امير الهوى

أحبك حيل لو طول غيابـي وأنـت لـي مشتـاق
ــــــــــــــــــــــــــــــــــــــــــــــــــ ـــــ عسى ما داخلـك شـك بغـلاي وقلـت تنسانـي

أنا وان طالت الغيبة فـلا تـدري عـن الخفـاق
ــــــــــــــــــــــــــــــــــــــــــــــــــ ــــ ولاتدري عن أشـواقٍ تجـول بوسـط وجدانـي

وأنا وان طالت المـدة فـلا غيـرك بعينـي لاق
ــــــــــــــــــــــــــــــــــــــــــــــــــ ـــــــ ولا غيرك بكـل الغيـد يملـك نصفـي الثانـي

ترا قلبي حفظ حبـك وذاق مـن العنـى مـاذاق
ــــــــــــــــــــــــــــــــــــــــــــــــــ ـــــــ حفظ عهده وميثاقـه ولـو شفـت الجسـد فانـي

أنا صدق أطري الجيـه ولكـن الزمـن مـا راق
ــــــــــــــــــــــــــــــــــــــــــــــــــ ـــــــــ وإذا صار الزمن ضدي حـرام أعيـش وحدانـي

وأنا لو بشرح ظروفـي حشـى لله مـا تنطـاق
ــــــــــــــــــــــــــــــــــــــــــــــــــ ــــــــــ ولكن صبري أكبر من قسى العالم وحرماني
أنا ما عاد ابـي رحمـة ولانـي للفجـر تـواق

ــــــــــــــــــــــــــــــــــــــــــــــــــ ـــــــــــ أنا ليلـي كسـى عمـري وزود الوجـد بكانـي

أنـا ياهيـه لا خايـن ولا غـادر ولا بــواق
ــــــــــــــــــــــــــــــــــــــــــــــــــ ــــــــــــ أنـا ياسالفـة صمـت الزمـان الوقـت عنانـي

وأنا يا غالية مانـي مـن اللـي يجرفـه بـراق
ــــــــــــــــــــــــــــــــــــــــــــــــــ ـــــــــــــ أنا عنـدي قناعـة مـن نسـى نفسـه بينسانـي

أنا ما أعيش في حبٍ وأعـرف ان تاليتـه فـراق
ــــــــــــــــــــــــــــــــــــــــــــــــــ ــــــــــــــ أبـي حـبٍ يـدوم العمـر كلـه مـا تعـدانـي

أنا حبي شرف يـا بنـت مانـي للغلـى سـراق
ــــــــــــــــــــــــــــــــــــــــــــــــــ ــــــــــــــ أنا عايش كريم النفس مـا أنسـى سلـم جدانـي

على وضح النقى عايش ولانـي للدنـس منسـاق
ــــــــــــــــــــــــــــــــــــــــــــــــــ ـــــــــــــ أعز النفس ما أرخصها لقاصي الخلـق والدانـي

أعرف الحلم ما يكمل وأعرف ان الطموح معـاق
ــــــــــــــــــــــــــــــــــــــــــــــــــ ـــــــــ توفى حلمـي الغالـي ولا أدري منهـو الجانـي

وأعرفك تستحقيـن الغلـى والحـب والأشـواق
ــــــــــــــــــــــــــــــــــــــــــــــــــ ـــــــــ لأنك وافيـه يومـي نصيتـك بالهـوى عانـي

ولكن كلمةٍ وحده خذيهـا كـان صـدرك ضـاق
ــــــــــــــــــــــــــــــــــــــــــــــــــ ــــــــ أنا أحبـك تعرفينـي ولـو مـا قلـت بلسانـي