بما أني مريت على كل المشاركات
وضحكت عليها حبيت أني أشاركم
وراح أذكر لكم موقف وفي غيره واجد
بس خلنا نشوف أنطباعاتكم وأن شاء
الله يضحكم شوي :

كنا في منتجع بحري أنا وأثنين من
الأصدقاء قبل ما يقارب 5 سنوات
صار الموقف الساعة 9 صباحاً
كنا نلعب في دبابات البحر"جيتات" وعقب
تسبحنا في البحر وبعدين طلعنا
تشمسنا شوي ومشينا من الشاطىء
بأتجاهنا للشاليه وأحنا ماشين طبعاً
وأكيد بملابس السباحة " فلم أبيض وأسود"
مرينا من جنب شاليه وكنت متقدم
على أصدقائي .....
" طبعاً شاليهنا ما
بعد وصلنا له"
وقفت قدام أول شاليه
وكان بابه مغلق
وأبواب الشاليهات كبيره
شوي .....
المهم وقفت وكأني واقف قدام
مراياااااااا قمت أستعرض بعضلاتي
شوي ولا هذا صديق الأول واقف بجنبي
يستعرض بعضلاته ويقول " بهذه الحركة أخذت البطولة قبل سنتين"
جاء صديقنا الثالث وقام يستعرض هو بعد
ويقول " بهذه الحركة طلعتكم كلكم من البطولة"
هذا كله وأحنا قدام باب الشاليه
شوي وإلا باب الشاليه ينفتح وما
تسمعين إلا هاك الصراخ.....
صراخ من قوة الضحك!!!!
طلع باب الشالية مظلل تظليل
يجعل اللي داخل الشاليه يشوف
اللي براااا بس اللي برااااا
ما يشوفون اللي داخل الشاليه!!!!! (*40)