حسبي الله على من طالتنا مضاره
هذه المقولة دايم ترددها الوالده اذا احد دبل تسبدها ، وها انا الطشها من لسانها الله يحفظها لي ويخلي لي اميمتي ان شالله صراحه لايخفى على الجميع الاحداث اللي صارت بالدمام الى اليوم لعنبوا ذا الارهابيين ماخلوا ديرة الا واشغلوها الله يشغلهم بانفسهم صار الوضع عادي عندي تطلع من بيتك تشطفك رصاصة والا يهفك بازوكا مش حالك اهم شي تروح للدوام توقع عشان مايجيك خصم اذا صار مديرك قلق ، الزبدة اليوم جايب لكم يازكرت وياصبايا من حقيبتي الفديوية مقطع فديو لاطشه من احد الأماكن اللتي تكتظ بتبادل الرسائل عن طريق البلوتوث وقلت لنفسي لازم احطه في المنتدى عشان تشوفونه بس فيه نقطه بالنسبة للفلم اللي هو عبارة عن الإرهابي اللي قتل امام اسواق بنده في الدمام انا ابيكم وبنظراتكم الثاقبة تستمتعون بدلاخة هذا الإرهابي يعني يمشي مع الخليقة محد درى عنك وبعدين بتسوي مفاجأة انت وراسك ذا اللي كنه غضارة في عزبة باكستانية مسوي تبي تفجأ رجال الأمن البواسل <<< فاصل للترييش لكل واحد معه بدله وفوق راسه بريه وعلى كتوفه نجمات ولايهونون اللي على زنودهم شرطات
بسم بفضل من الله ثم بجهود رجال الأمن الله يخليهم لنا ويحفظهم ويثبتهم على العمل الصالح ويوفقهم ويسدد رميهم على هالفئة اللي صارت مثل السم في مجتمعنا تنشر سمومها وهمها الخراب والدمار ..
اما الأن سكر اللمبات انت وياها وتفرج على هذا المقطع اللذي لايتعد ثواني قليلة بس عشان الحماس طف اللمبات وابالنسبة للفتيات الرقيقات انصحك اختي العزيزة انك ماتشوفين هالمقطع في الليل يمكن تحلمين والايجيك شي اخر ذالليل يبحلون اهلك فيك ..

اترككم مع المقطع الفديو