يمه انا مالي بها الزرع مقيال **يمه نعيم الكون ماهو بعيني
ما شاقني طفل وانا صرت رجال**واطلقت بالايام مخرج سنيني
يمه رضيت بكل مايرضي الحال** بس الزمن بالحيل يلوي يميني
نوخت فكري للتواضع ولا زال ** وجعلت في وكر الكرامه جبيني
ومديت كفيني عطا تشعل اشعال ** اصابعي شمع لمنهو يبيني
وجعلت في قلبي للاحباب منزال ** وسكنتهم رغم على عاذليني
طبعي كذا ما خالطه خبث واهبال ** اشري الذي في خاطره يشتريني
يمه انا في عالم الحب مرسال ** تكفين من نار العذاب ادركيني
كنت اذكر البسمه على اشفاه الاطفال ** كانت تحرك كل الافراح فيني
صمتي قتل في دخلي كل الامال ** وتبخرت احلام اول تجيني
كنت احسب الدنيا قصيده وموال** موالها حزن وفرحها هجيني
لكن نغمها ما طرالي على البال ** ان الليالي بطبعها تقتفيني
يمه جهلت اسنين واسنينن اطوال ** امشي وتصفق في هواها يديني
اطرد سراب وداخل الارض زلزال ** آه الظما يقتل سنابل حنيني
يمه شكيت وما بغيت اشكي الحال ** صوت هتف في داخلي سامحيني