صاحب السمو

هذه القصيده لكل العزاب الي في المنتدى وأنا أحدهم (*10)

انـا العزوبـي واتقطـع تقـطـاع
على زواج البنـت تدمـع عيونـي
انا العزوبي وين مارحـت مرتـاع
زيـن العـذارء يالعـرب جننونـي
اشوفهم في كل روحـه ومرجـاع
من حيث ماوليـت هـم عذبونـي
فالبيت فالتلفاز والصـوت مذيـاع
حتى العمـل يانـاس مافارقونـي
وليا نويت السوق نـاوي تبضـاع
اروح وارجع منخطف حيـل لونـي
ارجع وقلبي حايسٍ بين الاضـلاع
مـن زود دقاتـه تخلـع امتونـي
اللـي تغنـج فالمشـي بالتـدلاع
واللي تناظرنـي بطرفـن فتونـي
وام العيون السود والرمش قطـاع
وام الجدايـل والكحـل بالجفونـي
وام النقاب اللي تمصعـك تمصـاع
قـدام عينـي والبشـر يشهدونـي
كنها تمتـع فـي عذابـي تمتـاع
وانا العزوبي كان ربي ف عونـي
واهل الجنوز الضيقه واهل الاوساع
مدري وش اللي حدهـم يلبسونـي
منهـم تجرعـت المـراره تجـراع
في كل يوم يزيد همـي وحزونـي
لو نطلع المريخ في لحظه وسـاع
نلقـى العوايـل قبلنـا يطلعونـي
من بعد طرح وجمع وهموم وصراع
قررت انا اخطب بنت وانهي ظنوني
وفي ليلة الفرحه تقول اني مرتـاع
ومن زود مافيني تراقـل سنونـي
ابوها قـال اليـوم مانـي بطمـاع
عندي شروطن للمهـر واعذرونـي
يقوم يوحي لي ويشـر بالاصبـاع
يبغي المهـر ميتيـن او يكثرونـي
يقول يبغى العرس في قصور واقلاع
ونبغى ذهب لام العروس المزونـي
ونبغى الحلا والكيك من كل الانواع
تبـون والا ياعـسـا ماتبـونـي
ناس ٍ تحسب البنت شروه ومبيـاع
تبي المكاسـب لـو زادت ديونـي
ماهمهم لـو زاد همـي والاوجـاع
ماهمهـم ياكـود ملـي البطونـي
يامؤمنـن بالله ساجـد وركــاع
بنتك امانـه حـاذر انـك تخونـي
لا تعنس ابنيتك في سّبـت اشبـاع
نفسك وجمع افلـوس ماينفعونـي
بكره ليا جتـك المنيـه والاوجـاع
تنـدم ولا ينفعـك دمـع العيونـي
الخيمه اللي بدون عمدان وشـراع
يمكن تطيرهـا الهبايـب بهونـي
انـا العزوبـي واتسكـع تسكـاع
تكفـون بالله يالعـرب زوجـونـي

لولو الجنان

[all1=#CCCCCC]مشكور .............
أخوي على القصيده ..
صح لسان قايلها ..(*40)
تقبل مني خالص الود
أختكـ
لولو الجنان [/all1]

Brad Pitt

صح لسانك
تســــــــــــــلم
مشـــــــــــــــــكور
دمــــــــــــــــتم سالــــــــــــــــــمين

Brad

صاحب السمو

لولو الرائع

براد العزيز
أشكركم على هفتكم على موضوعي

لكم أجمل تحيه
semon

زاحـف 902

انـا العزوبـي واتسكـع تسكـاع
تكفـون بالله يالعـرب زوجـونـي
.:.:.:.:.:.:.:.:.

صح لسان قايلها

وتسلمين على النقل

MISS_Dr.Rae3

صاحب السمو

JIjJjJI

صح لسانك (*40)

بس ترا هالقصيدة ماتنطبق على كل العزاب الي بالمنتدى (*40)


سلامي لك
ودمت بود

اخوك الزلزال

مهنا المهنا

شكرا اخوي على هالقصيده
لك
ودي
مهنا المهنا

صاحب السمو

أشركم على المرور الذي أضاف لمسه للموضوع