~¤ô_ô¤~ يـــــــاحــــــلاااات مـــــــــن ســـــــــــــكــــن ببـيت من طـين ~¤ô_ô¤~

MISS_Dr.Rae3 · 02-09-2005, 10:13 AM

بس ما أبي أسكن به لحالي بذا الوقت والناس اللي سـاكن له بشقة واللي بـ فيلا واللي بقصر ..

وانا ببيت طين ياحيل الله وقوته اللي يشوفن يقول ذي .. ضعيفتن مسيكينة

والا اخاف يقولون ذي مهبولة .. والا وحدة موسوسه والا معقدة

لاء

أبي يــصير فيه انقلاب في البلاد من النوع الطيب .. أي كان نوعه مهب مشكلة

(( من غير شر طبعا ))

وعلى أثر هالانقلاب تتهدم المباني الاسمنتية والسيراميكية والرخامية والحديدية <== بدت تعطي خيط وخيط

(( أنذر ..... من غير شر ))

ايه همن عاد نبدأ نبني بيوت جديدة ............ بس !!!!

بيوت طينية

اللي بالشتاء دفى من ربي .. وبالصيف براد من ربي .. بدون مكيفات وقلة والــي وصرف كهرب وشفط قروش

واذا زاد الحر شوي بالصيف .. رشينا الجدران بـ ميه ,,, يـــــــــــــالله براد الجنة تسنه توه ممطرة
وهذا تكييف مركزي ......... طبيعي

عـــــــاد لازم مع الوقت نتكيف مع العيشة الجديده .. يصير ماهنا شي اسمه

" ســـالة تـئـام " <=== صـــــــالة طعام

ياكلون ويشربون بالقبة وهي مقعدهم ومسدحهم ومردحهم ..وهالقبة طول الله اعمار ( القارين) هي غرفة سقفها الى السطح ....." بس ترى مافيها درايش ولا فتحات يعني مو مثل الي نشوفهن الحين بالبيوت الجديدة "

واللي رجلينه متعودات على الطاولة والكرسي ياخذ له كورسات قبل لا تجي هالانقلابة
"قلبي يحس انها قريبة الاجل "

يعني

وبـّــد نفسك من الاول عشان يصير عندك تقبل للي يجي بعده .. تعود على حطزة الارض والتربع
لانك ياعردز امك .. عقب هالانقلابة " الراااااااااااااائعة " تبي تودع هانديز .. وبرقر كنج .. وهنقري بني .. وشي اسمه تشكن برقر .. ويدقز .. نجتز .. اعددددددددددمه من ذاكرة التاريخ ,, ولا عاد تسمع بالشاورما الا اذا شفت شوام غلطين بالطريق ومارين من عند باب بيتكم الخشبي المتهلهل
وشوفة ورق العنب والمحشيات والتبولة والكبة ........ تصير زي الحلم
ويجي بدالهن ... جريش ومرقوق وقرصاااااااااان .. عاد يبدن يتميلحن الحريم .. ويبدعن بالطبخات ,, منهن من ترق على قفر .. واللي ترق على جراد .. واللي على عراجين وفقع
ويتفنن بشكل القرصان النهائي , وتشكيلة الخضار اللي تزين الواجهة ( هذا اذا كان فيه خضرة بالاساس ) .. تجيكم الباذنجانه مقطعه بشكل طولي ومسدوحه بالوسط .. وبجنبها خواتها الضحايا .. من كوسة وقرع و ... الخ
عــــاد كل حرمة وذوقها بالتقطيع والتشكيل

بــــــــــعــــــدييييييين فيه نقطة مهمة في الاكل , ترى الملاعق مايستخدمن الا بالطبخ والنتسب ( فقط ) ,, والشوكة تمسح من القاموس القديم ** ماااهنا الا ضرب بالخمس وتلحيس ومصمصة اصابع ** وتغسيل بالتراب لانه شي اسمه لوكس وتايد يندرج تحت الخيــــــــــال الســـــــــاحق
ويتربع بداله صابون ابو عنز .. طبعاً ابو عنز يكفي ويوفي لجميع اغراض الغسيل " ايدين رجلين خشه ثياب مواعين "
كــــــــل من قال ابي أغسل .. مـــدّ لـــه ====> صابون أبو عنز
والا مـــدّ له ===> ســــــــدر
وان ما حصلتهن كلههههن .. التراب خير وسيلة متوفر في جميع الاماكن ,, بالاضافة الى أنه غير مكلف

*
*
*
*

صدز اني بكلامي قلت ان الحريم هن اللي يطبخن ,,,

لانـــــــــــــه ..

البنات بينقرضن خـــلاص !

من فترة الطفولة تنقز الى =====> المره

يعني .. ماعندنا بنات يقولن مانبي نكمل دراستنا - - لانه تدرون وش تبي تصير الدراسة الجايه ؟؟؟ - -
شي ماتعلمتوه الى الحين .. وانتن جامعيات .. وبعضكن متخرجات !!

وهـــــــــــــو

**^^** الطبخ والكرف والنفخ **^^**

(( & النــفخ & .. مهب هذا اللي تعلتموه انكم تنفخون على اللي اقل منكم .. لاءء ,, لان بالوقت الجاي كلنا سواسيه .. مـافيش حد أحسن من حد
النفخ هنـا اصطلاحــاً : تنفس الصــعداء من كثر الدبتسة والسنع ))

اييييييييييييييييييييه البنت ماتطلع من بيت اهلها الا متعلمة الطبخ من الـ أ الى الـ ي
.....هذا غير علوم الحريم وسنعهن ... و وشلون تداري الحمولة
البنت في المستقبل (( بعد الانقلابة )) تتحمل المسئولية من جد !!
مهب مثل مايعات هالزمن .. أقل شي القهوة ماتعرف تسويها .. هذا غير اذا صارت من موقف أقل من عادي ,, تخوبلت وتدوكرت وحاست الديره بدال ماتحل المشكلة !!.......... تعقدها
:
:

عــــــاد بنات المستقبل ,,, راح يغنون . . للبناطيل .. والتنانير الضيقات والقصار والتي شيرتات الي يتكّن القلب والوحدة منهن اذا مشت تقل محرولة من الضيق !!!!!!!!
يغنن لهن

===> بـــــــــــودعـــــــك يــــــــالضنـــــــــــا
&
====> مـــــــــا بــــــــــلاش نتكلم في المــــــــاضي ** المــــــاضي ده كــان كــــــــله قـــراح

وتستبدلهن بمقاطع وكرت روز ( روز ترى مهب اللي ببالكن لا هذا نوع من الاقمشة ) وســــــــيعااااااااااااااات نفهاااااااااااااااااااااااااات .. عاد هنا يتفاخرن البنات بتطويل ثيابهن ... ويلبسن تحت المقطع سراويل خط البلدة ..
وكل وحدة تنسق الوان تناسب الكرته
وتغني لهنّ "
**(هــنّ) عائدة على المقطع + خط البلدة "

مــــــــــــاني على فرقـــــــاك يـــــــا شـــــــوق نــــــاوي **
مـــــــير الزمــــن لـــه وقـفــــة بــين الاحـبــــــــــاب **

وتـــــــــــودع الماكياج وتقوله

====> ودااااااااااااااااااااعــيـــــــــة يــــــــــا آخر لــيــلـة تـجـمـعــنـــــــــــــــــا

وتحتضن الأدوات الجديدة من ديرم وكحل " القلم الذهبي" والا المكحله

يــــــــاكود تعـدّل بشرات الانسااااااااات الصغيرااااااااات اللي حاستهن الماركات العالمية والتجارية " اليهودية " بحجة ========> التزين !!

تتجه الكــــــــــــاميرا الى النصف الأول

تلقاهم بالفلاحة كررررررررررف من عقب صلاة الفجر ... وهم مابين نخل وبقر وعلف وسوااااااااني

الييييييييين قبيل الظهر يروحون يجتمعون بالمسجد ويتريحون ويتسننون ويصلون .. وكلن يروح لبيته (( الطين )) ويقعدون بالقبة مع اهلهم .. يبلعون همن يقيلون لهم شوي ويقومون نشيطين ... ويكملون اشغالهم (( التجارية ))

مهب مثل خكارية هالوقت .. مـــــــاغير تمسيس القصيصة .. والثوب مخصر!! ..
وطويل طول طريق الرياض القصيم ... والسكسوكة تقل دوار الساعه
هذا غير الميك اب اللي يلططونه بخششهم يتجاكرون به هم والبنيات .. ايهن تحط احسن من الثانية ؟
وايديييييييييييييينهم حلس ملس .. تقل زبـــــد !

أســـــاســــا مــــــــافيه مجال ان احد يثق به ويشغله " لان الكتاب مبين من عنوانه "

*
*
*
*
*
*
*
*
*
بــــــــ ع ــــــــدين فيه نقطة مهمة للنصفين ,, وهي ان البنت خــــــــــلاص مايصير لها داعي تروح تتسكع بالاسواق !!

لــــــــيـــــــــــه ؟

لانه مافيه مجال للاختياااااااار .. هو طول قماش يوصل لحدها بالبيت يشقق لكل أعضااااااااء المنزل والموديل واحد والماكياج معروف مافيه داعي تروح تنقي لها ماركة والا درجة معينة ** ولو قعد الدهر كله ماخرب ولا راحت موضته **

وبــــــــــالتـــــــــــــــالي

تنخفض .. أو بالأصح ! ... تنعدم المعاكسات وحركات الترقيم والبلاوي اللي نشوفها في عصرنا الحــــــــــــــــــــــاضر !

أنذر** ليــــــــــــــــــــــــــــــــه

*
*
*
*
*
*
*
*
*
*
*
*
*
*
*
*
*
*
*

لأن شركة الاتصـــــالات انقلبت على راسها مع الانقلاااااااااااااااااااااااااااااب

~®§§][][ كنتم مـع امنـيه فــوق هــام السحــاب (*37) ][][§§®~

دلوعة أمها · 02-09-2005, 02:56 PM

ياحبي لتس يامسز
موضوع جناااان.....
من يوم انا صغيره ودي ترجع ايام زمان ونعيش ببيوت طين
وتختفي هالبهرجه ذي كلها ..
جبتيها على العوق ياوخيتي....
بس نو وي ... استحاله ...
مافيه ولا 1 بالمليون امل ينقلب الحال ....
يعن ... تعودي على الملاعق والشوك مهب تخمسن ...
واقعدي على الطاولات والكراسي ... وتعودي على برودة المكيف ...
احسن لتس

مشكوره على الموضوع اللي رجع الذاكره لأيام قبل مانولد <<وش تبي ذي
دمتِ لغاليك

المجـ،،ــروح · 04-09-2005, 01:11 AM

يا مسز هذه الامنية مو فوق السحاب ولا في المستحيل
لالالا ابي وصف احلى شايفة البقرة لماتحج على قرونها بعدها ننتظر تحقيق هالامنية
الحلوة
اشكرك على الموضوع الرائع لاكن من الصعب التكيف مع الحياة اللي تتمنيها
لاننا نفتقد الى حياة التعب والارهاق ((حقة ايام زمان )) بالعربي حنا مدلعييييييييييين
والدليل انك انتي كتبتي المشاركة هذي وانا جالس ارد عليها
في دلع اكثر من كذاا ههههههههههههههه
الله يرحم ايام زمان
تسلمي اختي مسز المشرفة المتميزة في عالم الروائع

جـــابر · 04-09-2005, 11:38 AM

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)