موقف غير حياتي (قصتي)

سٌٍُـ حٌُِ ـآيِّبٌٍ · 24-10-2005, 10:42 PM

غاليتي المرجوجه

اشكرك على مشاعرك الطيبه...

في البدايه ترددت في تنزيل الجزئيه المتبقيه..

ولكن تشجيعكم لي...دفعني...وان شاء الله بنزلها قريب..

الله لا يفقدج عزيز يالغاليه

سٌٍُـ حٌُِ ـآيِّبٌٍ · 24-10-2005, 10:44 PM

هلا وغلا ...بالمسز (*35)

وين هالغيبات..؟؟

تسلمين يالغاليه على مشاعرج الجياشه..

ولكن شنقول ..الحمد لله على كل حال..

والله لا يفقدج عزيز يالغلا

سٌٍُـ حٌُِ ـآيِّبٌٍ · 24-10-2005, 10:46 PM

اخوي العزيز المجروح..

مرورك على قصتي هو الاروع..

انتظر الجزئيه المتبقيه..

والله لا يفقدك عزيز ياخوي

سٌٍُـ حٌُِ ـآيِّبٌٍ · 24-10-2005, 10:48 PM

صاحب الذوق الرفيع..امير الذوق

اول شي احب اشكرك من كل قلبي..

لان انت اللي كان لك الفضل...باللي سويته...

تشجيعك لي..هو اللي حفزني انزل القصه..بالرغم من انني ترددت كثيرا في عرضها...لما تحتويه من ذكريات مؤلمه..

الله لا يفقدك عزيز يا خوي

سٌٍُـ حٌُِ ـآيِّبٌٍ · 24-10-2005, 10:52 PM

اختي العزيز دلوعة امها

حياك الله اختي..

الله يبعد عنج الحزن والهم...واشكرج على مشاعرج الطيبه...

والله لا يفقدج عزيز يالغلا

سٌٍُـ حٌُِ ـآيِّبٌٍ · 26-10-2005, 07:52 PM

فجأه تحول الهدوء اللي في بيتنا لصراخ..وعويل...وبكاء...

الخبر كان مثل الصدمه بالنسبه لنا..

اول مره نفقد..شخص من العائله..<<<وإن شاء الله تكون آخر مره

وانا والله العظيم ماقدرت اذرف دمعه وحده...

الكل نزل الصاله يدورون حد يكذبلهم الخبر..

وانا اتريا حد يصحيني من صدمتي...

واقفه في حجرتي كأن حد مقيدني...!!!!

اول ماسمعت حس ابوي بالصاله..

ركضت...كان عندي امل يكون الخبر...اشاعه..او أي شي بس المهم ما يكون صج

ماقدرت استوعب المنظر ابوي....يبكي!!!!

الغالي يبكي...واخواتي حاضنينه من كل صوب...

صرخت..."ابووووووووووووووووي"...

وركضت وحضنته...وبكيت باعلى صوتي...

ابوي ماقدر يهديني انا وخواتي.. ولا يهدي الوضع..لانه كان منصدم..

اول مره اشوفه يبكي جدامنا..

اكيد في خاطركم تقولون وين الوالده عن هذا كله؟؟

صوتنا ونحيبنا وصراخنا....كان عالي..

وحسيت انه وصل لميلس الحريم اللي كانت امي وضيوفها يالسين فيه..

طلعت مرت اخوي العود..تتطمن ع الاوضاع..وتستفسر من هالاصوات..

حست انه في شي..

قالها اخوي.....بالخبر...وصاحت..

صرخ فوقها اخوي وقالها سكتي ...

وبعدين طلب منها تنادي الوالده..

رفضت تناديها..خافت تواجها...

اخوي اصر يبلغها بالخبر..

وكلنا واقفين..ننتظر ردة فعل الوالده..

طق الباب...

واكيد ان الوالده..راح ترد..وتطلع..لان محد كان يالس ويا الضيوف الا هي..

انفتح الباب...ويش تتوقعون صار؟؟

وقبل لا ينطق اخوي بحرف واحد...

طاحت الوالده على طولها واغمى عليها...

حست...ايه والله قليبها كان حاس...سبحان الله..

ركضنا كلنا صوبها....نصيح....ونصارخ..

حاولنا نوعيها ماكو فايده..رشينا ماي عليها لين ما وعت

وبعدها انفجرت..صياح..

آآآآآآآه يا يما....

خوفنا كلامها" لا ما مات...ولدي..س..."

..وتمت تناديه..وانا حزتها خفت..حسيتها ....ينت...

وكلنا كنا نصارخ...يما يما..

لين ابوي ماحملها...ودخلها حجرتها..

وتمت مثل المصدومه..ما نطقت ولا كلمه...

اخوي راح مستشفى خاص...و ياب الدكتوره لين البيت عشان..تراقب حالة الوالده..

ومع انشغالنا ...مع اللي صار فجاه دخل اخوي...

المتوسط..<< اكبر عني بسنتين..

تصدقوووووون من هول اللي صار نسيناه..

شفناه...وقعدناااااااااا نصيح...وهو بعد..

كسر خاطري..دخل حجرة اخوي..وقعد ينادي اخوي الله يرحمه باسمه ..وينبش بثيابه..

واختي الكبيره تقوله.."بس حرام عليك..بس...ادعي الله يرحمه"

مرت الساعات علينا...

في كل لحظه كنت احس..اني مخنوقه..

احس اني فقدت شي ماقدر اعوضه..

فقدت انسان..عزيز وغالي..

فقدت اخ...كان قلبه...كبر العالم...

وكان...منبع الحنان والطيبه...

كان...اطيبنا..

عمره ما غلط على حد..

حتى لو غلطنا عليه..بكل براءه وعفويه كان يقول .."الله يسامحكم"

الله يرحمك ياخوي ويغمد روحك الجنه...

مرت الساعات...والناس كانو يهلون علينا من كل صوب..

عشان يعزونا...

..التفت لاختي الصغيره..لقيت ويها مخطوف...

اختي الصغيره...كانت تخاف من هالمواقف..

ونحن نسينا هالشي ..فجاه صاحت.....وضاق نفسها...

وتعبت علينا....ونحن كنا بحاله ما يعلم فيها الا رب العالمين..

الوالده...في حالة صدمه

...واخوي المتوسط صاك على روحه الحجره... وينادي على اخوي..الله يرحمه..وينبش بثيابه..

واختي الصغيره...وتعبها من صوب..

ابوي كان في عالم ثاني...

قاعد ...وحاط ايده على خده وسرحان في عالم ثاني...كانه كان يبي يهرب من هالعالم..الكئيب..

واخوي الصغير فديته ..كان عمره وقتها 3 سنوات..مايدري بالدنيا...واحنا بعد ماندري عنه..

بس كان راقد عدال امي...يطالعها ..وفي عيونه براءة الاطفال...

راحوا الناس..وفضا البيت...

تجمعنا كلنا في حجرة الوالد والوالده...

نبي نتطمن على الوالده...

طلب منا ابوي نرقد معاهم...

صج هذاك اليوم حسيت اني محتاجه لامي وابوي..

حسيت اني تايهه...محتاجه..لصدر يضمني..

ينسيني الوضع اللي احنا فيه...

ومن التعب والبكى غفلنا...

قمت مخنوقه من دخان السجاير..

ابوي واخوي كانو قاعدين يسجرون..ع بالهم ...بتريح اعصابهم وبتشغلهم عن همومهم..

انا يوم قمت حسيت انه حلم..بس يوم شفت وضع الوالده وخواتي حولي ..تذكرت

وتميت اصيح...ماكنت مستوعبه اللي قاعد يصير..

قام ابوي عندي وحضني وهمسلي.."بس يا بنتي امج راقده"..

وانا كنت متاكده حزتها ان عيونها ما غفت...

بعد ماهديت شوي...لفت انتباهي ان اختي الكبيره..مب موجوده...

نزلت للصاله..لقيتها قاعده تقرا قرآن وتبكي...

بكيت ...ايه والله بكيت.....

حسيت ان هموم الدنيا كلها في قلبي...

اختي.."صدق الله العظيم"

"ليش قعدتي...سيري ارقدي"..

...رديت عليها .."ماقدرت ارقد"..

وكنت ابكي..وهي حضنتني وبكت..

كل وحده منا كانت تحاول تواسي الثانيه...

اختي كانت تحس بالذنب...

قالت .."سحايب...انا السبب في موته..ايه أنا السبب"

خوفني كلامها...استغربت شلون كانت السبب في وفاته..

سالتها..."ليش شو سويتي؟؟؟!!"

كانت تحاول ترد بس ماقدرت قعدت تبكي..

وقالتلي..."ربيعتي قالت لي خذي هالدعاء..يقولون بعد ما تقرينه وتخلصين..سمي..باللي في خاطرج..وان شاء الله.. بيستجيب للي في خاطرج"

وكانت حرتها قابضه الكتيب اللي كان فيه الدعاء...لين الحين متذكره شكله...كتيب صغير ولونه...اخضر فاتح..

قلتلها..."انزين...وشو صار.."

قالت" دعيت بالدعاء المكتوب...وبعد ماخلصت...مادري ليش قلت يااااااااااااااااااا رب اخوي يرتاح"

" والله مادري ليش قلت هالكلام...ليش ماقلت الله يشفيه..او الله يقومه بالسلامه"

وبكت...

قلتلها..."وبشنو غلطتي...بالعكس انتي بدعائج هذا ريحتيه...الله قبل دعائج وريح اخونا من التعب..والعذاب...عذاب الاجهزه اللي مركبه..فيه من كل صوب"..

كنت حاسه فيها...كانت تحس بالذنب ع بالها يعني...دعاءها كان السبب..

ماقدرت حزتها تستوعب ان في شيء اسمه قضاء وقدر "قدر الله ما شاء فعل"...

والنعم بالله.....

تابعو الجزئيه الثالثه...اذا تبون تعرفون منو قدر يطلع الوالده من صدمتها..

ومن الشخص..اللي قدر ينتشلنا من همنا...

وشلون تغيرت معاملة الوالد.. لنا...وخاصة معاملته لاخواني الاولاد...

شـــادن · 26-10-2005, 08:48 PM

الله يرحمه ويرحم اموات المسلمين

قصه محزنه وصياغه مؤثره

قريت جزء منها في موضوعك بالعام ..

يعطيك العا11فيه يالغلااا

وننتظرك تكمليها

جلنار · 26-10-2005, 09:44 PM

إن لله و انا اليه راجعون

الله يرحمه ويغمد روحه الجنة
وهذا قضاء الله وقدرة

" وكل من عليها فانى إلا وجه ربك ذو
الجلال والاكرام "

الغلا (*35) سحايب

صراحة ما شاء الله عليك
أسلوبك رائع قدرتي تخلينا نعيش أجواء
قصتك ونتفاعل معها

تسلمين

وإن شاء الله تكون هذي اخر أحزانكم

سٌٍُـ حٌُِ ـآيِّبٌٍ · 27-10-2005, 12:29 AM

هلا وغلا شندووووووووونه..

تسلمين يالغلا على متابعتج..

والله لا يفقدج عزيز

سٌٍُـ حٌُِ ـآيِّبٌٍ · 27-10-2005, 12:32 AM

الغلا جلنووووووووووووره...

الله يرحمه ويرحم الجميع...

تسلمين جلنورتي على تشجيعج..

والله لا يفقدج عزيز يالغاليه

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مواضيع مشابهه
الموضوع	كاتب الموضوع	المنتدى	ردود	آخر مشاركة
شاركوووني هاللعبه...أطرف موقف مر عليك	سٌٍُـ حٌُِ ـآيِّبٌٍ	العاب - ترفيه - مسابقات	61	15-01-2006 10:12 PM
مسجـــــــــــــــــــات على اسماء البنات	أحاسيس	رسائل - مسجات - مسج - رسائل جديدة 2009	6	09-09-2005 08:48 PM
وينك احس كني في حياتي غريب ........	المحرووووم	الشعر والخواطر المنقولة	4	10-03-2005 08:35 AM
بـــــزوغ أمل في حياتي ....	بقايا أمس	شعر - قصائد - حب - عتاب - جديدة	14	22-01-2005 04:54 PM
صفحة من دفتر حياتي	I0 _ 0I	الشعر والخواطر المنقولة	8	04-12-2004 07:20 PM

مستخدمين موجودين حالياً يشاهدون الموضوع: 1 (0 أعضاء و1 ضيوف)