يا قديم الغوص في بحر الهـوى =وش لقيت بغبة البحـر الغزيـر
علم اللي جـس شطـه واهتـوى =ما بعد جرب طويلـه والقصيـر
قالوا انه من جميع أمـر حـوى =فيه سر وفيه شر وفيـه خيـر
واسمع انه من ركب موجـه دوى =من فعل موجه غريقه بستجيـر
واسمع انه من لمس شطه غـوى =ما يفرق بيـن بحـره والغديـر
واسمع انه من على تركـه نـوى =يجذبه سحره ويرجع له كسيـر
لو تجـرح فيـه قلبـه واكتـوى =ما يتوب ولا يريـح ويستخيـر
وش جمع حلوه على مـره سـوا =هي حلاة الحب في الكاس المرير
رغبوني ليـن قلبـي لـه هـوى =وانذروني لين صدقـت النذيـر
خوفوني منـه والقلـب التـوى =راغب ومعيف والخايـف يحيـر
هو صحيح ان الهوى مالـه دوى =خبر اللي جاك عانـي يستشيـر