:::::::::::::: دلال:::::::::::

دلال بعد مقلب الشباب معها راحت تشتري.. توها واقفة عالكشك ..
الا تشوف حمد وراها..
دلال بخوف :" بسم الله!!"
حمد يبتسم :" دلال.. روعتك؟ انا آسف ماكان قصدي!"
دلال ترجع :" حصل خير"
حمد بصوت هادي :" دلال.. انا آسف..من جد ماكان قصدي"
دلال تآخذ الايس كريم وتوها بتروح :" قلت حصل خير"
حمد يوقف قدامها :" ممكن اشيله عنك؟...."
دلال تناظره بخوف......
حمد :" لا تخافين.. منيب مآكله.. ههه"
دلال تبتسم..: " انت وش تبي بالضبط؟"
حمد بنظرات وقحة :" دلال... ابي.. ابي منك.... شيء واحد بس"
دلال :" انا مستعجلة.. كويكلي"
حمد بنفس النظرات الوقحة والصوت الهادي:" سامحيني.. وخل نبدء مع بعض صفحة جديدة"
دلال :" سامحتك.. بس خلني اروح"
حمد يغني : " روووووح وروووووووح.... ابعد بدنيـــ...."
دلال :" ههههههههههههه"
كانت دلال تضحك وقلبها يعورها.. تحس بضيقة فضيعة.. واستغربت لما حمد جلس يغني..
استمرت تضحك وتحاول ماتناظره.. لانها لو شافت عيونه ونظراته..
تحس بشيء ثاني؟.....
ماتدري وشو... احساس غريب جاها بهاللحظة..
دلال :" اوكي.. عرفت ان صوتك حلو.."
حمد : " ( يلحن ) قلبي بصدك...... ( مستمر في التلحين ) بس... مو احلى من صوتك...."
دلال : " ههههههههههههه"
ضحكت دلال لانه كان يلحن كلامه... ضحكت دلال لها نغمة غير.. تضحك بنعومه..
حمد :" الله... يازين ضحكتك"

سكتت دلال فجأة وهي تشوف عيون.......
عيون ريان...
بس ماكان ريان اللي هي تعرفه..؟!!
عيونه تناظرها بنظرات غير.. نظرات استحقار؟؟؟!!
وكان وجهه احمر.. باين عليه معصب..
بس... ليش يطالعني كذا؟ عمري ماشفت منه هالنظرات..
حتى اول لما كان يكرهني ماكان يطالعني كذا....!!!!!

رجعت تناظر حمد اللي كان يناظر ريان بتحدي.. وحقد..
خافت منهم..
من الاثنين كلهم..

حمد بسرعة يمسك يد دلال بقوة.. لدرجة ان الايس كريم كان بيطيح منها..
حمد :" دلال.. تعالي نجلس هناك"
دلال تحاول تفك يدها : " لا.. مااقدر"
حمد يطالعها : " ليشششش؟؟؟؟"

استوعبت دلال انه كان يصرخ عليها.. رمت الايس كريم ومشت.. حاول يوقفها لكنها راحت عند ريان.. اللي كان واقف جنبهم.. بدون ولاحركة..

حمد : " اوكي دلال... بس برجع لك...."

راح حمد..
وقربو منهم خالد ووليد وروان.. بعد ماشافو المنظر اللي تو..
شافو كل شيء..
من ضحكت دلال.. الى وصول ريان.. وهروب حمد..
والله يستر وش بيصير..

خالد : " وش يبي هذا؟"
وليد :" وش جايبه هنا؟؟"

قربت روان من دلال ومسكتها..

خالد ووليد يطالعون ريان.. اللي نظراته على مكان حمد قبل مايروح..
اما دلال كانت ماسكة روان وتناظر ريان..
وش فيه؟

خالد :" ريان وش فيك؟"

لحظات صامتة..

واخيرا.. رفع ريان عيونه عن المكان.... ووجهها على طول على عيون دلال..

دلال كانت تناظر فيه.. تستناه يناظرها.. لكنه اول ماناظرها بنظراته الحادة.. نزلت راسها.. وكأنها مسوية جريمة..

ريان بدون شعور يقرب من دلال..

على مرأى من خالد ووليد اللي مااستوعبو السالفة.. وروان الخايفة وحاسة بالذنب..
ودلال اللي حست انها ضعيفة.. وبتصيح..



ريان كان شبه منتهي..
يتذكر شكل حمد وهو يقول حمد :" الله... يازين ضحكتك"
ودلال كانت تضحك.. وكأن الوضع عاجبها..!!

وقف قبال دلال مباشرة.. وعيونه على عيونها..مايفصلهم الا سم..

ريان بصوت مكسور.. : " خــايـنـ.... ( بدى يعلى صوته).. خااااااينة.. ( يصرخ).. دلال انتي.. خاينة"
خالد يمسك ريان :" ريان.. اذكر ربك.. لااله الا الله.."
وليد توه بيحاول يهدي ريان..
لكنهم كلهم انصدمو.. بريان.. نزلت دمعته..

ريان يصيح؟؟

واختفىىىىىىىىى..

راح ريان..
ريان الزعيم.. القوي.. العصبي..اللي يقدر يسوي أي شيء لو يبيه..
يصيح؟؟؟؟
ريان اللي محد يكسر كلمته.. او يعترض طريقه..
يصيح؟؟؟
شافو دمعته.. وبعدها اختفىىىى...
راح بسرعة البرق..
محد انتبه له..



خالد ووليد راحو وراه.. خافو يسوي بنفسه شيء....

اما دلال.. انفجرت.... صاااااااااااااااااااااحت..... من قلب..
على انه ماسوت شيء غلط بنظرها..
لكن.. ماتدري ليش تصيح..


حاولت روان تهديها.. لكن دلال جتها حالة الصمت.. والصياح..
توهقت روان.. جلستها على اقرب كرسي.. وضمتها.. مسحت دموعها..
حاولت تخفف عنها.. بس ماقدرت..
الموقف قوي عليها..
وروان كانت بتصيح معها.. !!
بس مسكت نفسها..

..........

::::::: نورة ونهى :::::::

نهى ماسكة نورة ودارو كل الشاليهات.. مالقو أحد..
نورة : " وش فيهم اختفو مرة وحدة؟"
نهى : " وين راحو؟"
وتوقف نهى..
نهى :" نورة خل نرجع.. هنا مصطفى ومزنة.."
نورة بذهول : " وش يسوون هنا؟؟"
نهى : " هههههه يغازلون بعض.. ههههههه يعني وش يسوون.. يتفلسفون على بعض"
نورة : " اشوى.. صدقت.. "
مشو شوي..
نهى :" اللي هناك مو ياسر وعبدالله ونجلاء وفاتن؟"
نورة :" الا هم.. بس مانبي نروح لهم.."
نهى :" خل نسألهم.. يمكن شافو احد.."
قربو منهم..
نهى :" اهلين.."
ياسر : " هلا.."
نورة تختصر :" ماشفتو دلال او روان؟"
الكل :" لا"
فاتن:" وينهم؟"
نورة :" طيب شكرا.."
مشت نورة وضحكت نهى على فاتن..
ثواني الا يشوفون فاتن وراهم.. ومعها نجلاء..
نورة :" على وين؟"
نجلاء :" بنجلس معكم.."
فاتن :" بندور البنات معكم.."
نهى :" ههههههههههههههههههههه"
نورة بقرف :" امرنا لله.. وش نسوي.. امشو...!!"
مشو شوي لحد مالقو دلال وروان جالسين.. بس كان شكلهم غير..
روان جالسة عالكرسي وحاطة يدها على شعر دلال اللي منزلة راسها وكانها ماتبي تشوف احد.. وكانو هادين وساكتين..
قربو منهم..
نورة :" الله يقطع ابليسكم.. سنة ندوركم؟"
رفعت روان راسها وناظرتهم بحزن بعدين رجعت تناظر دلال اللي ماتحركت.. وكانها ماسمعت شيء..
نهى :" هيه.. نحن هنا.. شدعوة دلال.. نظرة وحدة بس.. هههههههههه"
رفعت راسها دلال وابتسمت لنهى بحزن......
اما نهى وقفت ضحك بعد ماشافت دموع دلال..
نورة كأنها فهمت السالفة.. ناظرة روان.. تكلمو بالنظرات..
فهمت نورة ان السالفة فيها حمد..
نهى تقرب من دلال وتضمها..
نهى :" يوء يوء...... وش هالدموع؟"
روان كانت تناظرهم بصمت.. تنتظر منهم يسوون شيء.. حست انها السبب بكل اللي صار...
اما نجلاء انسحبت من الموضوع..
ونهى تحاول تكلم دلال.. بس دلال ساكتة..يأست نهى وقررت ماتتدخل..
فاتن بلقافتها .....
" وش صاير؟"
نورة ماتحملت :" اللي صار كله بسببك.."
روان بألم: " فاتن.. انتي ليش كذا...؟؟؟ ماتحسين؟؟ مو تعتبريننا صديقاتك؟"
فاتن بخوف وارتباك :" نعم؟ انتم صديقاتي الوحيدات.. انا وش سويت لكم؟"
نورة بعصبية :" وتتظاهر بالبراءة بعد؟"
دلال بحزن :" بسسسس.. خلاص بنات.. بليز ارحموني.. ماابغى مشاكل...."
فاتن :" دلال فهميني انا وش سويت؟"
نورة : " مو حظرتك اللي قايلة لـ حمد عن الرحلة؟ وانو دلال بتطلع لها؟ و........"
تقاطعها فاتن :" لااااااا.... نورة.. لا تظلميني.. حمد؟ انا مااكلمه.. وماقلت له شيء"
دلال بخوف :" اجل مين قال له؟"
فاتن تقرب من دلال :" ماادري.. بس صدقوني.. انا مو لهالدرجة.. انا صديقتكم.. وانتم الوحيدين اللي تتحملوني.. خصوصا دلال.. ماتمل مني ولا من سخافتي.. يمكن تمل مني.. بس ماعمرها مابينت لي الشيء.. دلال الهادية اللي في حالها.. ليش اخرب عليها طلعتها؟"
سكتنا كلنا.. لان ماعندنا كلام زيادة..
لكن فاتن كملت بحزن : " دلال.. يمكن اول شيء قلت لك تعرفي عليه.. صح.. لكن لما عرفت انك تتضايقين منه بعدت عنه صدقيني.. بالعكس.. انا نبهتك وحذرتك منه.. لاني شفته هنا.."
دلال :" طيب.. خلاص فهمت انه مو انتي.... بس مين؟"
فاتن : " يمكن مشعل.. لان الولد عنده معلومات عن كل المدرسة"
نورة :" بكرة نروح لمشعل ونتفاهم معه"

:::......لحظة صمت......:::

روان :" عالعموم.. اللي صار صار.. حمد جاء ونكد علينا.. وسبب مشاكل... مو مهم من قال له.. لان لو عرفنا مايفيد.. بالعكس.. يمكن يخرب زيادة.. زي لما اتهمنا فاتن...."
نورة بسخرية من روان : " اجل وشو المهم؟"
روان :" المهم.. نعدل اللي صار.. ونصلح اللي انكسر.."
نورة :" وشو اللي صار ووشو اللي انكسر؟ انتي وش تخربطين؟"
روان : " اااااه...... ريان شاف دلال وهي تكلم حمد....... ووو.........."
سكتت روان.. ماقدرت تكمل.. ماتبغى تذكر دلال بالموقف..
لكن دلال ماسكتت..
دلال باندفاع ودموع : " حمد كان يستهبل.. ماسوى لي شيء.. وانا ضحكت على خفة دمه.. (وتشهق).. لما حسيت انه مصخها.. خفت منه.. حسيت اني لازم ابعد عنه.. وماعندي الا ريان... ( تسكت شوي).. ريان اللي دايما يدافع عني.. دايما هو الامان لي...فهمني غلط.. عصب وزعل...... ( تسكت شوي).... وقال لي يا... خــايــ..."
سكتت...

سكتو البنات بعد.. وفهمو السالفة.. وحاولو يخففون عنها...

::::........ عند الشباب....... :::::


خالد : " طيب رد علينا لو بكلمة وحدة؟"
نايف بسخرية : " ليش كلمة وحدة؟ اخاف يتعب لسانه؟"
وليد : " طيب ابتسم.... حرك شفايفك بس.."

لكن ريان... ماكان معاهم.. كان بعالم ثاني.... يسمع كلامهم.. ويشوفهم... لكنه مايدري هم وش يقولون..
محتاج لـ دلال بهاللحظة.. تجي تقول له.... انا آسفة... ماكان قصدي... سامحني....
وهو يتغلى عليها.. ومايرد..
تقرب منه دلال وتمسح دموعه...

فجأة,,,,, استوعب شيء....
انا صحت؟؟؟؟ انا ريان نزلت دمعتي؟
وقدام مين؟ قدام اصدقائي؟؟؟
وعلشان مين.... علشان بنت؟؟؟


لكن.. هذي مو أي بنت ياريان.... هذي دلال... دلال الغالية..
اللي تستاهل الدنيا ومافيها..
دلال اللي تسوى عيونك..

مو هذا كلامك ياريان؟؟
وين راح؟

لا تكابر وتخلي كبرياءك كرجل يندمك على دمعة عليها....

........... ابتسم ريان.....
ابتسامة سخرية من نفسه... ابتسامة الم وحزن...
ابتسامة على تفكيره البايخ..

وليد : " لااااااااا.. مااصدق عيوني.. انا لي ساعة اقول لك ابتسم.... وانت ولا كأنك تسمع.. ويوم جاك ياسر وعبدالله على طول ابتسمت؟؟"
نايف : " شفت شلون هننا عليه؟"
خالد بعصبية : " لاااااا....... هذا ظلم.. اين العدل؟ انا لا اقبل.. لا اقبل.."

ضحك ريان على خبال اصدقاءه.. مايدري ليش.. يحس انه يسوي شيء غلط وهو يضحك..

ريان صح قوي.. وعصبي.. بس بعد رومنسي شوي..
كان محتاج لواحد من اصدقاءه يضمه.. يمسح دمعته.. يخفف عنه..

نعممممم؟؟؟؟؟ انا ريان افكر كذا؟
وين القوة والرجولة؟



عبدالله : " وين وصلت؟"
ياسر : " مااسرع ماسرحت يااخي"
ريان:" اااااه...."
وليد :" الظاهر انتم ماتدرون وش اللي صار"
ياسر :" الا ندري.. البنات يخلون احد مايقولون له؟"
وليد :" اكيد هذي نهى.. ماشالله.. وكالة انباء"
عبدالله : " لا..هذي نجلاء.."
ريان يوقف :" خلااااااص.... لاتجيبون هالموضوع.... اسكتوووووووووو"
سكتو الشباب شوي.. وهم مقدرين حالة ريان..
عبدالله يناظر ساعته : "يووووه.. كأننا تأخرنا؟؟"
وليد :" الا والله.. الله يعيننا على مزنة ومصطفى"
عبدالله :" اوووووف... قهررر.. بتخلص الرحلة اللحين...."
ياسر :" بس انبسطنا فيها"

نايف وخالد ووليد ساكتين.... صح انبسطو... بس تضايقو علشان ريان..

.........


:::::::::.......ريان ودلال.....::::::::

اللي صار لهم محد كان يتوقعه..

تتوقعون..

ينتهون كذا؟...
زي ماانتهو مي ووجدان..


او واحد منهم.. يتحرك ويسوي شيء...
وش بتكون ردة فعل الثاني؟

والبنات والشباب...
وش بيكون دورهم؟
بيسكتون وكأن لامر مايعنيهم... زي عادتهم؟
والا بيكون لهم دور؟

والرحلة...... قربت تنتهي...
بعدها... وش بيصير؟


انتظروني بالجزء السابع...

وبتعرفون الاجوبة على تساؤلاتكم.....

.
.
.

راااااااااااااااااااايكم؟؟؟؟ (*37)

المجرمة:

دلووووووووووعة امها.. (*33)

هلا وغلا فيك.. (*35)


بالنسبة لملاحظتك..

بالنسبة للميانة..

شيء طبيعي.... بنات وشباب... كل يوم يشوفون بعض بالساعات..
وفيه بعضهم يحبون بعض.... والبعض اصدقاء..
يعني متعرفين عليهم.. وطالعين رحلة معهم..

تتوقعين يجلسون هذولي بمكان والثانين بمكان ثاني؟ (*7)

مااتوقع....!!


اما بالنسبة لـ وجدان..

تتذكرين لما انقطعت عن الدراسة وقررت ماتودع احد وكانت بتصيح..
ماعلمت احد بقرارها..
بس قالت لهم مااقدر اطلع الرحلة معكم..

وياسر وروان جابو طاريها لما جو يغنون..
بس ماتكلمو على اساس انها منقطعة عن الدراسة..

اتمنى تفهمين.. (*40)
وتركزين.. (*10)
ويعجبك الجزء.. (*37)


تسلمين عالرد..
ودام تواصلك..

الدلخة..

هلا وغلا فيك..
نورتي الصفحة..

انبسطت لما شفت انك تقرين قصتي.. (*35)

الله يسلمك ويحميك من كل شر..

اممممممممم..

بالنسبة للسفر..

لاني انا يمكن اسافر بعد ثلاث اسابيع..
بس لاتخافين..

ماني رايحة الا وانا مخلصة القصة.. (*10)


اذا بتسافرين بعد كم اسبوع..
ان شالله بنزلها بسرعة وبتقرينها.. (*23)

اذا بتسافرين بعد كم يوم.. مايمديك.. (*13)
لاني اذا امداني نزلت يوم الاربعاء الجزء قبل الاخير..

ترجعين ان شالله بالسلامة وتلقين القصة كاملة.. (*37)
بس تستنى ردك ورايك.. (*23)



الف شكر على ردك..
الله لايحرمنا منك.. (*40)

دمتي.. ودام تواصلك..

السلام عليكم ورحمة الله وبركاته..


اولا..

احب اعزي نفسي واعزيكم في وفاة الملك فهد رحمه الله واسكنه فسيح جناته.. (*20)


ثانيا..

قلت يمكن انزل الجزء الاربعاء.. لكني أجلته الى اليوم..
بسبب ظروف طارئة.. ومنها وفاة الملك..
توقعت احد يسأل عن الجزء.. بس للأسف.. رجعت.. ومالقيت ردود.. (*13)
لاحظو ان الجزء صار له اسبوعين وماله الا اربع ردود..؟


ثالثا..

انا ان شالله مسافرة بعد كم اسبوع.. وماابغى اروح وانا ماكملت القصة..
اتمنى تشجعوني وتردون بسرعة علشان اتحمس واكتب.. (*23)
ومااعلقكم اذا سافرت..


رابعا..

رجعت لكم اليوم ومعاي جزء.. بنزله اللحين..
واتمنىىىىىىىى يعجبكم.. (*37)