جلنار

قبل ما ابدأ بكتابة حلقة اليوم أحب أشكر كل من شاركنا بقراءة المسلسل وابداء أعجابه بها ..


الحلقة الثانيـــــة


الزلزال: ويش اللي صار ومن فيكم اللي قاعد يصارخ ؟!

دلوعة أمها(وهي ميته من الخوف) : تعالوا شوفوا طلع لي عقرب وش كبره !!!



صورة العقرب اللي طلع لــ دلوعة أمها
"ارفقت الصورة علشان ماتظلمون البنية وتقولون أنها تبالغ شفتوا ويش كبره (*33) "

شادن: لا تهتمون يا الربع خلوه علي أنا أعرف دواه؟!!

قامت شادن و أخرجت عود كبريت وأشعلت ناراً وقامت بوضعها
على العقرب السام ، ولقى حتفه على الفور .. ومن ثم قامت برميه
في قاع البحر.
" ماشاء الله كل ذا يطلع منك يا شادن (*10) "




صورة العقرب وهو مرمي بقاع البحر

دلوعة أمها: أنا الصراحة صرت أخاف من المكان .

ضحيت بعمري: أنا مستحيل أقعد فيه .

جمان: يالله عاد وش هالخوف الزايد مهنى إلا العافية كل هذا عشان هالحشرة اللي لا تقدم ولا تأخر.

الزلزال يهمس في أذن شادن: اسمعي ويش تقول اللي يسمعها الحين
يقول أنها ماتخاف .. وهي آخر وحدة جت يوم سمعت الصراخ .

جمان: وش تقول أنت وياها ؟!

الزلزال: هاه لا لا ولا شي يا كبيرتنا !

جمان: ايه احسب بعد .. يالله ياسحايب والمجروح جهزوا لنا العشى .

سحايب: العشى جاهز من زمان .
"الله يستر منك يا سح سح مادري وش وراء الحماس للعشى لا تكونين بس حطيتي السم
اللي قلت لي عنه ، بتوديننا بداهية من فين نجيب ممثلين بدالهم (*20) "

وأكل الأصدقاء العشرة حتى شبعوا .

الزلزال: تسلم ايدك يالمجروح على الأكل الطيب .
" الحمد لله ما زالوا يرزقون يعني عدات على خير وما ماتوا ابطال المسلسل (*10) "

سحايب: كيف بس المجروح اللي مسويه حتى أنا بعد وياه مسويته .

المجروح: الرزاق في السماء والحاسد في الأرض .

الزلزال: زين تسلم ايدينكم أنتم الاثنين .. خلاص فكونا .

جمان: يالله يا الربع الحين دور السباحة .. نبي نروح نأخذ لنا كم غوصة
في البحر .. تدرون بعد أختكم جمان سباحة ماهرة !!

طويل البال: مشكل لا حول .

جمان: مو كأنك قلت شي يل طوطو ؟!!

طويل البال: سلامتتس يا جمونتنا قلت أنتس صدق أحسن وحدة تسبح في الديرة .

جمان: ايه احسب بعد قلت شي أنت الثاني .

دلوعة أمها: يعني يا جماعة ما يخالف حنا بعد نسبح بالبحر ؟!

طويل البال: لا لا لا لا يا دلوعة مايصير ، بس إذا نفستس تسبحين في البحر هذا عندتس سحايب
خليها تحط في حجرها شويه مويه واقعدي تسبحي
وبربسي فيها على كيفتس .

دلوعة أمها: يعني تطنز علي يا طو طو .. ما يصير كذا نفسنا نسبح
في البحر .

ضحيت بعمري: أي والله نفسي أنا بعد اسبح في البحر .

بقايا أمس: اللي يسمعها يقول سباحة زمانها .. انثبري مكانك
يبه أنتي وش عرفك بالسباحة حدك الطشت حق بيتنا .

سحايب: عجلوا روحوا و إن شاء الله يطلع لكم حوت يأكلكم !!

جمان: يالله يا الربع خلونا بس نروح ما عليكم منهم .

توجه الأصدقاء الى البحر ودخلوا يسبحون ويمرحون في لبحر وفجأة ..

الزلزال: يا جماعة كأني أشوف واحد من بعيد قاعد يأشر علينا بأيده .

شادن: أي والله صدق هذا واحد يأشر علينا .

جمان: من فهامتكم الزايدة !! هذا شكله واحد بيغرق وقاعد يأشر علينا بأيده عشان نروح
ننقذه أو الظاهر أنها بنت .



صورة البنت وهي تأشر من بعيد للأصدقاء

طويل البال: وش نسوي ؟

جمان: وش نسوي بعد لازم أروح أنقدها قبل لا تروح فيها البنت .

بقايا أمس: خذينا معاك يا جمان .

جمان: ما أبغى ولا واحد يجي معي مثل ما قلت لكم قبل تراني سباحة ماهرة .

توجهت جمان ناحية تللك البنت كي تتأكد من الذي يحدث هناك.

شادن: الحين جمان بتروح بتنقذ ذيك البنت ويمكن تطلع البنت بنت
تاجر كبير وتعطيها فلووووس وحنا قاعدين هنا .


نهاية الحلقة الثانية

تابعونا في الحلقة القادمة من " جريمة على الشاطئ "
لتعرفوا وش قصة البنت الغريقة .

شـــادن

دلوعة أمها

دلوعة أمها: يعني يا جماعة ما يخالف حنا بعد نسبح بالبحر ؟!

طويل البال: لا لا لا لا يا دلوعة مايصير ، بس إذا نفستس تسبحين في البحر هذا عندتس سحايب
خليها تحط في حجرها شويه مويه واقعدي تسبحي
وبربسي فيها على كيفتس .


ههههههههههههههههههههههههه

جلنار .. اتقنتي اللهجه والأسلوب ..
كانه طوطو ....هههههههههه

اجل الحين ماتبيني اسبح .. ليششش .....
ابي اسبح ابي اسبح
ابي اسبح <++++بزر

الحين كل هالصراخ علشان عقرب ..
هههههههههه
بس كني طالعه دلوعه بالقصه ....
مب زين هالدلع ....



نستنى الجزء الجديد ..نبي نشوف وش قصة هالبنت

مشكوره على الجزء يالغلا
واذرينا على هالهذره اللي مال امها داعي ..
بس معليه تحملي

جلنار

جلنار

دلوعة أمها

مشكورة يا حبوبة (*35)

واهذري على كيفك يا عسل
القصة قصتك (*40)

وهذرتك عسل على قلبي (*35)

ضحيت بعمري

ضحيت بعمري: أي والله نفسي أنا بعد اسبح في البحر .

بقايا أمس: اللي يسمعها يقول سباحة زمانها .. انثبري مكانك
يبه أنتي وش عرفك بالسباحة حدك الطشت حق بيتنا .

هههههههههههههههه حلوه الطشت اقول جلنار لاتخلين مستر بق بق يغتر ترا في اتفاقيه بيني وبينه انه يهزئني واسكت ولقوله سمعاوطاعة عشان تخافون منه ولا ترا هالهرج خرطي ههههههههههههههه

غاليتي جلنوره تتنظر باقي القصه وبصراحة اشكرك كثير على فكرتك الروعة احس وانا اقراها كانه جدهالشي صاير<<<<<<<<تراهاتندمج وتدخل جو..هههههههههههههههههه
سلمتي لناودمتي بخير..

أمير الذوق

سٌٍُـ حٌُِ ـآيِّبٌٍ

خخخخخخخخخخخخخ


أقول جلنوره...للأسف قصتج ما بتكتمل...لان أبطالها..بيموتون بعد 24 ساعه..مفعول السم...<<< حاقده عليهم (*17)



جلنوووووووووره تسلميلي...على هالقصه..كيوت مثل صاحبتها...


زين بعد حد مدح طباخنا... (*40)


يلا نتريا الجزء الأخير...بس أنا حاسه اللي غرقانه وحده من سحالي المنتدى..المميزات (*10)


الله يستر بس

جلنار

جلنار

أمير الذوق

تسلم والله يا أخوي
على مرورك
وعلى كلامك اللي كله ذوق (*23)

الصراحة أتشرف بردك على موضوعي

تشكراتي ليك

والله يعطيك العافية