$$ اَلخِيَانَه نَوّمَتنِي وَسط قِسمَ النَاصرِيّه $$

بـ ح ـر )@( الـ ح ـب · 06-05-2006, 07:50 AM

بعد التحيه والاحترام

مساكم الله بالخير جميعا

يا معشر التماسيح

ويا معشر السحالي

هذي نصيحه من اخوكم اللي هو انا

نصيحه من كل اعماق قلبي

ومن حشاشة جوفي خخخخخخخخخخخخ

نصيحه ابعثها لكم عبر هذه الورقه
وياليتكم تاخذون العبره

أنصحكم بعدم شرب الموكا البارد هذه الايام هع هع هع هع
>>>> اول مره يشربه ليلة البارحه خخخخخخخخخ

اقولكم السالفه

طلعت البارح من البيت بعد صلاة العشاء , المهم وقتها كنت فاضي وما عندي شغل , جلست اراجع حساباتي وافكر تفكيرا عميقا على من اتصل من زملائي المحترمين
فكرت وفكرت وفكرت
دورت و دورت و دورت
جلست ابحث في جهاز الجوال عن الاسماء المتصله خخخخخخخخخ
>>> صار ماسنجر هع هع هع
المهم وقفت عند الاشاره ..!!!!
طالعت يمين وشمال , كل اللي حولي معهم عوائل
وانا ابي واحد لحاله علشان يخاويني خخخخخخخخخخخخخخ
>>> كل من هب ودب يركبه معه هع هع هع هع

المهم ما لقيت احد
طالعت في الجوال , وبحثت في الاسماء وشوي واشوف رقم مخزن عندي من زمان ولا اتصلت عليه
هو رقم حمود <<< واحد من زملائي ايام المتوسط خخخخخخخخخخخخخ
قلت يا ولد خلوني اتصل عليه واشوف اخباره
والله واتصل عليه
طاط طيط طوط ططاط طوط ططيط طوووط >>>> هذا صوت الارقام وانا جالس اتصل هع هع هع
المهم طالعت في الجوال جاري الاتصال حمود >>>> لا يا شيخ
المهم دق جوال حمود
طوووط طوووط طووووط
بعد رابع نغمه رد حمود >>>>> شكله ما بغى يرد هع هع هع هع
حمود : هلوووووو >>>> مسوي اخلاق الولد خخخخخخخخخخخ
انا : هيلوكبتر تشق جبهتك خخخخخخخخخخ سلامن عليهم
حمود : ارحب وعليكم السلام >>>> صار يرد زين هع هع هع
انا : اقول ما ودي اطول عليك , وينك بس , نبي نتقابل ؟؟؟؟
>>> انا اللي متصل واقول ما ودي اطول عليك خخخخخخخخخخخ
حمود : ايه فاضي , خلاص نتقابل عند برج المملكه
انا : يالله باااااااااااااااي الوعد هناك

مدة المكالمه 30 ثانيه خخخخخخخخخخخخ

المهم اتجهت لحمود في شارع العليا العام , وازعجته بالاتصالات لاني ما اعرف في العليا شي خخخخخخخخ
>> قايلكم ما يطلع من النسيم هع هع هع
المهم واجهت الرجال هناك وسلمت عليه , قال حمود وقف سيارتك واركب معي نروح نتقهوى زي العالم المتطوره , عاد انا ما صدقت خبر ودي اذوق قهوة اهل العليا >>>>>> ما درين انا بنروح لكافي خخخخخخخ
المهم والله واتجهنا لدكتور مكيف >>>>>>>>> قلت الاسامي خخخخخخخخ
والله ويطلب لي حمود موكا بارد , وبصراحه انا ما اعرف الى شاهي سكر زياده وقهوة هيل زياده هع هع هع , المهم تقهوينا واخذتنا السوالف مع بعض , المهم انا بعد هالموكا تنحت وحمود مستلمني سوالف خخخخخ , المهم طالعت في الساعه الا وهي وحدة ليلا انا ما صدقت , قلت يا ولد سرينا
والله وحنا نشغل الموتر ونسري , وانا انزل عند سيارتي انواع التنح حتى الموتر بالملعنه شغلته
المهم طلعت ورحت لمقهى نت وجلست فيه شوي والوضع ما يساعد , جالس على الكرسي مفهي اطالع في المواضيع ولا ادري وش فيها , قلت خلوني اروح للبيت احسن , على الاقل اتنح وانا منسدح احسن هع هع هع , المهم رحت للبيت وانسدحت على ظهري , ورافع رجولي على مركى خخخخخخخخ
المهم حسيت اني ابي اكتب موضوع , وجاني هالموضوع اللي ابسدحه لكم

الموضوع له سالفه , سالفته ان فيه واحد عزيز وغالي علي في يوم من الايام خانني , انا نسيت الموضوع , بس بعد ما شربت الموكا تذكرته , وقلت لازم اكتب فيه رساله مدري خاطره مدري وش يسمونها , اهم شي ان الكلام عتاب خخخخخخخخخخخخ اخليكم مع الرساله العتابيه لهذا الشخص :

السلام عليكم ورحمة الله وبركاته
الى من يهمه امري ...
الى من اعطيته سري ...
الى من كان اسمه في دمي يجري ....

اليك انت ايها الخاين ....؟؟
كم تمنيت ان انتقم منك ....
ولو بشوته بكرتون فاين ....

انت الوحيد الذي تعلم جميع اسراري ...
وغيرك ما يمديه يعرف ولا سر ...
والله انك ما تقدّر ....

انت الوحيد الذي كنت تجمع افكاري ....
وتحتفظ بها داخلك ....
ولا يراها احد غيري ....

كم كنت اخاف عليك من اللصوص ....
ولا اضعك في عش الحمام والصوص ....
وادرايك في حركاتك كي لا تصاب بكسر ...
واسهر معك الى ما يقارب الفجر ...

كنت المس جرحك بكل حنان ....
واذا مرضت اوديك الى طبيب فنان ...
واخاف عليك من لقافة من فيهم جنان ...

وفجأه ....

تخونني ..........
فكرت في الاسباب ...
ولم اجد سبب مقنع لخيانتك ...
فتحت جميع الابواب ...
وللاسف لم اجد اي دليل ...

ماذا الذي دهاك .....
وغيرك من رضاك الى جفاك ....
وسمعت كلام اعداك ......

كنت تمشي مع في حلي وترحالي ...
سافرت انا وانت الى كثير من المدن ...
وكنت انا لك خادم ...
وانت مرتاح ولا تفعل شئيا ........

كنت اضعك في مكان آمن قبل ان انام ...
واعشيك كل ما سمعت صوت بطنك الجوعان ...

آآآآآآآآآآآآآآآآآآآآه بس
آآآآآآآآآآآآآآآآآآآآه بس

وما تكفيني الاآآآآآآآآآآآآآآآه

والله لو لك شعر لسحبك معه الين تعرف انك خسيس ....
بس مشكلتك انك املط .......

والله لو بيدي احرقك كان حرقتك ....
بس اخاف من الشئ الحرام .......

لو بيدي اكسرك والله لكسرك .......
بس مشكلتي ما احب التبذير .....

انت تعتبر من اساسيات حياتي ...
تعتبر من روتين يومي ....
تعتبر الصديق الونيس ....
عندما احس بالملل والطفش الجأ اليك ........
عندما اريد اسمع اخبار زملائي الجأ اليك .....

عندما وعندما وعندما .............. الخ

الان اعرفكم هلى هذا الخائن ........

انه الجوال

عندما اردت الاتصال بحبيبتي ....
وجدته استقبال .....

انه طماع ....

ولا يشبع من المال ........

يا عزيزي الجوال
يا صيدقي ...
يا من له عيني كانت سهيره ....
يا من صوتي انبح من اجله ....
يامن اذني حمرت علشانه ...

يا من ويا من ويا من ........... الخ

اسمع هذه الجمله ......

اذا شفت مستخدمك عسل لا تلحسه كله

المهم هذا هو الجوال الخاين
في يوم من الليالي , كنت ابي اتصل على حبيبتي خخخخخخخخخ
>>> حبك برصن احول هع هع هع

المهم يوم جيت اتصل طلع عندي مكالمات محظوره >>>> ما هو وقته خخخخخخخخخ
المهم كانت ماسكه معي اني اكلم
طلعت من البيت وشغلت السياره
اتجهت الى اقرب صراف علشان اسدد الفاتورة
ومن قرادة حظي صرافات النسيم وقتها كان ما فيها تسديد فواتير

قلت لابو النسيم ولابو اللي يسكن فيه
شعب طفرراان اكيد ما يحطون عندهم صرافات زي الناس خخخخخخخخخ

المهم قلت ما فيه الا العليا , هناك ناس هاي هاي واكيد صرافاتهم فله

المهم مسكت طريق خريص وحاطن رجلي امشي 180 كله علشان اسدد بسرعه واكلم
>>> الوقت كالسيف

المهم طلع قدامي تفتيش

وقفت عند الشرطي اللي هو رجل الامن
الشرطي : الرخصه والاستماره
انا : طلعت بطاقة الصراف خخخخخخخخ >>>> كان تفكيري كله في الصراف هع هع هع
الشرطي : سلامات وش فيك شارب شي ...
انا : وبوجه برئ ... شارب لبن الخيانه خخخخخخخخ

الشرطي انلحس مخه وقال هات اثباتك ووقف على اليمين , والله وانا اوقف وانزل , المهم طالعت في السياره حقتي الا ما هي فيه , سألت الشرطي وين سيارتي , قال راحت تشرب لبن خخخخخخخ
>>>> يعني راحت للتوقيف اللي في ضاحية لبن هع هع هع

قلت طيب كيف اروح للبيت ؟؟؟
الشرطي : لا حبيبي اليوم بتنام في فندق خمس نجوم ..!!
أنا : احرجتني والله , بس ابوي يقول لا تنام برى البيت >>>> صار مؤدب خخخخخخخخخ
الشرطي : اقول لا يكثر انت اليوم بتنام في التوقيف

والله ونفذ كلامه الشرطي ورحت للتوقيف

ونمت فيه واليوم الثاني طلعت

الفائدة من الخرابيط اللي فوق

1 ـ اذا بتشرب موكا اشرب موكا حار وانحش عن شي اسمه بارد .
2 ـ اذا بغيت تفكر في شي لا تفكر وانت منسدح .
3 ـ اجعل الحد الائتماني لجوالك 300 ريال واذا فيه 250 ريال يكون احسن .
4 ـ لا تسرع , فالنوم في توقيف الناصريه أسرع .

انتهى
ودمتم سالمين

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)