سمر اليالي

السلام عليكم ورحمة الله وبركاته
أولآ أمسي علا كل عضو وعضوه بلمنتدى مساءكم رضا وسعاده




وبطلبكم ولآتردوني يالغالين

كل واحد يدخل ذا الموضوع يرد علي ولو كلمه

أبي من يواسيني ويحل لي مشكلتي

وربي أكتب ودموعي على خدي ماعندي من يفهمني والسموحه ياجماعه تراني متوتره ولآحد يلومني على ألفاظي
وتراني ماقريت مواضيع ولآشي أنا ضايقه ومحتاجه اللي يحتويني

يعني مدري اذا مشكلتي مرت عندكم بلمنتدى ولأ لآ

أنا بنت عمري 19 أكثر شي يعبر عني مهزوووووووووزه من داخلي ماعندي ثقه بنفسي ابدن دايم خايفه ماعندي اسلوب بلكلام مع الناس

اعرف اكتب كل اللي بداخلي بس ماعرف اواجه

أذا وقفت بتكلم مع احد أختبص ويختلف لوني وأخاااااااااف

كثير بنات يجوني بيتعرفون علي بس اذا قربوا مني علطول يبعدووون بسرعه ليش؟ عشاني أطفشهم

أسلوبي بارد أخاف وارجف وكثير قالوا لي انهم ملاحظين هاذا الشي علي وانا أعرف مشكلتي وأعرف أسبابها

,
’
,
,

أبوي مايحرك ساكن بلبيت امي ظالمها معاه يجيها بلغصب وتقعد طول الليل تحسب عليه واصواتهم تعذبني ولأيصرف علينا الوالده هي اللي تصرف


أنا أتمنى انهم يتطلقون

مشاكلهم ماأتحملها وهواشهم يوصلني لمرحله من الخوف تعور القلب لدرجة اني احس عروق رقبتي تنبض


وأيام الطفوله خواني يتجمعوون ويضربوني<<هاذي أحسن لعبه يلعبونها؟؟ حتا خواتي البنات يفشلوني دايم قدام الناس وألفاظهم معاي بذيئه

ولآ زالت نظرة الاحتقارمنهم موجوده واذا احتاجوني ماتردد أتخلى عن نفسي ولآاتخلى عنهم أدافع عنهم قدامهم ومن وراهم

مدري من الخوف منهم أو لأن شخصيتي ضعيفه بتستغربون الجمع بكلامي
بس هاذا واقعي

الكل يفرغ عقده فوق راسي ضرب شتم اللي تبون

كبرت صرت عنيييييييييييييييده ومزاجي متقلب ونظرت الخوف تملا عيوني

ولأقدر اروح عياده نفسيه مارح يرضون اهلي يودوني حتى مااقدر اكلم دكتوره ماعندي الشجاعه اتكلم

والله مدري شقولكم ياجماعه وش الحل

حاولت مره انتحر تدرون وش سوى فيني ابوي ضربني وكسر راسي ومعاه حق أكيد ان اللي سويته حركه متهوره


هو طيب تراه بس مدري شلون مرات أحسه أطييب واحد ومرات احسه أخبث واحد

مقدر ومكتوب أدري واللهم لآ اعتراض وادعولي من قلبكم ان الله يآآجرني


متعقده والله والضيقه ذابحتني تراني ساكته وهالمره انفجرت الله يعينكم

أبي أخت تونسني خواتي مايفتحون قلوبهم

أبي المفتاح ساعدوني

الوالده دايم مهمومه وودي اواسيها بس ماتعبرني

ودي أقتحم عالمهم

أرسم الابتسامه علا وجيههم أبيهم يتقبلوني ويحبوني بس كييييييييييييف وأنا قلبي مريض منهم



مشكورين انكم سمعتوني الله يسعد قلوبكم ويبعد عنكم كل شر


بليز لآحد يلومني لأني أنا شخص دايم يلوم نفسه وأحاسب نفسي ولآانام الليل من التفكير