سؤال محرج للبنات

بدوي روعه · 06-03-2006, 06:07 AM

السلام عليكم ورحمة الله وبركاته00

سؤال محرج للبنات ! !!!!!!!!!

لو مثلا انتي كنتي طفشااااانه ونايمه الظهر ويوم صحيتي لقيتي اهلك صاحين وجالسين يتغدوون قمتي جلستي

معهم وانتي واصلة معك الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص

ابوك من الغداء وقام هو واخوانك

التفتت عليكي امك وقالت لك :مبرووووك يابنيتي

انتي : مبروووك على ايش (طفشانه ومالك خلق )

امك : اليوم كلمتني حرمه تبيك

طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول

انتي : وش تبي الحرمة (انواع الاستهبال)
امك : تبيك تكنسين حوشهم وش تبي يعني

انتي : يعني تبي تخطبني (بريئة مرة )

امك : ايه وش قلتي

انتي : ماابغى اعرس (مسوية قوية وماهمك)

امك : طيب برسله لبنت خالك ( حشا صاااار ايميل مو ولد )

انتي : ياحليلك يمه تراني امزح على طول تصدقين

المهم بعد يومين دقت ام المعرس

ام المعرس : الووووو (متحمسة) وولدها جنبها

امك : الوووووو

ام المعرس : وشلونكم

امك : طيبين

شكلي بطولها المهم بوصلكم للزبدة

ام المعرس : وش قلتوااااااا

امك : موافقين

ام المعرس : اجل ترى يوم الخميس بيجي ولدنا يشوووف بنتكم

امك : اوكي ( عادي امك متطورة )

المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب

والسؤال المهم :

0

0

0

0

0

0

0
0

0
0

من يوم الاثنين الى الخميس اوصفي مشاعرك ؟ ؟؟؟

MISS_Dr.Rae3 · 06-03-2006, 08:58 AM

امبيـــه قمة الاحراج

بصراحه هي بتكون 4 ايام بس عن دهر
مشاعري بتكون عاديه اذا هالشخص عادي عندي
بس ليامنه كان( موب عادي ) (*37)
فوقتها راح اكون مربوشه ومسنتره ع المرايه
ياما كسرت شي والا ياما تخثعت بطرف ثوبي (*33)
وما بيبقى شي بالدواليب والكامودينا بتنعفس فوق حدر (*16)

:

والله سؤال محرج جدا" يامارد بدبد (*9)
وع فكره انا مابعد عشت ذيك اللحظه
بس اوعدك بحيل الله ان الله كتب لي عمر
برد ثاني لذا الموضوع واعبر عن مشاعري اللي صارت (*37)

بدوي روعه · 06-03-2006, 11:15 AM

اقتباس

أرسل أصلا بواسطة MISS_Dr.Rae3


	والله سؤال محرج جدا" يامارد بدبد (*9) وع فكره انا مابعد عشت ذيك اللحظه

جعل

السعد

فالك
وتجي اللحظه اللي منتظرتها
زي ما تتمنين ..
ربي يسعدك ويحقق لك أمانيك ...
وفي انتظار عودتك الى الموضوع

ضحيت بعمري · 06-03-2006, 02:05 PM

خخخخخخخخخخخخخخخخ ذكرتني بالمي مضى

الله يقطعها من لحظه ههههههههههههههههههه ههههههههههههههههههههه ههههههههههههههههههههههه

تبي الصراحه والله ماكنت انام وش بسوي وش بلبس يوووووووووووووه حوسه

والله مايستاهل كل هالحوسه والخوف ادخلي شوفيه واطلعي

<<<<<<<<<<<<قويه هههههههههههههههههههههههههههههههه

سؤالك حلو بدبد

تحياتي لك

بدوي روعه · 06-03-2006, 06:26 PM

مرحبا بوضحى
وشكرا على مشاركتك التي بينتي فيها
الحوووووووسه اللي كنتي فيها

يالله يابنات اسمعوا نصيحة وضحى
ترا الامر عادي هههههههههههه

bint_aldosseri · 06-03-2006, 09:16 PM

ههههههههههههههه

اذا جربت اكيد راح اخبرك لاني مابي اقول كلام يمكن تالي يطلع غير

تسلم على الموضوع

تحياتي لك

بنت الدوسري

بدوي روعه · 06-03-2006, 11:15 PM

هلا بهالطله بنوته
شكرا على وقفتك والفال لك بالسعد
واتمنى انك ما تنسين وتخبرينا
عن الحوووسه ووووو زي ماذكرت الأخت ضحيت

رحيل المرام · 19-03-2006, 12:40 AM

انا منتظره هذه اللحظه بفارغ الصبر (*33) ههههههههههههههه
اكيد بتسنتر عند المرايا وكل الي بالدولاب باجربه وماراح انام لين مااشوف عريس الغفله (*35)

Dr.Rae3 · 19-03-2006, 02:06 AM

تم النقل للعامه لختصاص الموضوع بهذه الساحه

بدوي روعه · 24-03-2006, 12:57 PM

هلا بك اخت رحيل المرام
وشكرا على مشاكتنا بشعورك

ربي يحقق لك ما تتمنين

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)