علي الحزمي

[poem=font="Simplified Arabic,6,indigo,normal,normal" bkcolor="transparent" bkimage="backgrounds/8.gif" border="solid,2,indigo" type=2 line=0 align=center use=ex num="0,black"]
من بنات اليوم تسمع كـم حكايـة او حماقـه=والعجيب انه تنادي للمسـاواة فـي الحقـوق
شغلها الشاغـل حلاهـا بالمظاهـر والاناقـة=وكيف تجعل كل هايـم فـي معاليهـا يتـوق
لو تصوم الدهر كله لأجل توصـل للرشاقـه=غرّها شكل النحافه يـوم تحلـف مـا تـذوق
عندها المحمول يبغى كاميـرا فـوق البطاقـه=والثياب اللي عليهـا زاهيـه مثـل البـروق
لـو يناديهـا ابوهـا مـا تـرد الا بلبـاقـه=وش تبي قلّي وحدّك .... لا تعصّب وانت ذوق
صوتها الشّاجي تعلّـم امهـا معنـى الرواقـه=وما تفكّر مره وحـده فـي عنـاده والعقـوق
اختهـا والا اخوهـا كلهـم لأجـل الصداقـه=والحذر لو كنت صاحب وانت آمـل بالوثـوق
ساهره طـول الليالـي للعنـا تطعـم مذاقـه=وخوفها صوت الحبايب يختفي قبـل الشـروق
تشتكـي ان الدراسـه مالهـا بالحيـل طاقـه=وان منهجهـم تغيّـر والمعلّـم مـو خـلـوق
لـو تناقشهـا بقضيـه يتضـح انـه معاقـه=تحلـم بدنيـا غريبـه مـا تبالـي بالفسـوق
شرعها مـا يـوم يمنـع التبـرج والعلاقـه=المهم اللي يخـاوي صـادقٍ فيهـا وصـدوق
البنات اليوم تحكي كـل قصـه فـي طلاقـه=ما تفكّر باللي آتـي والا تحسـب للـي فـوق
يوم تنصحهـا تقلّـك خلّنـي اسـأل رفاقـه=لأجل تعرف هي وشايه والا وحي من الخفوق
والا تشكي ظلم خاين والا تبكي مـن فراقـه=ويوم يلقاها تقلّـه يـا حبيبـي كلـي شـوق
خلّني اسـرق فـؤادك ليتنـي أحكـم وثاقـه=ليتني القى لي شايب مـا يمانـع لـو أسـوق
وفارس الاحلام امست تنتظر لحظـة عناقـه=آه من زمن الغلايب ما رضـى مـره يـروق
حتى ذاك اللي هواهـا مـا يبالـي بالحلاقـه=وين فارسها المتيـم يـوم تحلـم مـا تفـوق
يختطفها بخيل ابيض او يسافـر فـوق ناقـه=ويكتب اسمه في جبينه من حبـر دم العـروق
ويوم تصحى من خياله مالهـا بالحيـل فاقـه=العمر في صمت يسري واللي باقي في نفـوق
واحنا من كثر العجايـب اعترفنـا بالحماقـه=يوم نادينا نطالـب للمسـاواه فـي الحقـوق

ابن الجبل

رائع اخي علي وإلى الأمام

ولو ان التعميم غير لكن

البعض منهن

الحالم

علي الحزمي

ابن الجبل هلا فيك اخوي
وشاكر مرورك وتشريفك
ولا عدمتك
اخوك
علي الحزمي

علي الحزمي

اقتباس أرسل أصلا بواسطة الحالم صاحب الكلمة الراقيه .. صاحب الأسلوب الأميز والأجمل .. علي الحزمي .. أقدر لك فكرك المصاحب ... لـــ هذه الموسقة ... ومحاولة إضاح الأكثر ...! دمت بكل الخير .. وكذلك نبضك وريشتك .. تحيتي ...

هلا فيك الحالم
وشاكر مرورك
وتشريفك
ولاعدمتك يالغالي
تقبل ارق تحيه
اخوك
علي الحزمي