 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
16-06-2005, 04:29 PM
|
#1 |
|
من كبار روائع
::+: v i p :+::   |
.×. في زمــن بــعــد الآن .×.
السلام عليكم ورحمة الله وبركاته.. هلا والله بكل اللي دخلو لهالقصة.. وش اخباركم؟ ان شاءالله بخير؟ (*23) الله يسلمكم هذي قصة كتبناها انا وصديقاتي.. بس ماتتصورون كيف عانينا وتعبنا فيها.. لاننا كثار.. فهذي تبي تاخذها ومتى بترجعها.. والا هذي بتحط فكرة وهذيك تعارضها.. والا ندور حصص الفراغ علشان نطلعها ونكتبها.. استمرينا كم اسبوع بس طفشنا من الوضع.. فقررت اخذها واكملها انا.. والحمدلله كتبتها وهذاني بنزلها لكم.. (*37) واسجلها بأسمي (همسات وردة) .. وماااااأسمح لأحد ينقلها او ينشرها الا بأذني... رجااااااءً وهذي القصة بس نبدء نعرف بالشخصيات.. روان : مثقفة.. راعية كمبيوتر وانتر نت.. وفي حالها.. نورة: شكلها مرة ناعم.. بس هي عربجية.. واجتماعية.. نورة وروان اختين تؤام.. نفس الشكل.. دلال: كيووووت ياناس وكلامها كله انقلش.. نهى: طفولية..على نياتها.. وكريكر ( دايما تضحك) مي: مغرورة.. بس جذابة.. ورسامة.. وجدان: خفيفة دم وماعندها في احد ..صريحة بقوه وعنف.. مي ووجدان بنات خالات.. فاتن: حلووة.. لكنها لازقه بهالشله وفارضه نفسها علينا.. .............. لحظة.. باقي صفات العيال.. وليد: راعي مقالب.. مرجوج.. كذاب.. خالد: مصرقع وصريح.. على نياته.. عبدالله: متهور.. وفيه رومانسية.. ريان: الزعيم .. عربجي وعصبي.. ياسر : ملكع.. ويفهم للبنات.. نايف : حلو.. بس مغرور.. يمكن تستغربون من الصفات.. بس راح تفهمون وش السالفة بعد هالمقطع.. ................... يوم السبت.. الصباح.. الورعان.. الورعان.. شو حلوين.. شو حلوين.. مسك وليد جواله وهو مستغرب مين بيدق عليه من الفجر؟ رد على صديقه خالد المصرقع.. خالد: ماقمت لحد الآن؟ وليد وهو يتثاوب: اوووووه.. تونا بدري.. وش يودينا المدرسة من اللحين؟ خالد: أي بدري؟ لازم نروح مبكر والا نسيت؟ وليد: لامانسيت بس غريبة انت اللي تقومني العادة انا اقومك؟ خالد: لا يابابا... هذي السنة راح تكون غير.. وليد الكذاب: يله قمت قفل وليد الخط ورجع ينوم.. اما خالد راح يتكشخ وهو يفكر في صديقه الوحيد وليد.. هم عيال جيران.. وليد كان ترتيبه بالبيت بين بنات.. اما خالد وحيد ماعنده اخوان.. يمكن هذا الشيء قربهم من بعض؟ حس ان تفكيرهم متقارب مرة في كل شيء..مسك علبة العطر وتسبح فيها وهو يدعي ان الله مايفرقهم.. ............... نورة وروان.. عرفتوهم التؤام اللي نفس الشكل بس طبايعهم غير مرة.. روان باردة مرة اما نورة ماعندها وقت.. حارة.. نورة تجراللحاف من روان وتصرخ: قوووووووووووومي روان رجعت تنوم: لا يانورة.. انا خايفة.. ماابي اروح نورة بدت تفقد اعصابها: اقول لك قومي بس.. امي معصبة تحت تقول اخرتوني روان تجلس: اوووووووووف.. نورة: قومي بسرعة مانبي نتأخر مرة عالمدرسة روان وهي تمشي شوي شوي: مااتصور وشلون بيكون الوضع نورة: لا تتصورين بس خلصينا تجهزي بسرعة روان توقف: طيب بس.. لازم البس واتزين؟ نورة: ياربيه! روحي بكشتك بس قومي.. صادقة امي لما قالت هذي اخر السهر عالانترنت ابتسمت روان ببلادة وهي تتذكر النت وراحت تلبس ببرود امانورة الانيقة خلصت وجلست تستناها وهي سرحانة تفكر وش بيصير بعد شوي؟ ::::::::::::::::::::::::::: تسألون ليش هالسنة بتكون المدرسة غير؟ والكل مرتبك وخايف! اقول لكم.. انتم تشوفون حجاب بعض البنات اللحين الله يستر علينا وعليهم بس.. وبعد القرار في تغيير المناهج ودمج مناهج العيال مع البنات.. هذا اللحين بهذا الوقت.. لكن بعد عدة سنوات وش تتوقعون يصير؟.. اممم.. انا اتوقع ان الحجاب سنة ورى سنة راح يقل.. وماراح يصير هناك فرق بين البنت والولد.. ويمكن المرأة تسوق.. ووو.. الخ.. ففي هذا العام اللي ادعي الله انه مايجي.. نزل قرار ان المدارس تكون مختلطة.. يعني بنات+عيال بنفس المدرسة.. واخترنا هالقصة تكون للصف الاول ثانوي.. واكيد فيه بنات متحجبات بس قليل.. اغلبهم مالبسو عبايات اصلا.. طبعا كثير من المدرسات استقالو من شغلهم وانقطع رزقهم بسبب هالقرار.. وكثير من الناس رفضو يدرسون بناتهم.. لكن خلاص.. القرار نزل ومحد يقدر يعارض.. ( ان شالله ماراح يصير هالشيء وان صار فأنا ادعو الله اننا نكون احنا وانتم واحبابنا واحبابكم ميتين اللهم لاترينا هذا اليوم) طبعا فيه بلدان كذا كثير.. وبيقولون عادي.. لكن بمجتمعنا احنا..انا اتوقع ماراح يصير عادي؟ اخترتها تكون على شكل قصة علشان تنسجمون وتعيشون معها صح.. القصة هي الاقرب للنفس..حتى الله سبحانه وتعالى.. ذكر لنا قصص بالقران.. والرسول صلى الله عليه وسلم استخدمها بالدعوة..وانا استخدمتها.. اتمنى محد يعارض الفكرة او القصة.. انا ماخليتها كلها سعة صدر.. ولاخليتها كلها محزنة.. جمعت فيها تخيلاتي من هبال وحزن ورومنسية وكل شيء.. اخليكم مع القصة واتمنىىىىىىى انها تعجبكم وتتفاعلون معاها.. ::::::::::::::::::::: آخر تحرير بواسطة همسات..وردة.. : 16-06-2005 الساعة 11:17 PM. |
|
|
|
16-06-2005, 04:46 PM
|
#2 |
|
من كبار روائع
::+: v i p :+:: |
الجزء الاول.. او يوم في الفصل الدراسي الأول.. .. يوم السبت.. دخلت مي للمدرسة وهي تناظر بغرور.. وناسة صح؟ بس لو وجدان بنت خالتي معاي.. الحمارة مسافرة من بداية العطلة.. ومب راجعة الا بعد اسبوع.. مي بنت مغرورة.. موهبتها الرسم وفيها رومنسية.. وجدان بنت خالتها وتؤام روحها وكل وحدة منهم ماتعودت تروح لشيء بدون الثانية.. كيف بيمر هالاسبوع؟ ووش بيصير عليهم؟ شافت من بعيد فاتن جايه لها.. فاتن بنت ملكعة وغريبة.. حلوة مرة بس مااحد يرتاح لها قربت فاتن من مي وضمتها وباستها.. ومي متقرفة منها.. ووراهم كان فيه ثنين يتفرجون.. عبدالله وياسر.. واقفين يطالعون من بعيد.. ياسر الملكع: شوف هالقمر مابقى بنت ماسلمت عليها وضمتها؟ عبدالله : ياليتنا بنات بس.. ههههه ياسربخبث: شكلها اجتماعية وبتنفعني عبدالله يناظر: وليد وخالد توهم يجون خل نروح لهم.. ياسر همه بالدنيا البنات وبس وعبدالله صديقه ماتعجبه أي بنت زي ياسر بس لما تعجبه وحدة يتهور ويسوي أي شيء لها وراحو لهم.. بعد السلام.. عبدالله : ليش تاخرتو؟ وليد الكذاب: اسال خيشة النوم من الفجر وانا اقومه بس هو نايم خالد: لا تكفى؟ احلف بس؟! ( ويلف على عبدالله) المهم عسى لقيتو لنا مكان زين؟ عبدالله : افا عليك.. كلنا بفصل واحد ومعانا ريان ونايف ياسر بلكاعة : خلينا كل بنت تجلس يجلسون جنبها ولدين..خخخ وليد بحماس: يله اجل بسرعة خل نروح نشوف دخلو الشباب الفصل ولقو البنات جلسو.. تحطمو وطلعو.. اليوم صار نظر الشباب ستة من ستة.. لوتسألهم عن حبة الخال اللي بيد وحدة عرفوها.. والبنات عالصبح.. عرض ازياء.. والشباب.. عطورهم واصله لبرى المدرسة.. دق الجرس وكل واحد رجع فصله.. نهى كانت قاعدة على كرسي والكرسي اللي بجنبها فاضي وحطت فيه شنطتها.. ودلال وراها مسوية نفس الحركة.. حاجزين لنورة وروان نهى.. من النوع الطيب مرة وعلى نياتها.. مرجوجة بقوووة.. عكس دلال الهادية.. دلال اهلها فري مرة.. الشباب طبعا كلهم ورى علشان يشوفون البنات زين.. ريان الزعيم اللي كل شيء على كيفه.. لازم يسوي اللي بباله.. ومعاه وليد اللي وكله خالد بمهمة انه يروح مع ريان ويدورون لهم مكان وليد: شوف هناك كرسيين فاضين بس عليهم شناط بنات! ريان بعربجة: ياربيه.. بتنكسر يدك لو شلتها؟ راح ريان للكرسي اللي جنب دلال وتوه ماسكه.. دلال: Oobs!! Sorry but this is my chair ريان يلف على وليد اللي كان وراه: يقطع الوهقة.. شباب احد يترجم! وليد يستعبط: تقول لك كل تبن وانقلع هناك نهى خافت من ريان لان شكله تنرفز فقالت: لا.. تقول المكان محجوز ريان: امش بس الظاهر انا داخل فصل اولى ابتدائي ريان اللي اسلوبه وقح شوي.. هو طيب بس طبيعته عصبي ومايحب هالامور.. والعصبي يتنرفز بسرعة ويذب كلام.. رجع ورى اما وليد طلع برى الفصل.. فجأة.. ينفتح الباب بقوة وتدخل نورة اللي كان شكلها ناعم بس مشيتها السريعة وحركاتها العربجية عكس هالشيء.. راحت جلست جنب نهى وهي تسلم بيدها بس.. اما الشباب يعلقون عليها.. خالد طفش طلع بيشوف وين وليد.. توه طالع الا يشوف روان قدام الباب.. نورة سبقتها وهي من ذكائها ضيعة الفصل.. خالد منصدم وعيونه طايره بجبهته من الروعه: بسم الله!!!! انتي وشلون طلعتي؟ توك جوى الفصل! روان بغباء: لو سمحت هذا الفصل دخلت اختي نورة.. اقصد وحدة تشبهلي تو هنا؟ خالد يستوعب: ايه.. اها..انتي لك اخت هنا؟ تشبهلك مرة.. توها دخلت روان بارتباك: ايه.. ممكن شوي بدخل خالد اللي توقع انها بتكلم اختها وبتطلع: ههه واذا ماوخرت؟ روان انقهرت منه دفته على خفيف ودخلت.. اما هو كان مروق ويبي يستعبط عالبنات مع وليد.. فاتن شافت وليد وكان يمشي بصرقعه كأنه بيطيح على وجهه.. وخالد لحقه بعد وطلعو.. فقررت تطلع.. توها بتفتح الباب الا هو ينفتح وتدخل روان.. وقفت فاتن مرتاعة فاتن: مو انتي اللي قبل شوي دخلتي؟ بعدين لفت وراها وشافت نورة قاعدة.. صارت تناظر نورة وترجع تناظر روان.. اما روان متنرفزة من اللي كان عند الباب فدخلت وسلمت على نهى ودلال وهي تسمع تعليقات الفصل الغبية.. ( يمكنهم تؤام) (شكلهم خوات) (احس اني احوليت) رجعو اللي كانو طالعين لان مصطفى مدرس الانقلش جاء.. مصطفى: قود مورنينق قايز الفصل: قود مورنينق ريان الزعيم بزعمه بياكل الجو بابتسامة غبية: هلا فيك استاذ مصطفى : Why don’t you set dwon? ريان فتح فمه: هاه؟ وشو؟ مصطفى: وشو بعينك يااليل الادب.. اسمعوني كويس كلامنا كلوه راح يكون بالانقلش ولا كلمة تناال بالعربي مفهوم؟ الفصل: مفهوم نهى بعفوية : وات؟ قرب منها مصطفى وجلس يتكلم معاها بالانقلش وحس انها طالبة مجتهدة.. اما هي توهقت قالت الكلمة بدون شعور؟ شوي طلع المدرس وقامو الطلاب يتريقون عليه (يتميلحون) وليد يقلد مشيته : بس انتا وهوا يااليل الادب نهى تضحك : حلووووة.. هههههه.. ايه صدق كذا يمشي..<استوعبت انها قطت الميانه ورجعت ثقل وسكتت> طيب خل نشوف ترتيب الفصل.. ركزو زين.. بنت - فاضي ... دلال- روان محمد- نايف ... نورة- نهى وليد- خالد ... طلاب فاتن- مي ... ريان - ولد فاضي- فاضي ... عبدالله- ياسر طبعا فيه طلاب وطالبات غيرنا بس ماراح نذكرهم بالقصة مانبي نكثر.. مثل اللي قدام وجنب ريان لانهم ينحاشون ولايحضرون ولاحصة.. ومثل محمد اللي جنب نايف لانه طول الوقت ناااايم.. قامت روان بتسلم على مي.. شافها خالد وقام خالد ببراءة: انتم كلكم بفصلي؟ الله يعيني شكلي بلخبط بينكم؟ روان وقفت بملل: ليش فصلك لحالك؟ فصلنا احنا بعد وراحت لـ مي وجلست تسولف معها وتسألها عن وجدان.. وعدت الحصص الاولى بسلام.. وبالفسحة.. الشباب انتشرو بالمدرسة ماشفناهم.. الا يوسف.. طفى لمبات الفصل وحط راسه ونام!! اما احنا اخترنا لنا مكان وقعدنا فيه.. ماافطرنا.. لان محد راضي يشتري لنا من المقصف.. كله بلاوي .. هذا يمسك هذي مع خصرها وهذاك لازق في هذي وهذا حاط يده على كتف هذي... اما الساحة طبعا لاتخلو من الترقيم والترزز والتميلح والتخبيط والتصقيع والتعليق.. وكان البنات والعيال ماقد شافو خير لوووول..طبعا فيه بنات عاجبهم الوضع.. وفيه بنات زينا لا.. الحصة الربعة.. رجعنا لاماكننا بس دلال وقفت عند الباب تبي تستاذن من اللي علينا وتروح تشتري لنا.. جتها معلمة مزنة: ماذا تنتظرين؟ لم لاتدخلين؟ دلال بتعجب : سوري؟ ايش؟ مزنة: ادخلي الفصل واجلسي مكانك سكتت دلال رجعت مكانها.. نورة: ليش مااستاذنتي منها وطلعتي؟ دلال بغباء : ماافهم كلامها! نورة توقف: استاذة ممكن انزل للمقصف؟ مزنة: انتظري.. انا معلمة مادة اللغة العربية.. اسمي مزنة.. وانا مربية او مسئولة على فصلكم.. غدا سوف اقسمكم مجموعات.. ولكن احذرو كثرة الغياب..... شافوها العيال كذا مخفه فقامو يتكلمون.. حاولت تسكتهم ماقدرت.. مزنة عجوز مرة ومافيها حيل راحت جلست.. نورة: استاذة.. أأذهب اللحين؟ مزنة تناظرها: اذهبي وطلعت نورة تشتري لنا.. طبعا احنا مو كثار بس اغراضنا كثيرة.. لما وصلت عند باب الفصل طاح منها عصير بالوقت اللي كان نايف توه طالع من الفصل.. نزلو الثنين بيشيلونه وتلاقت نظراتهم ببعض.. فقامو كلهم ومحد شاله.. ضحك نايف اللي كان مشتهي العصير ونزل عطاها اياه وهو يطالعها بثقة.. نورة ذابت : مشكور نايف ماهمه: العفو.. دخلت نورة الفصل وهي مستغربة من هالازعاج وكأن ماعندهم معلمة.. اكلنا فطورنا واحنا نسولف الا مي اللي ماعلقت.. كانت تفكر انها تغيب هالاسبوع لحد ماتجي وجدان..خلصت فطور بسرعة ورجعت مكانها لحالها لان فاتن جالسة معانا.. فتحت كراستها ورسمت بحر بوسطه سفينه كانها بتغرق.. وغروب الشمس.. كان المنظر روعة.. قرب منها ياسر.. ياسر يحتك : وريني.. هذا رسمك؟ مي بثقة : ايه.. ياسر :حلو.. حط ورقة عالطاولة وقام.. فتحتها لقتها شعر.. مااههتمت فيه بس كتبته بوسط البحر.. سكرت الكراسة وسكرت معاها اول ذكرى لها بهالمدرسة.. ::::::::::: آخر تحرير بواسطة همسات..وردة.. : 16-06-2005 الساعة 11:59 PM. |
|
|
|
|
16-06-2005, 04:52 PM
|
#3 |
|
من كبار روائع
::+: v i p :+:: |
يوم الاحد.. دخلو نهى ودلال للفصل ونورة وروان كالعادة ماجو.. فطلعو يستنونهم عند الدرج وقابلو نورة اللي وقفت تسلم عليهم.. اما روان كان بيدها كتب واغراض ومحتاسة مشت ولاكانها شافتهم.. نهى : احنا ماعلينا سلام؟ تراني هنا روان : لحظة.. برجع لكم تقدمت شوي وقابلت وليد وخالد ونايف برى.. وليد شافها مشغولة فحب يستخف دمه.. مد رجله قاصد يعكر لها.. روان فقدت توازنها وطاحت منها الكتب.. جاء ببالها ان خالد اللي عكر لها.. روان : خير ان شالله؟ انت ماتشوف قدامك؟ خالد : نعم؟ تكلميني! روان : وتستغبي بعد؟ مين غيرك عكر لي خالد باحتقار : انا اعكر لك انتي؟ وليد الكذاب : خالد لاتكذب انا شايفك عكرت لها؟ نايف : انت اللي لاتكذب! وليد : انا اسف.. كنت بمشي وماانتبهت لك وكنت بعكر لك.. معليش ماانتبهت لك نهى ضحكت.. بس نايف نزل وشال الكتب وهو يحسبها نورة ويقول بنفسه (شكلها تبيني كل يوم اشيل لها شيء) انحرجت روان واخذت الكتب معه ودخلت وهي معصبة واحد يستخف دمه والثاني غبي يقهرني بس نايف.. طيب مرة.. خالد الثاني كان منقهر.. لما كانت تحسبني معكر لها عصبت.. اما وليد عادي؟ الحصة الاولى كان علينا احياء.. مدرسة الاحياء هيا.. هيا : اليوم مافيه درس.. بس بكرة بيكون درسنا عن النباتات.. كل واحد فيكم يجيب معاه وردة.. نهى : والبنات مايجيبون؟ هيا : الا.. كلكم ياسر : واذا ماجبنا وش بتسوين لنا؟ وليد : تبين لونها احمر والا ابيض؟ هيا : مو مهم اللون دلال : تيتشر.. فيه نوع محدد؟ فل او ياسمين او جوري؟ عصبت منهم هيا وطلعت.. الشباب صارو يعلقون عليها ( الظاهر محد قد جاب لها وردة) بعد الفسحة.. رجعت مي مكانها وشافت ورقة على طاولتها.. فتحتها.. شعر ومكتوب تحته (العاشق الولهان) التفتت على ياسر اللي كان يطالعها ويبتسم.. عرفت ان الورقة منه فدخلتها وسوت نفسها عادي مع ان قلبها كان يدق بقوة.. ماتقدر تبين له مشاعرها.. غرورها مايسمح لها.. بس يمكن يجي اليوم اللي تتغير فيه الامور؟ دخل علينا مدرس الرياضة بدر.. نورة وروان كانو يدورون نايف اللي تاخر عن الحصة.. بدر : بكرة كلكم تجيبون بدل رياضة معاكم وليد : حتى البنات يااستاذ؟ بدر : ايه حتى البنات حاولنا نتخيل اشكالنا بس ماقدرنا.. متنا من الضحك.. نزلنا تحت علشان نشوف الملعب وصالات الرياضة.. انبسطنا كلنا.. الا يوسف لانه مانزل و روان ونورة لانهم شافو نايف جالس مع بنت.. كانت نورة تناظره باستحقار فناداها.. نايف : روان والا نورة؟ نورة: نورة نايف: الاستاذ يدري اني معكم بالفصل؟ نورة: مااعتقد.. نزلنا نشوف الملعب نايف: اجل لحد يقول له ولف بيروح بس نورة نادته.. نورة بتردد: مين البنت اللي معاك؟ نايف: هذي... بنت خالتي راحت نورة من عنده وهي معصبة.. اما روان عصبت اكثر منها.. ليش ينادي نورة وانا لا.. ومين اللي معاه.. الحصة اللي بعدها كان علينا عربي.. دخلتنا مزنة ودخلت.. مزنة : هل ظل احد بالخارج؟ الفصل: لا مزنة : ايها النائم.. استيقظ.. نايف يقومه : ايها النائم.. من بداية السنة ماشفت وجهك؟ طول الوقت راسك عالطاولة؟ رفع محمد راسه وناظرهم: حسبي الله عليكم.. توني نايم ماامداني اكمل الحلم؟ مزنة: حسنا.. اخرجو دفاتركم وانصتو الي.. هناك موضوع مهم.. سكتنا كلنا نبي نعرف وش عندها؟ مزنة: بما انني مربية فصلكم سوف اقوم بتقسيمكم الى مجموعات.. في جميع المواد كالبحوث المشتركة او التعبير او التلخيص او أي امر اخر.. وسوف تكون كل المجموعة مكونة من بنت وولد.. ضحك الفصل وعلق تعليقات بسيطة.. نهى ببراءة: لماذا يااستاذة؟ مزنة: لابد من اشتراك شخصان بالموضوع.. لو جعلنا طالبين مع بعضهما سيكون الموضوع جاف والآراء متشابهة.. اما ان جعلنا كل طالبتين فستتوافق الآراء ايضا.. لذا ساجعل كل بنت وولد في موضوع لكي يكون هناك اختلاف في الاسلوب الشباب: احلىىى شيء تسوينه بدت مزنة تلقي نظراتها عالفصل بطريقة اربكتنا.. مزنة: سنبدء.. دلال ستكون مع ريان الفصل: ياهوووووووووه.. ايوااااااااا مزنة: مي مع عبدالله الفصل: مايمدينااااااااااااااااا مزنة: اصمتوووو.. نهى مع ياسر الفصل: اوووووووووووووه.. كششخة مزنة: روان... انتي مع خالد.. هدؤؤؤؤؤ.. سكت الفصل ومحد علق.. الكل عارف ان روان وخالد زي البنزين والنار.. مايجتمعون.. روان: لا يااستاذة.. ماابغى.. خالد عصب: انا ميت عليك عاد روان: ماابغى اكون معاك خالد بتريقه: لا تكفين.. بمووووووووت.. مااستحمل مزنة: كفىى.. كفى.. ماهذا؟ حسنا سوف نغير.. روان مع نايف.. وخالد مع نورة.. تشققت روان من الفرحة.. مزنة: فاتن مع وليد وبدت تقول اسماء الفصل الباقيه.. الشباب رجعو لحالة الازعاج بس احنا كل وحدة مننا سرحانة تفكر في مصيرها معاهم.. بالطلعة.. دلال بتطلع فقمنا نوصلها.. قرب مننا ولد.. .........: ابي اكلمك بموضوع يادلال دلال: انا؟ امم.. سوري بطلع اللحين.. ....... : اجل اكلمك بكرة وراح.. اما دلال طلعت ولاهمها.. كلنا اهتمينا وش عنده؟ طلعت دلال وانتهى بعدها اليوم الثاني بالمدرسة.. اليوم الغريب.. بس يمكن فيه ايام اغرب واغرب..؟ يوم الاثنين. نهى : اللي امس ناداك وش عنده؟ دلال: آي دونت نو.. بكيفه نهى: اووف.. وش علينا اللحين؟ دلال: سبورت.. ريان كان يمر من عندهم.. ريان: علينا سبورت؟ وش هالمادة بعد؟ لايكون دخلو علينا مادة فرنسي؟ ياربيييه.. ماعرفت للانقلش اعرف فرنسي! دلال: نو.. سبورت يعني رياضة ريان: ايه.. على بالي دخلو مادة جديدة بعد.. طيب وش تستنون؟ خل ننزل؟ نهى: نورة وروان.. ماجو.. توها بتكمل كلامها الا دخلو روان ونورة من الفصل.. حطو شناطهم ونزلنا كلنا.. لقينا الشباب لابسين بدل الرياضه اللي عبارة عن شورت وكت.. اما احنا لا متسترات.. كم قصير وبنطلون.. ريان كان عريض اما نايف له عضلات.. وليد اللي كان دب.. خالد معصقل.. ياسر وعبدالله اجسامهم عادية.. بدو الشباب يلعبون بس احنا مالعبنا.. الصراحة استحينا..صح انطلقنا صرنا نتكلم معهم عادي.. بس ماوصلت لهالدرج.. المشكلة يوسف جالس معنا ومطمن راسه ونايم!! الحصة الثالثة.. علينا عربي.. دخلت مزنة بس حالة الازعاج مستمرة.. مزنة: مادة الأدب.. سنأخذ الآن قصيدة عنتر بن شداد سكت الفصل بيسمعون وش السالفة؟ مزنة: يادار عبلة بالجوار تكلمي الشباب : ياهووووووووه.. ياسر بلكاعة: يادار نهى بالجوار تكلمي مزنة: ماهذا الهراء؟ اصمتووو مي استغربت من ياسر؟ وش دخله في نهى؟ ياسر كان مفكر يشبك مع مي.. لكن لما حطوه بالتقسيم مع نهىغير رايه.. ياسر: بما انك مع مي ليش ماتشبك معاها؟ عبدالله: بس انت راسلتها؟ ياسر: كان الرسايل منك وانا اوصلها بس عبدالله: طيب مو مشكلة.. بس باين عليها حزينة.. شكلها تحب ياسر: ماعليك حاول تنسيها.. المهم هي تعطيك وجه سكت عبدالله محتار وهو يفكر وش بيصير بينهم؟ من زمان ووده يحب وحدة.. مي تصلح له؟ نهاية الفسحة.. فاتن الملكعة: انا جوعانة.. مو معقولة كل يوم ماناكل الا بعد الفسحة.. بعدين مانضمن نلقى حصة فراغ اليوم؟ نورة بعصبية: وش نسوي يعني؟ فاتن: عطوني طلباتكم بخلي احد يشتري لنا ماعارضنا وعطيناها الطلبات.. راحت لشلة ريان.. فاتن بدلع: وليد ممكن تشتري لنا؟ وليد يصرف : هاه؟ (يناظر جنبه نايف يشرب عصير يقوم يسحبه منه) لا انا افطر.. خلي احد ثاني نايف: وليدووه وجع؟ فاتن: نايف تشتري لنا؟ نايف: انا؟ لا مو فاضي فاتن: ياربيه.. احد منكم يشتري لنا.. ياسر: انتي ومين؟ فاتن بذكاء: كلنا ياسر قام بيشتري معاها لما عرف ان نهى معها.. جو ومعهم الطلبات.. مدوها لنا.. كلنا : مشكور نهى: خذ هالكراوسان بخشيش.. ياسر: كل شيء منك حلو.. بس معليش شبعان وراح.. ضحكنا على نهى اللي حمر وجهها وهي تقول: هذا مصدق يحسبني بعطيه! تونا بدينا ناكل الا وواحد جاي لنا.. نفس اللي امس يبي دلال.. ........: دلال.. دلال: انا افطر اللحين بعدين اجيك .........: بس انا ابيك بموضوع مهم دلال: انا افطر راح الولد وعلى طول قالت فاتن بلكاعة: ليش فشلتيه؟ روحي له ترى هذا بثاني ثانوي ومعروف بالمدرسة واسمه حمد نورة بعربجة: طيب؟ يعني بتخاف منه؟ نهى: مو منه من الخاتم اللي لابسه ههههههه الحصة السادسة.. جتنا مزنة ونزلتنا للمكتبة تحت.. جلسنا كل اثنين مقابلين بعض.. مزنة: الآن ستقومون بعمل بحث على حسب التقسيم.. سيكون عن العشرة المبشرين بالجنة.. سنبدء به هذا الاسبوع لكي ننتهي منه ونبدء في المواد.. محمد : وشو تقسيمه؟ انا مع مين؟ ريان: انت كمل نومك بس ياسر كان يحاول يسولف على نهى بس نهى قامت تدور كتب وخلته.. تحطم ياسر وهو حاسها من النوع الصعب شوي.. فاتن تتلزق في وليد لحد ماطفش منها.. فقام بيآخذ له كتاب.. مسكو نهى ووليد بنفس الوقت نفس الكتاب.. نهى بابتسامة بريئة: معليش.. آسفة وليد: لا عادي.. خذيه نهى: لا خذه انت وليد: اجل تعالي اقريه معاي نهى بارتباك: لا وين.. صعبة! بدور لي واحد ثاني وليد: ليش انتي رسمية معاي؟ وافقت نهى وراحو وجلسو قبال بعض وبدو يقرون ويكتبون.. طبعا لازم يضحكون على انه مافيه شيء يضحكهم؟ نورة وخالد ماشين بشكل حلو.. على انهم مب شاطرين بس طالعين دوافير بالنسبة لنا.. اما دلال جابت كتاب توريه ريان: شوف هذا الكتاب ريان: لا هذا معلوماته معروفة.. دوري غيره دلال: بس شوف هذي الصفحة فيها اسمائهم؟ ريان: يعني ماتعرفينهم؟ اووف.. شكلي جالس مع بزر.. الله يعيني عليك تحطمت دلال الناعمة وهي تحسه يجرحها.. بس هي هادية شوي.. وش بتقول له؟ خلته يكتب اللي يبيه.. نشوف روان اللي كانت تكلم نايف.. روان: هذي النقطة مهمة.. نكتبها؟ نايف: اكتبي اللي تبغينه روان: اسوي كل شيء لحالي؟ انت منتب مشترك معاي؟ نايف: الا.. بس انا موافق على اللي تبينه.. مااحب افرض رايي سكتت روان وسكرت الكتاب ببرود.. هي محتاجة احد يحركها وتجتمع مع هذا بعد؟ اما مي وعبدالله فاتحين لهم كم كتاب وكل واحد بعالم ثاني وهو يناظر الفراغ اللي قدامه.. عبدالله طفش والوقت راح.. عبدالله: مي.. ابكلمك بموضوع ممكن؟ مي: تفضل عبدالله: مي انا اراسلك من زمان.. بس انتي مارديتي لي.. مي: تراسلني؟ كيف؟ عبدالله: الصراحة انتي مرة عاجبتني.. وصرت ارسل لك رسايل مع ياسر.. بس انتي ماعطيتيني وجه! مي: يعني الرسايل منك؟ عبدالله: ايه.. واتمنى هالشيء ماضايقك ولا سبب لك احراج.. واذا يضايقك قولي لي وانا اوقف مي: مافهمت عليك؟ عبدالله: يعني ترضين تمشين وتقعدين معاي؟ او تكلميني؟ والا لا؟ مي: اوكي.. مو مشكلة.. سكتت مي بخوف.. ليش خافت؟ هو ماطلب منها شيء؟ بس صداقة او اعجاب؟ انتهى اليوم.. وانتهت معه مبادىء مي.. في هذا الوقت اللي صار الصداقة او الاعجاب بين البنت والولد.. عااااادي ..!! :::::::::::::: اكتفي بذا الجزء اللحين.. والحكم الاول والاخير لكم.. اذا عجبتكم وشفت ردود بكمل.. (*37) ::::::::::::: آخر تحرير بواسطة همسات..وردة.. : 17-06-2005 الساعة 12:01 AM. |
|
|
|
|
16-06-2005, 09:00 PM
|
#4 |
|
/.... تَِفٍوٍَقٍِ آلوٍصَِفٍ ...\
 |
عزيزتي الغاليه هموسه .... احس هالقصه رائعه وتشد بس مالحقت اقرها كلها الخط صغير (*20) (*20) اتمنى انك تعدلينه وتكبرينه شوي (*40) آخر تحرير بواسطة MISS_Dr.Rae3 : 17-06-2005 الساعة 12:31 PM. |
|
|
|
|
17-06-2005, 12:05 AM
|
#5 |
|
من كبار روائع
::+: v i p :+:: |
انا عندي الخط كبيير؟ بس كبرته زيادة علشانك مس.. كنت حاطه الحجم 4 وللحن 6 اتمنى يوضح الخط اللحين.. واشوف رايكم بالقصة.. |
|
|
|
|
17-06-2005, 02:09 AM
|
#6 |
|
المشرف العام
|
اختي همسات ورده انا كبرت الخط كان الخط 2 ورفعته الى 4 ولي رجعه ان شاء الله وراح اقرا القصه من اول الى الاخر مشكورة ولي رجعه |
|
|
|
|
17-06-2005, 03:58 AM
|
#7 |
|
مــبــدعــة روائـــع
::+: v i p :+:: |
همسات ...
قصتك جدا مبتكره .. أحداثها غريبه تحكي عن مستقبل قدي أتي وقد لايأتي قصتك قد توضح مخاطر هذا الزمان .. تزضح مخاطر الأختلاط توضح اساسيات وأخلاقيات كثيييره اختي همسات القصه من بدايتها حلوه وموضوعها ومحتواها أحلى استنى الجزء الجديد في اقرب وقت دمت بود وورد وجوري أختك في الله : دلوعة أمها |
|
|
|
|
17-06-2005, 06:56 AM
|
#8 |
|
ريــحــانة روائـــع
::+: v i p :+:: |
قصه بدايتها حلوة وتبين مخاطر الاختلاط في اسلوب قصصي ... ننتظر الباقي (*40) ومشكورة خيتوو |
|
|
|
|
17-06-2005, 01:21 PM
|
#9 |
|
/.... تَِفٍوٍَقٍِ آلوٍصَِفٍ ...\
|
nice story تسلم اناملك همـوسه ...قصة حلوه حلوه والاختلاط امور لايعرف عواقبها الا من يفكر بعقل ورويه وياني مت ضحك ع العيال اللي قامو يتكشخون ويتسبحون بالعطور من الصبح (*33) (*33) : يعـطيك العافيه خيتو واتمنى انك تكملي لنا القصه (*23) |
|
|
|
|
17-06-2005, 08:41 PM
|
#10 |
|
المشرف العام
|
القصه حلوه ماشاء الله وبدايتها فيها حركه وتشد الانتباه وخصوصا ان احداث القصه تدور في المدرسه ومنبع الاختلاط الله يحمينا من المستقبل الاليم ... انا اتوقع ان محمد النايم راح يكون له شان ... ولكن ياليت اختي همس تحاولين تبعدين التوائم عن بعض لاني احوليت في القصه والله كل شوي اطارد وين نوره ووين اختها مشكوره الف شكر وانا بانتظار الجزء الجديد اختي |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
مواضيع مشابهه
|
||||
| الموضوع | كاتب الموضوع | المنتدى | ردود | آخر مشاركة |
| الآن خدمة برافو ... في السعودية . | زعيم وبس | الموبايل والاتصالات | 8 | 28-10-2006 02:04 PM |
| الآن الآن (( دافعوا عن كتاب الله )) قبل أن لا يكون آن....! | كتائب النور | الاسلام والشريعة | 1 | 27-07-2005 04:32 PM |
| حمل الآن أجمل الخطوط العربية والأجنبية على جهازك | زعيم وبس | البرامج والحاسب | 3 | 06-02-2005 01:50 AM |
| الآن بإمكانك أن تصلح جهازك إذا تعطل | عبقرينو | البرامج والحاسب | 6 | 08-08-2004 11:41 PM |
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
النمط الخطي
