قبل ذلك"
الفصل:" وشو؟"
مزنة: " غدا سوف يكون هناك رحلة الى شاليهات الدنيا لاند"

( الدنيا لاند شاليهات بتفتح في هذاك الوقت!! )..

ريان : " بكرة؟ حلو.. اقدر اطلع معكم .."
ارتاحت دلال وابتسمت له بنعومة..

مزنة : "سأقوم بتوزيع هذه الاوراق وكل شخص يجعل ولي امره يوقع بأنه موافق على الرحلة واللذي ولي امره لم يوافق او نسي التوقيع لن يذهب للرحلة..
وكل مجموعة مكلفة بأحضار شيء"

الفصل:" كيف؟"
مزنة: " مثلا... مجموعة دلال وريان يقومون بأحضار بعض الطعام.. ومجموعة نورة وخالد يحضرون الاواني"
وليد : "هههههه تخيلو شكل خالد جايب معاه صينية"
نهى:" ههه والا نورة داخلة علينا بسكاكين هههه"
روان :" بنات.. فيه شيء براسي بطيحه.. نروح السوق ونشتري مع بعض وش رايكم؟"
فاتن ودلال :" حلوو"
ياسر : " ليش انتم لحالكم؟ واحنا معاكم؟"
ريان: " نتواعد الفجر نروح لسوبر ماركت ونشتري اللي نبي بعدين الصبح نجي للمدرسة"
روان : " نورة تقدرين تطلعين معنا صح؟"
نورة :" ايه.. بس مااقدر ادور كثير بالسوبر ماركت"
وليد : "مو مشكلة اهم شيء تطلعين"
نجلاء : " انا اهلي معقدين.. مب راضين.. بس وش اسوي؟ استاذة.. لازم ولي الامر يوافق؟"
مااحد اهتم فيها.. عارفينها من النوع اللي على بالها بتتفتح..دورنا الاستاذة ولقيناها طالعة من زمان.. كذا هي فجأة تطلع!

روان تفكر في وجدان.. الوحيدة اللي ماأيدة الفكرة؟ غير الجوهرة.. مو عادتها هي العادة تتحمس؟ راحت لها تسألها..

روان : "وجدان.. وش فيك؟ ماتحمستي للفكرة العادة انتي تحمسيننا"
وجدان بألم : "منيب رايحة معكم"
روان :" ليش؟"
وجدان :" امي تشك فيني مرة.. وماسمحت لي اروح.. وبعدين انا ماابي اروح بدون مي!"
تضايقت روان على حال صديقاتها لوين وصل؟

راحت للجوهرة تسألها..

الجوهرة :" انا ماراح اروح"
روان خافت :" ليش؟"
الجوهرة : " اولا الشباب بيروحون معنا... وانا مااحب اختلط فيهم.. ثانيا اهلي ماراح يوافقون"
روان : ليش؟"
الجوهرة : " لانه حرام.. انا جايه هنا اطلب علم.. مو اوسع صدري واطلع رحلات مع شباب!"

روان فكرت فيهم وخافت.. فعلا.. مب رايح الا مدرسين ويمكن مدرسة.. ومي ووجدان والجوهرة ونجلاء مب رايحين.. من بقى!
شكلي بهون عالطلعة!!


بالطلعة..
كنا جالسين نسولف..
روان : " وين وجدان؟"
نهى : " بالفصل.. بتطلع بعد شوي"
قرب خالد مننا: " روان.. تعالي بكلمك.."
روان : " منيب جايه"
خالد: " خلك عاقلة وتعالي"
روان تعاند : " مالي نفس اقوم معاك"
خالد بعصبية: " يالكريهة.. اول مرة اناديك؟"
روان بملل : " اوووف.. رحمتك بقوم"
قامت روان تمشي معاه..
روان : " بسرعة وش عندك؟"
خالد : " زعلانة؟"
روان : " لا.."
خالد:" طيب.. ابقول لك.. ان بكرة بالرحلة....."
تقاطعه روان :" أي رحلة؟ انا منيب طالعة معكم"
خالد يوقف:" نعم؟ ليشش؟"
روان توقف:" كذا.. مالي نفس"
خالد:" مب على كيفك.. بتجين"
روان:" ماابي اجي!"
خالد : " بتجين يعني بتجين"
روان بطفولة :" منيب جاية يعني منيب جاية"
خالد يلف راسه :" ياربيه.. وش اسوي ياناس.. اذبحها؟"
يدور شوي ويلقى مكان فاضي..
روان بملل ( كيف اقول له؟) : " اووووووف "
يمسك خالد يدها ويجلسها : " وش فيك؟"
روان : " ولا شيء"
خالد بعصبية : " كلميني جد؟"
روان بحزن : " متضايقة.. "
خالد : " من مين؟"
روان : "وجدان ومي والجوهرة مب جايين.. محد راح الا نورة ونهى اللي بس يستهبلون مع وليد.. ودلال بتجلس مع ريان.. وش اسوي انا؟"
خالد بنظرات غريبة : " لا.. مو هذا السبب"
روان : " الصراحة.. الجوهرة كلمتني واقنعتني.. تقول ( حرام.. انا جايه هنا اطلب علم.. مو اوسع صدري واطلع رحلات مع شباب)"
خالد بحيرة : " طيب.. الرحلة بتضرك؟ انتي بتجلسين معي ومع اختك وصديقاتك ومعلمين ومعلمات.. وكل الناس حولك؟ ليش خايفة؟"
روان : " ماادري؟ .. ترى موطالع الا فصلنا بس"
خالد يحاول يقنعها : " طيب.. واذا؟"
روان:" يعني برايك اروح؟"
خالد: " براحتك.. بس اذا انتي مو رايحة انا منيب رايح بعد.."
روان : " لا.. مو قصدي اخرب عليك.. انت روح"
خالد : " ماابي اروح بدونك.. وماابي اقنعك.. لان رايك صح.. بس بقول لك.. اذا لي خاطر عندك تعالي"
روان بحيرة : " اروح؟"
خالد: " يله عاد.. مصختيها.. تتغلين؟"
روان : " ههههه طيب بروح"
سكتت روان .. كلام خالد خلاها تغير رايها.. معقولة لهالدرجة يأثر عليها؟
................