سٌٍُـ حٌُِ ـآيِّبٌٍ

هلا وغلا بنت الدوسري

عزيزتي اسعدني مرورك

وحياك الله في منتداك..وبيتك الثاني روائع

الحمد لله اختي على كل حال

وتسلمين على مشاركتج

سٌٍُـ حٌُِ ـآيِّبٌٍ

اختي العزيزه دلوعة امها


تسلمين على شعورج الرائع


وآمين يا رب

من ما يتمنى الهدايه..

الله يهديكم ويهدي الجميع

سٌٍُـ حٌُِ ـآيِّبٌٍ

حبيبة قلبي شندونه


تسلمين يالغاليه..

اروع شي في المشاركه مرورج عليها


واكيد ان شاء الله بقولكم قصتي

بس يا ريت بعد لو تشاركوني بقصص مشابهه

لان المقصد من الموضوع مب عرض قصتي

المقصد عرض مواضيع يستفيد منها العضو

ويوكن يكون لها تاثير عليه

ودافع للهدايه

باذن الله

سٌٍُـ حٌُِ ـآيِّبٌٍ

كان عمري تقريبا 14 سنه..

كنت انسانه مستهتره..ومدللة...وغير ملتزمه لا بالصلاه ولا قراءة القرآن

همي اللعب...وسماع الاغاني...ومشاهدة افلام الكرتون...وغيرها

وكان حزتها رمضان..

مره اصوم ...وعشرة ايام افطر...

ماخذه الدنيا على هواي

المهم


مثل ماعودتنا اختي الكبيره...الله يحفظها وين ما كانت...

تدرسنا وتأكلنا وماتيي الساعه ثمان الا واحنا ع الفراش...عشان نقوم للمدرسه..

المهم...

انا من يومي ...نومي حساس اي همس او صوت...اقوم..على طول

وكانت حجرتي تطل على ممر في الحوش...

سمعت اختي الكبيره تصيح وتصارخ..

ودار بينها وبين اخوي الكبير هالحوار

اختي..."الله يخليك قوللي ...هو بخير لا تخبي علي"

اخوي..."مافيه الا العافيه...بس قصري صوتج مابي حد يسمع"

اختي:"اكيد انت مخبي عني شي...طيب هو وينه الحين"

اخوي..."في المستشفى...يلا انا لازم اروح"


والله اني حافظه الموقف كانه صاير جدامي الحين

بصراحه انفجعت...

قمت مثل المينونه...طلعت للصاله...

لقيت امي تبكي...

حضنتها...

"يما....يما...اشفيج يا يما..ردي علي"

وماردت...وانا خذتني الحيره....

دشيت حجرة الوالد والوالده...مالقيت ابوي..

بدا الشك ياكلني اكيد ابوي صار له شي..

قلت لا...اعوذ بالله ..لا ان شاء الله مو اللي في بالي


بعدين...رحت حجرة اخوي....الله يرحمه

دشيت لقيت ملابسه...مثل ماهي من البارحه..

ملابسه حق الجيش...معلقه ومحد جاسها...

قلت خلاص اكيد اخوي صار له شي...

جاتني اختي الكبيره..


قالت لي والعبره خانقتها :"انتي شي اللي قومج...يلا سيري ارقدي"

قلتها..".......اشفيج ...قولولي شصاير"

قالت "مافي شي....سيري الحجره..وتحذري تزعجين اخواتج خليهن رقووود"


عاد انا ماقدرت ارقد...كيف ارقد وحالتهم حاله..

والحيره ماكلتني...يا ترى ابوي ولا اخوي...

قلت خلني اقعد اختي اللي اكبر عني بسنه على الاقل تشاركني همي وحيرتي

كان نومها ثقيل...

"فلانه...فلانه...قومي ...الله يخليج قومي"

كنت ساعتها ابي اصيح..ابي انفجر

قامت اختي

"بلاج ..سحايب..شي السالفه؟؟"

قلتلها السالفه...

وبعدين قعدنا انا وياها نفكر..

قلتلها..وعيوني كلها دمووووووع" تتوقعين ابوي..ولا اخوي...مااااااا....."

قالت :"فال الله ولا فالج"

المهم طلع النهار علينا..

وطبعا اهلي من همهم نسوا سالفة السحور..

ومحد كان له نفس..

وانا ماتفرق عندي..لا سحور ولا شي لاني ماصوم..

طلعت للصاله انا واختي..

سالنا اختي الكبير..

"طيب ماتبونا نروح المدرسه"

قالت "لا ...عندكم اجازه..."

انا والحيره تاكلني" اي اجازه...اليوم دوام...قوليلنا شصاير...لا تخبون علينا"

اختي انفجرت..."سليم....صار له حادث..."


هاه...لا ماصدق...

"طيب شصار عليه""

ردت "ماكو شي..مجرد كسر بسيط..

سحايب..."اذا كسر بسيط..ليه تبكين"

اختي "بس خلاص مابي اسمع ولا كلمه روحوا على حجرتكم"

رحت انا واختي..

وما زلنا في حيره..

يا ترى شصار عليه...

مرت ساعه ..ساعتين...لين جا وقت الظهر..

ورجع الوالد...وهو تعباااااااااااااان ومنهك..

ومن همه نسى انه صايم..

مسك علبة السجاير..

وقعد يدخن..

استغربنا...


قلت يبا..."منت صايم"

قال .."استغفر الله العظيم...والله ضاعت الحسوس"

المهم..

ماقدرنا نسال ابوي عن حالة اخوي

انتظرنا اخوي الكبير لين يا

وقالنا السالفه

السالفه ومافيها...


ان اخوي كان توه جاي من السعوديه...

كان يقدم على رخصة سواقه هناك..لانه ما وصل السن القانوني اللي يسمحله بالسواقه..

حاول يستلم الليسن عن طريق احد الاقارب هناك وماقدر..

ورجع وهو ندمان..وزعلان..

المهم نفس يوم وصوله..اللي هو قبل الحادث بيوم..

دش البيت..وسلم علينا..

وراح يتسبح ويبدل ملابسه عشان يرتاح..

جاه اتصال وانا منت موجوده ..كان الوقت بعد المغرب تقريبا..

يعني بعد ما خلصنا لافطار..وكل شي

كان ربيعه..قاله تعال الشله تبيك..

سمعناه يقول "يا خوي انا تعبان ومافيني حيل توني راجع"


المهم بعد اصرار طلع....

امي قالتله "لا تروح يا ولدي توك جاي..خلك منهم باجر ان شاء الله تشوفهم"

وكانها كانت حاسه...


المهم راح..وكانت هذي اخر مره اشوفه فيها...


يا ليت الزمن حزتها وقف...استغفر الله...

بس انا اللي مضيق صدري انه كان راجع من سفر حتى ما قعدنا معاه ولا شفناه زين

كان اطيب واحد من اخواني...يلا الحمد لله على كل حال

المهم..

قالنا اخوي تفاصيل الحادث..

طلع مع ربيعه عبدالله...كان من المقربين له..

وعرض عبد الله على اخوي انه يسوق سيارته...

واخوي ما تردد يسوقها..

وكان الله يرحمه يسوقها ...وانشغل هو وربيعه ...بشي بالسياره..

وما انتبه..الا بسياره تلف عليه..

حاول يتفاداها...

و حاول يوقف السياره..وطبعا من شدة السرعه..والوقوف المفاجئ..

ما قدر يسيطر عليها..

لين ما انقلبت عليهم السياره...


اخوي..الله يرحمه...يبي يتفادى الضربه اللي يتله...

كان مكانه...الله لا يرويكم المنظر ..حسب وصف اخوي...مهشم..المهم

فتح الباب ورما نفسه...وانضرب...على الاسفلت...

وهالشي سببله نزيف في المخ...

آه....الله يرحمك...

المهم...ربيعه كان حظه احسن من اخوي..

ما صابه شي..بس مجرد خدوش وكدمات بسيطه..

المهم ..

يوم صار الحادث..

وقفوا شباب عشان يساعدونهم...وطلبوا الشرطه والاسعاف

وكان من ضمن هذيل الشباب..

ربيع اخوي الكبير..

انصدم يوم شاف اخوي..وعلى طول اتصل باخوي...وخبره بالحادث..


نقلوه للمستشفى...هو وربيعه...


وعلى طول نقلوه للعنايه المركزه...


بعد ما عرفنا السالفه..

صج انفجرنا...

بكينا...كانا كنا حاسين انا بنفقده...


اللي معور قلبي ..حالة امي...

كانت مثل الميته..لا تاكل ولا تشرب ولا تتكلم...

من يومها..

خيم الحزن على بيتنا..

قاعدين ننتظر مصير اخوي

كان قلبي يعورني على امي..

كنت اقعد معاها..

واشوفها تصلي وتدعي...

الكل كان يصلي الا انا..

حسيت باحساس غريب..

ليه الكل يصلي وانا لا..

ابي اصلي ..ابي ادعي...

ابي اخوي يردلنا...

ورحت وبعفويه...دشيت الحمام..وتوضيت وصليت..

ومسكت كتاب الله...

اول مره احس اني انسانه ثانيه...

ويني عن الله كل هالفتره...

المهم ...قعدنا على هالحال...

لمدة عشر ايام...

الوالد والوالده واختي الكبيره يزورونه..

واحنا مانعينا..

خافوا انا نتاثر....

المهم...

في يوم 25 رمضان...رن التلفون...

كنا تونا مخلصين من الافطار

والله ما اكذب عليكم...

حسينا باحساس غريب..

كلنا نطالع بعض..وكل واحد يقول للثاني....رد ...

والكل ماوده يرد...

كنا حاسين بالخبر المشؤوم...

رد الوالد الله يحفظه" هلا وعليكم السلام"

وسكر التلفون...وراح ..وهي منصدم..


كلنا ...انفجعنا..وحسينا في شي..


سالناه شي السالفه..


قال .."ماشي الدكتور يبيني امر..عليه"


اخوي الكبير لحقه..

واحنا تمينا في حيره..

الوالده بالرغم من همها..حبت تنسينا..

قالت "يا بناتي..اخوكم مافيه الا الخير ادعو له الله يقومه بالسلامه..."


كنا حاسين بيصير شي..بس كذبنا احساسنا..

وبعدين الوالده..سبحان الله كان عندها امل هذاك اليوم..

حتى كنا مستغربين من اسولبها

تقولنا" روحوا رتبوا حجركم...وحجرة اخوكم..نبي نستعد للعيد مثل كل مره..وان شاء الله نعيد واخوكم ..معانا"

استغربنا...ورحنا ولبينا طلب الوالده...

ايامها ماكان عندنا موبايل.في البيت..مثل الحين..

ما كانت في وسيله عشان ندق على ابوي او اخوي

وطبعا تلفون البيت... ما منه فايده...لان الصفر كان مقفل..

يعني ما نروم ندق على الموبايل

المهم كنا منشغلين..بتنظيف البيت استعدادا للعيد..


بعد ما زرعت امي الامل فينا...

وكان حزتها عندنا ضيوف قاعدين مع امي يواسونها...

دخل اخوي حجرتنا...وصك الباب...وكان يمسح دموعه..في غترته..

تخيلوا المنظر..

ويش تتوقعون موقفنا...؟؟؟


اختي الكبيره صرخت..

واللي بعدها صاحت...

واللي اصغر مني معاهم...

وانا صابني ذهووووول ...


اختي الكبيره.."لاااااااااااااااااااااااا....لا تقولها"

اخوي الكبير.."انا لله وانا اليه راجعون"


بس ماقدر اكمل.......


اعذروني...


بعدين بكمل...

والسموحه منكم...