الـقـمــر قـالـوا مـــن اول انـه احــلا مــا يـــشـــاف=في الليالي الحلك ينور مثل ما عـيـنك تـشوف
يعني انه بالجمال الــطــاغــي اسـتـفـرد وناف=كـم تـمـثـل به حـبيب و شـاعـر بــخـلـه يـنوف
كـل الاحـباب اتـغــنـى بـه وتــســرح به رهــاف= أي ّ زيـن يـوصـفـّـونـه بـالـقـمـر بـاجـمـل وصوف
بس لحظة .. ما دروا بانّ القمر يـعـنـي الجـفاف=لا حـيـاه.. ولا أمـان .. وعــيــشـــة احـــلام ٍ وخــوف
جاوبـيـنــي هــو على سـطـح القمر بـحـر وضـفاف= مثلك انـتـي كـل ما ابعد أرجع لعينك طيوف
وعـلـمـيـنـي كـم سـنـيـن ٍ مـرت بعـمـره عجـاف= يـا شـبـاب بـكـل حـالاتـك وكـلـي لـك شـغـوف
وخبريني كيف الى مـرت عـلـيـه الشـهـب خـاف= ماهو مثلك .. وانتي بوجه الحـزن درع وسيوف
هو معه قلب ومشاعر مثلك انـتـي .. بـاحـتـراف = أو كفوفه مثل كفك .. الـقـمـر عنده كفوف
شوفي وجهه ياللي وجهك مثل فستان الزفاف= شوفي كم حفرة بخده .. كن في عينه حسوف
لـى مـشـى مـثـلـك .. امـانـة عـلـمـيـنـي لين طاف= ألف بـسم الله عليك ان طفتي والـعـالم وقوف
ولى ضحك ياللي ابتساماتك تعلمـنـي الكفاف= مـو على بعـضي أصـيرمـن الفرح ..طـق .. ودفوف
يعـني مـثلـك .. شـعـرك يلف المدارات التفاف=والا مثلك لين غبتي .. قلتي بخفه (( ظـروف ))
جـيـت بعـلـنـهـا حـقـيـقـة .. ولا سـمـيها اعتراف= لـلـعـيـون ان مـا تـسـمـي لـيـن طـلـيـتي التلوف
حـلوتي .. ياهو الـقمـر بعدك غدا نقص وقصـاف=يـعـنـي لاجـل يـجـيـب رُبعـك عـِـدي الاف الألوف