بسم الله الرحمن الرحيم
وصلنا هذا النبأ نفيدكم علما يا اهالي روائع
أنني أنا واعوذ بالله من كلمة أنا ((ابوغالي)) قررت
أنني أتميصل عليكم وأزيد من جرعة المصاله لكي نكسر هذا الروتين الممل ..
زبدة الهرج..إليكم الأحداث مع مراسلتنا أندومي طويله
في يوم من ايام الحر القارس ))ابوغالي)) يسمع بالمصطلحات..!!
كنت فارش بحوش البيت حوالي الساعه 2 ونص الظهريه
وعندي تريمس زنجبيل ياناس يستاهلكم دبببببببس
المهم..واقعد افكر الحين انا ليش الى الحين ما أعرست..؟؟
ابتل منب معرس؟؟
يعني ماصارت!!
كلن اعرس الا انا ليش؟؟
يعني منب شين بالحيل..
انهضم يعني اقبعو عقبي موية نار عادي مب ذاك القبح.!!
المهم وتجي ببالي فكره بنت يهووووووود..
قلت الحين ورا ما أسوي مسابقه للحريمات الي بالحاره واللي تفوز ..
لها الشرف انها تكون زوزتي قل ماخذ مقلب بروحه!!
المهم والله واتحمس..واروح اجيب لي قحشة اوراق وقول لبو فهد اكتب تفكاعليهن الآتي..
بسم الله الرحمن الرحيم
حرصا منا على حماية مستقبل بناتكم من الانحراف،،
وأيضا للوقوف حائل ()بينهم وبين الدشاره..))
قررنا اننا نسوي مسابقه خاصه لبنات الحاره الدجات..
واللي تفوز ( بتكون زوزتي)
ملاحظه/ تقام المسابقه يوم الاربعاء المقبل تمام الساعه الثانيه عشر بالقايله وتنتهي عند الانتهاء
والله وادّهر واشخط وما اترك بيت بالحاره الا واعلق عليه ورقه حتى بيت العجوز الطرما الوحيده علقت عليه عشان تنقهر لانها ماعندها بنات
المهم واحتري اليوم المنتظر..
ومن 8 الصبح وانا مختبص واجمع البنات وارتبهم
تعرفون قراوا مايعرفون الاكتيت ----- يازينك ساكت بس..!!
المهم..ولا اخوي ابو فهد مختار 3 من المرشحات للعرس علي..
اكيد تبي تدرون ليش اخوي الدرج ما غار علي ولا جته الغاريـّه..
بطريقه الزوااااج الغريبه
اول شي ..لاني شين بالحيل وريحتي تصرع
ثاني شي..ماهنا فرق واجد بيني وبين ركبة البعير
ثالث شي..لاني داهن السير..((بكت زقاير))اعرف اخوي داشر
المهم..واقف انا على المنصه كني بياع الخبل عباته <<< ثقافه سكبه بالامثال
والقي نظره على الجموع الغفيره اللي تتحرق شوقا للحصول على نظره او توقيع
او حتى تفله مني
واقز حلوات الحاره ويصارخون يشجعون طبعا (لو فيكم خير تقدمتو للمسابقه بس ادري تحبون رويحاتكم ومنتب مغامرين وتاخذون ركبه مثلي المهم
واجي انا يقال اني بحمسهم..جدعت عليهم تتن << الله من اللعانه
ويزيدون صراخ وحمااااااس الداشرات ذولا عاد انا بذاك الوقت جتني حالة غرور طنشتهم ومشيت ذولا مهمب من مستواي
واغمز لبو فهد ويجيب لي الارجيله وابدا اشفـّـط..
وابدا المسابقه
قلت لبو فهد هات المتقدمات خلني اناظرهم..يمكن مايجوزون لي..يحق لي انا اللي بعرس مهب هم
المهم
جا المتسابقه الاولى...اللهم لاشماته وشلون اشبها؟؟
ما اظن فيه (شي)بالعالم يشبها موب آدميه!!
والله انها تقل..تقل وشو يارب..مدري وجهها صعب تقل سر قرد..!!
وادعي بقلبي اقول عسى ماتفوز ذي ويروح شبابي معها..

اما الثانيه..انتم بس تخيلو معي ...
طولها..طول المسطره البنيه حقت المدارس اللي دايم يمحطوننا بها اكيد تعرفونها الخشب
ثاني شي لابسه بلوزه بيضاء مصوووووفره من عند الاباط
لا والرقبه سووووودا والسر يطل مع كرشتها موضه مثل البنانيات
تقل بحيرة المسيسيبي?
وصروال نص على بالها اغراء والسيقان مشعره والركب كنها
سنام بعير
المهم..
اما الثالثه...آآآآآآآآآآآآآآآآآآآآآآآه يالثالثه.. خلقتها وخالق الحمير واحد!!
ياناس مدري من وين طلعه من اي عصر؟؟
الظاهر على شكلها ذا طالعه من العصور ماقبل العصور المظلمه الوسطى الميته
البرونزيه الحجريه الاوروستقراطيه (يمديكم على آخر كلمه اتحدا احد يجيب لي معناته(
اول شي وجهها طريق الامير عبد الله يوم الخميس بالليل
طويييييييييييييييييييييل وبه مطبات طبيعيه بعد مب صناعيه..
بعدين انا اخبر الآدميه الطبيعيه عندها 32 ضرس
هذى حسب ثقافتي المتواضعه يعني
لكن ذى لا والله اللي عدّيتهم بس
طعش وثمانين!!!!!!!
بعدين ماصله..(ماصله=لاشكل ولا لون)بالمختصر وجهها ابط سودانيه
والناس يسعبلون وهم نايمين ذي لا وهي صاحيه سعابيلها امطار موسميه
العالم ماسكين مظلات يخافون تباغتهم امطار غير متوقــّـعه..!!
المهم لعنت وسبيت بس بقلبي ماتسوى علي يطيرون..والله هم ولا العدم

المهم
وقفت انا بالوسط والاولى على يمناي والثانيه على يساري والثالثه وراي
وقفت وقلت للجمهور والان نبدا المسابقه
انا قلت ولا ماقلت
طاااااع طييييييييع طرقع!!!!!!!
الثلاثه طبـوا علي ولعنو خامس خامسي
هاتك ياتكفيخ ولعنت جدف ويصقعون!!
واحس انه كلهم يبي يدخلون اصابعهم بخشمي ليش مدري!!
اخبر انه خشمي لي لحالي اعافر به على كيفي من املاكي الخاصه
بس ذولا مدري وش بلاهم قاطــّــين ويزاحمونن على مناخري الجميله
ويستمر الطق والتكفيخ مده لابأس بها
انرضيت رض اكلت الارض والله
انا لوهله حسيت انه واحده منهم معطت شعره من خشمي..وقال بسسسسسسسسسسسسسسسسس
انا الفااااااااااايز..!!
عما انت الفايز وشلون وليش ؟؟
ومار اغيب عن الوعي ومار يلقطونن الشباب حاذف ومغاط وعبيط مع شعري يجرونن جر للبيت
وافتح عييناتي على وجه حاذف وهو ماسك له بيده قحشة ضروس ويركبهن بفمي اثرهن ياقلبي طايحات مع الهبد جزاه الله خير ماقصـّـر بدل محد يلقطهن..جابهن لي
المهم..وأسألهم خيييير وش السالفه؟؟
قالو لي انه دعيبس الدربيــّــه ولد جيراننا يوم عرف عني اني ابعرس غار
وقام فكــّـر باخوي ابوفهد وهو الوحيد اللي يقدر يساعد الدب الداشر
قامت درى اني معطيه بكت زقاير عشان يسكت وش سوى الملعون
قام وعطاه كرز...وتعرفون ابو فهد المصلحه اولا وآخرا ماعليه قريب ولا بعيد
وسامحونا على الاطاله بس كل مانرجيه سعادتنا وسعادتكم
تحياتي..
ابو غالي(*21)(*21)(*21)(*21)