.......:::::::: الجزء السابع ::::::.......

:::::::.......عند البنات........::::::


كنا نمشي..
نهى ماسكة نورة تساعدها.. ويمشون قدامنا وهم يطالعون الفراغ اللي قدامهم..
واللي ورى.. روان كانت تناظر الامكان.. وتدور واحد ( صاد) شوي ومريح نجلس فيه..
دلال.. تمشي ببطء شديد... ومنزلة راسها بالارض.. سارحة بأفكارها.. وبعالم ثاني..

نهى توقف :" شوفو هالمكان..؟"
نورة تجلس :" الله... حلو.. اجلسو"

... جلسنا...
دلال..
منزلة راسها بالارض.. وماكانت معنا..
نورة جالسة وتناظر رجلها..
نورة :"اوووووف.. مشيت عليها كثير.. وبدت تعورني.."
روان..
ماسكة عود صغير.. وتلعب بالتراب.. تكتب.. وتمسح..
نهى..
تناظر نورة وروان.. سبحان الله.. على انهم نفس الشكل.. بس غير بعض.. روان تحاول تلهي نفسها.. وكأنها خايفة من اللي بيصير..
اما نورة.. القوية.. تناظر دلال بشفقة.. وكأنها ناوية تسوي شيء..
وانا على حالي.. اووووف.. طفشش.. بتكلم.. ابضحك..
وش هالجو؟؟

نهى :" الصراحة ماتوقعت فاتن كذا.."
روان تترك اللي بيدها:" ضيقة صدري.."
نورة :" ايه والله ندمت اني شكيت فيها.. استغفر الله"
روان :" استغفر الله.. ان بعض الظن اثم"
نهى بملل: " طيب اللحين.. وش بنسوي؟"
دلال ترفع راسها.. وتناظرنا.. : " ولا شيء.."

...لحظة صمت...

روان :" دلال...(بتردد).. حمد وش كان يبي منك.. وليش تضحكين معاه؟"
دلال وكأنها تذكرته : " حمد؟... وينه؟.. هو اللي بيقنع ريان ان مابيننا شيء...."
نورة ونهى : " صاحية انتي؟ حمد؟؟؟"
دلال: " اوووووف.. اوكي.. انسو... ماقلت شيء.."

روان ترددت... اسألها..؟ والا اسكت؟؟ وش لقفني انا؟ بس.. لو عرفت يمكن اسوي شيء..
روان :" ريان وش سمع علشان يعصب؟.. انا شفتك واقفة تضحكين مع حمد.. وريان كان يطالعكم.. بعدها انتي رحتي لـ ريان وناداك حمد.. وراح.."
دلال :" آآآآآآآه.. كان يستهبل ويغني.. وكنت اضحك على هباله وصوته.. بس...."
نورة تفكر : " لا... ريان ماسوى كل هذا علشان كذا...."
نهى بسرعة قالت : " ريان؟؟؟ يوء... يسوي اكثر من كذا.."
.. صمت..
دلال : " انا كنت اضحك.. فقال لي حمد (ضحكتك حلوة).. ويمكن ريان سمعه...... بس"
روان توقف : " ( تتريق).. بسسسس؟؟؟ يوه.. لا الصراحة ماصار شيء.. ( بجد).. دلال..ليش سويتي كذا؟"
دلال : " اووووووووووه"
نورة : " دلال.. حمد له مدة طويلة مانعرف شيء عنه.. وفجأة يطلع لنا هنا.. وانتي تعطينه وجه؟"
روان : " انا يمكن غلطت لما ماتكلمت ولا نبهنا ريان ان حمد موجود... بس ماكان قصدي تسوين شيء من وراه.. بالعكس..
كان قصدي نبعد المشاكل بينهم... لكن الله يهديك يادلال... زودتي الطين بلّة"
دلال كانت ساكتة..
حست انها لازم تسوي شيء.. مهما كان.. لازم تعدل غلطتها..
نورة :" طيب روان اجلسي.. خلينا نتفاهم"
روان تجلس :" لازم تكلمين ريان.. وتفهمينه"

ارتاعت دلال :" اكلم ريان؟... بعد كل اللي صار؟ "
نورة :" ايه... تكلمينه.. وتفهمينه.. وتعتذرين منه لازم تصلحين غلطك "
دلال : " وش اقول له؟"
روان : " ماادري.. أي شيء.... انا بروح اشوف الوضع.. نورة فهميها..(توقف) نهى تجين معي؟"
نهى الطفشانة تقوم : " يله"

...........

:::::::::: ..... روان ونهى .... وقفو قريب من الشباب....:::::::

روان :" ننادي مين؟"
نهى :" وليد"
روان :" لا.. وليد ماينفع.. بيجلس يستهبل.. ننادي نايف؟"
نهى بقرف:" لااااا... مو معلمك بشيء.. بيقول لك كلمة وانتي افهمي"
روان : " طيب خالد؟"
نهى :" خااااااااااااااااااااالد"



.....::: الشباب:::....

نايف :" انت ضايق صدرك عليها؟ ترى فيه الف وحدة تتمناك.. مو هذي اللي....."
خالد يقاطعه :" انت... وش هالكلام؟ بدال ماتهديه تزيده؟.. اشوى انه ماسمعك"
وليد : "هههههه حلوة ماسمعك.. ليش اصمخ؟"
خالد : "لا.. بس مو معنا.. في عالم ثاني"

نهى من بعيد :" خاااااااااااااالد"

خالد ارتاع لما شاف البنات جايين..وش عندهم؟
لا.. ونهى تناديني؟ لو روان يمكن عادي.. بس نهى؟

وليد : " رح لهم.. ينادونك"
خالد يقوم :" هاه.. طيب.. تجي معي؟"
وليد :" خلني اوسع صدر ريان.. ههه وانكد على نايف.. "
نايف : " تراك واثق من نفسك..."
وليد : " الثقة بالنفس شيء حلو.... بس الغرور اللي......"
ريان يقاطعهم :" خلااااااص.. خالد.. شوف البنات وش يبون.. واذا سألو عني قول ماادري"
نايف يطالع ريان : " ليش؟"
خالد متعجب :" ريان..... !!"
ريان يقوم : " اوووووف.. انا بمشي"
قام ريان وقامو معاه نايف ووليد..
نايف يمكن مااخذ الامور بجد..
اما وليد.. مايحب هالخرابيط.. يحب الضحك والهبال وبس.. ليش كل هالحزن؟


:::::..... خالد راح للبنات.....::::::

نهى:" بدري.. كان ماجيت.."
خالد :" ليش...؟"
روان: " وش اخبار ريان؟"
خالد : "على حاله.. ودلال...؟"
روان :" على حالها"
نهى :" وش بنسوي اللحين؟"
خالد يناظر الساعة : " اووووووووه.. مافيه وقت.... انا اقول لازم يكلمون بعض ويتفاهمون"
روان : " بس مو اليوم.. نعطيهم فرصة اليوم.. بكره نخليهم يواجهون بعض"
نهى : " ليش مو اليوم؟"
روان:" اليوم كل واحد يراجع نفسه.. ويقرر.. ويعرف وش بيسوي.. وبكره نشوف"
خالد:" اوكي.."
نهى :" يله نرجع!"
روان : " وين نرجع؟ نروح نناديهم خلاص بنطلع... لو شافتنا مزنة ذبحتنا"
نهى تلف : " بروح اناديهم.."
روان بتروح معها :" بجي معك.."
خالد يوقفهم :" لحظة.... بكلمكم.."
نهى وروان يوقفون..
خالد :" روان... اوعديني..."
روان تناظره: " بإيش...؟"
خالد :" اوعديني اول!"
روان :" لا.... قول اوعدك بوشو؟"
خالد :" قولي اوعدك.......؟"
روان :" اوعدك بشيء ماادري وشو؟"
خالد : "اووووووه.... قوليها وبعدين بقول لك"
نهى : " ههههههههههههههههه"
روان : "اوووف.. مالي خلق طقاق...... اوعدك.."
خالد بجدية :" اننا مانصير زي دلال وريان في يوم.... ولا مي وعبدالله.."
روان انصدمت..... وش يفكر فيه؟
خالد :" هاه.... توعديني؟"
روان بخوف :" أوعـ.. أوعدك...."
يبتسم خالد لـ روان... ويلف على نهى :" وانتي.."
نهى :" هاه.. وشو..؟ وش دخلني انا؟"
خالد :" اوعديني هالشيء مايصير لك مع وليد..؟"
نهى بغباء :" هههههه اوعدك...."

................

اخيراااااااااااا.....

:::::..... انتهى اليوم.... وانتهت الرحلة.....:::::

حزن دلال...وألم ريان..
وآمال نورة.... وغرور نايف..
وخوف روان... وجدية خالد..
وضحك نهى... وهبال وليد..

وش اللي ينتظرنا باليوم الثاني.....؟

...... تتوقعون ......

دلال وريان.. بيتكلمون..؟ والا بيظلون على حالهم....؟
نهى وروان... بيوفون بوعدهم.. والا وش بيصير عليهم..؟
فاتن.. وكلامها.. هي صادقة فيه..؟ والا كذبة من كذبها..!

الله يستر...

::::::...... يوم الإثنين....::::::

دخلو دلال ونهى الفصل بكآبة فظيعة..
شافو وليد وياسر وعبدالله جالسين..

نهى.. اللي كل يوم تدخل وضحكتها تهز المدرسة..
ودلال.. اللي اول ماتدخل تبتسم للجميع بهدوء..

لكن اليوم.. بدت تتغير مشاعرهم.. دخلو.. سلمو وجلسو..

نهى تجلس :" وش اخبارك..؟"
دلال تلف عليها ( لان دلال بالطاولة اللي قدام نهى) :" ماشي الحال"
نهى :" اووووه.. والله تعبت بعد امس.. رجعت ونمت كن لي سنة مانمت.."
دلال تبتسم : " اجل انا وش اقول..؟"
نهى مستغربة :" وشو..؟"
دلال :" عالاقل انتي تعبانة جسديا.. انا تعبانة جسديا ونفسيا.."
نهى :" بلا فلسفة.. ههههههه جتنا مزنة الثانية.. خخخخخ"
دلال بضيق تلف على درجها وتفتح شنطتها..

نهى : " وينك...؟"
دلال : "ماحليت واجب التوحيد.."

وليد يمر من جنبهم..
وليد :" وش بتحلين..؟"
دلال : " توحيد"
وليد :" اممممم.. استاذ مصطفى جاي.. مزنة مستحيل تغيب.. سالم شفته..بس ثامر ماشفته؟.."
نهى : " غايب؟"
وليد يقرب من نهى:" اكيد غايب.. انا خذت جولة استكشافية ومالقيته.. لاتحلون توحيد.."
نهى :" غايب.. منيب حالة"

سكتت دلال.. اصلا هي حالة توحيد.. بس كانت بتلهي نفسها.. ماتحب تشكي لأحد ويضحك بوجهها..
اصلا وليد جلس يسولف مع نهى.. يعني مب فاضين لي..
حاولت تلهى بالطاولة.. والكتب.. بس..
سمعت صوت احد يدخل.. وقالوالشباب..
" هلاااااا ريااااان"

مو احد اللي دخل..
لا..
كان ريان..!!

رفعت راسها بخوف..
ماكان يطالعها..
كان يسلم عالشباب اللي قامو له عند الباب..

ماتدري وش تسوي.. بس..
رجعت لفت على نهى لان وليد راح لريان..
وكملت سوالفها..

وطلعو الشباب..
نهى :" ليش ماسلم..؟"
دلال :" آي دونت نو"
نهى :" ياحليل محمد.. تصدقين اول مادخلت المدرسة سلم علي.. لا.. ويقول امس نمت على كيفي.. محد يزعجني ولايضحك بصوت عالي.. ولا شيء.. مسكين.. متعقد مني.. هههههههه"
دلال بملل :" ههه.."
دلال تفكر..
هذي نهى.. سلمت على محمد.. وضحكت معه.. عادي..
ليش ريان مايصير زي وليد.. ماهمه شيء...؟


.........::::::: تدخل مزنة الفصل ويدخلون الطلاب :::::::....


الشباب :" اهلا اهلا..كيف حالكي يااستاذة؟"

لكن مزنة طنشتهم ووقفت تكتب عالسبورة..
بهالوقت.. يدخلون نورة وروان الفصل..

نورة :" السلااااااام عليكم... كيفكم؟"
الجوهرة :" وعليكم السلام والرحمة"
فاتن وهي تشوف نورة تجلس :" هلاااااا نورة.. وش اخبارك عقب امس؟"
وليد :" وش اخبار رجلك؟"
نورة :" تمااااام.."
خالد يشوف روان تجلس :" رووووووين.. ليش ماتسلمين؟"
روان تلف عليه :" كيفي..؟"
خالد :" لا.. مو بكيفك وبعدين ليش متأخرة؟"
روان :" أستشور شعري.... شعندك؟"
وليد ونهى :" خخخخخخ"
خالد: " من طوله اللحين"
مزنة :" هدوء رجاءً.. بالامس طلبت منكم كتابة تقرير عن الرحلة.. من انتهى منه؟"
محمد :" واللي ماراح الرحلة؟"
الجوهرة :" حتى انا مارحت.. وش اكتب عنه؟"
مزنة :" من لم يخرج لا يكتب.."
خالد :" انا مارحت الرحلة.. شباب احد راح؟"
نايف :" لا هههه"
وليد يرفع اصبعه:" استاااااذة... انا حافظ تقريري"
مزنة مستغربة:" حافظ؟؟ "
وليد يوقف :" احم احم... لقد خرجنا امس يوم الاحد الموافق ماادري كم.. الى شاليهات الدنيا لاند.. وقمنا هناك بركوب ولعب القوارب.. عدا نورة لان رجلها لاتسمح لها بذلك.. وقام وليد بالجلوس معها.. ومن ثم اكلنا الفطور.. وركبنا العربة........."
الفصل :" ههههههههههه"
مزنة تقاطعه معصبه :" كفىىىىىىىىىى.. ماهذا الهرااااااء..؟؟؟؟؟ انا غاضبة عليكم من يوم امس.. واليوم ايضا سأغضب منكم.. وعقابا لكم ستحرمون من الدرس"
الفصل :" الـــــلــــه..... وناااااااااسة"


:::::.... الحصة الثالثة.....:::::

دخل مدرس التوحيد ثامر..
رجال عاقل.. بلحيته.. وهيبته.. واحترامه عند الطلاب..

نهى تشهق :" هاااااا..؟؟؟؟؟؟؟؟ وليدوووووووووووه... بذبحك..... كله منك ماحليت"
وليد يصارخ :" هههههههه عادي "
نورة :" انا ماحليت..؟ انتي قلتي انه غايب؟"
نهى : " وليد قال لي"
نورة :" قومي وقفي بس"
نهى : " وانتي؟"
نورة :" مااقدر اوقف.. خخخخخ..."
نهى :" ياربيه انتي ورجلك.. طيب بوقف لحالي"
قامت نهى وقفت..
بس مو لحالها.. اغلب الشباب وقفو..
ثامر وعيونه عالدفتر:" نهى..؟ غريبة.. الشباب دايم مايحلون.. بس انتي ليش ماحليتي؟"
نهى :" اااا... نسيت"
ثامر وعيونه عالشباب:" حصل خير"
ويروح ..
نهى :" دلال.. مو انتي ماحليتي؟"
دلال تلف :" لا.. طلعت حالة"
نورة :" وانا بعد.. طلعت حالته"
نهى :" اوووف.. مالي دخل فيكم.. المرة الجاية منتب حالين.. والا تبوني ارسب لحالي؟"
روان تلف عليهم :" ممكن اذاكر بهدؤ؟ لان فيه اليوم اختبار توحيد"
نهى :" ندري.. قلتي لي امس لما دقيت عليك.. روحي ذاكري يالدافورة.."
دلال :" وش دراك ياروان؟"
روان :" امس الجوهرة دقت علي وقالت لي "
نورة :" وش سالفتك هالايام مع الجوهرة؟ 24 ساعة تلفون؟ تصدقون امس روان ماشبكت عالنت؟"
دلال :" كلكم دارين؟ وليش ماعلمتوني عالاختبار؟"
روان :" دقيت عليك.. بس انتي امس كله مقفلة جوالك؟ والغريبة وجدان مقفلته بعد؟"
نهى :" ياشيخة عادي...اختبار مو اختبار.. راسبين راسبين خخخخ"

.......:::::: الفسحة ::::::.....
::::.... عند الشباب....::::


نايف يجلس معهم..
خالد:" توك تجي؟ مين هذي؟"
وليد :" اكيد وحدة من معجباتك"
نايف :" تقريبا.. "
خالد :" ريان.. وش فيك ساكت؟"
ريان :" ولا شيء"
خالد :" منتب مكلمها؟"
نايف :" يكلمها؟ يعتذر منها؟ لااااا...... خير ان شالله؟ هي تجيه"
خالد :" ولو جتك؟.."
ريان وهو مايطالعهم:" ماادري خلاص قفلو عالموضوع"
::::: لحظة صمت ::::
وليد :" اممم نايف انت كيف لك كل يوم معجبة؟ على انك ماتعطيهم وجه؟"
نايف يفتح العصير:" قدرة قادر"
وليد :" خخخخخخخ حلووووووة... طيب.. ممكن بيوم اصير مثلك؟"
نايف يشرب:" اممم... ونهى؟ ماتكفيك؟"
وليد ونايف كانو يآكلون ويتكلمون.. اما ريان كان جالس يطالعهم وهو مو معهم..
خالد كان يناظر الرايح والجاي.. وأذنه عندهم..
خالد يقاطعهم :" روووووين... وش جابها؟"
الكل يلف لوين ماخالد يناظر..
وليد :" وشو وش جابها؟ احمد ربك جايه لك"
خالد يناظر ريان :" لا بس تو كانت واقفة مع دلال.. بعدين ماادري وين راحت دلال وروان جت"
ريان فهم الموضوع فوقف بسرعة :" انا بقوم امشي.."
توه بيتحرك الا روان عندهم..




.....:::: قبل بخمس دقايق.. عند البنات ::::......

جلسنا نآكل..

روان انا قاهرتني الجوهرة.. ماتحب تطلع معنا.. على ان مالها صديقات وماعندها احد بالفصل؟"
نورة:" غريبة هالبنت..... الا ليش وجدان غايبة؟"
روان:" ماادري؟.. دلال"
دلال :" يس؟"
روان:" امممم... متى ناوية تكلمين ريان؟"
دلال تبتسم :" منيب مكلمته"
البنات :" ليشششششششش؟؟"
دلال :" بسسسس"
نورة :" مب على كيفك... غصبن عنك"
روان :" بذبحك اليوم انا.... بذبحك"
نورة :" قومو.... ودوها تكلمه"

......:::::: ياسر يمر من جنبهم::::::.......

روان :" يااااااااسر... تعااااال"
ياسر : " هلا"
روان :" وش فيها وجدان؟"
ياسر :" ماادري.. مقفلة جوالها.."
نورة :" طيب.. وين ريان؟"
ياسر :" امممم.. ماادي؟"
نهى :" ووليد؟"
ياسر :" مع ريان.. بس ماادري وين"
روان :" دلال.. قومي نروح لهم"
ياسر :" أي أسئلة ثانية؟"
روان :" لا.. مشكور"

....:::::: يروح ياسر:::::...
.... لحظة صمت ....
نورة :" تذكرت.. طلع مشعل اللي معطي معلومات دلال لـ حمد"
نهى :" يعني مو فاتن؟"
نورة :" لا.. فاتن صادقة بكلامها.. اووووووه.... يله دلال قومي"
دلال تقوم :" اووووف... طيب"
قامت معها روان.. وراحو يدورون ريان..

روان :" شوفيه.. جالس هناك.. روحي له"
دلال :" قدام اصدقاءه؟ لا.."
روان :" طيب.. بروح اناديه.. اجلسي هنا.."

جلست دلال عالكرسي بخوف وارتباك.. شافت روان راحت تنادي ريان.. خافت دلال انه يرفض يجي..
بس.. خافت اكثر لما شافته قام..
كان يمشي مع روان ببطء..ريان طويل وعريض.. منزل راسه بالارض .. وخصل من شعره تتطايرمع الهواء..
مدخل يدينه بجيوب بنطلونه الاسود.. البلوزة السوداء اللي عليه..
لبسه وعيونه ومشيته وراسه.. تدل عالهم والحزن..
عكس دلال.. الصغيرة بجنبه.. واللي مهما صار لها تهتم بأناقتها..
جلست تلعب بالسوارة اللي عليها.. تحركها.. تفصخها وتلبسها..
لحد ماجاء جنبها..
ماتدري وش تسوي بهالحالة..
تقوم تسلم.....؟ عادي تبتسم له..
والا مايصلح..؟!
سكتت.. وانتظرت روان تنقذها..
دلال من النوع اللي تنتظر احد يحل لها مشاكلها..
لكنها انصدمت لما راحت روان..
قررت تنقذ نفسها.. رفعت راسها وطالعته..
ماكان يطالعها..
دلال :" ليش واقف؟"

جلس ريان جنبها.. ورفع راسه.. طالعها..

طالعته...
تكلمو بنظرات العيون..
كلام..
خوف.. واعتذار.. وكبرياء.. وغرور.. وطيبة..

دلال :" ريان.. انا آسفة"
ريان بسخرية :" على ايش؟"
دلال :" عاللي.. عاللي صار امس"
ريان :" وش صار؟"
دلال :" ااا.. لما كلمت حمد"
ريان :" بس.. هذا اللي صار؟"
دلال:" ......"
ريان :" تتوقعين اني زعلت لانك وقفتي مع ولد؟"
دلال خافت.. رجعت تناظر السوارة.. وتحركها.. ماتبي ترد..
او بالاصح.. ماتقدر..
ريان :" ردي علي...؟"
دلال :" اااااا.... ريان.. لاتصعب الموقف علي.. خلاص.. اعتذرت لك.. وبرجع اعتذر لك.. سوري"
ريان بأسف :" انا اصعب الموقف عليك؟.. طيب.. ابسألك.. انتي مقتنعه باللي تسوينه؟"
دلال :" اني اعتذر لك؟"
ريان :" بكل شيء..؟"
دلال :" اممممم.. سامحني"
ريان :" صعب علي يادلال... صعب... مااقدر اسامحك... صدقيني ابغى.. بس مااقدر"
دلال بخوف :" رياااان؟؟؟؟؟"
ريان بألم :" ياليتك رحتي مع أي ولد.. بس..... يادلال.... هذا حمد؟ تذكرين من هو حمد....؟"
دلال :" ........."
ريان :" حمد اللي قد حميتك منه.... حمد اللي تضاربت معك علشانك.. حمد اللي كرهته علشانك.. وبالاخير.. القاك واقفة تضحكين معاه.......؟ ليش يادلال ليشششششش؟"
ناظرها ريان.. وشاف دموعها.. حس انه قسى عليها..
ريان بهدوء :" كان بيني وبينه زي التحدي عليك... وانتي.................."
دلال توقف :" بسسسس..... خلااااااااص..... ( تشاهق).... ريان.."
وقفت قدامه.. حطت عينها بعينه..
انتظرته يمسح دموعها.. انتظرته يحسسها بالامان..
بس..
مالقت منه أي تفاعل.. الا انه نزل راسه.. ووخر عيونه عنها..
دلال :" ريان.. تكفى سامحني.. انا غلطت.. ادري.. واعتذرت لك.. بليز ريان"

قام ريان.. وقف قبالها..

ريان وعيونه على كل شيء الا دلال:" اللي بيني وبينك يادلال.. اكبر من كذا.. لاتخربينه بيدينك.."
دلال تقاطعه :" ريااااااان.... الله يخليك..... اسمعني...."
ريان يغمض عيونه.. ويقول بجدية والم :" انتي.. حطمتيني يادلال.... انتي....."
دلال تشاهق :" رياااااان بليز... ريااااااان..."
ريان :" آآآآه.. خايف اضعف قدامك.. بس.... بقول لك.....اني......."


ماقدرت دلال تتحمل كلامه اكثر..
كان يجرحها.. يحاسبها على شيء صار وانتهى..
دلال ماتحب احد يحاسبها.. يمكن لانها ماتعودت..؟
كان رافض يسمعها..
خافت تنصدم اكثر بالكلام اللي بيقوله..
قررت تنسحب..
رمت عليه نظرة ألم0..
وراحت..

مشت عنه وخلته واقف.. ماكمل جملته..
مشت وهي تحس نفسها بتطيح.. انهارت..
مسحت دموعها.. وجلست عالكرسي تهدي نفسها..




.....:::::: ريان ::::.....

انصدم ريان من ردة فعلها..
كان بيقول لها خلاص يادلال.. بعطيك فرصة ثانية..
كان بيكلمها ويفهمها بالاشياء اللي تضايقه.. علشان ماتسويها..
يعرف دلال زين..
اهلها مخلينها على راحتها.. ماقد عاتبوها او حاسبوها على شيء سوته..
بس انا مو منهم..
انا ريان.. لازم تتغير معاي..
وتحسب لي حساب قبل ماتسوي شيء..
زي ماكل الناس يسوون..

ظل واقف.. يطالع الفراغ اللي قدامه..
مايدري..
ينتظرها.. يمكن ترجع؟؟
او يرجع لاصدقاءه؟

خايف يرجع لهم ويسألونه وش صار..
وش يقول لهم..؟
راحت وخلتني..؟
مستحيل...

حاول يستوعب اللي قدامه..

كانت نهى.......؟؟؟!!

ريان :" نهى!!!"
نهى :" رياااااااااااااااااااان...... سنه اناديك..؟ المهم......"
كان باين عليها خايفة.. او مرتبكة.. قاطعها
ريان:" وش فيك؟"
نهى :" انت اللي وش فيك..؟ ووش فيها دلال؟"
ريان مستغرب :" دلال؟ وش فيها؟"
نهى :" ااا.. دلال هناك بتموت من الصياح.. وساكته ماتكلم احد.. وش صار بينكم؟"

...........::::::::: تررررررن :::::::::..........


حاول ريان يستوعب اللي قالته نهى..
دلال؟؟؟؟؟

وقفت نهى تستنى ريان يرد عليها.. بس الظاهر حتى هو مو متكلم..
والمعلمين يدخلوننا الفصول..
لان الفسحة خلصت..

رجعت للبنات ودخلو الفصل..


حاولنا نفهم شيء من دلال.. من ريان.. بس محد راضي يعلمنا وش صار..
خالد ووليد ونايف تعبو وهم يكلمون ريان.. بس هو مايرد الا بكلمة وحدة..
" قفلو عالموضوع.. خلاااااص.. انسو وغيرو السالفة.."

جو عندنا.. سألونا.. بس احنا بعد نفس الحالة..
دلال مادخلت الفصل من بعد الفسحة.. وكل حصة وحدة مننا تطلع معها..


محمد.. اللي عمره مايدري بشيء عن الفصل.. اليوم ماندري وش جاه؟
قايم ولما شاف الوضع كذا طفش.. ورجع ينوم.. لانه كل اليوم مانام..

عبدالله.. لاهي بحب جديد.. بس الامر عادي عنده.. حبيبين وتفارقو.. شيء مو جديد؟

ياسر.. كان يفكر ان ريان مايستاهل دلال.. كره دلال.. لو كان مكان ريان مستحيل يسكت لها..

الجوهرة.. حالتها حالة.. كانت خايفة على دلال من قلب.. خصوصا لما شافت دلال تصيح.. وروان جت للجوهرة تسألها وش تسوي..؟
اللي صار مو سهل.. لازم توقف هالشيء..

نورة.. ماقرت تطلع مع دلال.. لان صعبة عليها الطلعة والدخلة.. ولوشافهم احد بيعرفها من رجلها.. وبتتوهق.. جالسة بالفصل وقلبها مع دلال..

روان ونهى.. الثنتين يتناوبون على دلال.. وكأنهم بمستشفى.. اللي مخوف الكل.. ان دلال من بعد الفسحة مانطقت بولا حرف.. ودموعها ماوقفت..

كلنا كوم وفاتن كوم ثاني.. اللقافة بتذبحها.. لازم تعرف..
واذا احد سألها.. وش بتقول؟.. تقول ماادري؟
مستحيل..!!
مسكينة هالبنت.. ببالها انها لازم تعرف عننا كل شيء علشان تدخل معنا.. لدرجة انها كانت بتروح لـ حمد وتخليه يحل الموضوع.. الا بتسوي شيء.. مهما كانت نتايجه..

اما نجلاء.. ضايعة.. انبسطت من جهه.. وحزنت من جهه..

.... رياااااااان....
احساسه بالذنب معذبه.. بباله انه ماسوى لها شيء.. بالعكس.. هي اللي سوت له.. بس مهما كان.. ماتهون عليه..
شاف اللي حوله.. نورة وقلقها.. وروان وحزنها.. ونهى وطلعتها ودخلتها.. ونجلاء ونظراتها له.. وفاتن واسألتها..
الكل يرحم دلال.. طيب وانا؟؟ وش ذنبي؟؟

انتهى هاليوم المؤلم.. زي ماانتهى أي يوم عادي..
لكن.. تتوقعون..
اللي بين ريان ودلال.. انتهى؟؟


.......:::::: انتهى الجزء السابع ::::::......


دلال.. وبعد كلامها مع ريان.. تتوقعون تستمر معاه..؟

ريان.. وبعد ردة فعل دلال.. وش بيكون موقفة..؟

وجدان.... بتظل على قرارها.. والا يمكن تغيره..؟

نورة... وش بيصير عليها..

انتظروني..
بالجزء الثامن..

.
.
.

رااااااااااااااااااااايكم...؟ (*37)

.........::::: خاطرة تعبر عن عذاب ريان ودلال ::::::......


قمة الحب
أن يجبرك الحب على الصمت
فترضى وتسكت.. ويبقى بداخلك الألـــــــــــم

قمة الألم
أن تجد نفسك يائساً
ولاتستطيع إعطاء نفسك فرصه للخروج من دوامة اليأس

قمة قوتك
عندما تتظاهر بالقوه
بينما أنت تعيش أصعب لحظات ضعفك

أصعب لحظات ألمك
عندما تحس بالانهيار
(( إحساس أنك سوف تقع أرضاً.. لعدم قدرتك على تحمل الألم ))
ولكن !!!
تجبر نفسك على الوقوف

أصعب لحظاتك
عندما تحتاج لمن تحب.. ولكن لا تجد منه الحنان
فمع كل الجهات يقابلك الرفض
والأصعب
هي أن لاتجد من تحتاج اليـــــه

أصعب لحظات الألم
عندما تبكي بلا دموع
والأصعب ..
عندما تريد البكاء ولكنك لاتستطيع

أصعب لحظاتك
عندما تجعل من نفسك شمعة تشعل نفسك وتحترق لأجل من تحب..
ولكن الأصعب..
عندما تتفاجىء بأنه يطفئها بدون مبالاة منه بذوبانها المؤلم
لماذا ؟؟
لأنه ببساطه لايريد ولايحتاج منك الإحتراق
ولكن!!! بعد ماذا..
لقد ذابت تلك الشمعه

أصعب شيء
أن تعطي من يحبك فرصه ليثبت لك مدى حبه
وتتفاجىء بهروبه..!!

دلووووووووووووعة...

عادي.. مسموحة..

وخلينا في المهم.. (*37)

دلال وريان....
ادري اني مجرمة.. بس ماوصلت لإجرامك انتي.....!! (*10)

ابقول لك..
بداية القصة كنت مآخذتها على اساس انها هبااااااااااال وبسسسسس....
وكنت اكتب كل شيء خبال..

حتى مشكلة مي..
احس انها قوية.. بس انا ما وصفتها مرة.. (*13)

علشان كذا.. بديت اتحمس واكتب شيء قوووووي..
لان فعلا هالقضية قوية.. (*23)

ووجدان بعد..

اما نهى....

حراااااااااااام عليك.... لاتسمعك.. ترى بتذبحك.. (*15)
نهى نوع من الناس اللي مايآخذ الامور بجدية.. وكل شيء عنده سعة صدر وضحك..
لكنها عندها احساس.... ولازم بالنهاية يجي شيء يهزها ويصدمها..

وليد.. وخالد.. (*40)


روان..
خخخخخخخخخخ ايه والله انك صادقة.. (*33)


الله يسلمك ويحفظك من كل شر..
انبسطت بردك الحلو الخالي من الانتقادات اللي تعودت عليها.. (*37)

انتظريني بالجزء الثامن.. احس انه بيطلع احلى.. (*40)

دمتي.. ودام تواصلك..

شدونة..

معذورة قلبوووو.. (*35)


فعلا.. الاحداث جدا محزنة..
لكني احاول ادخل شيء يوسع الصدر.. او انهي الجزء على موقف محزن..
علشان مايصير كلها حزن.. (*37)


اتمنى الجزء عجبك..

والشكر لك على ردك الحلووووو..
الله لايحرمنا منك.. (*40)


دمتي.. ودام تواصلك..

مسسسسسسسسس.. (*35)

الحمد لله على سلامتك.. اخيرااااا رجعتي لروائع..
ياحليلك.. فقدت ردودك..الله لايخلينا منها.. (*23)

اهم شيء الجزء يعجبك..
حتى لو كان محزن..

اممممممم

بالنسبة لإحساسك..
ياليت لو يصدق..
بس للأسف..

اقري هالجزء وشوفي وش بيصير..

تشكراتي إليك عالرد الحلوووووو.... (*40)




على ان عد الردود بين الجزء والثاني يقل.. (*13)

بس..


هيزا الجزء القديد.. القزء السااااااااااااااااامن.. (*35)

بنزلوه لكم... يارب يعجبكم.. (*37)


برب