جدولك اليومي في رمضان وكيفيه السيطره عليه

Dr.Rae3 · 06-10-2005, 03:22 PM

المجروووح ههههههههههههههههه

طيب ياغالي والله يوفقك وان شاء الله تصوم وتقوم رمضان كله

Dr.Rae3 · 06-10-2005, 03:32 PM

عزيزة النفس باذن لله تلقين العوض

وتتوضفين باذن الله ... اهم شي لا تملين

ثابر وواضبي وباذن الله تحصلين على الي تبين

Dr.Rae3 · 06-10-2005, 03:35 PM

اخوي سعد الجدول ماكتمل فيه الليل باقي وباقي اشياء كثير

هذا جدول ناقص وغير مقبووووووول

وفقك الله وسدد خطاك والله يعينك على الجدول

دلوعة أمها · 07-10-2005, 01:57 AM

الجدول في رمضان جدا ينحاس ...

اول شي ..نرجع من المدرسه الساعه 2 ..وعلى طول امسك القران واحاول اقرى اكبر كميه
تجي الوالده الله يطول بعمرها .. قومي يابنت اطبخي .. سوي حلى سوي فطاير

وافتح النت اتعذر بدور لي طبخه ...واقعد ربع ساعه عليه بعدين اسوي حلى...
العصر نطلع من البيت ومانرجع الا 10 او 11 بعدها نت ..وقراءة قران
بعد كلا صلاة لازم اقرى مايقل عن 4 صفحات ...
والتلفزيون ..هالسنه ما اخذ من وقتي...
ماحسيت انه لي نفس اشوف شي
وهذا جدولي

والله يوفقنا

Dr.Rae3 · 07-10-2005, 03:41 AM

دلوعه امها والله الجدول عفسه وربي من فوق الى تحت (*15)

ولكن فيه فوائد منه قرائه القران وايضا مساعده الوالده في الفطور

ياليت جدولي مزحوم زي كذا كان امداني مقفل روائع من زمان (*33)

مشكوره اختي ووفقك ربي

طرررفش · 07-10-2005, 04:10 AM

موضوع حلوو

جدولي من اولا رمضان طبعاً ادوااااام تغير يبدا من الساعه 9.30 لى الساعه 1.30( ارجع للبيت واحط رسي وانام احيانن اسحبها نومه لين المغرب واحيانن اقوم اصلي العصر وارجع انام 0 بعد الفطور نتنح عيوننا على التلفزيون ننتظر طاش ماطاش مثل البزرين لاجلسو ينتظرون فلام كرتون توم وجيري هههه بعد طاش نصلي العشاء واترويح بعدين نتسهل نسعى في الارض نتفقد حوال الرعيه00
وبعدين نشوف الاولد كان عندهم وجبات نخليهم يحلونها ويسوون مرجعات لدروسهم وبعدين لاننسى شقوات الاطفال اجلس يا ولد لاتطيح يا ولد واسكت يا ولد لاومايتصلطون الا اذ كان الواحد جلس يتابع مسلسل 00وشوي الاوتامه الساعة 1.00 ليلاً ينام الواحد ويقوم لاسحوارويصلي ويرجع ينام ويقوم لدوام 0000وانتهاء الجدول اليومي

وشكراً لك دكتور على المواضوع مرة ثانيه

سٌٍُـ حٌُِ ـآيِّبٌٍ · 08-10-2005, 03:37 AM

مرسي لدكتورنا الرائع على هالموضوع

أما أنا ..ابله سح سح

ارد من الدوام الساعه...2:30

وبعدين اول ما اوصل اتوضى واقرأ قرآن لين ما يأذن العصر يعني تقريبا اربع الا ربع..

واقرا بعدها كم آيه...واخذ لي لفه ع المطبخ.. (*33) ..طبعا ما اسوي شي
بس اشوف ويش الفطور اليوم

..وبعدين 4 ونص بالضبط اقعد..اشوف مسلسل عديل الروح على قناة دبي<<والله ماكنت ابي اشوف مسلسلات هالشهر بس شا اسوي الكل يشوفه وحشره مع الناس عيد..

خمس ونص تقريبا نخلص..اروح اساعد الوالده..واشيل الفطور وارتبه ع السفره..

واول ما اخلص فطور..اصلي واقرا قرآن...واكتب تقاريري و واجباتي..

7:15..تقريبا اروح اتسبح..واتجهز لصلاة العشاء والتراويح..اصليها بالمسيد مع الوالده..

ارد تسع...اشربلي عصير يبرد على قليبي..واذا عندي دروس اخلصها..

عقب ..اصك على عمري حجرتي..تقريبا..الساعه 11 ..وارقد

اقوم 2 او 3..اقعد ع النت لين مايي وقت السحور...

اتسحر...واقعد..اشوف طاش ما طاش..<<<<ما عليه مافيها شي مسلسل فكاهي

طيب وبعدين...اشرب ماي...لين ما تنبط جبدي... (*33)

وعقب اتوضا واتجهز للصلاه...يأذن على طول اصلي..

واقرا قرآن لين ما دوخ وانام... (*23)

بس هذي روتيني اليومي... (*40)

ومشكوووووور يا دكتورنا مره ثانيه

JIjJjJI · 09-10-2005, 01:45 PM

موضوع رائع جدااا

والله انا محرج شوي خاصة بعد ماشفت وش يسوي بعض الاعضاء من امور جدية في رمضان

عكسي تماما لللأسف !!!!

انا جدولي برمضان كالتالي !!!!
انا بالكلية وساحب عليها من بدايت رمضان يعني ما اداوم زملائي يجيبولي كل شيئ مهم

اقوم على اذان المغرب افطر واجامل الاهل شوي ؟؟؟؟؟
ومعا اذان العشاء انزل من البيت الى دوامي الثاني !!!!!! العزبة معا بعض افات المجتمع
هناك وش يصير شتى انواع الخبال والتريقة معا بعض التحفظ عاد رمضان وش نسوي
الى الساعة الثانية صباحا !!!!
بعدين اروح الى مكان تجمع شبابي كبير عندنا عاد هناك اشوف انواع الدجة وكل ماهو جديد
اجلس هناك الى الساعة اربعة !!!
بعدين اروح البيت اتسحر واجلس انتظر الاذان
وبعد الاذان اجلس عالنت الى الظهر بس مو دوم وانا بالمنتدى طبعا بمنتديات ثانية
بعد الظهر اسحبها نومه الى المغرب مايصحيني الى الصلاة
هذا جدولي الي حيتغير معا الايام (*19)

Dr.Rae3 · 12-10-2005, 03:44 AM

طرفش والله جدولك مرح ماشاء الله تبارك الله فيه شي من روح الاسره اخوي
<<< ياليته معرس وعنده عيال (*35) احم احم

ايوه نكمل الموضوع الله يعينك طرفوش من جد الجدول حلو لولا ان صلاه

العصر تفوت عليك حاول تقوم لها واستعن بالله وصيامك مايكمل الا بالصلاه

وفقك الله اخوي وان شاء الله يستعدل الجدول على ماتبي

Dr.Rae3 · 12-10-2005, 03:49 AM

ابله سح سح ماشاء الله عليك ماتطبخين

<<<<< الى الان ماشاف عضوه قالت انها تطبخ وينك يايمه تشوفين (*33)

الجدول ماشاء الله فيه فايده كبيره ولا عندك مشاكل في شي ابد سوا

ان عيونك بتضيع مع ذا المسلسلات الله يهديك وبعدين عجبتني نقطه

اقتباس


	طيب وبعدين...اشرب ماي...لين ما تنبط جبدي...

هههههههههههههههههههههههههههههههههههههههههههههههههه

ماتبين تعطشين ابد انتي هههههههههههههههه

وفقك الله اختي سحايب الجدول فيه طاعه للرحمن الله يخليك لهلك

ويحفظك من كل مكروه ..

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مواضيع مشابهه
الموضوع	كاتب الموضوع	المنتدى	ردود	آخر مشاركة
ثمانية عشر وصية طبية في شهر رمضان ..	المجـ،،ــروح	روائع العامة	6	08-10-2005 11:02 PM
سيرة الرسول ... العدل فى حياة المصطفى صلى الله عليه و سلم	سلام1	منتدى الاسلام والشريعة	2	27-03-2005 02:27 PM
لمذا الرسول صلى الله عليه وسلم جمع 9 زوجات ؟؟	زعيم وبس	منتدى الاسلام والشريعة	0	31-01-2005 02:47 AM
^^^ ( ماذا بعدك يارمضان تحسبنا فاعلون؟؟؟) ^^^	الجارف	روائع العامة	4	18-11-2004 12:45 PM

مستخدمين موجودين حالياً يشاهدون الموضوع: 1 (0 أعضاء و1 ضيوف)