الفرق بين البنت الناعمة والبنت الدفشة ...

المجـ،،ــروح · 29-08-2005, 01:46 AM

هلا كيفكم ..

الفرق بين البنت الناعمه والدفشه(هههه)

البنت الناعمة

<<<<<<<<<<<<< عندها دبدوب

طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم

ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم

لكم شنو قالت لها الخدامة 00 تقول قومى ما ما وقت واجد تأخير 00 والناعمة اول ما تصحى

من النوم تفتح الستارة والشباك علشان الغرفة تتنفس وشغلت موسيقى رومانسية علشان

يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات

والصبغ 00 لازم تحافظ على البشرة 00 خلصت من المراية وتتجة الان الى الاستشوار

وبعدين تلبس البنطلون الجنز والبلوزة 00 وتنزل تاكل الفطور اللى يكون عبارة عن دونت

وعصير برتقال 0

_________________

البنت الدفشة
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى

شبعتى نوم ترد الدفشة على امها 00 زين زين الحين بقعد 00

00 وبعدين يدخل اخوها الصغير ويصرخ 00 وجع 00 يالله كفاية نوم 00 ترد علية : اطلع من الغرفة والا

ارميك من الشباك الحين 00 المهم اخوها اللى اكبر منها يروح لها الغرفة يرفسها وبعد تلك

الرفسة العنيفة 00 تصحى من النوم

_____________________

نرجع للبنت الناعمة

ما تتغدا الا الساعة 4 ولا 5 ولا تتغدى الا على عيش ابيض مسلوق

وسلطة تحافظ على رشاقتها 0
_______________

اما البنت الدفشة

تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى شربة

واحدة يعنى ما فى مجال انها تتنفس 00 وما تسمع الا اصوات مخفية 0

____________________

البنت الناعمة

طلعتها تكون من بعد صلاة المغرب ما تطلع العصر تحافظ على البشرة من ضوء الشمس :
_______________________

البنت الدفشة

تطلع الساعة 2الظهر في الشمس تروح مشى لبيت خوالها او صديقتها لحد ما تنقلب سمرة 0
_____________________

البنت الناعمة

اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها __________________________

البنت الدفشة

ها ها ها ها 00 والشارع الثانى يسمعها 0
_____________________________

البنت الناعمة

لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة_
__________________________

البنت الدفشة

تنسدح على الارض وتحط رأسها على المخدة وتمد رجلها وتحطها على التلفزيون واذا تبى

تغير القناة دقت التلفزيون باصبع رجلها وغيرت القناة 0

_____________________________

البنت الناعمة

اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى يروح و يرجع وتناظر بالنجوم والقمر
____________________________

البنت الدفشة

تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة

ستة متر مليانه شاى وجالسه مطيره عيونها مثل الجنيه
____________________________________________ ___

البنت الناعمة

فى نهاية هالموضوع تقولكم 00 تشاو 00 او سى يو 00 او باى ______________________________________________
البنت الدفشه

من رخصتكم او استمارتكم او يالله فارقوا

دلوعة أمها · 29-08-2005, 04:26 AM

تسلم اخوي المجروح على هالمقارنه
بس تذكر انه اصابع ايدك مب سوى

يعني مب كل الدفشات كذا ولا كل الناعمات كذا

المجـ،،ــروح · 29-08-2005, 01:08 PM

للمرة الثالثة اقووووووووووول ياناس هذا المكان للصرقعه والونسة والضحك
ياناااااااااااااس فرقو بين النكت والواقع يعني خلاص هذه هي المقارتة الحقيقية
طبعا لاااا ارجو منك اختي دلوعة تقري وش المكان هذا بعدين تتفلسفين بكيفك
هذا المكان مو مكتوب عليه الساحة العامة ولا ساحة المرأة ولا النقاش الجاد
اسمه ساحة الالعاب والصرقعة يعني كله ونسة في ونسة
ولا لوكان على رأيك وكلامك خلاص بلاش نسوي فروع للمنتدى وكلنا نكتب في مكان واحد واللي يفهم بكيفه واللي مايفهم عاد برضه بكيفه
ارجو ان يكون عندك نظرة ثاقبة
وارجو من الكل ان يفرق بين فروع المنتدى
وشكرااااا

دلوعة أمها · 30-08-2005, 05:03 AM

اخوي المجروح

شكلك زعلت من اللي قلته

تراني استانست على الموضوع ... ووسعت صدري فيه
بس ياخوي ماتوصل انك تزعل على ردي ...

اشوف انك كبرتها وهي صغيره .... طيب اذا قلتها مافيها شي
يعني عادي .. كأي كلمة تقال ...
وبعدين انا مفرقه ..واعرف اقرى زين انا بأي قسم داخله ...
وادري انها نكت واستهبال ....
بس
اتوقع ياخوي انه كلامي مافيها شي

ولو سمحت لاتحط حرتك علي

بحور الالم · 10-09-2005, 07:36 PM

هدو اعصابكم يالغالين وصلو على النبي
سوء تفاهم حصل وراح خلاص عاد يالله ابي ردودكم على بعض متسامحين في هذا الموضوع

تسلم اخوووووووووووي المجروح على هذي الصرقعة واااااااااااااااااااايد عجبتني انا اقرا وانا بموت من الضحك

الله لايحرمنا منك يالمجروح

JIjJjJI · 11-09-2005, 02:47 AM

وش ذا يالمجروووووووووووح صراحة انت خبره يعني تخصص دفشه يعني شاكوشه صح والله احس انك صادق عندنا شغاله من هذي الدفشه الي تقول عنها ههههههههههههه ياخي مليان فمها بصل ولحم ههههههههههههه على العمووووم موضوعك جدا رائع وانتا اكثر من رائع وابي اقلك على شغله لو عندك موضوووع ديني بعد وتبي تحط هنا ترا انت حررررررررررر والي يكلمك تعاليييييييييي تعرفني واصل هههههههههههه وفيه تعليييق بسيط انا كتبت موضووووووع وجات مشاركات عليه لاكن الغريب في الامر انهم ماذكرو اسم الي كتب الموضوووووووووع وشكرا اخوك ][][ الـــــزلـــــزالـــ ][][

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مواضيع مشابهه
الموضوع	كاتب الموضوع	المنتدى	ردود	آخر مشاركة
الفرق بين الشاب والبنت ؟؟	حــ الألم ــب	روائع العامة	17	18-08-2005 11:02 AM
عندما تكون المشاركة من البنت ......	بقايا أمس	روائع العامة	20	07-12-2004 09:25 PM

مستخدمين موجودين حالياً يشاهدون الموضوع: 1 (0 أعضاء و1 ضيوف)